理想店旺旺咖啡座

营业中

休息中

這家店也已經很有"歷史"，以前食的時候通常都叫西式意麵比較多，今次嘗下新也換下口味點港式麵。黑椒牛肉炒出前一丁(送熱飲) ♥♥♥♥ 撈丁很常見，但炒丁沒印象有食過，也算是新奇吧。整碟麵都充滿黑胡椒粒，熱熱地辣辣地; "炒丁麵"沒有炒河那麼油，偏乾身但口感脆一點，份量也偏多，最後還是沒吃完要+$1拿了個外賣盒包回家。(+$8會同時有湯和熱飲)除了特飲，還有杏霜、鮮奶、菜蜜之類平時不一定有的飲品。旁邊點的是燒汁T骨扒配薯菜。薯條就算是冷卻了還是很脆，也不會太油膩。雖說配菜有點普通，重點是牛扒大件、肉質也幾好。

今晚屋企人話要預祝我生日，所以就一齊去到附近食西餐，呢間餐廳無論中式定西式都有得食，任君選擇，所以都吸引左幾多人黎等左冇耐就可以入得去，坐咗張大枱，但係位置偏遠少少，要揮左一陣手店員先見到意式海鮮天使麵睇落去賣相都唔錯，有好多款唔同嘅海鮮，但係配料份量偏小，每種海鮮都係得一舊，天使麵口感都唔錯，唔會煮得太腍。不過略嫌醬汁太多，如果可以改善下就更加好。同埋青口好似未完全熟，因為未可以完全開殼，要用力整開先拎到出嚟。

因公司在在柴灣與小西灣中間的關係，所以有時候也會去小西灣吃午餐。這一家是我們一個月也會去幾次的餐廳，因為以茶餐廳的質素來說，這家算不錯了，起碼炒粉麵飯有「鑊氣」和味道也很足夠，羅宋湯通粉更有一點驚喜！同事每一次來也會叫炒粉麵飯，原因就是我在上文有說過的「鑊氣」！而且，他們很喜歡這家的調味，調味是偏向重口味和味道濃，吃起來很惹味！但是這一個應該是最驚喜的：羅宋湯通粉！羅宋湯很足料（真的有很多牛和配料）也夠濃味！味道偏酸酸甜甜，不太辣！總結來說，以平常一個午餐價錢來說，我覺得這家的性價比算不錯和味道可接受！

地方和味道都不錯，只可惜開放時間容易誤導客人，在趕回家路上，擔心店鋪打烊，知道藍灣半島大部分餐廳都是晚上十點打烊，上網查證旺旺晚上10點半才打烊，滿心歡喜趕去，終於在晚上差兩分鐘十點趕到餐廳。但服務員竟然說已不接待客人、還說隨便投訴。覺得開放時間有誤導之嫌，服務態度竟如此囂張，真難以置信。

屋企附近真係冇冇乜好餐廳唯獨是樓下有間坐得幾舒服服務有幾好食物又有質素 Good Recommendation for everyone who lives in island resort Very nice service and good food quality with quite nice decoration Specially for the price is quite reasonable Good luck and happy new year !

小西灣的餐廳唔多，黎黎去去都係果幾間。旺旺都算係多人食的餐廳，長期滿座。今晚屋企唔想煮飯，就黎左食。我哋大約八點鐘到，都要等大約10分鐘先有得入。叫小菜加$13有個白飯同中湯。 京都肉排 ($69)份量睇落有啲少，不過肉排炒得都有鑊氣。滑蛋炒蝦仁 ($78)中意佢個炒蛋好有火侯，夠曬穫氣，啲蛋味道同平時食果啲唔同，阿媽表示呢一種應該係美國蛋，不過係咪真我就唔知啦。另外蝦都夠大隻，唔錯。西蘭花炒班片 ($83)唯一嘅敗筆係班片炒得略為有啲老，咬落去質感好鞋。西蘭花就正正常常，都唔錯。

理想咖啡廳是屋苑食肆中其中一間少有的由屋苑入伙起，現在仍然營運的餐廳，餐廳由西式餐，擴充至有中式小莱，套餐，中式菜式做得不錯👍，想吃西式的也可選擇扒餐，今晚叫了時菜鮮鱿炒麵，麵底脆，正😋👍

下午茶時間叫左3份下午茶有雜果配雞翼雞翼就一般雜果好新鮮同已處理過 唔會變色餐廳環境唔錯 有海景沙嗲牛粉配火腿奄列同三文治沙嗲牛都有唔少牛架 再黎牛肉意粉配火腿三文治個三文治有兩件但太肚餓好快食左1件牛肉意粉都不過不失

在柴灣上班的打工仔，尤其是白領，很多時候都會選擇到藍灣半島商場開餐。這次去到位於一樓商場最入的理想店旺旺咖啡店，雖然位置較偏遠，但仍有不少捧場客，大部分都似是上班族。這次點了午餐餐牌中的薯仔雞翼飯，份量甚為充足，要是藍領來吃，應該也可吃得飽。雖然菜式是簡簡單單，但味道也是不錯的！除了主菜外，午餐還包括餐包，餐湯及飲品。其中餐包及餐湯都甚有水準，加上牛油一起吃，十分滋味。整體而言，午餐取價54元，在柴灣區算是中高水平，幸而份量足夠，才能保住性價比！

昨日朋友覺得無聊，反正都空閒着，不如一起做做運動伸展筋骨，朋友再度相約到籃灣半島運動場跑步，然後晚餐。運動完畢，當然就是搵食時候。沿著商場一直往前走，不經不覺已行到最尾一間餐廳。看到餐廳名字幾特別，叫做「理想店旺旺咖啡座」。看似西式但又提供中式菜色，選擇也多，於是決定一試。中西菜式也很吸引，最後大家都決定今次品嚐西式料理。我們叫了燒汁美式雜扒，味道濃郁，非常可口；香蒜汁免翁牛柳，肉質鬆軟嫰滑，大家讚不絕口；天多利雞配菠蘿薯仔沙律，這道菜其實賣相吸引，但嫌肉質不夠嫰滑。整體份量頗多，味道不錯，下次再來要試試他們的中式菜色。

平時都有食開呢間水準不錯，與家人同去午餐，家人叫既福建炒飯同 T 骨扒都好好樣又好好味道，但我叫既焗肉醬意粉，就黑嘛嘛，肉醬已經變成片片薄脆咁，周邊意粉他乾晒硬晒，同個樓面講咁燶既，佢睇一眼就走開左，咁態度真火滾。

由於工作關係，每月必須到柴灣開會，今天又再是例行工作的一天。今天是第三次踏進這區工作，由於附近沒有特别的食店，所以多行10多分鐘，走到柴灣小西灣藍灣廣塲找尋，很快便看中這間旺旺咖啡室，座位寬濶，環境舒適，一坐下便向服務員點了兩份午巿套餐。先來個餐湯，忌廉粟米湯，有少少稀; 中式湯，比較淡。再來蒜汁T骨扒配薯菜，牛扒7至8成熟，味道濃郁; 另一個餐是蝦醬豆卜排骨飯，賣相一般，有點似住家飯，味道麻麻。套餐還有餐飽附送，但只有西式餐才有。

勁耐無食過 今日突然想到走黎食叫個福建炒飯 難食到嘔 汁又無味 餓到爆都食唔落 係我食過最差既食物服務態度又差桌面又污糟 我以後情願食快餐店都唔會再食依間野係小西灣又貴又差

新一年 新開始！☺️連麥當勞都出左兩日既all day breakfast 自己當然都要食個醒神而又豐富既BRUNCH啦！屋企人係傳統家庭 唔中意食西餐 成日都係食茶記做早餐耐唔耐都想食下西餐既 咁岩家姐返黎小西灣 兩個作為一個西餐愛好者❤️就不約而同咁去左食旺旺而間開左都幾年既港式西餐廳！十一點九左右去到 假期既緣故要等位平時應該唔洗等 可能因為大家搶住十二點前入去食早餐 特別多人hehe因為藍灣半島得而間早餐先會做到十二點不過一心想住食西餐既我地當然叫SET LUNCH😋家姐點左 蒜茸汁豬柳 薯菜 $65 + $3 凍飲我最中意食豬手 叫左貴啲既 蜜糖汁德國鹹豬手 薯菜$105一個set會包一杯野飲 一客餐包同餐湯   配合番港式西餐廳全餐既感覺當然除左而兩款 會有普通牛扒 豬扒 雞扒等等既選擇 而食食下都見到有啲客人食中式小炒 份量都好夠！食左咁多年 味道依舊一樣 大份又抵食 有啲餐廳會怕麻煩唔幫客人叫奶茶少奶 少薯多菜 但老闆都會幫我地落曬我地既要求豬手唔會太油膩 因為係烤煮既方法 無咩油既感覺雖然唔係schweinshaxe個種脆既質感 但有種軟嫩既口感 蜜糖汁鹹中帶甜 更加開胃

前一陣子，因為一個令到全球人都瘋狂一時的遊戲而令到有玩的我東奔西走。我發了傻的，來了小西灣，然而發現這地方有好多野捉，又有唔錯的茶餐廳，所以我一共來了四次那麼多。來小西灣的藍灣半島之前，我當然要 search 一下附近有什麼食的地方吸引到我，結果，給我發現了一間茶餐廳及一間西餐廳，而當呀 Yoshimi Nagasaki 小姐長伴我左右時，我當然會選擇茶餐廳啦，而我就見這一家名字超奇怪的店，叫《理想店 ‧ 旺旺咖啡座》，咁我就做白老鼠，入去試下啦。 這算是一間很時尚的茶餐廳，而且時尚得黎又有自己的風格，不會好似翠華、銀龍、翠河、三洋那一種風格，時尚得黎而帶點俗氣。 餐廳設有一張好奇怪的圓檯，這應該是樓宇的一個設施，不能改動而有這樣的一個怪設計。不過，坐在這一個位有一個好處，就是可以為手機充電，而且位位排排坐，夠宅。 第一次來，入到來已經是下午茶時間了，於是，我要了一個中式炒粉麵茶餐。想食味道濃一點的，我點了一客豉椒牛肉炒麵。這是一個有味，有汁，有脆脆麵條的美味食品，牛肉味道香，當然入口一點也不韌，第一餐，給了我小信心。 第二日再來，因為這兒的收穫豐富。在海邊同公園捉野捉到咁上下，我又選