琦興粥麵茶餐廳 (已搬遷) 新店位置

成日都會黎開呢頭附近所以基本上呢邊的餐廳已經食過哂今日老豆食左個幾有鑊氣既炒粉又手痕上黎Openrice睇下點知劣評如潮😂😂😂好啦，又等我加入評論下先首先，我係無叫到餐的因為老豆話唔岩食於是佢就點左佢中意食既時菜肉片河反而呢個ok個河粉有炒底加上時菜肉片蠔油獻汁不太咸又夠味道而且食得出有鑊氣Ok呀👌🏻另外老豆好中意飲佢既好立克我試過係屋企沖比佢飲佢都話呢杯香的總結：呢間既服務係真係麻麻地既但食物我覺得ok丫以屋邨茶餐廳既價錢其實都真係差唔多雖然唔講得話好好味但有時肚餓係上黎附近有野食得落個下已經好開心

後悔1:冇先上open rice查閱評語。後悔2:貪人少。後悔3: 叫豬扒薯條-小餐份量。 猪扒味道有点怪。叫豆腐魚腩湯飯，太鹹。 不想浪費所以食咗。服務- OK 總結:歌名入腦- 忘記它。

週末在深水埗辦點事，順道在附近富昌商場吃午飯。商場面積很少，食肆選擇不多，亦無甚吸引度，最後隨意挑選了茶記琦興粥麵茶餐廳享用午餐，怎知中伏。餐廳最大的問題是衞生情況很差，每件食具可皆見剩餘殘渣，地面滿布垃圾。另一問題是服務，筆者自問要求不高，亦會以同級餐廳作準則，但服務水準仍然低於應有水準。食具弄髒，嘗試要求關注更換，最後當然未予理會。筆者點餐有額外要求，加錢是應該的，但也不用每個店員途經也檢查賬單一番吧！難度那張單是我自己寫及存心欺騙那一兩元？？感覺佷差！ 至於食物款式，與一般茶記無異。雖餐廳定位只是如斯質素，但定價也不算便宜。這客咸蛋蒸肉餅飯，肉餅如預期用上較肥較「霉」的豬肉，可用來裹腹，但絕對談不上享受。熱咖啡同樣是低質偏酸的貨式。 一間餐廳能在多個範疇同時獲得確切的低評分，筆者很久也沒試過了！

一入到黎即刻催住落單，佢地預計每個客入黎，餐單都唔使睇就知食乜？！一睇餐餐牌，一個炒面都50幾，野飲又要加8蚊。心諗叫湯飯當有野飲算喇，咁就叫個 鮮茄蛋花牛肉湯飯食，點知佢地啲蕃茄就咁切開放落去就算，我真係唔知點形容佢，食入口有一陣草青味囉。啲飯仲緊要，跟本咬唔爛。啲肉片放入口時係涼。成碗唔使食，似溝出黎咁。走得！放心，永遠唔幫襯。

呢幾日個人想靜下,又好似回復返1x年前的自己,一次過做晒手頭上工作,先開飯,坐完西鐵,一出就見到呢間屋邨餐廳,又係例牌一大編午餐選擇,點了個雞絲伊麵,有例湯送,例湯超足料,菜乾紅蘿蔔朱骨,幾入味,伊麵就似素,唔太覺雞絲,但唔濕,幾好,餐檸檬茶有4片檸檬,唔錯..總結43元一個大大碟伊麵餐好底,味也唔差

超嬲!!!!!!!無諗住今時今日重有啲咁劣品, 質數超差既茶餐廳.今日路經富昌村, 商場只有哩間茶餐廳, 見無乜人就同屋企人入去試下, 點知惡夢由此而生.入到去見到幾個呀姐侍應圍埋一齊傾偈, 諗住佢地會招呼我地啦, 點知無. 我地叫左好多次佢地都無理, 當時已經一肚氣.啲侍應個個都懶到出汁, 叫佢做少少嘢就一齊黑面, 有說話聽又有面色睇, 唔係驚佢地會落毒, 同埋怕個仔肚餓真係會起身走人. 叫佢地落單, 明明個人只係向附近, 但都唔行埋黎, 重大大聲好悔氣咁話:你講啦!!!! 你唔出聲, 佢就敵不動我不動, 行多兩步都攞佢狗命咁, 上野又上錯晒, 重要發你悔氣, 鬧你串你, 最好你同佢硬食碟野.叫餐時未叫餐飲, 佢地無問, 咁我咪轉頭叫囉, 好正常者, 到叫佢時, 佢又黑晒面話我地做咩依家先叫, 我唔係拖住個細路, 我實同佢嘈.最後唔小心倒瀉杯野, 我自己都濕身都好慘, 但呢班無人性既女人重發我火, 將啲污糟水一次過有心地掃晒我身上, 擺明係發洩.....各位去哩間見識下, 必定滿足到你.

富昌商場是典型的房委會屋邨商場，商場規模不大，食肆也不多，多的是集團式經營的食肆好像麥當勞、大快活甚至太興等。想吃點東西，又不想幫襯這些大集團，選擇實在有限。好像這天來到這兒，在有限的選擇中，最終選了這間街坊茶餐廳吃早餐。這間屋邨茶餐廳，跟大部分的港式茶餐廳一樣，食物選擇多元化，各類食物兼收並蓄，早餐的選擇就連粥品都有。既然如此，自己又不想吃西式的早餐，便來個「魚腩粥」，吃個不太油膩的中式早餐。這裡的「魚腩粥」分量不少，魚腩都有大概五、六件。除了魚腩外，還有的便是花生和蔥花。這粥是偏於稠身的，米下得都算多，火候算是可以吧，魚腩都算及格，整體來說雖未算出色，也算中規中矩。雖然這裡無論在環境、食物質素以至服務水平都只是普通，說到底這只是一間主要服務附近街坊的屋邨茶餐廳，也就不必過於苛求了。

有一日我去到叫左個免治牛肉窩蛋飯外賣,以為成個餐30蚊好抵,點知個飯佔左9成5,d餸汁食左兩三啖就冇哂啦,同埋個蛋係穿ga,整到成個袋都係蛋汁!即刻火都黎埋,第二日,我男朋友話要去呢間野食,唯有去多次,睇下佢係唔係又比咁少,最後安全d叫左個抄飯,以為炒飯一定會冇事,原來係大錯特錯,原來係鴛鴦炒飯,主打係佢d鴛鴦汁,同樣d餸得幾啖,d飯就好似冇炒過咁,真係勁,好野!!!!!!我以後都唔會再食呢間野仲有仲有,呢間野d阿姐真係唔係咁衛生,有次見到有個阿姐係度用隻手撩牙屎,撩完手都唔洗下就去轉餸,我睇下自己碟野之後,冇再食落去.............

南昌這個地方，對我來說就只是一個轉車站，並沒有值得去/ 吃的。是日很罕有很罕有地來到富昌商場，既然咁難得，就索性食埋飯才打道回府。原來整個商場就只有老麥、太興、大快活和一間茶記，對於不愛吃連鎖店的我，似乎別無他選。走進去，看到晚市套餐有我喜歡的菜膽獅子頭，二話不說就點了，再飲杯熱奶茶。未幾，晚餐送上。醬汁是充足，但感覺是偏稀的。果然，獅子頭是不太進味，可幸的是質地鬆軟，口感對辦。而配角的菜膽，是爽脆清甜，花菇亦軟滑，整體水準是可以接受的。奶茶除了是溫度足以外，質感並不夠滑，味道苦澀，不行了。

今天晚飯因為不想到遠外的地方進食......只好選擇了......家附近的琦興餐廳......其實都不是第一次光顧......老實說一向都對它感覺不太好......味道只可說上普通...加上一向服務員的禮貌也沒有什麼特別友善......所以通常都會光顧商場另外的連所餐廳......今天因為商場其他的食肆的要等候的原故......只好光顧吧......跟往常一樣自己入到餐廳......自己去找一住位子坐...(不要期望待應會給你安排坐位)...坐定定先叫侍應跟你執拾好枱上...上一手食客的遺留物...到了叫東西的時間了......我家人先叫食物-我想都不過五秒子的時間......個女侍應居然說了不下三次以上的-食咩呀+講啦+食咩呀+講啦+食咩呀+講啦......我當時已經有少少不滿.....到了我叫時我叫既係一個常餐......當然因為係常餐既關係......選擇的東西亦較多......不過本人自問叫野食既速度亦算得上係快......我想都不用十秒的時候......常餐-轉多士-五香肉丁米-涷奶茶......個女侍應再用同一口吻......食咩呀+講啦+食咩呀+講啦+食咩呀+講啦+食咩呀

正所謂搵食不論地點時間，所以每天晚上來到這個"人跡罕見"的富昌邨商場，來試吃一下。店內是一般的茶餐廳格局，亦設置了三部三、四十吋的LCD電視機，總算多了一個慢慢吃飯的理由。 我們看了餐牌良久，也想不到要吃甚麼，問女侍應有甚麼好吃的食物，得到的回答跟沒問過沒有分別......最後還是以自己最常吃的食物作為選擇好了。先來的是青紅蘿蔔豬骨湯，女友說湯好像太熱，便著我先喝一點。怎知道，大災難就在這個時候發生......當我意圖用左手拿起湯的時間，怎知道檯面的沾住了碗的某個底部位置，以至我只能拿起另一半沒沾著的位置。所以，令到碗成了四十五度角的，把熱騰騰湯倒向了女友~ 真是該死了.... 幸運地，女友沒有甚麼大礙，只是甚輕微的灼傷，皮膚變成紅紅的。不過因為一會要到圓方看電影，所以她先回家更換褲子，而我則繼續留在這裡。內心懊悔不已的自己，雖說沒弄至甚麼大傷害，不過也得在某程度上的"賠罪"，所以便暗地裡加了一份火腿奄列。在小菜到來後十分鐘，女友也換好了褲子折返到這裡了。<<技竹班腩煲>>，做法是頗正宗的。有技竹、火腩和炸了的大蒜，味道濃而不算太油膩，魚肉也有一點點的魚