影片
开饭介绍
前丽嘉酒店荣川的玮师传开设的日本料理，源于荣川的特色菜，包括鸡泡鱼菜式及松露油鱼生薄切等。
继续阅读
营业时间
星期一至日
12:00 - 15:00
18:00 - 00:00
以上资料只供参考，请与餐厅确认详情
招牌菜
成日系铜锣湾揾食, 呢栋大厦都系我地既favorite地点, 今晚又想试新野就试呢间... 搭lift期间停过其他几层都full哂人, 但呢间一入去发现成间餐厅得两台食紧, 已经心知不妙... 烧牛舌 --- 几好味, 好香, 但师傅落重左盐, 好咸, 26/F 好味d寿司set $210 --- 食过好多间同区呢个价钱都好好食, 但呢个set真系令我失望... 又唔可以话唔好食, 但去到好似呢d正宗d非迥转既日本餐厅都系谂住食好d, 但一d都无呢个感觉食完先上黎睇返其他食评... 唔怪得之...
继续阅读
19-4-2009又到铜记食寿司, 今次试呢间, 主要因为想试的 15 及 16 楼齐齐 fully booked -_-", 及谂住佢系荣川 d 师傅开出来, 质素应该唔错0卦.大家都叫了自选寿司定食 ($120):-烟鸭胸沙律: 沙律菜切得幼细, 够新鲜爽脆, 配上酸酸甜甜的麻酱 dressing, 够晒开胃; 烟鸭胸就系现成货, 可有可无. 前菜系汁煮牛舌: d 汁色水令人却步... 牛舌呈 cubes 形, 软熟又不失爽口, 味道几清, 都不错.渍物就因为大家都唔多钟意食, 惨遭放弃. 蒸蛋配料有白果, 鸡肉, 虾 etc, 质地滑溜, 味道十分清甜, 呢个好好食! 我的 10 款自选寿司分别有海胆军舰, 三文鱼籽军舰, 吞拿鱼腩, 带子, 甜虾, 赤贝, 左口鱼, 鲷, 玉子 (以上全部各一件) 及 toro 蓉卷 (2 件), 虽然件件都系至爱, 但整体印象只系一般:- 寿司饭: 卖相握得 ok, 食落醋香 ok, 但质地比较糊腍, 而且 size 太大了, 要塞饱客人? 感觉麻麻0地.- 海胆: 新鲜度 ok, 食落甘而不够甜, 可能本身品质一般?- 三文鱼籽: 鱼籽本身颇咸鲜, 但份量多到快跌出来 , 成件放入口食, 就太咸了.- 甜虾: 呢个几好食, 虾肉白里透粉红, 爽身带甜, 不过唔知点解其中一只「甩尾」的? - 赤贝: 爽口带甜, 新鲜度 ok, 几好食.- 带子: 呢个都算新鲜, 但奇怪点解无喱味道.- 玉子: 颇松软, 不过较干, 而且始终唔系「烧」玉子, 感觉争 d.- toro 蓉卷: 呢个认真麻麻 -- 卖相已几样衰, 食落就只有洋葱的呛及糊糊的口感, 早知唔 tick!- toro: 有点筋, 但油香十足, "aftertaste" 强烈, 好食.- 左口鱼及鲷都新鲜的, 不过又沦为配角. - wasabi 卖相牙膏, 食味就连「牙膏货」都不如, 完全无味道的! - 仲有 on the side 的酸姜, 唔辣, 但极甜, 浸过糖浆? 朋友的自选寿司就有三文鱼籽军舰, 吞拿鱼腩, 三文鱼, 池鱼, 油甘鱼, 甜虾, 鲷, 玉子 (各一) 及 toro 蓉卷 (4 件), 卖相都唔错, 不过佢好似唔多满意, 除0左因为 d 饭太大, 又话「d wasabi 好『亏』」, 而且 「上次0个间 (http://www.openrice.com/restaurant/commentdetail.htm?commentid=1982539) 好食 d 㖞」...仲有一碗清汤乌冬, 几有弹性, 不过食完咁多寿司仲整碗淀粉质, 真系饱到上心口. 朋友就比我更早投降, 食了两啖就放弃了.最后的雪糕要了绿茶味 (waitress 话亦可选红豆, 但后来佢又同隔0黎台讲有芝麻味...), 味道「奶」得很, 系「明治」牌? @_@"连加一每人约 $135, 劲饱, 虽然总觉得争 d, 但睇著价钱算平份上, 都值笑面的. 唔怪得楼上咁爆, 呢度就咁「吉」啦.希望下次食得成 15 楼或 16 楼吧.
继续阅读
刚过了的星期三同朋友去了依间系网上揾既日本餐厅, 我见d comments算唔错, 所以就同朋友试下....我地点了芝麻豆腐, 卖相可以, 但唔系话味道唔好, 但豆腐有豆腐味, 芝麻有芝麻味, 并不是我们所想和特别 但d寿司唔错, 几新鲜 烧牛舌就... 这间餐厅最令我失望是.....有两对都有四十几岁既男女好嘈, 可能又饮大几柸, 巴啦巴啦....有点讨厌既感觉 好失礼!!!未去过可以试下既, 但去过一次就没有令我有想再去既冲动
继续阅读
15Feb 晚经过某某日本餐厅(于同座大厦)的惨痛经历, 二话不说便上去玮鳍碰碰运气. 其实我不时都会来玮鳍吃饭, 特别系lunch, 因为比较抵食. 应该一早就写吓食评. 去到玮鳍, 果然有位. 这里的服务态度与某某日本餐厅比较简直系天壤之别! 侍应好勤力去斟茶, 收碗碟等等. 当窗边那枱客人离开后, 经理先生仲同我讲唔好意思刚才不能给我们一张比较舒适的枱, 仲问我们有无兴趣转去窗边那张枱. 食物方面, 我们三人叫了一个葱吞拿鱼腩饭定食, 一个寿司盛合, 及一些串烧. 葱吞拿鱼腩饭好新鲜. 当日寿司的款式好合我心水, 而且比之前一次dinner 吃的较新鲜. 款式方面有好肥美的toro, 海胆, 赤贝, 三文鱼等等. 吃完鱼生, 熟食才慢慢上枱. 上次试过鳗鱼年糕天妇罗, 好特别所以再encore. 原来鳗鱼同年糕一起炸天妇罗可以咁夹!! 烧牛舌亦是我的心水之选. 烧鱿鱼用了一些相信系七味粉的东西来煮, 味粉藏于鱿鱼胡之间, 特别野味!! 其实玮鳍的食物及服务都好好, 真系唔明点解一直都唔系咁多人去. 但我一定会继续支持!!
继续阅读
要想食好野，同埋ｗａｌｋ ｉｎ有位，就一定要早入座，我呢日系１２：０１就入去，果然系一个人都无，以为执到笋野啦，点知食到未１点钟都无人就知佢系唔够人抢客啦～我呢日本住试新野，一个人都叫左几多野食架。我叫左一个三文鱼亲子饭套餐，盐烧牛舌同埋２件鲷鱼刺身。点知师傅话鲷鱼无返，提议我食河豚刺身半份，都好啵，我都未试过，就叫左半份啦～其实呢间ｄ野食都唔太差架，而且仲好平添，一个ｌｕｎｃｈ ｓｅｔ＄５０都有交易，系呢一幢成幢都劲既日本餐厅黎讲，佢真系平啰！亦都系呢个原因，所以一直得唔到有要求既客黎帮衬。黎得呢幢既客，都系唔介意俾多少少而食得好ｄ架啦，佢个定位似乎错左少少。首先讲左个餐先啦，佢ｄ三文鱼就新鲜，鱼子就麻麻啦，我估佢ｄ客唔多食挂！成个餐都无咩出错，应该既味道都系到。个盐烧牛舌我以为系串烧得几件，原来系一碟架，又几抵食，而且件件都厚厚地，牛吞要厚切先好食架麻，正！最后先讲佢碟河豚啦，唔知系唔系我唔识得食呢，又唔系好食到佢好鲜甜咋啵！不过食河豚就一定系薄切，仲要见到碟底既花纹先为之合格，佢地呢到都做到架！可能系无咩生意啦，佢由开张到而家午餐都系有八折优惠架，都抵食架～
继续阅读