玥

营业中

休息中

商場翻新後，多左好多選擇。呢間外面睇似日式，原來係台式。晚市散叫，每樣都好精緻，以為唔夠食，最後勁飽。擺盤靚有心思，味道好。飲品有驚喜，奶蓋冇得彈。環境優雅，係高級版台菜。🥢餐前小食--琥珀合桃好好食，勁香脆，少甜，食得出新鮮製造。店員話係自家製，有得賣，可惜今日售罄😆。🥬樹子香菇炒水蓮 $88水蓮係台灣原生菜，爽脆好食，配上酸酸樹子，好開胃。🐟蜜薑脆鱔 $108呢個擺盤好靚，上層炸物有少少蜜糖，炸得香脆。好鐘意食鱔，呢個做法甜甜地，少少脆，魚肉彈牙，啖啖肉。🏵️無花果黑醋骨 $95原來係乾無花果，黑醋骨醋味濃，配上乾身少甜無果花好特別，又可平衡到個醋酸。件數唔少，好夠食。🐮鮮蚵手工安格斯滷牛肉飯 $98滷肉飯係台式必點，但我怕肥肉多，不過呢個係安格斯牛，唔使擔心😆。肉炆得好淋，入口即化。配上大大隻鮮蚵，平衡番個肉感。🍹芝啡頂生椰 $36椰青水做底，好清爽；頂層芝啡奶蓋好夠味，奶脂夠，飲到底奶蓋仲係度。🍹夏香芝士奶蓋醇茶(竹香鐵觀音) $36奶蓋真係無得頂，茶清香，好解膩。

元朗愈來愈多餐廳啦，這次去到前身為交通廣場，現已翻新為【加點】的商場，現在多了不少食肆欵，當然要去吃一波🤭。簡約的環境舒適，是綠色木系裝修。食物有套餐和散點，還有多款手搖飲品欵🙈。-▪︎夏香芝士奶蓋醇茶 HKD$36｜水蜜桃晶球冰茶 HKD$38手搖飲品選擇挺又多的，點了2款茶飲試試看。夏香芝士奶蓋醇茶是用竹香鐵觀音茶底，奶蓋質地軟滑味道微咸，茶底清香解渴，加了一份珍珠(+$5)口感煙韌軟糯。水蜜桃晶球冰茶口感較豐富，同時間吃得到果肉和晶球，酸酸甜甜感覺清爽。-▪︎脆皮法國黃油春雞 HKD$158金黃色的賣相挺吸引😚，熱辣辣送來味道真香。預先切件更方便起，這個要趁熱吃口感較好的。皮脆肉嫰的質感，不會感到太油膩。肉質嫰滑有肉汁，配醬汁吃更惹味。-▪︎酥炸豬排蛋白炒飯 HKD$98原片豬排厚切鋪在飯上，味道香又吸引📸。外層酥脆微咸，肉質嫰滑有嚼感。蛋白炒飯也有簡單調味，味道不會太重的。飯質粒分明不會太油膩 ，裡面還有切粒的豆子，吃起來口感挺豐富。-▪︎黑糖玫瑰芋圓 HKD$40這個人熱辣辣的甜品，用了透明茶杯裝著，有食用玫瑰花做點綴🤩。香甜滋潤的黑糖，配著清香的玫瑰，對女生來說是個挺養生的甜品🤤。

依家個個都北上消費，其實香港仲有好多好好食好有心機嘅餐廳。今日行過見到佢哋新開張，天氣又熱，想飲台灣手搖 食下台灣野就入咗去試吓啦！首先真係比佢哋嘅裝修吸引，睇得出個老闆對「靚」呢樣嘢好有要求！上至舖頭裝修，下至食物嘅餐具碟都好靚！之後講吓食物先，一行4個大人1小朋友，所以都嗌咗唔同嘅嘢食 價錢都係合理嘅～$70-100左右。我最欣賞係佢嗰個新竹炒米粉，生活在香港咁耐都未試過食啲咁嘅質地嘅炒米粉，真係好好食！好得意之後鹽酥雞又大大嚿個皮都係好脆，唔係嗰啲預先整定再拎出嚟，所以都要預少少時間去等佢出餐。屋企人最欣賞係佢嗰個烏魚子黃金炒飯，好爽口，做到炒飯嘅亮點，就係粒粒分明總之會有下一次！

以前交通廣場而家叫加點新開咗間台灣嘢去試吓，兩個人叫咗三樣嘢，份量少而貴，味道一般般。食咗三百幾蚊，值唔值就見仁見智啦！服務冇乜野，Waites同Waitress會自動加水，落完單差唔多20mins先上第一樣野。蚵仔煎夾埋唔知有冇10粒蚵仔，係用雞蛋煎嘅，所以感覺好乾，擔擔麵味道就好一般，最終都冇食晒，三杯雞味道OK都算不錯。裝修都不錯，成本都應該係去晒租金同裝修費啦，應該唔會再有下次lu . 都係去返食肥姐嘅蠔餅算

走入新開嘅「玥」，感覺舒服清新，餐椅舒適。由於係下午茶時間， 點嘅食物唔多，只係輕食手， 但有驚喜， 看得出店主們都有心思。 下午茶時段點了黃金蕎麥鹽酥雞再加鮮腐竹豆乳擔擔麵，再加一杯黑糖珍珠拿鐵大滿足！ 鹽酥雞真係香脆而不膩，再加上有柚子味嘅醬汁， 一份真係唔夠食； 而豆乳擔擔麵更有驚喜， 一向嫌擔擔麵有重花生味嘅姪仔今次都搶住食， 主要係豆乳湯味道好出， 加埋擔擔麵一齊食，味道真係好香好甜。期待晚餐， 已約好朋友去發掘其他菜式！

前日約咗朋友行yoho，先知道元朗新開咗yoho mix同yoho plus兩個商場，加埋yoho mall 一期和二期，佔地之大 ，行商場行到攰，肚餓之際發現呢間台式餐廳在試業，決定試下。 喺yoho mix行一段天橋先行到呢間餐廳，都唔算遠。餐廳環境都唔錯，有落地玻璃，可以望街景，夠光猛，感覺都幾舒服。點咗餐廳招牌 安格斯滷牛肉飯，好有驚喜下午茶價68蚊，好抵食，超值之選。牛肉軟腍惹味，飯係用咗珍珠米，飯有汁，總體質素高。仲點咗 鮮腐竹豆乳擔擔麵，賣相好靚，味道不錯。最愛溏心蛋🥚 同 菌燒鮮腐竹，糖心蛋有少少酒香，好好味。腐竹滑而有濃豆味，菇菌也煮得很入味。鹹酥雞，外層酥，雞肉入邊有汁，不過略嫌太大舊，小朋友食就最好剪下一開四。仲有甜酸汁可以解滯加18蚊點咗杯高香茉莉芝士奶蓋，超大杯，不過出奇地好飲，最好竟然飲得曬，唔記得影相添。呢餐飯食得愉快，最緊要高質，下次嚟元朗會再嚟，希望水準可以保持