王家沙．花好月圓 (又一城)

营业中

休息中

相約舊同事聚舊，選擇坐得舒適的王家沙，內裡環境寬敞，裝潢有中國古典風。食物款式好多選擇，有涼菜、燒味、小菜、川菜、點心等應有盡有。天氣涼了想點熱豆漿 $26 暖胃，十分夠熱，暖在心頭，有豆香味，甜度剛好。玫瑰露火焰蜜汁叉燒 $138上檯時有爐保溫著好貼心叉燒燶邊香口，肉厚啖啖肉，有熱爐保溫加分。特級醬油煎海中蝦 $168醬油味好香，海中蝦已去腸開邊，方便享用，蝦肉陣牙入味。蟹粉小籠包 $78小籠包好飽滿，咬開有肉汁流出，有蟹粉香味。

今日同小朋友成家人一齊去食，叫咗幾樣嘢食 包括小籠包、上海粗炒、蒜泥白肉同埋春卷咁上下。叫完唔夠5分鐘就上菜，全餐30分鐘食完🤣 個個餸都好似微波爐叮熱咁，上海粗炒啲肉絲基本上都未分開，擺到明係烚完成包隨便開出嚟。d菜又淋又剩，好似幾日前整定咁。本身食完都未夠飽，一諗起自己食緊預制菜，即時嗱嗱聲走啦。其實同一個場，仲有其他上海菜，你會發現成個商場度度都要排隊，係得呢一間餐廳唔使排呢一間餐廳都改咗名幾次，估唔到可以咁差

呢間餐廳香港好耐歷史，一排冇食又心思思掛住想食。餐廳嘅位置好方便，喺九龍塘地鐵站上蓋嘅商場入面，環境都係一貫咁舒服食物同埋服務咁多年都係保持水準。 **花雕醉雞🍶🐔** 呢個花雕醉雞真係一試難忘😍！雞肉超級嫩滑，花雕酒嘅香味完全滲入去，食落去有淡淡嘅酒香，但又唔會太濃，啱晒鍾意食醉雞嘅你👌。**手工鮮肉小籠包🥟** 小籠包控必試！呢度嘅手工鮮肉小籠包真係皮薄餡多，咬落去啲湯汁爆晒出嚟，鮮味十足💦！肉餡又滑又香，完全唔會覺得膩，食完之後仲想encore多幾籠😋。記得趁熱食，先可以食到最正嘅口感🔥！ **金牌蟹粉生煎包🦀🥟** 呢個金牌蟹粉生煎包真係無得輸😲！外皮煎到金黃香脆，咬落去啲蟹粉湯汁爆晒出嚟，鮮味十足，仲有啖啖蟹肉，真係食到停唔到口🤤。如果你係蟹粉控，呢個絕對係必食之選👍！ **上海擔擔麵🍜** 擔擔麵湯底香濃得嚟，麵條彈牙有咬口，仲有啲肉碎同花生碎增加口感，食落去好豐富👅，我食到一滴湯都唔剩💯！ **招牌炒飯🍚🥚** 最後一定要試吓呢個招牌炒飯！肉鬆同鹹蛋黃嘅配搭真係好邪惡😈，但係好食到停唔到口🤤。炒飯粒粒分明，鹹蛋黃嘅香味完全滲入去，仲有啖啖肉鬆增加口感，食到最後一啖都唔會膩

平時鍾意喺又一城行商場但係覺得冇咩好食？我介紹花好月圓呢間！包含咗中式點心經典港式小食仲有川菜鮑參翅肚都有添識我嘅人都知我超鍾意食鮑魚基本餐廳有鮑魚我都會叫今次就嚟食一下比較少人叫嘅鮑參翅肚系列叫咗個鮑汁燴鮑魚花膠本身都對佢冇乜太大期望點知超有驚喜鮑魚同埋花膠都炆得好腍好入味完全係想即刻再叫多碟！另外仲叫咗火朣燉津膽醇厚甘香甜美芬芳平時出街食得比較肥膩加上煎炸得多呢個湯真係好適合順喉滋潤加上滴滴精華之後當然唔少得呢個翡翠燒賣打卡一流而且佢係齋嚟嘅超級健康咬落去淡淡菜絲有咬口得來完全唔會驚膽固醇超標

相約舊朋友到又一城睇戲, 順道一齊食Dinner, 經過見到王家沙即時憶起當年中學回憶, 宜家升級為「王家沙．花好月圓」, 多咗唔少菜式, 吸引了我地幫襯。環境舒適企理, 裝修富有中國風; 平日晚人流唔多, 無限時間交檯, 可以同朋友傾住計慢慢食。【花雕醉雞】HK$108醉雞幾嫩滑, 而且非常入味, 每啖都能吃出香醇重酒味。 【金牌蟹粉生煎包】HK$78生煎包底部煎得金黃脆口, 包質地軟熟, 餡料帶有鮮肉香兼有淡淡蟹鮮味。【酸辣湯錕鈍】HK$78酸辣湯底質地易掛汁, 酸辣平均, 錕鈍皮厚薄剛好, 吸湯後都唔會有糊狀口感, 不過餡料嘅韮菜味道唔太突出。【招牌炸豬扒擔擔麵】HK$118擔擔麵可揀辣同唔辣, 不過揀辣嘅都唔太辣, 花生醬味道濃郁, 掛汁麵條味道濃郁, 帶有些少肉碎同埋花生碎, 增加口感層次; 豬扒外層酥脆有口感。【芝麻豆沙餅】HK$48豆沙餅面層佈滿芝麻, 夾住些少豆沙, 香口又唔會太甜。

上海粗炒上台以為係湯河。高力豆沙以為係爛咗執反上碟、醉雞酒味攻鼻雞肉白烚無味石頭質地。這個連所店又－城廚房唔明做乜事。製造如此不堪入口的食品。服務員態度差到講唔出口。區區有分店都唔敢光顧。很遺憾如何競爭。