琦興餐廳

营业中

休息中

茶餐廳嚟講職員都幾nice，餐廳阿姐好好客。餐廳裝修到好似冰室咁，座位都幾闊落。--🔥 生炸巨型雞髀 配黑椒汁飯 例湯 HK$50OMG 送到黎，真係好大隻唔係講笑。🤣 雞髀皮好脆，而且唔會好肥好油嘅感覺。汁可以選擇茄汁、白汁、黑椒汁。飯量都超多，汁都好夠，撈飯一流。.🐥 無骨海南雞 配油飯 例湯 油菜 HK$54呢個餐整體好豐富。平時食海南雞得面係雞，下面可能係其他菜料，但佢又真係成碟滿滿嘅雞肉，無呃秤。不過呢個價錢，雞就一定無咁滑。

今朝嚟咗深水埗做嘢，每次黎親深水埗都係喺福榮街嗰邊食嘢，咁岩行到嚟呢條街發現呢間冰室算係幾靚仔🤩🤩即刻吸引左入去幫襯🥳🥳望吓餐牌有我最鍾意食嘅扒餐，因為我好鍾意食雞扒豬扒嘅，今次就帶咗雞扒餐同豬扒餐，配火腿奄列同雙炒蛋😍😍呢度嘅配搭仲會有埋菜真係幾特別喎👍👍首先豬扒前得熱辣辣，咬落重好Juice🤟🏻🤟🏻而雞扒仲有驚喜添，個皮好脆，咬落去肉質超多，而且又夠大塊，好滿足❤️❤️炒蛋就冇乜特別，但係奄列就有驚喜，咬落去原來係充滿蛋汁同火腿，好鍾意呀❤️❤️最後咗杯鴛鴦少奶❤️❤️濃濃嘅😻😻啡底，配埋奶茶，簡直係Perfect match♥️不過一份呢個早餐一啲都唔平架😆😆😆

我叫咗個下午茶餐， $37炸雞髀加紅豆冰，加多$5有沙律第一眼見到加咗$5嘅沙律得好少，因為原本驚炸雞髀好熱氣所以想有啲沙律一齊食。但係呢個山楂雞髀，比我想像中好食好多，肉質好嫩滑 juicy !個皮好薄，上面有少少類似蒜鹽 嘅調味，令到雞髀更加好味，總之一啲都唔覺得熱氣！另外朋友叫咗咖喱牛腩，咖喱好香，但係真係辣咗啲，牛腩冇牛筋，係類似瘦肉嗰一種牛腩，所以係有少少失望。不過佢都算係林嘅瘦肉，都食得落但係唔係下午茶加嘢飲就要加$8 貴左少少

2月3日 下午2:30叫外賣 3:30送來明明餐牌上共叫$130 最後收費$145 打落去問點解 個聽電話阿姐仲惡過你：「你今晚6點打來俾我老闆啦 我打工 做咩要受你地氣 」不斷重覆依句 態度惡劣亂加收費 那邊加兩蚊 這邊加一蚊 足足加多十幾蚊大家都係街坊生意 好唔好味見人見智 但唔係咁樣做生意 之前都試過多收錢 一次半次唔緊要 但今次真心過份 明買明賣 我接受 tips我都俾左5蚊送外賣姐姐味道好不好見人見智 但收費絕不公道！！永不錄用

間茶餐廳位於通州街！晚餐既煲仔飯係唔錯！但一到早餐可能我真係唔識喇！我食吉列魚柳會變了沒有粟米🌽既(班塊)？可能我真係唔識！如果無貨是否早點同我講？唔係甘樣嗎？魚柳和班塊都不同嗎？因為我見到餐牌有吉列魚柳先想叫！但比左碟魚塊？由我細個開始食魚柳到現在！我真係第一次☝️如果我想要吉列豬排！你比左炸豬肉都冇問題喇！大家都係豬！仲有塊多士完全好似燒竉咗！$40似乎太貴喎！完全係欺騙！而且個阿姐服務態度非常之差！以後都唔會再來！

之前用外賣app買過琦興嘅茶餐都ok，外賣自取時順便問下鬍鬚老闆，西九龍中心附近送唔送外賣㗎，佢話送！咁就得喇👌，因為我諗住請同事食下午茶，想試下新嘢，又見唔係貴，平均$3x內一個搞掂，我哋叫咗大約17份茶餐，只係承惠$590咋。其實請同事試新野，真係有啲壓力，驚唔好食🙈，好彩無伏，評價仲幾好！有人叫焗飯、炒粉嗰啲，下午茶餐size但無特別細，佢哋都話味道ok。而作為食肉獸，我就梗係唔會放過炸髀啦🍗，有啲同事本身都想嗌，但上網見相好似唔係好吸引喎哈哈。後來佢哋發現走寶了🤣。生炸巨型雞髀🍗($35)，奉送紅豆冰／菠蘿冰，話明特別推介，真係無做壞招牌！同事拎比我時已經聞到好香，仲發現原來連個餐盒都特別大個！當然打開後，隻雞髀都真係無呃人，係超巨型㗎，大塊過我塊面。我仲特登影咗對比圖，顯示佢有幾大隻XD，等其他人睇到我嘅食評可以作客觀參考😂。炸髀送到嚟都仲算熱辣辣，香噴噴，炸皮脆脆的，無見到好明顯好油算係咁啦。味道方面，🐔雞髀夠哂味，鹹鹹哋，唔止得個皮有味。我最擔心係咁大隻雞髀，入面炸唔熟，血淋淋，要切咗一忽去。但呢隻真係全熟👍，抵讚，滿分推介😋。如果加$5就可以配埋薯條或沙律，但齋食隻髀已

住得近所以間中會幫襯呢間茶記，最初覺得食物質素同環境都唔錯。但唔知點解最近啲食物質素下降，有次仲喺張櫈度爬咗隻小強出來... 好彩並不是發現在食物當中。不過食肆有小强都預咗，只係見到會驚驚啫！反而比較不滿係打電話叫外賣，落單姐姐態度惡劣，講說話無尾音，而且未講完就cut人線... 可能好忙，但希望都可以改善一下！試過幾次叫外賣，只係其中一個姐姐係咁，認真趕客，加上依家咁多外賣app，再唔改善好容易被淘汰。

有日去朋友公司拎野，就tea time,朋友介紹佢公司附近有間必食巨型炸雞脾$35，友人講到甘正，就去見識一下啦首先影下午茶餐牌比大家，選擇多，價錢都實惠，始終深水圳區，價錢都無甘離地甘環境方面就一般茶餐廳，乾淨企理，有香港味道重頭戲巨型炸雞脾，真係好大隻，大隻過塊面，皮超薄，炸得超脆，重要係金黃色，完全係令我十分驚喜！十分出色，加配沙律/薯條+$5套餐免費跟紅豆冰或波羅冰最後叫左熱檸水消一消濟，太飽啦

在家附近開了這間餐廳已經有幾個月，因為質素都不差，所以都經常會落去開餐，今日又落去食晚飯，老闆言談之間原來發現一個香港故事。其實呢間餐廳前身響富昌商場開，咁而家老闆個爸爸因為領匯收返個商場唔做，所以佢就重新用返呢個名再響新地址開業，明顯地風格，菜式同水準都比前身更用心做，作為街坊都幾欣賞👍🏻今晚來食飯，叫左老闆之前推介既半隻雞加一個小菜再送一碟菜既套餐，包兩個飯，兩杯野飲同兩碗湯。呢到既例湯係呢區算最用心同足料煲，唔係普通味精水，通常都係清潤既紅蘿蔔豬骨湯。而今日叫左霸王雞半隻，酥炸鯪魚球同蒜蓉炒菜心。霸王雞一定用新鮮雞製作，滑嫩雞肉岩岩熟透又唔會鞋口，不過對於食濃味既我就淡口左啲，味道可以加重返少少🙈炸鯪魚球都係新鮮炸，水準不錯，蜆介就應該係樽裝野來，不過都叫唔錯，差少少有大排檔水準。總括而言，$158有三味餸既套餐包野飲，水準又幾好，係好抵食，所以會繼續做飯堂🤗🤗🤗

香港地小店真是買少見少😉😉霸王雞大件夾抵食😍😍🥰性價比高🤩🤩🤩早餐三十蚊正正常常😛😛😛老闆娘幾有禮貌是富人情味！😍😍總括來說值得回頭的🥰🥰

我只可以講呢間餐廳越嚟越難食,佢啱啱開呢間餐廳嗰陣時我哋都幫襯過佢..今次應該第五次到...但係估唔到佢嘅午餐真係垃圾中嘅..無言！只可以講做生意唔係噉樣做，我見佢午餐嘅餐牌出現一個雜菜炒飯，價錢盛惠45蚊。我呢一個午餐名堂就係蒜蓉豬扒煙肉飯。佢送嚟嗰陣時，完全見到都唔開胃，佢嗰啲嘅汁嘅顏色，好似嘔吐物，豬扒同煙肉完全冇煎過，十足十係用水蒸完之後放上飯到，但仲要油淋淋，嗰塊豬扒薄切切，應該將一塊正常嘅豬扒，之後再切一開為二，佢仲要有一點一點紫色喺塊豬扒度。我見隔離枱嘅男仕完全都冇食過塊豬扒，只可以講做生意唔係求祈噉樣做。我知道要賺錢但係都唔可以咁過分，同埋希望做生意真係畀個心出嚟由其是做飲食。大家睇下張相啦，我唔多講了

今天我一個人食晚飯， 又想清清地， 但又想食好嘢， 所以自己一個人去咗琦興食晚飯， 他的舖頭雖然不是太尢， 但食物的種類很多，而我很喜歡食魚，所以清清地叫了一條新鮮的清蒸魚， 盲曹！盲槽的肉非常之鮮甜， 点上老闆自己自製的豉油， 豉油非常之鮮甜，將整條魚的鮮味提升！這條魚非常之新鮮，一點腥味也沒有， 魚上有很多蔥絲， 我最喜歡食這些蒽絲，鱼非常之肥美， 他的油滲出在魚汁裏面，真的非常之鮮甜，我不由得將他的汁放進飯裏， 把整碗飯也提升了！ 最後還來了一杯凍檸茶，將整晚的清淡滿足開心一一都滿足了！

今日行過深水埗新開的琦興茶餐廳，本來好想嘗試食下他的小炒 ，但係老闆娘就側介紹我他们的薑蔥霸王雞，初頭都擔心不好食，因為本人真的很喜歡食白切雞或者沙薑雞，很小食這個霸王雞，但既然是老闆娘的心意，我便膽粗粗的心態去一試，當霸王雞一送到我的面前，真的是非常之大碟，一個人真係無法能夠食得下，這碟雞、又有一碗飯、又有例湯送， 初時都擔心 要拎走 ，怎知這個霸王雞的薑蔥非常之好味配合這個雞的鮮甜，將薑蔥的薑蔥味道及霸王雞的鮮甜帶出嚟非常之天衣無縫！ 雞非常之嫩滑, 我一下子不自覺的把整碟雞都食完，最後我還向老闆娘大讚 他告訴我這是他們本店的鎮國之寶，好彩有聽老闆娘 的說話叫了這個雞，否則就後悔無窮，下次我會再來試他的小菜！

當你好肚餓又諗唔到食乜既時候香港就緊係去茶餐廳啦見到呢間新開既就想試下唔記得影朋友杯奶茶我個杯華田多到瀉既都係一般既阿華田呢碟就有驚喜因為有鑊氣依家想食到有鑊氣嘅炒粉好難難得呢間有仲要係下午茶價錢朋友叫左個焗豬扒飯飯有炒底有菠蘿雜豆三十幾蚊真係叫甘上下了見到好多人叫外賣應該做街坊生意性價比都幾高可以一試