狗餅物語Cafe 部 (已結業)

本身諗住同朋友去搵間狗狗cafe食。。上網搵見到呢間都想去試下。。。第一次剩係聽到狗吠聲但冇人開門。。可能咁岩出左街。。。過多陣我地再去。。有人開門。。主人笑住咁開門。。。但d狗狗就反而行開左。。可能唔多熟。。但主人叫左佢地幾次佢地都乖乖同我地影相。。玩下。。主人都有叫佢地表演下~~兩隻狗狗都好乖好得意^^講完狗狗講野食。。。d野食我地都覺得好味。。。我地食左薯角，蜜汁雞翼，意粉，辣既唔會太辣，白汁煙三文魚長通粉就料夠賣相味道都好好，而且大碟唔貴。。。因為好小寫食評。。所以都唔係好識講。。。總括：雖然地方唔大，但呢到既服務態度十分好，環境唔會好嘈，野食真係好好味。。我同朋友都會再黎過~~~比個好評你..like^^

事次係facebook群組狗狗們開聖誕party，所以做左research就訂左狗餅物語喇，皆因地點係旺角夠哂方便，原本對cafe一向無特別厚望，所以都係至在搵個地方包場慶祝。一入門口公關巴斯就好熱情咁迎接喇，同狗狗們玩完一輪，食物就到喇，我地揀左$190既menu,有三個主菜同六款小食，兩杯特飲，特飲就正正常常啦，主菜有芝士肉醬意粉，煙鴨胸白汁長通粉同大蝦蒜香意粉，小食有蜜糖雞翼，薯角，雞軟骨，魚柳，芝士腸同大蝦沙律，份份都係到會形式上菜架，即場整熱辣辣，沙律同小食都好好味，反而係個芝士肉醬意粉好有驚喜，好食過pizza店果d多多聲，而且唔油膩，甜酸程度好平均，所以好快清哂！另外蜜糖雞翼相信亦都好好味，皆因我想拎時已被清哂喇...希望下次再試返啦！！

雖然地方唔算大,但係非常清潔今次係我第二次上嚟食嘢,因為中午剛剛開門,所以沒有其他客人剛剛開門員工超勤力清潔一入去巴斯就出嚟迎接我啦!今次我食抄意粉,超超超好味呀,上次我食白汁芝士三文魚意粉已經回味無窮,今次試抄意粉又係超值得推介,係估唔到起cafe都食到呢啲水準,小小辣味又小小酸超夾,好正你地睇下,食晒都完全冇油,出面食啲意粉都好似油浸咁,估唔到抄到乾身得嚟又冇油最後飲杯沙冰,有曲奇同朱古力碎,又唔會太甜,愛上老細同員工非常親切,服務態度一流,又可以俾動物自由活動,完全冇臭味,地方好乾淨,又可包場同狗狗開p,我一定會再光顧同埋會介紹更多朋友去