瑋鮨日本料理 (已結業)

15Feb 晚經過某某日本餐廳(於同座大廈)的慘痛經歷, 二話不說便上去瑋鰭碰碰運氣. 其實我不時都會來瑋鰭吃飯, 特別係lunch, 因為比較抵食. 應該一早就寫吓食評. 去到瑋鰭, 果然有位. 這裡的服務態度與某某日本餐廳比較簡直係天壤之別! 侍應好勤力去斟茶, 收碗碟等等. 當窗邊那枱客人離開後, 經理先生仲同我講唔好意思剛才不能給我們一張比較舒適的枱, 仲問我們有無興趣轉去窗邊那張枱. 食物方面, 我們三人叫了一個蔥吞拿魚腩飯定食, 一個壽司盛合, 及一些串燒. 蔥吞拿魚腩飯好新鮮. 當日壽司的款式好合我心水, 而且比之前一次dinner 吃的較新鮮. 款式方面有好肥美的toro, 海膽, 赤貝, 三文魚等等. 吃完魚生, 熟食才慢慢上枱. 上次試過鰻魚年糕天婦羅, 好特別所以再encore. 原來鰻魚同年糕一起炸天婦羅可以咁夾!! 燒牛舌亦是我的心水之選. 燒魷魚用了一些相信係七味粉的東西來煮, 味粉藏於魷魚鬍之間, 特別野味!! 其實瑋鰭的食物及服務都好好, 真係唔明點解一直都唔係咁多人去. 但我一定會繼續支持!!