班戟賓尼 (已結業)

今次去咗太安樓依間食漢堡，又幾好食。分別叫咗一個燒烤雞漢堡，同埋雞肉中東烤肉卷，兩個都係加雞翼，薯條同埋汽水😆佢嘅中東烤肉卷 好得意，唔係用薄皮被包住，而係用麵包鮑魚，所以食落去會好有口感同埋厚實。而燒烤雞漢堡都唔錯，而且醬好多。薯條都炸得幾好，幾粗。。而雞翼係炸過，再加上唔同嘅醬汁，食落唔錯。✅✅但要注意返一間餐廳係唔提供餐具，佢會建議你用手食或者用紙巾，所以比較建議外賣返去有洗手嘅地方🤣🤣

一直都聽聞太安樓有好多美食，今次終於去咗掃街啦裏面有好多唔同嘅嘢食，當中一間hungry Benny吸引住我嘅注意力因為我聽到出邊嘅客人居然話依一間仲好食過Five guys，搞到我即刻心思思叫咗一個漢堡套餐佢一個漢堡先至40幾蚊加$18就可以轉餐，如果你係學生嘅話仲可以免費轉餐添，價錢相當不錯我就叫咗個漢堡加雞翼加薯條加飲品嘅套餐，食得勁豐富同滋味，特別係雞翼，我叫咗水牛城雞翼，勁多醬，酸酸辣辣好惹味

前幾日放假同朋友去咗太安樓掃街～～見到呢間小店主打中東烤肉卷同漢堡，全部即叫即製，價錢仲好親民😍😍門口仲有可愛的賓尼兔霓虹燈裝飾🐰，十分吸睛！即刻去試試先～～🍔松露醬漢堡 $45✨麵包鬆軟，裡面包住牛肉、芝士、生菜、蕃茄、洋蔥同松露醬等～～牛肉好厚身，肉質紥實多汁🐮！每啖都食到松露的香氣，加上芝士、生菜等配料一齊食口感好豐富🤤🤤另外我仲加($28)升級至「雞翼薯條+飲品」套餐，薯條即叫即炸，好香脆🔥🔥雞翼都唔錯，外層沾滿水牛城醬汁，十分惹味！整體性價比高👍🏻👍🏻

太安樓嘅美食眾多🙈港島難得嘅掃街好去處🤔但通常都係以港式街頭小食為主🤐🤔但今次難得見一間賣kebab同漢堡嘅小店，一於就試下🙈中東烤肉卷+三隻雞翼，薯條，汽水❤️❤️❤️❤️$55+$18外面嘅皮偏淋身，令食落比較有容易咬😝烤肉卷🫔揀左雞肉，雞肉算嫩滑，亦好有味，配上外面嘅皮食，味道啱啱好😌雞翼炸得脆身，加上蒜香醬🧄，更香口惹味，薯條同樣香脆😚🤩值得一讚🥰😗😌😆☺️☺️😉

最近我跟隨上司同事去了西灣河工作，我哋平時都知太安樓好多平價美食，所以午餐時間我哋又來到太安樓地下周圍搵野食， 無意中見到有間漢堡店好吸引！我分別買了炸魚漢堡薯條餐 及松露牛肉漢堡餐 ：炸魚漢堡炸魚香脆外脆內軟，魚肉嫩滑，漢堡麵包🥯又香軟可口！松露牛肉漢堡松露牛肉香噴噴松露好吸引， 牛肉牛味濃又多汁，真惹味！兩個餐$100 左右 已包薯條，飲品性價比不錯👍地址: 西灣河筲箕灣道57-87號太安樓地下A34A號舖

放工肚餓經過太安樓, 見有一間kebab, 就試一試.嗌咗個雞卷同薯條, 等咗大概5/6分鐘. 講咗要走洋蔥,結果有好多生洋蔥😵‍💫挑極都仲有….雞肉冇乜烤過咁, 碎得泥似煲湯嘅湯渣, 食落去完全冇kebab感覺. 醬汁一般, 同埋其實都唔會俾你揀有咩醬, 佢又唔會offer. Wrap 還好,似有烤過, 厚度OK. 薯條都OK, 一般水準. 但見着收銀哥哥找完錢俾我, 冇帶手套 擰轉後邊去整食物…ummm…應該都唔會有下一次啦.

上星期五夜晚經過太安樓見到呢間除咗賣漢堡包，原來都賣kebab，見好耐冇食，呢頭附近又唔見有呢樣嘢，所以就買咗個烤牛肉卷返屋企食。首先出到嚟佢唔係真係好似平時嗰啲圓形捲住，而係壓扁左，一打開個錫紙包啲牛肉碎跌晒出嚟食得好麻煩。味道亦都係一半，啲牛肉亦都好乾。諗住$55算啦。好嘅一餐唔好嘅一餐。點知食完一個鐘後到開始個人唔舒服發熱發冷跟住作嘔，最後嘔返食咗嘅烤肉卷，先至好返啲。所以大家想清腸胃先好諗住食

呢間咁嘅嘢都開左一段時間，從來都無諗住試，因為行過見到個門面已經唔開胃，亦未曾見過有人排隊幫襯，呢間嘢咩料都心中有數～點知呢晚唔知時運低定咩原因，居然走左埋去試，我前邊無客，我後邊又無客，真係欣賞自己嘅膽色～結果，真係奶晒嘢！個漢堡包裡面塊所謂牛肉，竟然係生嘅！水牛雞翼個汁難食到不得了，雞翼亦都勁瘦無乜肉！最不滿係果兩個staffs，一條𡃁仔一條肥妹，一邊整我d食物，一邊吹水無停過，唔知噴左幾多飛沫落我d食物！！！呢次經驗真係好後悔，留意番，呢間嘢係一d都唔平！！！！！

特登去太安樓諗住搵啲好味嘅嘢食，見到網上面有人推薦呢間嘢，就試咗佢個全日早餐。個餐等咗20分鐘，都唔係最大問題，冇諗過水準咁差。🥲🥲🥲最主要嘅問題係個手打漢堡，又un又冇味，完全擺唔落口；個炒蛋入面加咗炒蘑菇，非常細份，冇咩味道，仲有少少臭⋯🤢最後就係個pancake，份量ok口感都還可以，但剩係得少少蜜糖醬，最後要去m記加個新地筒落去食先有味😂😂呢個套餐要$88，真係好唔抵！😡😡

之前只買過飲品，不過係現成果醬開，所以之後再沒幫襯。見佢張Burger poster 拍得咁靚，今日決定試吓。打開紙包裝，一見到個包係淺色，軟爬爬樣！已經有點失望！一大啖食落去，有洋蔥味，但並不太香甜，食到牛肉！冇乜牛肉香味，食到一半，有粒細沙！咩事？有啲驚！而且超級多筋！如果不太硬的筋，會照食,不過，真係太硬了!食食吓覺得有少少脆但無香味的，原來是煙肉🤷🏿‍♀️，點解連煙肉都無香味！只有咸味!呢個漢堡$43.平嘅！但我係唔知食咗啲咩!我決定寫評論係希望佢哋有改善…..感覺香港食材來源愈來愈差！還是愈來愈貴？

今次見到多咗款式的小食。Pancake依然這幾款味道。睇落佢哋個recipe已經穩定大大個pancake外賣形式攞到返屋企都依然夠挺身。試咗佢哋個新炸魚柳包 「素」 $48估唔到食齋都可以變成咁 ， 真係好似食緊真嘅魚一樣 🐟😂Pancake有加價 ，之前$40 兩塊 而家 $48 （咁嘅質素都非常之合理， 出到去食都唔止這個價）之前嘅雜莓改做士多啤梨🫶🏻🍓排隊嘅時候都聽到其他客人說「轉成遠道揸車來食、太安樓美食唔少得佢嘅pancake 同埋漢堡包」。

。Pancake 。日常。今次食你啦 - 班戟賓尼 Pancake Bunny （都係因禍得福先有得食🤭）太安樓俾人嘅感覺係食炸嘢，小食多。 但其實喺太安樓入面都有甜品食！仲有佢 - Pancake !!呢間舖頭喺橫巷入面，隔離係炸物😳但唔可以食炸嘢住，雖然好吸引都….每一份pancake都要等15至20分鐘，即叫即整💛所以order完之後，仲可以行個round 睇吓仲有冇其他啱食😝今次叫左厚班戟朱古力醬及棉花糖 - Chocolate Pancake （2pcs）個pancake有口感，唔係空氣感 frd 黎，朱古力醬同棉花糖都頗多，學舖頭話齋，如果即刻食嘅話應該會更加好味，但其實外賣攞走咗，坐喺度食，佢都唔差喎👍🏻間舖頭冇啊得堂食嘅，買完一係企喺度食，一係就攞走，但係呢一個價錢，又甘足料，係確實可以再次encore👍🏻（如果可以加cream嘅話，我諗應該仲好食😝）

好耐冇去太安樓食嘢，見到呢間新嘅Pancake Bunny，裝修幾靚咁樣，就同朋友一齊食我哋兩個人嗌咗一個Pancake同埋一個Burger ，好彩兩個人share，如果唔係都應該食唔晒😂首先講吓個pancake先，我幾鍾意佢嘅質地有口感，而且即叫即做，食落口熱辣辣，不過甜食嘅pancake唔係太啱我口味，下次試下鹹食先現場冇枱櫈，好彩兩個人去，如果唔係都唔知點樣拎住啲嘢食Truffle Burger醬汁超級多，cover曬成個burger 嘅味道，最欣賞麵包有烘過，食落去脆嘅，漢堡肉夠健康，肉厚而且冇咩肥膏呢個價錢我冇太多要求，朋友話要俾4粒星⭐️

見太安樓開左間班戟店，食評又一致好評，咪同朋友試下佢，我平時好少會食剩野，呢間係少數令我食一半就掉嘅食店疏乎厘班戟質地係ok嘅，打很夠硬正，咬落去就好似食莎翁咁，不過佢啲sauce 唔知發生咩事，楓葉糖漿配水果？水果呢？右邊嘅cream一陣就溶曬，所謂嘅水果係罐頭berry，死甜，仲要糖漿搞到水塘咁食落去淨係得個甜字，唯一相比嘅係，佢比平時班戟店平，但有下開廚嘅，自己做好似會開心啲如果再食的話，一定叫佢favour 全走

西灣河地鐵站一出就係美食滿滿嘅太安樓，鍾意食嘢嘅我又點會唔識嚟丫。喺太康樓入面開咗Pancake bunny我當然叫咗個超鬆軟🥞嘅厚班戟配楓葉糖漿及水果我即場食，因為店員話疏乎厘班戟，如果拎返到屋企品質會下降㗎，真係好好味😋幸福感滿分💯另外我叫咗個招牌鵝肝牛肉漢堡漢堡包🍔包質地好軟，主角係牛肉漢堡，肉汁滿滿帶有筋，入口好有咬口，鵝肝外脆內juicy 同漢堡係絕配❤️ 入面嘅材料非常豐富，熟有洋葱🧅蕃茄🍅生菜🥬芝士🧀煙肉和沙律醬，超級好味，下次再食吓其他口味嘅漢堡先得😋