瑞士咖啡室

营业中

休息中

中環舊式茶記食物好味，價錢相宜😋👍🏼,在中環區亦少有的---「蛇一蛇」下午茶餐---亦唔錯多款式選擇。瑞士雞翼麵、公司三文治、多士炒蛋，雖然都係一般茶餐廳食品，但係在此食到的😋👍🏼好味。少許提示：怕凍人士或帶女朋友去用餐的話，記得穿外套，呢間茶餐廳啲冷氣比較涼快😅

老闆萬歲，請食下午茶。其實一個office 叫下午茶，通常來來去去都係果一兩間，因為叫開有條路，有晒餐牌。我地office 都係瑞士咖啡室嘅常客。雖然成日食，但其實水準真係麻麻，d 野來到永遠都係一pat pat，件西多乾「爭爭」，無咩味，又「鞋」口，紅豆冰又淨係得d 淡奶味。其實lee d 老闆請客嘅外賣，雖然係免費，唔洗自己俾錢，但一來唔好食，食完又會肥，都係一種另類嘅浪費。究竟中環會唔會出現又平又好味嘅外賣？

我好鍾意中環呢間帶有港式懷舊風味嘅茶餐廳, 未入嚟已經一心朝住瑞士雞翼進發!!嚟到之時, 正值蛇一蛇下午茶時間, 見到瑞士雞翼4隻都要$32, 咁我梗係貪心啲嗌個常餐啦~瑞士常餐 ($50), 包括牛油多士、火腿奄列、瑞士雞翼公仔麵、餐飲.  單睇牛油多士同火腿奄列嘅份量都唔細㗎, 味道都係維持茶餐廳應有水平.  至於我嘅主角瑞士雞翼呢?! 瑞士汁濃郁夠味, 果然冇令我失望呀~ 同埋出面啲茶餐廳跟餐多數都係得3隻, 呢度一嚟就有4隻真係可以食到你滿滿足足咁離開.講真, 以$50食一個常餐真係有些少貴, 不過以中環嚟講算係咁.

自從上次爆出沙門氏菌食物中毒事件後，都一段時間冇嚟食晏，劣食還劣食，都係要就下啲同事嘅，多人食又要揀間平嘅話去得邊呢？一般冰室menu，茶餐廳都仲有炒粉麵揀，呢度係冇嘅。劣食當然係叫返茶餐最安全😶塊多士好似隔左好多晚夜咁硬，基本上可以直接走包唔洗試，無謂浪費啲食物。炒蛋煎火腿都係你自己喺屋企整咁嘅質素，咩炒蛋有蛋汁嗰啲廢話完全係自己呃自己。五香肉丁係罐頭，味道絕對冇問題，問題係我個出前一丁未煮好呀！！！我個加左四蚊嘅麵底啊👎🏻👎🏻👎🏻唯一做得好嘅係杯奶茶，我唔否認奶茶係幾好。話瑞士係劣食真係唔過份，但點解每日都仲人山人海排哂隊？完全係因為價錢，以前茶餐$39，宜家$42，都仲係好平(喺中環)。明知係咁嘅質素，仲係要去食，你話人生幾多無奈？

喺中環假日想食早餐，唔知邊度快靚正，搜到利源西街有呢間茶餐廳，比我感覺似澳牛，二話不說就試了但好隱蔽，d街邊檔遮住晒，但入面好大，好多人，因流量快，好在有位。喺中環，$33一個早餐，同出面比，價錢完全合理，方飽烘埋多士都唔駛加錢，荷包蛋都煎得唔錯，可轉炒蛋。叫左沙嗲牛肉公仔麵，同通粉，仲可簡意粉/米粉，沙嗲牛肉個汁好濃，牛肉唔韌，係兒時味道，而家茶餐廳唔係間間做到。奶茶都好香滑，因我唔落糖，茶膽差就會苦，但呢度香滑。比起翠華，呢d懷舊茶餐廳真係正好多，價錢又抵，希望呢d風味繼續延續啦～

午餐最愛食茶記，平平地又好味！利源西街食店林立，而我就幾喜歡宜間舊式裝潢既茶餐廳！別有一番香港地的風味！order左茶餐五香肉丁米粉，餐飲當然是奶茶喇！自從之前飲過一次宜間茶餐廳既奶茶，就覺得幾有水準了！奶茶茶味濃，口感夠濃，唔會有茶澀味，的確一試令人難忘！！！幾驚訝五香肉丁夠大粒，份量又夠。通常去茶餐廳吃五香肉丁，很多時都好少好細粒，或者會好細碎！牛油餐包也不俗，牛油塗滿整塊餐包，即使餐包沒有烤底都唔會乾巴既！入口每啖都食到牛油味！

假期去離島，當然去中環坐船。 IFC附近都連鎖快餐店，外傭也多。 想舒舒服服食个西式早餐，就揾到去橫街 …利源西街，原本有間心水的Bagel 店，但未開門。 便去隔離瑞士茶餐廳。唔係第一次光顧，這店裝修成舊式茶餐廳。之前食午餐無咩特別。今日第一眼就見到餐牌 “早餐極品”。 有火腿奄列，兩款選擇的通粉，仲有菠蘿油或熱狗。 見到熱狗已合心水。 咁多野，當Bunch食perfect。 餐來了。。全个餐份量十足，熱狗不是迷你版哦，通粉軟硬適中，唔錯的早餐。 仲係供應到１２點，會介紹比响中環工作的朋友試下。 食晒全份，有力去玩o路。

Happy Firday tea 一 tea同同事一齊叫左瑞士咖啡室下午茶 , 揀左個吞拿魚烚蛋多士 (HK$22) , 跟飲品, 凍飲加HK$3$22 tea 向中環地區幾抵不過外賣黎到就知點解咁抵, 原來幾細份的!幾適合口痕想又食少少野~吞拿魚烚蛋配上醬汁，似係有沙律醬，個味調較得好好，配上烘底多士好好食價錢比一般茶記貴少少,（因為好多同樣價錢大份d!）,不過又真係好食d既!

Lunch time等15分鐘到有位，餐廳有兩層，地下果層樓底高，位與位之間都夠空間，坐得舒服，唔會迫。室內掛左舊街景嘅畫，又有舊式地磚，環境懷舊得黎唔會太假。點左個$44快餐，揀左瑞士雞翼叉燒葡汁意粉加杯熱奶茶。碟意粉都幾大碟，好多叉燒，雞翼有兩隻，葡汁都夠撈曬成碟意粉。叉燒有幾舊半肥瘦，其他都係瘦，不過肉質唔乾，都ok。瑞士雞翼都夠味，雞肉嫩滑，如果再入味d會更好。

常覺得茶餐廳裡的食物是最能代表香港，上至奶茶、蛋撻、菠蘿油，下至乾炒牛河、星洲炒米，都不是在別的地方能找到的美食。是日很想吃個地道的茶餐，眼見面前有家港式餐廳，下雨天不想多走便推門內進。下層店面裝潢懷舊，樓上放了好幾張木摺檯，中午時間要和人搭檯是常識，幸好店員沒強行多擠人，坐得說不上舒服但可以。望著餐牌密密麻麻的文字有些混亂，除了一般的多士加麵食外，每日還有約六個午餐供人選擇，價錢由四十多至五十不等，人在午餐動輒七、八十的中環，算是不貴。瑞士雞翼常餐$49雞翼有四隻，大隻且軟滑，有家的味道，可是公仔麵煮得淋身，味道淡，頗為難咽；火腿奄列正常，還保留了些蛋汁在內，不過多士只烘一面，脆口度大減，放一放便變得軟身又韌，沒神沒氣。 明明沒吃早餐，但到最後居然完成不了；同一樣的東西，不同地方的演繹真的有很大分別，為何別人會較出名、較成功，總是有原因的。

係中環想平平地食過Lunch瑞士咖啡室係一個唔錯既選擇!!$39就有交易...牛油多士x煎雙蛋x五香肉丁米粉，仲有餐飲送添!五香肉丁份量唔多，但方狀型既肉丁唔算切得細粒，有嚼口!而且肉丁夠哂辣，配上米粉，宜個組合一流!米粉索哂五香肉丁既辣汁，夠哂入味!可能係外賣既原因牛油多士唔夠脆，唔夠香口!仲有牛油多士既牛油唔夠香濃，食唔到牛油味！相反，煎雙蛋既水準就十足高!!蛋夠香滑，炒蛋生熟度控制得十分好，炒蛋仲有小小生，食落仲有d蛋汁，夠哂好味!

行完中環海濱長廊的藝墟，感受完熱到可以煎蛋的天氣，立即走進IFC再逛逛，又開始肚餓了。友人便提議到平靚正的瑞士咖啡室，嘆個瑞士雞翼常餐平時到中環區見面都只多約在Soho區飲飲酒，輕鬆下，所以到現在都未試過瑞士咖啡室。但友人卻突然停在門外，眼定定的看著大餐牌，我不解的問她，她說一定要看定選擇叫什麼餐才可以進去，不然會容易被伙計xxyyzz，我心想會不會這麼誇張啊，又不是到澳牛😖😖突然好緊張添😂咖啡室環境令人像回到70、80年代，用的是舊式電風扇、米黃色的牆磚和懷舊啡白地磚。四點多才到，客人不多，可以靜靜地慢慢嘆個下午茶！來瑞士咖啡室，為的是嚐嚐它的馳名瑞士雞翼，試試是否真的像傳說中的甜度適中，入味可口。可惜......無緣......而更令人O嘴的是叫咩無咩......🙋🏻：要個瑞士雞翼常餐，唔該！伙記：雞翼賣哂🙋🏻：咁要菠蘿包呀伙記：菠蘿包賣哂🙋🏻：Er....咁沙爹牛肉包呀！伙記：都賣哂🙋🏻：@@@（嘴已O....)最後試不到我們專程而來的瑞士雞翼....變成局住食西多我叫咖央西多士，友人叫的是芝士火腿西多士伙記傳說中的「霸氣」就在送西多時盡現，她是粗魯而用力地「送」上，但力道又拿捏

是日搭叮叮玩懷舊，知道有間餐廳唔錯，於是黎食過下午茶先~~入到去叫左個雞翼撈丁，純粹試食瑞士雞翼。 啲雞翼好淋好入味呀! 本身己經索哂啲汁，正到痺! 佢另外俾個汁又夠多，都唔洗倒哂落個麵度。 撈完之後，個麵已經變哂黑色咁滯。。。上哂色~ 個汁真係好正!個麵好濃好入味呀!!

「Leonard，你又遲到，Johnathan己經去左餐廳排隊。」我邊走邊說。「真係唔明點解每次同Johnathan食飯，都係去呢間餐廳。」Leonard不滿地道。「果到係佢既飯堂嘛！又經濟，又方便。係中環，一個午餐只係40蚊，邊到搵到。」「我知，但係餐廳出面都幾污糟吓。」「就吓佢啦，不次先同你食餐好啦！」Leonard和Johnathan跟我是同事，大家差不多同期入職，彼此都很投契，所以間中會一起吃午飯。我們很快已經到達餐廳，只見門外有近二十人沿著餐廳外的小巷排隊，而Johnathan就在隊伍的中間。的而且確，小巷的衛生環境頗一般，不過餐廳裡面倒是可以接受。不用五分鐘，伙計已經給我們安排座位。我要的是茶餐，牛油多士﹑火腿炒蛋﹑茄底牛肉意粉及奶茶。厚多士烘底，配上牛油，味道不錯。炒蛋不算嫩滑，火腿則是大路貨色。這裡的牛肉意粉可以配上蕃茄茸，味道酸中帶甜，令人開胃。奶茶奶味較濃，口感很滑。不過我偏向茶味較濃的奶茶，個人感覺一般。伙計見我們三人吃完食物後就立刻收起我們的碗碟，我們亦知趣離開，用餐時間前後不用二十分鐘。這裡雖然食物一般，不過似終有些事，比食物本身重要。

今日提早放工去覆診，喺無論甚麼時間都咁多人嘅中環真係唔知食咩好，好多地方見你一食完就好似想趕你走咁，呀……1俾我諗到喇，就係瑞士咖啡室，因為我一個人所以比較好揾位，可以試下傳聞中嘅瑞士雞翼，一走進瑞士咖啡室就有種很懷舊嘅感覺，牆壁，地磚，枱櫈同埋周圍嘅擺設都很懷舊，連d伙計都比較年長，至於服務就係冇乜服務，今次係第一次幫襯，試咗個叫“瑞士雞翼常餐”，其實見佢menu都仲有好多選擇厚多士很鬆軟不錯，不過個蛋就係普通蛋囉冇特別，同埋我覺得煎得太熟冇乜蛋汁主角出場喇，4隻大大嘅雞翼，煮得剛好不會太淋，瑞士汁嘅味道ok不過可以再重味些小最後盛惠52蚊，價錢都算合理