王家沙 (已結業)

唔講多，食物中規中矩，正正常常。服務其差，同深水埗茶餐廳無大分別。叫個紅燒牛腩担担麵，來了個清湯牛腩，同個侍應講，佢話無錯，呢個就係紅燒牛肉担担麵我真係嚇一跳。無論係我點錯，或者係廚房搞錯都唔係大問題，但你指住呢個麵同我講話呢個就係牛腩担担麵我就真係要寫個服字。叫左個經理，經理就攞返張點餐紙比我睇，OK, 係我畫錯位，點左個清湯牛腩麵。但經理二話不說，一句說話都唔講，一張了不起的臉實在不要得。食完埋單要得10分鐘。兩個人食$500一句多謝都無我真係唔明白係咩服務態度。食過好多間王家沙，呢間真係差到無得頂。

今天和老公二人點了幾樣食品，醋宏耳，燻魚、蟹粉小籠包、素鵝及擔擔牛腩麵。由於我們一心是想點擔檐牛腩湯麵，但來了的是清湯牛腩麵，於是問上年纪較大女侍應這是擔擔牛腩麵？侍應亳不猶疑即答係呀！我再反問為何冇花生及辣油在湯面？嗰侍應冇正面回應走咗去！我再問番幫忙下單的年輕女侍應，佢才回答： 哦等等。之後嗰穿著黑衫蓄髻的女經理/部長一句說話也冇同我地講或解釋，面帶得戚的放下我們之前的圈食物下單紙即走開（似是暗示他們沒有出錯）我們睇番原來是我們圈錯了上一項，冇問題，既然是我們圈錯，但我們感覺女經理非常冇禮貌，也可以開聲同我們講是我們圈錯，又或者主動了解一下幫我地加番D擔檐麵辣油，但她完全冇提供協助。另外，茶芥＄每位計但又吾會開壼茶俾客人，茶飲曬又冇侍應添俾你，要叫先加....食物方面：食物一般，只有燻魚較為正常。最後埋單二人，茶＄連加一都要差不多五百元，阿女經理在埋單過程，態度仍非常刻意傲，當然最後一句多謝也冇講，連基本禮貌都冇，總之全程係黑口黑面的，吾明點解會請D咁嘅人做服務性項業！根本系趕客！如大家想消費而受氣的話，即管去試呢間王家沙！

我地食晚市, 6:00入坐都未係好多人咁一開始我地就問個待應如果用Ucard 係咪有優惠個待應睇都唔睇就話無, 仲好唔想理我地咁咁我就問佢點解無? 個app 明明寫有個待應就叫我自己行去收銀問個邊D人 個收銀離我個位勁遠, 佢咁既服務真係好差之後我地叫佢收左碟花生，佢就問我地有冇食，我地話無但佢無即時收左碟花生，要我地再三提佢，佢先好唔情願咁收走 (花生成$12碟)我地叫左炒飯遲遲都未上，咁我地又叫個待應吹下張單，順便上埋甜品但個待應只係幫我地落甜品order, 炒飯完全唔理到見到其他遲黎既客都食緊炒飯, 連我地甜品都上埋我地再忍唔住勁大聲同佢講" 唔該! 我地炒飯仲未黎wor! 人地其他都黎哂"佢先肯幫我地吹單茶位收$12個，但D茶好難飲，同埋係要等佢斟，唔係自己開茶D野又唔好食，我同我D fd食完個肚都唔係好舒服D staff 服務態度又差! 以後都唔會再黎!!!!!!!!!!!!!!!!!!

點了糟溜魚片，蟹粉小籠包，雲吞雞，東坡肉，擔擔麵最終擔擔麵因問題而取消下午1700左右到，沒有待應招待，我問他們是不是落場了，要幾點再開，答案是沒有落場的，那來招待我可以嗎?不要站在一起聊天，謝謝坐低點野食後，先來的是小籠包，和擔擔麵小籠包不錯，多汁，蟹粉咪不重，但很對口味擔擔麵攪拌後一吃，只是微溫，而不熱向待應反映後，雖然她一直說碗很熱，但仍然幫我拿回廚房。再拿出時，整個湯底都已經稀釋到沒法食的程度，我猜他把整碗湯倒掉，再倒入新熱湯或舊湯加熱水，可是仍然不夠熱，而且舊湯混和了肉碎和花生，是有味道的，而新湯來時什麼味都沒有了，像水一樣，待應還回我，很熱了，快點趁熱食，最後我要求取消，他們也直接取消了，雖然麵和待應有問題，但不用爭拗就能取消就已經很好了雲吞雞不過不失東坡肉味道不錯，不肥膩，面層皮與脂肪很軟滑，可惜底層瘦肉位置很鞋，夾膜像放了很久的東西，口感和味道也很怪，非常難食最後的糟溜魚片，滿分難食，水灼熟了魚和木耳(我甚至不覺得那是雲耳)，加生粉芡就出來了酒釀味道去哪兒了??魚片連基本醃味都沒有，吃落雪腥味重，最後點食小籠包的醋吃了魚片，發現該醋很不錯，哈哈上海菜雖然不一定是濃油赤醬

因為住附近、間中都來食下，雖然食物唔係特別好食但又唔係差到食唔落口，所以都來左幾次。哎～以後不會再出現啦我們二人到時：全場只有兩台、四人，居然安排我們坐靠假牆邊最細台，因為我們知道會叫多碟嘢食、就問可以坐隔離位嗎？（四人位）結果後面有個人出來拉開台一半，又邊二人位，直到送嘢來時，冇地方擺嘢、就語氣超硬話：食埋個小籠包啦，即係讓位俾佢擺嘢⋯⋯

人生中吃過最難食既食物超級爆難食食物唔熱啲茶無茶香味碗麵本身應該要有雞肉但上到菜之後發現無焗硬你要前菜 (花生) 然後計人頭收費侍應生撞到客人但無表示唔怪得之唔洗等位啦 真係無下次 1次都嫌多呢間一定係全又一城最垃圾既垃圾每碟試完味已經無動力再食多啖真係好難食 究竟咁難食係可以點做到？賣單嗰時當捐錢希望唔好有下一個人受害 食啲咁劣質既野食完呢餐飯就成晚都無mood 影響曬全日既心情未食嗰時你睇到openrice有四十幾個差評可能以為好多，食完你就會發現算少㗎喇！可能只啲啲人懶得打返上黎比差評咋。咁難食真係唔會再有下一次

星期六晚同朋友test完就去又一城揾下有咩食💃🏽 間間餐廳都人頭湧湧 朋友又想食中菜 經過王家沙 見到吾洗等 我同朋友就決定試下呢度😚😚😚Menu都係d上海菜式😋 我地三個人就叫鮮肉小籠包 京蔥羊肉配薄餅 麻辣擔擔麵 王家沙牛肉餅 甜品就揀左芝麻豆沙餅😝😝😝😝牛肉餅係最快上左 侍應幫我地剪開 方便我地分嚟食 食落暖暖地 但就無咩牛肉汁 個餅皮好硬 好似麵粉餅咁🤢鮮肉小籠包味道比我想像好食 幾有肉汁🤤🤤 京蔥羊肉甜甜地酸酸地 包埋薄餅都好惹味 而且羊肉分量都吾少 吾會淨係得京蔥🤩擔擔麵 我略嫌少左花生味 成個湯底好油 食到最後都幾濟🤔🤔🤔甜品芝麻豆沙餅 豆沙餡幾綿 就好甜 但餅皮同牛肉餅一樣 都係偏硬☹️如果吾想排隊的朋友可以試下🤔 推薦:⭐️⭐️

人生第一次打食評，呢間王家沙真係令我忍唔住要即刻申請member！經過又一城做野，諗住王家沙都幾出名，仲抱住期望入去食，點知食物質素真係超級差！話說我叫左碗嫩雞煨面，黎到一見到碗野已經唔想食賣相差都算，d雞勁細粒，仲要一大陣雪味！d湯又杰又濁，面勁淋，擺埋一齊成碗感覺勁嘔心！呢碗咁難食既野仲要賣$70，醫院d飯都好食過佢連隔離台都話點解碗面好似嘔吐物咁！仲有仲有d員工個個西口西面，放野食勁大力好似全世界得罪佢咁！成間野不知所謂！奉勸大家咪幫襯！

座位不甚舒適，但光顧嘅客人都唔少，终於揾倒侍應落左單。小籠飽唔錯，雖然.皮稍厚，但係湯汁夠鲜味。担担麪較為普通，麪身太腍。回鍋肉就幾有水準，腩肉炒得香脆，青椒洋葱和醬汁混合得宜，夠晒鑊氣。生煎包和鍋貼均做到香口兼肉汁豐富，整體來說，食物水準唔錯。

都話近排旺上海菜咯，短短一、兩個月就到訪過4家上海菜館。其實，又一城嘅「王家沙」就無預喺幫襯嘅，我哋一班細胞小組朋友，原打算去「翰騰閣」飲茶，本身都知星期日午市無得訂枱，已有組員一早去攞位，但等吓等吓都45分鐘啦，無人理，又講唔到仲要等幾耐，所以，建議不如轉場，飲餐茶啫。雖然時值午飯旺市，但「王家沙」都算大鋪，啲客人又快上快落，所以，上到去等唔使5分鐘即有枱。啲細路已經好肚餓，所以，「嗱嗱淋」剔紙仔落單，餐牌都唔得閒影。蟹軾鮮肉小籠包 $52睇落外皮有啲厚，摺位亦明顯唔細緻，所以，入口就較為實，多少都影響咗整體嘅口感。還好嘅喺淨肉餡都做到肉鮮、汁多，又幾鬆化。蟹粉小籠包 $78同樣，外皮都喺做得麻麻，不過，啲豬肉餡確喺做得唔錯，搓得鬆化唔死實，咬開都幾爆汁，加埋蟹粉，入口絲絲蟹香，用料不賴。鮮肉生煎包 $48對比起小籠包，生煎包及鍋貼就做得好好多，包面沾咗少少白芝麻，個個飽滿大隻，包底煎得甘香鬆脆，包身咬落唔黏牙，而內裡豬肉餡如小籠包咁，做得有一手。鮮肉鍋貼 $48跟生煎包差唔多，只喺包皮換上餃皮，同樣鍋貼底煎得焦香脆口，餃皮黏糯筋性，配上多汁嘅鮮肉餡，自不然好食。王家沙鹹粢飯 $42

今日約咗幾個親戚食飯，為咗方便佢哋，就去咗九龍塘又一城。揀咗王家沙，係因為食物啱大家口味。叫咗幾樣唔同嘅食物，最好食係個魚，可能因為我鍾意食酸酸甜甜嘅嘢，蝦好新鮮同都大粒，蒜子菜同蔥爆肉都係我鍾意食嘅，吾太油，仲叫咗個鮑魚飯，粒鮑魚都好霖，雖然細細粒，啲飯都好好味。全餐親戚都好滿意。👍👍👍唯一就係因為係星期五晚，所以要限時間食，有少少趕。😤😤😤。星期五應該好多店都係咁，冇辦法啦。😭😭😭

半年前係新世紀分店食完成枱凍嘢之後感覺好差，俾多次機會諗住唔同分店質素可能唔同。係有唔同，起碼今次啲係熱嘅，但都唔特別好味。芝麻醬蕃茄已經夠普通，自己都整到，仲要連上碟都懶得擺好啲，收我$42。小籠包胡椒粉味多過鮮味，menu唔寫我以為食緊胡椒粉小籠包。仲要叫咗個擔擔麵成45分鐘食晒其他嘢都未嚟，已經催咗一次，15分鐘都未嚟，再問時先話漏落單。冇時間再等唯有叫埋單再走，想睇清楚張單都俾經理阿姐寸睇完未，態度差到爆，以後都唔會再幫襯!

新嘅一年繼續出街食飯第一餐揀左近近哋嘅 王加沙，我今日 帶同從台灣來探我們的朋友一齊食午餐 。今次我只負責點 蘇式鮮肉小龍包 (5隻) : 比出面多一隻，多汁好味， 其他由朋友take order.她點了鍋仔梅菜扣肉飯: 第一次叫; 扣肉層次分明，口感豐富，飯很惹味。整體算大碟，偏重口味，適合冬天吃。另外還點了嫩雞煨麵: 味道不咸不淡，調味剛好，易入口，適合大小朋友，最受歡迎。我哋見凍凍地，最後叫多一樣甜品 芝麻豆沙餅， 一上枱就要熱食 ，如果你喜歡吃甜就不要錯過了。

我一直都很喜歡食王家沙。今日好肚餓，想食好味道的食物，就選擇了呢間。第一次食呢間分店，點知。。。。好失望😞鍋貼皮厚，煎得唔夠脆，個餡難食。0分皮蛋豆腐，醬太多，皮旦很少。5分小籠包，還可以。6分雞絲粉皮。8分脆鱔，味道好，好脆。8分上海粗炒，一般。6分服務態度。。。。5分不知是否店內規矩，整體服務生都不說話，沒表情

平日夜晚黎到王家沙食小籠包，好彩我哋都算早到，所以唔使等位，就可以坐定定等開餐啦。同平時一樣，我哋先叫左前菜同今日既重點項目，三絲粉皮同招牌蟹粉小籠包~煙煙韌韌既加埋肉絲同青瓜，呢個配搭真係無得輸！而蟹粉小籠包，唔單止熱辣辣，而且小籠包既都好薄，味濃郁呢~差D比我食曬之後再睇餐牌，我哋揀咗擔擔麵同墨魚豆卜紅燒肉，擔擔麵正正常常，無咩特別，不過紅燒肉就好正呀，雖然朋友覺得好油膩，不過下次再黎我都會再叫呢~