琦興餐廳

营业中

休息中

經常都經常琦興，但好少入去光顧。今日食飯時間鬆動啲，終於可以一試。今時今日$47一個午餐包湯一杯飲品，已經唔多茶餐廳做到。肉絲份量足夠，味道都十分好，略厭少左啲鑊氣。#要搵間酒店比較下#招做打手翻食指數

我本人仍然坐在店內都等唔切要俾劣評因為大家報稱係黃店而突登黎幫襯，我真係專誠黎撐黃店，但我真係忍無可忍，我覺得黃店應該要做得更好囉😔我9點鐘黎到，坐在5分鐘先有人幫我落單，坐到而家9:44仍然無出到首先，落單姐姐態度其差！一位長髮姐姐完全無視我，不理我，有個熟客坐低轉頭就有嘢食，仲要係同我叫同一樣嘅餸嬲到我要即刻起身叫老細跟單😡😡😡冒住被加料嘅風險我都要出呢個post當我打完就見到啲出現喺我面前

openrice食評多是晚飯或茶餐時段，有關小炒或雞肶餐，評價有好有壞。但少見午餐食評，所以想試試。室內環境設計懷舊，最有感是它的紙皮石地設計。牆身以香港街景相片佈置。卡位設計闊落不擠迫。午餐時段有set, 碟頭飯加飲品$47，深水埗地區屬於中價定位。set lunch 選擇6個多是中式飯 ，我點了白汁雞絲飯，算是西式吧!白汁雞飯，上菜第一眼見到三色豆！可幸我對三色豆沒有特別喜厭，所以從食物擺盤上三色豆能點綴食物。白汁分量剛好送飯，雞肉沒有雪藏味，洋蔥增加口感。另外奶茶茶味較重。總括來說食物跟價錢成正比！

我真係冇乜寫食評但今晚係真心嬲到要寫出黎！上年開始搬左黎附近，個陣work from home都成日黎買外賣。之前佢地個無骨海南雞係好正，雞又多又滑，黃油飯都正常唔錯。但今日我再買同一個飯，真係好嬲。首先夜晚10點買外賣海南雞加個粟米肉粒飯等左超過25分鐘都真係有啲耐。第二，無骨海南雞係舊舊都有骨，而且係超！級！UN！咬幾次先撕得開舊肉😑 根本完全唔可以講係海南雞。成個感覺係隔夜浸雞再叮返熱咁樣。。個飯係直頭有陣臭味。。飯同油又撈唔埋，真係好差好差，係嬲到食左兩啖就成個掉左！我唔知佢地係咪轉左手，以前真係唔係咁，我真係希望可以支持多啲黃店，但都想佢地可以真心改善下。淨係「無骨海南雞」但出到黎舊舊都勁多骨已經唔可以接受。。真係勁失望😵‍💫

今次和社區協會組織合作贊助宿友及義工晚飯。叫了多個二人晚餐$166，好抵食！半隻雞都好大碟，雞又十分嫩滑，最喜歡砂礓雞10分夠味。蒜蓉炒菜都是大大碟。自選小菜好多選擇，最喜歡是生炒骨，涼瓜炆鴨。套餐還有兩碗大例湯及飲品，10分超值。

幾廿年老死急call,話想搵個地方傾下計,我家大人好識做立即放人,於是落左琦興.落到去,老死已經到左,仲買定左半打黑啤等緊我,佢個樣仲黑過黑啤.佢話,近來飲得多,買到連北河街有間酒鋪賣得平都知,熟曬行情咁話.原來佢又無因為政見同移民問題同老婆嘈,佢想移民英國.佢老婆全家係大陸唔走.7年前開始分歧,2年前係佢老婆口中聽過無數恐佈既說話,覺得好似鬼上身,又好似根本唔認識眼前囉個人.呻都會餓,叫d野送下苦水.蜜椒薯仔牛柳粒,薯仔有煎香,牛柳幾焾,濃味香口,送飯應該唔錯.大豆芽炒豬腸.豬腸夠肥,大豆芽爽脆,唔錯.七味雞中翼,炸脆既雞翼灑上七味粉,雞翼外脆內滑.蜆蚧鯪魚球,點蜆蚧超好食.椒鹽鮮魷,外脆得黎魷魚唔硬,送酒一流.唔知係咪平日佢對住佢老婆食唔落飯,今日食曬都話唔夠,再叫多半隻花甲辣雞煲,花甲賣曬,老闆話仲有三隻貴妃蚌,比埋落去.小辣的確唔夠辣,但都幾香,雞本身炒熟左,一滾起就食得.雞都ok滑,熄火浸住唔會鞋曬又入味,貴妃蚌好新鮮,沾左辣汁,鮮甜得黎又辣辣地.佢仲話想叫火鍋料,我已經飽到坐唔直.連送既糖水都食唔落 .邊食邊講,飲下苦水,吐下苦水,不知不覺夜已深.問老死決定點,佢話:應該完

天氣突然轉凍可以食煲仔飯喇朋友介紹呢間地道就黎試一試佢啦點左~一品煲仔飯(臘腸....臘肉...冬菇....蠔豉....干瑤柱)見幾豐富可以SHARE呀等左大約20分鐘所有材料切粒左都幾香既啖啖飯都有料口感係豐富既美中不足係無飯焦呀本人大愛飯焦就有少少失望呀~紅燒豆腐(小菜)想食下菜呀平行下個油利感呢個正正常常呀無特別出色但NOT  BAD跟餐有湯同飲品同飯呀PS係估唔到仲有糖水呀今晚係西米露我覺得OK既至少唔會太甜

餐廳本身位置偏遠少少，但深水埗黃餐廳選擇唔多 行得遠都要試下。去到見到環境麻麻，但茶記唔expect幾多。因為自己一個食，咁就揀個最貴既飯支持下。個餐牌寫咖哩牛扒牛肉牛脷飯 好邪惡 岩晒我，加埋野飲要$76，但心諗你黃點都要支持下。好啦 首先等餐等左40分鐘左右，我本野飲都差唔多飲完。但你黃，我忍。對面個哥仔早到過我連單都漏埋，但我諗佢都係因為黃而沈得住氣。好啦到個飯到啦，一開始見到黃色既咖哩汁入面有d啡色既汁分離，一開始以為咖哩油分離左咁唔理啦，到我mix埋佢就開始唔對路，咁多啡色汁既？攪攪下發現係腩汁 再睇睇 咦 牛腩黎既？當時諗ok 你送腩比我仲好啦有賺。再認真d睇 牛脷呢？牛扒呢？ 原來比佢自動轉左牛腩同一粒牛丸。(伙記無講過因爲食材問題而轉，而係就咁上碟。咁樣同呃食客有咩分別？）而因為牛腩應該係係盤腩汁堆入面拎出黎既所以先咁多腩汁！ d腩汁搞到成個咖哩汁一d味都無 無辣無腩汁味 係無味。真心希望黃店自己搞番好d ，有時見到咁多人排美心，排元氣，可能只係真係無得選擇…

要食得舒適,更係要揀啱日子,唔洗迫唔洗等,星期一二食飯最好,仲要夾啱halloween第二日,個個攰到傻,係屋企唔出街,咁就啱啦,call埋飯腳,同大人一齊食煲仔飯.第一,更係打去留枱,第二,問定有咩是日鮮食.今日有田雞又有黃鱔,留一份田雞唔煲仔,改北菇蒸.我最早到,飯腳跟住到,趁大人未到拿拿聲落單,豆豉鯪魚煲仔飯,咁頂癮?都係食臘鴨脾,平時大人唔鍾意我食醃製食物,機會黎啦!最終決定,臘鴨脾煲仔飯+蛋+凍飲$63+$5+$8臘腸滑雞煲仔飯+凍飲.$63+$8黃金豬扒套餐+凍飲.$63咕嚕雞球套餐+凍飲.$63落完單,有湯送黎.有豬骨有紅蘿蔔有合掌瓜.煲仔飯未繁忙時間大約要20分鐘,蒸餸都差唔多,計啱時間其他餸唔會凍曬.黃金焗豬扒,即係鹹蛋黃豬扒,豬扒唔乾有咬口,加埋鹹蛋黃油,非常罪惡,放入口果下幾驚大人出聲呀.北菇蒸田雞,出街食係咁上下份量,當然唔可以用當年自煮一人獨食三田雞作計算,依家大人係度,有得食都偷笑啦,田雞新鮮,肉嫩,不過真係細隻d.煲仔飯係重點,個飯黎到焗一陣,落豉油,再焗一陣,就會有飯焦.打開個煲.臘鴨鹹香撲鼻而來,雖然依家唔凍,但聞到就充滿冬日感覺,加粒蛋落去,焗一焗,

見到近期食評一窩蜂讚好，決定去試吓早餐。第一次到，見到地方同圖片好唔同，以深水埗舊區內茶餐廳相比，地方比較闊落，可惜環境衛生比其他舊式茶餐廳還要差！早餐奄列和多士唔錯鬆脆。雞扒揸到硬轟轟，沙嗲牛肉麵完全冇味，同近期的食評相差甚遠，感覺有人做妹！ 剛剛才看到上年的一個食評，原來有曱甴在食物加餸，回想起 剛剛看到的環境衛生完全唔覺得出奇。呢啲茶餐廳都係留返比啲食政治多個食食物質素嘅人去啦！

早排好多人推介既炸雞脾茶餐廳 今次搵到時間過黎食 因為下午茶抵食好多~炸雞脾薯條 奶油脆豬 隻雞脾係生炸到熟要十分鐘,所以要預留時間等!脆豬加練奶香甜好食又夠脆 炸雞大隻個雞皮好薄炸到好似薯片一樣脆口 咬開雞脾啖啖肉之餘個肉汁好豐富! 粗身薯條一樣咁好食!紅豆冰同凍華田 紅豆冰係紅豆係自家出品 食到粒粒口感而唔係出面快餐店既紅豆蓉夠香甜平均消費$100評分8/10G/F, 294 Tung Chau Street, Sham Shui Po

今晚食茶餐廳小菜小炒 呢度真係高質素 由南昌站行十分鐘就到 深水步行過黎又得 蔥油霸王雞 炒時菜 炸鮮鯪魚球 白飯呢度日頭賣茶餐,晚上食小菜,煲仔飯 今次就試下幾款唔同菜式酥炸鮮鯪魚肉球 打到起曬膠再炸至通透香脆 外皮黃金焦脆 咬開係豐富既肉汁同彈牙既魚肉非常好味蔥油霸皇雞 切雞加豉油蔥薑 近似蒸魚食法 皮爽肉嫩 選用三黃雞 雞肉香甜彈牙夠肉味 雞皮仍爽口炒時菜 用油蒜爆炒菜芯,香甜又嫩滑,味道好味評分8/10消費$200深水埗通州街294號地舖

做左大半日,人都癲,反正要去相機鋪,近近地打個茶先,哩排屋企個大人玩小清新.少鹽少油少肉.沙律汁到冇滴,食草一樣.香港唔知有幾多人離婚都係因為咁.係發緊呆果下有人望住我.佢睇下我係咪痴線既....睇返menu,生炸巨型雞脾?仲唔係你?生炸巨脾配沙律,爆檸少甜,唔該!我食沙律咋...有得食!大大隻脆皮炸脾,生果薯仔沙律,爆檸少甜.炸脾熱辣辣,脆卜卜,係雞皮呀,夠曬熱氣!爆檸少甜有茶味唔太甜,最緊要夠凍,爽!生果沙律有菠蘿有薯仔,多多沙律醬,好有童年回憶.雞肉唔乾身,有d 位仲好嫩滑下,正!最好既野更係留到最後啦,脆卜卜雞皮,好幸福呀!哩d 野先係人食架嘛!

陪朋友去買鏡頭,行左成日好攰呀佢話請我食飯喎,點知要我行鬼咁遠,我都唔知去左邊,最後竟然係茶記囉要我行咁遠就係食茶記???我想走啦,朋友拉住我,入去先啦,熱到死,算啦,入去啦,坐左係卡位,淨係想飲凍野,乜都唔想理,叫左杯凍檸茶就玩電話算,過左陣有人(冇睇男定女)送左湯黎,一陣又拎左兜豬耳黎,跟住又爐又碗又碟,朋友話叫左雞煲,今日限定送鮑魚,咦,雞煲我啱喎,開始有d 期待添...朋友哩個時間拎佢今日新買既鏡頭出黎,佢話試下喎,影完哩樣影果樣,突然肚開始打鼓,先醒起今朝冇食野就同佢出左去.豬耳仔凍凍地,麻辣既,但唔太辣,爽爽地.個湯好濃,我都唔知佢乜湯,有豬骨有紅蘿蔔有d 瓜咁囉.雞煲上枱啦,滾起左職員就幫我地開煲蓋,好香呀,又多芫荽,花甲都唔少,鮑魚係九孔鮑,不過送既,唔緊要啦(聽講老細心情唔好送鮑魚,唔知咩諗法黎)雞都幾滑,唔算太辣,我地叫小辣,但係越煮越香,d 鮑魚煮到縮左水,但索左汁仲好味.:豉椒炒丁螺,未見過哩種食物,好麻煩呀,要用手拎:肉又少,但幾鮮味,似食緊田螺咁,好耐冇食過啦.:今日糖水係芋頭西米露,不過竟然係熱:唉,送既就算啦,大西米又幾好食既.真心呢其實凍好食好多:其實

呢朝早入迪士尼，去迪士尼前要做足準備～我嘅準備係咩呢？梗係餵飽自己個肚先啦😂去到呢間位於深水埗較偏位置嘅茶餐廳！雖然係早餐時段，但因為想食火腿奄列所以叫左常餐！常餐$35沙嗲牛肉麵- 掂喎！沙嗲味都算濃架！牛肉入晒味而且咬落都幾滑溜！火腿奄列- 又係意想不到的好❤️不枉我為左佢揀常餐！熱檸茶- 正常，算幾好！整體評分：⭐️⭐️⭐️⭐️⭐️環境幾好，食物質素又得！真心推介呀！！想睇最新最快食評請Follow IG: f.nbreak