理想店旺旺咖啡座

营业中

休息中

我都住在這裡，間唔中星期日會同老婆來食lunch，一個月一次左右啦，因佢下午唔多食野，所以我通常會將個包同湯俾佢，而佢有時會叫杯咖啡，有時唔會，但卻未試過有街坊所遇到的情況。會在這個週末再幫襯，實地問下D侍應有沒有這樣的規矩而再報料。

我一早叫你咪鬼去啦！扮晒野又係糖水咖啡！！我依家飲咖啡就去杏花村，要食煙就去柴灣o的茶記。

做街坊生意, 之前我也有光顧, 不以為然... 直到日前, 我發誓不會再光顧度!!當日我在家中晚膳後, 友人下班後致電要前來拜訪, 我建議到附近食肆見面, 最後選擇了"不"理想咖啡店, 因為欣賞它晚市如常無客, 環境寧靜, 方便閒聊...知道那兒沒有酒牌, 對選擇特飲又毫無頭緒, 因此讓友人先行點菜。不到五分鐘, 套餐送到?!! 友人表示食物份量太多, 不想浪費, 我便示意waiter要求多一套餐具, 幫友人分擔一些...就在此時, 一名板著臉的waiter (可能是senior) 向我們說:「我地公司唔接受一個餐兩個人食!」接著轉身再命令一名waitress 向我們落單!!當時我們仍未拿起刀叉, 餐包只是咬了一口... 他的做法會否太早標籤我們不會再點菜? 就算我們真的是一餐共享, 而他是專業的話, 應該是推介菜式, 遊說我們嘗試。結果他只是做一連串小動作去掩飾一間劣質餐廳。面對如此質素的餐廳, 如此價值觀的服務員, 與他們理論是浪費時間, 結果我們即時結帳八十元及離開!!為尊嚴浪費食物一次...

搬o左o黎藍灣半島之後都係第一次幫襯；原本諗住D格局同舊舖差不多，一入到去，嚇o左一跳，裝修都算唔錯，近窗位仲有海景，樓面也請多o左好多人；再望望個餐牌，選擇都唔少，連牛扒餐都有，仲有個總廚推介，比起以往家庭式經營的確轉變不少。兩個人食晏，都係食公仔麵餐，連飲品承為$28，比以往略貴。呢類食物冇乜難度，難以置評；不過依家一路食o野一路有大電視睇(當日正播著Joey演唱會)，夜晚仲有足球直播，而且座得都好舒服，都好抵食。順帶一提，呢度唔收加一。

食過早餐和晚餐, 食物ok, 選擇也多, 價錢合理, 而且環境不錯, 值得幫襯.

1. 大家樂price, 但嘉禾quality. 2. 一個餐都只不過係$38. 有扒食, 有料湯, 有野飲. 3. 有特大投影電視. 睇完劇集先返屋企都吾遲.4. 好多位揀. 吾係好多人. 5. 好多WAITER, WAITRESS. SERVICE 好好. 6. 但D食物就等耐左D.應該是漏單.

星期六晚十點幾，原本趕住返屋企睇波，經過呢度奇怪點解仲咁多人？原來個投射幕播足球，就係曼聯主場對富咸果場，見倒有位，又環境幾好，就坐低飲杯奶茶食件餅慢慢睇。試了芝士餅，味道還可以，但多數是別處交來而不是自家製的。題外話：曼聯主場竟然輸3比1比富咸，睇到個個媽聲四起！

理想店擴充營業，由一間細舖到而家咁大個舖位，裝修仲美輪美奐，作為街坊當然戥佢地高興。晚上去幫襯，見倒客人亦不少。食物選擇亦多，連芝士餅及tiramisu都有得供應。叫了海鮮炒意同西多士，海鮮炒意幾多料，但炒得幾濕，沒有了茶餐廳乾炒意粉的鑊氣，茄醬亦落得太重手，令成碟野酸左少少。炒意連湯和飲品35蚊，算唔太貴；西多士賣相幾好，味道亦不差。座位寬敞舒適，坐低飲杯咖啡傾下計亦不錯；侍應亦有禮貌，反應亦快，可能新開張的關係，感覺是有少少亂，都有客人要追單至有得食。整体來說算是不錯。