王牌冰室 (聯興街) (已結業)

趁住放假同朋友入粉嶺行山😌行完有啲肚餓就去左食野😇好肚餓坐低嗱嗱臨就叫左個牛乳滑蛋蝦仁配叉燒飯 $66 呢碟滑蛋真係看到都口水直流🤤滑蛋軟嫩度剛好👍還有一點點半熟的狀態😍 蝦仁🍤好新鮮每一隻咬下去都爽口鮮甜的🙌义燒半肥瘦跟濕潤的滑蛋一齊食好正👍另外朋友就點個蒜茸汁鐵板牛柳🐂配薯菜🥔🍅 $92 鐵板牛柳🍽叫左7成熟🙆‍♀️牛柳啲肉質非常鮮嫩好好食🤤🤤配埋個秘製香濃蒜蓉汁林落去鐵板個下熱氣令到整體香氣上升了😬攪到我都忍唔到痴左舊食下😂而粗薯條炸到外脆內軟🙌成碟刷哂🤩兩個太早起身既人餐飲都不約而同叫左咖啡☕️每杯 +7蚊 😊😊

粉嶺真係越來越多冰室🙆‍♀️今日就黎到王牌冰室同朋友食lunch😊呢度裝修都幾特別🙌牆上面有好多唔同嘅霓虹燈!嘢食方面我地嗌咗一個茶餐同王牌套餐🙌瑞士汁雞翼撈麵配炒蛋丹麥包 💰48 好少茶餐廳有既丹麥多士塗滿牛油烘得啱啱好👍嫩滑既炒蛋幾大份仲有蛋香😬呢度用既雞全翼🐣大大隻好飽滿雞肉又嫩滑💁‍♀️瑞士汁味道濃得來又不會太甜🙌😜公仔麵條軟硬適中撈埋甜香的瑞士汁一齊食好正😋王牌脆炸肉絲麵 💰58呢度既肉絲麵有別一般既肉絲炒麵😬廚師特別將面條炸成一個個麵球粒🤩外型已經夠吸引❤️點埋銀牙肉絲把醬汁掛在麵上都唔會令到麵條林哂😇我就鍾意點埋醋一齊食特別開胃👍兩杯餐飲凍咖啡都只係每杯加 💰7 咖啡味香濃😌飲落好醒神👍

之前已經食過兩間聲稱出名濃沙嗲牛肉麵既餐廳，但都失望而回😟。今次呢間茶記都聲稱自己出名濃沙嗲牛肉麵，起初對佢都無乜期望🤔，但食過後，友人不停話今次比上兩間好好多，表示要再黎😏。特濃沙嗲牛肉通粉常餐 $48其實平日自己好少食沙嗲牛，因為大多數都係碎牛肉或有筋牛肉或湯底唔夠味，但今次呢間完全無呢D問題😲。牛肉片份量可以用多黎形容，食極都有，而且大大塊；湯底幾濃幾杰身，有少許花生碎，好彩花生味唔算好濃，同其他香料調配得岩岩好係我中意既口味🤤。牛乳炒蛋、丹麥多士炒蛋有蛋香，但完全無調味，食落比較單調，自行加上幼鹽，味道即刻昇華😏。丹麥多士烘得幾脆，不過多士本身應該唔太新鮮，食落無牛油香之餘，仲有少少怪味🤔。餐廳仲有炒粉麵飯、咖哩飯供應，唔知味道如何，只知在場人士多數都食常餐，偶然有人食叉燒蛋飯。整體食物味道唔差，價錢可以接受，如果屋企附近有呢類比較有質素既餐廳就好啦...

😋 《王牌冰室》I▪️🅘🅝🅣🅡🅞身位住係北區嘅我，近排發現到一間新開你耐而我又一直好想試嘅冰室，就係《王牌冰室》了❗️佢位於聯和墟近教堂附近位置❗️當初開張時，我被佢門面嘅霓虹燈招牌同裝飾吸引咗❗️終於終於有日我食咗佢地嘅外賣常餐，被佢嘅外賣盒嘅設計完完全全攻陷，好靚吖😍而今次我就堂食咗佢地嘅晚餐❗️蜜椒薯仔牛柳粒～呢個晚餐係跟白飯同老火湯/羅宋湯，我就額外叫咗杯特飲紅豆冰❗️蜜椒薯仔牛柳粒整碟餸好夠鑊氣薯仔🥔外脆內軟裹上蜜糖黑椒嘅味道👍🏻而牛柳🐃粒好香口，牛味重又好林食上癮🙈特飲紅豆冰紅豆軟軟綿綿，又唔會太甜，好飲老火湯好足料又好夠味，大愛I▪️🅐🅓🅓🅡🅔🅢🅢📌 粉嶺 📍 聯和墟聯興街27-29號地舖#飲食男女 #香港美食 #Foodie #Yummy #hongkong #food #foodieblogger #foodiegram #hkfoodblogger #相機食先 #hkphoto #hkiger #hkig #hkblogger #hkigdaily #香港人 #hklifestyle #生活 #攝影日常 #ig打卡熱點 #香港好去處 #photography #topcityb

今日自己一個人食晏 一入到去佢就叫我坐圓枱 我問佢可唔可以坐卡位 個店主好好人佢話你鍾意 於是我揀咗卡位座(近後門) 坐低慢慢睇menu睇下有咩食 見到我最鍾意食嘅雞煲 仲可以配埋我最愛嘅叉燒 跟住阿姐話叫呢個啦佢話賣相唔錯 於是我就叫你試下落完單之後 我開始發覺隻腳好痕 feel到有嘢咬我 再抬頭一望 佢有個電蚊機喺度 唔怪得知頭先佢唔畀卡位我坐 應該係佢唔想我咁痕 啫啫雞叉燒煲 （Lunch set）個雞煲一上枱 見到啲汁喺個底度仲滾緊 心諗好有鑊氣咁 於是我就夾面嘅雞試下 頂 好明顯係得個煲熱 啲雞係一早煮好就咁放落個煲入面 唔係用個煲煮出嚟 不過啲雞食落都叫滑 但就冇乜味 叉燒就好差 都係啲頭頭尾尾 另外有一樣仲差 就係啲洋蔥有宿臭味 應該係變咗 開頭要我自己味覺有事 點知食完之後返去就肚屙 一定冇下次幫襯

聯和墟新開嘅冰室，見佢大大個招牌咁吸引，夜晚唔知食咩，諗住去試下佢啲小菜。入到去，裝修幾有feel，相信有花過心機，地方都算闊落，唔算好爆場揀咗卡位坐。叫左椒鹽鮮魷同西檸雞，味道真係唔錯，雖然唔算好大碟，不過上菜個下真係幾吸引。見到隔離枱個啲小菜同煲仔，已經諗緊下次想食啲咩。🤤美中不足既係啲員工服務態度真係唔得，大聲講大聲笑，著住裇衫個個姐姐對客10問9唔應，對住啲同事就大大聲鬧😂仲有個成身紋身既呀叔，粗口爛舌，做嘢求求其其，隻手又唔乾淨咁出餐，下次戴返隻手套會好啲囉。可能係茶餐廳啦，服務質素真係唔好期望太高，不過嘢食真係幾好，下次試下去食返個lunch先🤣上網見到原來好多分店，不過間間都參差，得閒都要出去周圍食下。

▶️前幾日諗住寫，點知太忙冇寫到🙈前排屋企停水，冇得沖涼早咗出門口，所以入咗去聯和墟一試😆沙爹牛肉公仔麵🍜聽朋友講好正，沙嗲辣辣地偏甜，似串燒嗰啲沙爹醬，都比得多，唔會成碗麵好唔夠沙嗲味，不過略嫌唔夠濃味😆蒜香多士配炒蛋🥚🍞加咗兩蚊轉蒜香多士，個包好食，但蒜香太鹹，可能普通牛油多士會好食啲；炒蛋幾香幾好食😋⚛️個沙嗲牛唔夠濃味，冇朋友所講咁好食，個人覺得附近嘅明珠冰室嘅沙嗲牛濃味啲好食啲；下次試下佢個肉絲炒麵，好似都出名🤤佢有好霸氣嘅龍口罩紙袋🐉

早餐有咸牛肉炒蛋潛艇，蛋夠滑而且同咸牛肉好夾，但個包唔知點解係黃色嘅，亦都食唔出係有咩特別😅招牌沙嗲牛肉麵，沙嗲汁十分濃厚，放咗落湯都依然有太濃稠既感覺，牛肉大細恰到好處，唔會韌，我會比7分！配上既麵包唔係一般方包或餐包，而係丹麥包，的確好味！咖啡嫌棄落咗太多奶，一啲咖啡味都無，真係覺得有啲喧賓奪主😅服務方面，只係一般，畢竟係係茶餐廳，都唔會期望太多。由於係新裝修，又咁啱安排咗我坐卡位，所以都好滿意。

今日去聯和墟，發現開咗間新嘢！就入去試吓茶餐廳最經典美食，沙爹牛公仔麵🍜點咗兩個常餐，分別是王牌特濃沙爹牛肉公仔麵和蕃茄濃湯午餐肉粒通粉，配牛乳炒蛋+丹麥多士。先講蕃茄濃湯，一飲個湯似罐頭🥫蕃茄濃湯，厚切餐肉粒，不過不失；跟住個炒蛋，煮得剛好，蛋好滑，好有蛋香味，份量都算多，但塊丹麥多士就比較乾；最精彩是碗沙爹牛麵，個湯好香沙爹花生味，湯的份量剛剛好，沒有遮蓋啲麵，牛肉好琳無筋。這間店門口有兩個卡位，方便啲特別情況需在室外食嘢人士😄

又係狗狗陪食系列🤣🤣🤣去完寵物展返到粉嶺超肚餓，主子就放題飽左，到我地奴才開飯...呢到就黎成為我地既飯堂，早午晚都食混，差下午茶咋🤣🤣🤣呢個麻辣辣子雞真係好好味😍😍😍上次食過今次再encore 呀，個茄子牛仔骨煲都超正，勁有獲氣...而家講起都想再食🤤🤤🤤🤤🤤

約埋狗狗朋友一齊行落黎食，粉嶺好少可有帶狗狗一齊食野既餐廳，呢到有兩張室外既台，岩晒我地d帶狗狗人黎食，店員都好dog friendly 🥰🥰🥰狗狗見到都洗識晒口水，只可惜佢地係陪食🤣🤣🤣食物方面，牛奶蛋好白好滑....脆麵夠脆..又唔會食到成口油👍🏻👍🏻👍🏻👍🏻會再黎食

喺聯和墟早餐黎黎去去都係果幾間食到悶...都唔知食咩好 兜左一陣 見到佢呢間冰室新開既....又大間...入去試下啦...見到餐牌沙嗲牛麵 + 鹹牛肉炒蛋潛艇 好似好吸引但應該好飽 食唔曬...所以都係揀左沙嗲牛麵+炒蛋+$2蒜蓉多士+熱朱古力首先炒蛋+多士黎先炒蛋幾靚夠滑既...多士細舊左d...鹹左少少不過唔錯架第二沙嗲牛麵黎到個麵冧左d...如果唔咁冧就正花生味好濃 沙嗲牛肉夠曬正😍之後隔左一段時間杯熱朱古力先黎到...唔錯唔錯～呢間野都算新...好食係理所當然....員工既服務態度都重要...可能仲叫食緊早餐時段 10:59...有d員工未訓醒咁...希望下次去既時間 唔係整係得一兩個好態度...