珍苑麵家 (已搬遷)

下午三點幾 ，突然好想吃河粉米線嘅食物。聽屋企人講以前有一間經常食既鋪頭重開，於是就去了一直係上水都好出名的麵鋪。我叫左豬手雞翼麵，價錢同以前相比無咩太大分別😊 ，只係貴左幾蚊到 。…查看更多

突然想食辣椒油撈麵，搏一搏珍苑有無開工，好采有得食！琴晚屋企五人飯局，3 支白酒、1 支 rosa、1 支香檳，仲要飲左幾 shoot royal salute，好醉啊 ﹗起身爬落街食個麵再返屋企休息。再一間三十幾年老店結業，唉！美味柱侯牛腩牛肚豬手、滷水雞全翼、勁香辣椒油，後會有期！9月7日say goodbye！還有兩個星期珍苑就榮休喇，每日都好多 fans 奉場，拍照留念呢！果然人氣旺，上水 Top one 麵檔！食家們蜂擁而至，人山人海呀，果然係上水人氣磅首位，仲有好多電話外賣自取係門口等緊添。舖頭裡面唔夠坐，連對出空地都爆滿啊 ﹗全場爆滿，座無虛席，坐到老遠的露天又要烈日當空，大汗淋灕都要親臨送別，食客們都是有心人呢。好采我一個人易搵位，求其攝埋一邊搞掂，哈哈。落單侍應阿姐似乎好生手喎，我重複講左 3 次腩肚河都聽唔到，我再耐心地講第 4 次牛腩牛肚河粉走蔥，再強調兩次走蔥走蔥，都聽唔明我講咩咁，返大陸學好廣東話先落黎啦 ﹗預左您無走蔥，果然囉 ﹗火都黎，倒晒係檯面您自己抹。最最最搞笑係隔離位哥哥仔同我一齊落單都無講過要可樂，位侍應阿姐反而走過黎問我地邊位剛才叫可樂囉！專心一點好嗎？個靈魂飛左去邊呀？堂食起碼都要等上十五分鐘先有得食，大部份食客都顯得不耐煩了，好采老闆都好客氣講唔好意思，真係客似雲來，恭喜恭喜。名店食客過千，正路都要耐心等候，意料之內。呆坐十多分鐘後，終於出場喇 ﹗進食期間突然有隻烏蠅衝入捕蚊器自殺，啪一聲燒蕉飄出烤烏繩味，繼而冷氣燒 fuse，壞左！無冷氣啊，好采剛食完可以走人啫，搞笑！滷水雞全翼，硬係覺得似瑞士雞翼多過滷水雞翼，或者可以命名為冰糖滷水雞翼。色澤光亮艷麗，不會黑炆炆而暗淡無光，賣相蠻不錯。雖然為招牌菜，但對我來說實在太甜了，幸好肉質並沒有浸到霉爛，雞翼皮肉還嫩嫩的，雞膇就比較乾，帶點咬口，尚算合格。較街市林德記霉腍雞全翼好少少啦，不過最好食都係街市燒味滷水檔囉，肥美嫩滑又彈牙，平靚正 ﹗淨牛筋腩豬手走蔥，牛筋浸得入味可口，柱侯味香甜濃郁，超腍超棉超滑，軟棉棉滑溜溜帶點膠黏，是我最愛的質地，最討厭硬掘掘又無味既牛筋 ﹗牛腩異常高質，甜美無窮，散發厚厚柱侯醬及果皮味道，質感鬆化微彈微滑，完全無渣，極品。還有鮮甜生菜底啊，爽嫩索索聲，充滿水份，開心死。我一向對豬手都麻麻地，每想到無修甲、腳趾隙、有腳皮、腳板底起枕，就感到非常有壓力啊 ﹗手臂、腳臂當雞無問題啦。跟牛腩味道一模一樣，但質感天淵之別。柱侯醬炆得入味之餘，不肥膩，豬皮爽爽的，帶著微黏，但還未溶化，未達致膠口漿嘴的狀態。內裡少量瘦肉軟棉，味道蠻不錯的。牛肚撈粗走蔥，金錢肚味濃而清香，爽彈無比震騰騰。腩汁香甜濃郁，柱侯香料加果皮，勝過蠔油撈百倍。不過落汁太多，有點略咸呢。珍苑辣椒油，夠香又夠辣，我當然要一啖麵一啖辣椒渣先能滿足到啦。勁撈三大羹辣椒渣，似乎咸左少少，哈哈！大量辣椒渣掛上彈牙靚粗麵搭上香濃腩汁，食到停唔到口，大啖大啖地吸啜始盡，無得頂 ﹗清湯真材實料，幾口勁辣粗麵再來口湯水，十分滿足。牛筋腩牛肚撈麵走蔥，麵條非常爽彈，泛出蛋香又沒有半點鹼水味，拍手叫好 ﹗牛筋、牛腩及牛肚依舊高水準，炆得香甜超入味，腩腍、筋棉、肚爽，好好味 ﹗金錢肚味濃而清香，爽彈無比震騰騰。 撈麵份量也不少，大大碟麵最少要兩匙辣椒渣先夠撈，每啖都要先夠香辣麻。 牛筋腩伊麵走蔥，都話走蔥咯 ﹗今次原諒您，見忙到霖晒檔，下次唔好喇，我自己慢慢挑。原味湯底超甜可口，再淋上柱侯腩汁簡直如虎添翼，欲罷不能呢。伊麵嚥韌又夾爽，無烚過火，依然程深黃色，有蛋香又香口，連熱燙燙靚湯掃入口，感動啊 ﹗牛筋腩撈伊麵走蔥，做左幾十年人都係第 1 次撈伊麵乍，十分有期望 ﹗幫襯任何一間麵店從來不知道可以撈伊架，原來連撈河粉都可以，我真係太過孤陋寡聞咯，慘愧慘愧。伊麵質地只剩下微弱嚥韌感，有點發賬，有點過腍，有點過濕，蛋香味流失。我愛食幼身、彈牙伊麵架！落單混亂，撈麵漏清湯要後補，菜芯漏單無黎要取消囉。魚蛋麵走蔥，鹼水麵真係好鬼爽，彈牙又無異味，咬到索索聲，十分悅耳。潮州魚蛋魚片均屬外購貨色，不過不失，軟而微彈，非常平凡一般！濃濃大地魚蝦籽清湯底，清甜滿意，飲多兩口！最愛幼麵夾著大量辣椒渣跟著湯汁衝入口，多種味道及質感融合再昇華，美妙極了 ﹗牛筋腩河走蔥，滑而結實的河粉，混上大量辣椒渣最適合順著湯汁全部跣入口中，跟舌頭滾動一下再直衝肚裡去，興奮刺激又暢快啊 ﹗…查看更多

剛搬黎上水無耐，人生路不熟，咩路都唔識、有咩食又唔知、有咩車一樣唔知。真係唔知點搵食，唯有向舵地廖師弟查詢，即大力推介此小店，即刻上 open rice 查查資料先，可以幫襯試一試噃。下午時段原來都差不多收檔喇，無咩食客所以唔洗等位，左望右望，由基本我最鍾意食既試起啦。環境跟一般粉麵老店大同小異，都夠光猛乾淨。環境清靜，食客都好斯文，四周好乾淨。以麵檔黎講，係十分乾淨清潔，我喜歡。服務都殷勤，態度友善，Good。柱侯牛筋腩伊麵走蔥，得一舊筋咁少？好珍貴呢。柱侯牛腩真的炆得非常非常入味，口感鬆化又無渣，係有點肥膏囉，全部給我咬掉，幾好食架喎。牛筋有偏硬，同樣好濃味，但我要食軟棉棉又滑嘟嘟既牛筋呢。湯底香甜真材實料，飲多幾口都無問題。伊麵嚥韌爽彈，蛋香濃郁，索湯一流，好正。可以添食，再黎試吓其他野先得。牛腩雲吞伊麵走蔥，溫度再熱啲就更好啦，可能全場爆滿既關係。柱侯牛腩依舊鬆化入味，瘦肉偏多。一口雲吞較為大路，蝦爽豬肉香，無咩特別。伊麵烚得嚥韌滑溜，總括都算滿意。辣椒油屬中辣，蝦米味濃郁，十分香口。每一口都要勁撈辣椒渣同吃，刺激又好味。配埋濃郁腩汁湯底啜入口，天下無雙！牛腩豬手麵走蔥，牛腩同豬手都係珍苑既招牌菜，第一次試佢地既豬手。我對豬手無特別喜好，可有可無，最緊要有修甲囉。南乳豬手，外皮爽而帶微膠，南乳味突出，質數滿意，我愛食啖啖肉多過掄骨囉。柱侯牛腩保持一向既質素及味道，瘦肉鬆化，每條肉絲均散化強勁柱侯味道。用爽彈麵條夾住牛腩同吃，依種多層次既口感非筆墨可形容，好味！辣椒油，外購潤志牌，中辣夠刺激香口，蒜味夠濃好惹味！我依舊只要渣，走油啦再加點豉油，大大啖試下先。一股似層相識既味道，好香啊！係蒜頭既香味，好濃郁。又有點似 XO 醬，level 屬中辣，好味。成羮食晒，完全無剩呀！蠔油菜芯走油，雖然我鍾意食腍，但有部份腍得過份，好似溶左既感覺，溶成一劈，有點嘔心。無問題既菜芯都好腍，味道都新鮮，合格。…查看更多

話說上水珍苑麵家系我由小學開始已經愛上的一間傳統麵檔。由小學至現在都只系堅持食一樣野 --- 雞翼麵。早一排知道珍苑就快結業:(:(都專承與朋友到訪。人比平時多了很多，可能系因為就快結業。一如既往，點左碗雞翼麵多青，今次仲雙拼加埋又系好出名既牛腩。已經數十年歷史既珍苑最出名應該就系秘製鹵水雞翼。淡淡既鹵水味道仲有小小甜味，經醃製既雞翼亦都雞肉嫩滑，令人百吃不厭。而且價錢只系$30餘元，配多一支可口可樂，真系大滿足！睇返報導話珍苑結業後唔會再考慮搬遷營業，又少一間傳統老店了:(:(:(:(…查看更多

Date of visit : Sunday 24th August 2014; 4:30pmNo. of diners : 2Average cost per head : $45Quality of food : 4/5Quality of service: 3/5Environment : 3/5Value-for-money : 3/5Overall rating : 4/5This renowned noodles place is one of the rare with a long history Resturants in Sheung Shui, it would be closed at early September 2014, they have been the wittness of the changes of  Sheung Shui......With the changes of Sheung Shui, this kind of noodles taste would disappear soon. Thus, please go and try before they offically closed.One of the popular dish, 4 pieces chicken and the texture of noodles is just right, not too soft and not too al dente, not many restaturant made it this way, they have pulled some Beef sauce in as a final touch, taste so good!Dumpling with Prawn, they made it from scratch every single day, it is definitely fresh with limited supply! it was stuffed with marinated mince pork, bamboo shoot, and a solid prawn meat. oh! Where else can you actually get this?Renovation is getting torn down, it is like a family running restaurant, I hope there would be possibiity if they could extend the taste of their signature noodles........…查看更多

點了一碗墨丸粗麵，上菜時老闆捧著一碗有4粒墨丸的粗麵，說煮少了一粒丸，過後補回。我感覺到愕然....其實他不說的話，我不會知道該有多少粒><!開餐時候...爽口粗麵,軟硬適中,更沒有濃厚梘水味+翠綠爽口菜芯+彈牙墨丸....當然少不了鮮甜濃味的湯底，平曰很怕味精湯的我都用匙喝了好幾口湯!!!!好味;))…查看更多

讀書時代午餐成日食既面家，义不8年冇食過，依然保持水準水餃牛腩面，牛腩夠淋，面爽口水餃皮薄饀料爽脆可口。鹵水雞亦，色澤好深，但完全不會咸，味道啱啱好，牛根煙韌，就連一碟簡單白烚菜心，都系鮮甜美味…查看更多

一直都說珍苑麵家是全上水又或是北區最好的麵店，一如大眾的故事，起初是街邊走鬼推車檔，但隨著入舖安頓，客人是越來越多。豬手撈麵是在下心水之選，麵條是另外找人造的，鹼水味脫得好，差不多可以說是沒有，豬手扣得出膠質，但又不會過腍，麵條沾上滷水豬手汁，更加惹味可口，賣得不平宜，但每到中午，檯多得放上行人道，客人卻依然要在等位，絲毫沒半點怨言，值不值？自己判斷吧？…查看更多

一直以來，都說上水珍苑是北區最好的麵家，別的不說，單是找人專門製作的麵條，將鹼水味降至最低，就已經值得一讚。過了午飯時間，不想每次都是豬手撈，今次改要牛肚粗算了。牛肚是原件用鹵水炆的，味道香濃但入口又依然保持著嚼口；金錢肚又是在下喜歡的內臟類，加上用粗麵底，鹵水汁沾得飽滿，爽口彈牙，再澆少許辣油，更加是不得了，大家有機會不妨試試！…查看更多

由細食到大 睇住佢由$1X加到$3X有時特登行過去諗住食 點知佢無開點解加左咁多價都仲食? 因為真係幾真材實料牛肚睇落就知道煮到好入味可惜今次去D雲吞就細粒左少少可能物價貴 整細粒左但依然係保持水準呢度既河粉係幼身河粉 好岩我口味…查看更多

見報紙介紹上水珍苑麵家，咁咪去試下先，結果都去食左好幾次，次次都好好味！環境都企理，一般麺檔咁樣，最中意坐面壁果張長枱。店員每位很友善的，動作都好快手，雖然客人多，但唔會有趕你走的感覺，仲會安排位置唔會逼住逼住咁坐。食過佢好多款。分別有牛腩，水餃，雲吞，雞翼，牛根，墨魚丸，豬手，油菜，米，河，撈，維他奶.無糖可樂確實同意以下牛腩湯底有少許胡椒辣味.很香很惹味.牛腩炆得夠林,入味,一咬就溶,又不會鹹,牛根亦又滑又林又香.相當不俗,水餃更加是必食之選.無論冬菇,荀,豬肉也新鮮.味道香甜,富有肉汁.冬菇香味亦相當突出.雲吞入口味道超級正，豬肉及蝦味道出眾，人手切豬肉，都要D功夫。所以肉質有口感。豬手味道入味，大大舊但唔會覺得好肥，我唔食皮都食。墨魚丸用靚料，質感有口感，彈牙有墨魚。雞翼用全翼，有係大大隻，又係入曬味，夠送曬一碗河，有次仲全翼加多件雞槌，可能佢覺得見全翼細左少少，所以店員他們相當老實。飲品都係五蚊支，好底飲，又夠凍。…查看更多

呢幾年來，耐不耐都會食吓珍苑嘅出名豬手麵。過年後，今次係第一次嚟食。 果然，佢今次又加咗價啦！由佢賣每碗$16(單拼)，到今日已經賣$26。 平時食開佢嘅豬手麵已經唔夠飽，雖然味道唔錯，但除咗3件冇乜肉嘅豬手，個麵仲少得可憐，真係想分多兩注嚟夾都唔得。所以今次專登叫碗雞翼雲吞双拼麵($32)，心想一定會多d份量呱！點知？！個碗就大少少啦，但得一隻好細嘅鹵水全翼切開三件，3粒細雲吞，半條瘦蜢蜢菜芯(星期六、曰，假期食麵係冇菜送嘅)，最重要係個麵依然都係少得可憐！埋單後唯有再去揾其他嘢食。 通常嚟珍苑食麵都要等位，更何況午膳時間呢？但今日嚟午膳，都係約六成滿。 其實，每次尊程嚟食，都一次差過一次，除咗貴夾唔飽，服務態度亦唔見得好，尤其嗰兩個肥肥哋嘅太子爺... 今次之後，應該唔會再幫襯啦！…查看更多

上水珍苑麵家是一代轉一代的生意.以前是在巷仔賣的.今時今日轉到舖位也很長日子,家庭式的格局,環境很有壓迫感.坐的只是圓枱.摺椅,是一貫食完就走的格局.服務.不過不失,是友善的.當然沒有同客人打成一片.今次叫了牛腩水餃米30元.維他奶.牛腩水餃米30元:湯底有少許胡椒辣味.很香很惹味.牛腩炆得夠林,入味,一咬就溶,又不會鹹,牛根亦又滑又林又香.相當不俗,水餃更加是必食之選.無論冬菇,荀,豬肉也新鮮.味道香甜,富有肉汁.冬菇香味亦相當突出.閒時我也有外賣回家食.價錢雖則不便宜.環境也不舒適,但我也會再去.…查看更多

今日去左依間麵檔試下〜聽講豬手麵同牛腩都好正，所以同男友去食下。去到見到超多人響外面等位，本身諗住走㗎啦，跟住有個好忙嘅哥哥仔問我地幾多位同話鋪入面有位，叫我地等一等，佢真係好快手咁幫我地整理好，咁就食下啦。一人叫左一碗麵，我就要水餃雞翼麵，男友就要牛腩雞翼麵，同叫左一支維他奶飲下啦。好彩有嘢飲咋，幫助時間過....如果係想食個快麵就走嘅人我就唔建議來了〜因為都等左20分鐘先有得食。我碗麵嘅水餃都幾好食同雞翼都ok，我男友d牛腩就冇咩特別了。可能因為太忙，所以個麵有點硬，有人會鍾意有人就會覺得難消化少少。最後兩個麵加兩支飲品齊頭70，都ok啦。服務真要比個like，唔會想象得到會那麼好。但一路食麵都見到有好幾隻蚊飛來飛去，介意的人就要細心考慮了。…查看更多

珍苑麵家, 我倆公婆已經幫襯了好幾次, 但最初去了3次, 也碰釘, 沒有開門, 還以為沒有機會試食...最後我倆要6點前去到才可食到這間的美食!!因為這裡無晚市的!!是日我倆公婆又再光顧..我經常食牛肚河,今天試下牛肚撈麵牛肚超入味, 又淋,蠔油不會太咸,可以轉要腩汁, 撈面最重要有碗味精湯, 配食一流!!!又夠大碗, 飽肚!!雙拼 $30, 大大碗, 豬手夠淋,無毛, 腩汁味道濃郁單拼是$24, 價錢不太貴, 普通食個午餐下午茶已經很足夠, 而我倆因為早食晚飯, 當晚飯,也慳不少!!!這裡的辣椒油不過不失, 但當然要沾上才可口!!這裡雞亦同水餃也是出名的!!!!不妨下次要試食!!!價錢平,服務好,地方乾淨,不錯!!…查看更多