狎鷗亭居酒屋

营业中

休息中

四圍炸雞都要排隊一於試下呢間少d 人環境都ok, 暗暗地，有情調叫咗2樣野先炸雞同生牛肉沙律未上菜前先嚟個7小碟！好正呀，雖然唔算最正宗果隻，但足料足本，味道ok 嫁！上菜喇，生牛肉一d 都唔姑寒，份量都多製成品味道正常，肉都正常，係d 梨唔夠爽唔夠甜，反而mr koxxx bbq 果個仲更加好味鐘意牛肉既一定要試主角炸雞賣相100分, 味道都OK 可以止渴，無奈就係差在炸醬唔夠脆不過我會比多次機會，下次一班人嚟食牛肋肉同步隊鍋

近排個個女生一圍埋一齊就講“星星“劇，由劇情講到衣飾，再由衣飾講到炸雞啤酒, 一講到食，大家就嚷着要去食韓國菜，認真係香港人精神！我地今晚呢餐全女班飯局，又點可以例外呢！靚女朋友食過呢間韓菜几次, 話几唔錯, 所以今餐一於由佢發辦喇……“狎鷗亭“居酒屋位於諾士佛臺既冠福中心一樓，係尖咀MTR站B出口，行去美麗華商場，側面果檔長樓梯直上，然後再拾級而下去諾士佛臺, 步行若3分鐘便到冠福中心了。餐廳環境幽暗，格局佈置同一般韓國餐廳無異, 而入面d食客佔左9成 係韓國人, 相信d韓菜必然又地道又好食, 否則唔會吸引甘多韓國人！就連侍應生都係韓國靚仔，彷如置身當地呢！我地七個人點左8個餸……前菜共有14小碟，每款兩碟, 計有酸酸辣辣既泡菜、甜甜既銀魚仔、薯仔、芽菜、菠菜、青瓜及蘿蔔等，好好食！1.炸雞 : 因為張星星poster既關係，我地點左呢藍炸雞, 其實味道同出面一般快餐店食既炸雞無異, 反而個沙律仲好好食，蔬菜好新鮮呢！2.炸生蠔 : d蠔好細隻, 同menu相差好遠，而且無咩味道。3.炒年糕 : 醬汁帶甜，小許辣，年糕夠腍夠入味，熱食無得頂！配料有獅子狗魚旦，魚片等同樣軟熟入

buddy Ｒ上星期打來約吃飯..就說好了今個星期...今天老闆剛好出差了..工作不算太忙...就約好了2位筆d, 還有Ｒ的honey　J小姐...說好了7:30在尖沙嘴先集合...原本J小姐提議到佐敦一間印式fusion菜的..怎知道另1位buddy要9點後才能到達...我們3人只好在附近商場行住等他...同時開始想想在尖沙嘴有怎麼好吃...J小姐就建議去吃韓國菜..順應這段時間的星星韓風...即時打去訂了9時半的枱....我們準時到達, 飯店位於諾士佛台的一棟商業大廈的一樓, 門外還放了個韓國古時的草廬模型, 很可愛的!店裡是暗暗的, 可能以居酒屋的形式經營吧!  跟J小姐相熟的經理走出來招呼我們, 說我們想坐的蹋蹋米式卡座還要稍等一下, 接著還問我們要不要預留韓式炸雞, 說因應最近的"星星熱潮", 他們店的炸雞銷量比平常多了3成...還說多了些結伴而來的年輕女孩, 指定要點炸雞及韓國啤酒....我們也決定來個星星熱...點了炸雞...等了15分鐘, 可以入座了, 是一個可以坐4個人的蹋蹋米卡座, 座位是弄低了的那種, 各人隨即除鞋入坐, 店裡亦有些韓國客人, 亦有韓藉的店員, 肚

與幾位舊同事出來食飯，大家都係爽快之人，很快決定要食韓國菜。想起一直很想試的這間韓國餐廳，而且正好今晚天氣開始轉涼食熱騰騰的菜式就最好不過~~~準時7:30 到達。當時餐廳還未有什麼人，好快被安排到預約的桌坐下。看了看 menu, 雖然我們只有3個女仔，但大家都為了這餐事前留了肚，作戰能力十足，所以決定試4人套餐！先來前菜。款式很多，當中以薯仔，泡菜，黑豆最合胃口。然後正餐開始逐一被端上。先來三文魚沙律，蔬菜半熟牛肉卷。三文魚沙律配上酸甜醬汁十分開胃，牛肉卷就沒有什麼特別。緊接住上菜的是牛勒骨，炖豬肉，雞肉炒年糕，三道菜都是惹味總之選。朋友既聚會有美食加上啤酒，不禁令人大呼過癮！會再來！

看到openrice上的照片環境很好，但也許是當天才訂位，只安排在最一旁的位置。但環境昏暗，位置也很闊落，的確是不錯的居酒屋。我亦很欣賞它不同款式的soju，一直以來都覺得soju太難入口了，但這裡有多款soju mix，選了peach soju，甜味適中，我們三個人share了一大樽，這樣的份量剛好peach soju和韓式小菜反而食物則有點普通，海鮮煎餅，也許是為了迎合港人大堆頭，材料豐富，但反而有點日式大阪燒的感覺，少了韓式煎得香脆的風味。韓式炒年糕，年糕配以韓式魚蛋和獅子狗魚蛋（我認為獅子狗可省略），如果加上公仔麵便一流！味道的辣味適中，正宗韓國街頭吃到的，不錯，我們作晚餐的前菜，配燒酒一流。我們還吃了石頭飯和豬肉包菜，石頭飯有點失色，亦沒有飯焦。豬肉包菜作為下酒小菜則是不錯。如果以居酒屋來說的確是個好地方，但如果想純粹吃韓國菜的話，尖沙咀絕對有更好的選擇吧。

Restaurant: Apgujeong Tent BarCuisine: KoreanMeal: DinnerEating with: 4 peopleMy friend has recommended me this Korean restaurant over and over again and although I am never very fond of Korean food, I'm glad I checked this place out.************************Environment / Surrounding******************************The restaurant is quite well decorated in wood and in a traditional sense, with many TVs playing Korean channels and other host of things that made the place full of Korean spirit.It is m

友人提早為我慶生...本來是去隔離的店舖,可惜我地無booking, 無得walk in,所以就黎左尼間晚飯。可能時間尚早,我地7點到就可以入坐...禧內不是坐滿,不過就有好多韓國人黎食,仲見到港姐之一既高海寧,現場環境暗暗的,不見很清楚看見其樣子,只見到個鼻尖尖的....有8樣的式前菜...我最喜歡食泡菜和醃蘿蔔,很入味,又不會太醃,送飯一流叫左一jur Peach soju,我飲左好多燒酒呀，清清地又易入口,入面仲有果蓉架....唔經唔覺兩個人成jur飲晒我地選左自己燒肉食...一大碟生肉好靚,就咁燒完黎食已經夠味,不用再點其他醬汁都能發揮水準,可能人不是太多,唔會趕你走,又可以慢慢燒慢慢玩仲有叫左燒青魚,魚肉唔會太鞋口,又唔多油外層燒到脆卜卜肉食太多,清清地叫左個沙律,菜好新鮮爽口,雹上佢地既醬汁撈黎食好開胃最後仲叫多碟螺肉,是原隻螺肉整架...仲有4舊冷麵撈汁食...兩個人食已經太飽了,最後要打包拎回家....整體黎講算唔錯,還有洗手間很乾淨,想不到女廁還有衛生巾提供,這種貼心服務,不是周圍都做到

零九年五月喜歡吃的民俗，不會將美味的下欄位掉丟，如得龍的金錢雞就是最佳例子。整理一些舊照時，想起年前在這裡吃過一道蒸牛雜，味道是真不錯的，只是簡單將調了味的牛舌、牛筋及牛腱蒸弄，吃起來牛腱軟熟味豐，而牛筋事前已炆煮過，黏口而富一點點肉香，最欣賞是牛舌，甘豐腴軟熟，百分百原汁原味，送酒閒聊的佳菜。

記十一月中旬宵夜附近一帶的餐廳，這裡收得最「早」～凌晨五點。傾了半晚，要談的事仍很多，就摸到這裡，一間想來又遲遲找不到理由來的韓國居酒屋。氣氛很好，來的也是操韓語的熟客，坐到榻榻米，叫了魚卵鍋開展了漫長一夜。這裡從前是「皇冠」嘜經營餐廳，後來獨立出來，侍應部份是韓國人，也有說本地話的，對客人親切亦友善，有點家的感覺。一鍋辛艷紅豐富的韓式火鍋，豆腐、芽菜、蘿蔔、魚卵及蒝荽共冶一鍋，湯底是下了蜆的海鮮湯底，獨特辛香與鮮味，肯定是出自韓國人手筆，湯愈滾愈濃，由淡鮮變得辛香濃鮮，魚卵對自己來說只是口感軟糯，略鮮的得意小品，但對每晚喝得酩酊大醉的韓國人來說該有另一番意思，愈喝愈辣亦愈醒，做得不錯。柔和燭光下，閒談了大半晚，睡醒後依稀記得這辣湯味道，及前菜鮮味帶蒜香的蠔仔漬物，會再來的，但希望不是抱著相同心情而來。

1.食物--1年前都仲可以,而家已經差過Foodcount.(唉!!!重要食完個生牛肉即肚子痛)2.服務--1年前都已經唔係好得,但因為小客,尚可(次次去得4,5枱客)但今次去都幾Full(90%約40個客),但係全場得3個侍應(1個唔係好識講中文的經理,1個幾好禮及識中文的女侍應,1個講英語的女菲律賓侍應).2a)order了食物,20分鐘後先至上餐前小食.2b)主菜等了35分鐘後先到2c)"零"換碟,全程由本人自己疊起,唔叫唔嚟清.最離譜她們(經理及賓賓)選擇清理已無客人的枱(就係我張枱傍邊),都唔過嚟清已砌好10分鐘的"大廈"(3層鐵板上加2個前菜碟再加3個碗),到此本人已忍無可忍,用語帶不滿的英語叫她們過嚟清碟,但經理無反應,賓賓還用語帶不滿的英語說:"You just call me to clean it up,wait!!",然後先1個人過嚟清!!!(算本人大鄉里出城,原來係韓國食店食嘢係要等10分鐘之後,再要叫侍應,先至會幫客人清理"大廈"!!!!What the hell!!!)對起...........本人已經死咗,已無能俾錢(貼士)

平安夜& 尋晚都去咗食平安夜個晚見到佢做3日任食所以尋晚再去兩個晚都靜靜地人唔多.....( 要氣氛..依間唔係好選擇)平安夜個晚D野好似好食d尋晚d野差小小...沙律汁"潔"咗小小不過牛肉剌身依然咁新鮮咁好味平時食都只係$188 比1.5碗食咁多唔好似盛x 間野咁核突之前見到話尋晚送香檳...以為每人一杯點知係每台一大支我地兩個...飲唔哂, 要兩杯, 咪鬼浪費人地8個都係一支, 哈~~

陪朋友仔同佢d中同食飯約定o係呢度先黎送既前菜同蒸蛋前菜o係長檯上擺成一條直線,幾有氣勢,味道亦唔差燉蛋賣相骨子,味道ok海鮮煎餅一般,料都夠唔算太油蒸牛雜無味,全靠調味既汁牛尾湯算係最好,幾清甜其實我地仲叫左炒粉絲．炒米腸．燒鯖魚．泡菜豆腐湯．．．．．2個石頭鍋飯．海鮮shabu shabu同牛肉shabu shabu．．．．但等出一個都等到傻仲要份量偏少十四個人分人人一啖都食唔到至遺憾係我好試而專登點既炆牛肋骨結果一上檯傳左去另一邊朋友仔又唔照顧我，無夾俾我所以一件都食唔到oh！！無計啦！不過overall所有食物都麻麻份量又少個個食完都話唔飽價錢又唔係平一定無下次

大約半年前同個老死黎過，當時覺得D食物都幾好，於事尋晚約埋D舊同學，一行五人去呢度食飯，book左八點半，我地準時到達，waiter唔係好識講廣東話，但都好有禮貌地帶位！但奇怪的係，星期五晚八點半本應好多客架，我上次黎都係好爆滿，但尋晚竟然只得小貓三四隻...坐底之後，個waiter見我拎張King Parrot既優惠券出黎，就同我講佢地已經同King Parrot冇關係，所以張優惠券同member card係唔能夠用，但佢都會比番個九折我地，都ok啦，因為佢有禮貌！之後，佢送左每一個日式蒸蛋比我地，味道麻麻，但由於係免費既，冇所謂啦！之後點菜時先覺得好有問題，打開本Manu，十樣野起碼有四五樣係not available，連石頭飯，韓式年糕都冇... 結果我地磨左成半個鐘先決定係咁易叫三樣野，轉頭去第度再食過！最後，我地叫左韓式包豬肉（其實即係生菜包），牛肉火煱同埋炒粉絲！先黎炒粉絲，味道唔錯，不過油左少少，最底果度都因為油得滯所以食剩左！再黎個韓式包豬肉，幾好食，份量亦夠，豬肉片唔太肥，生菜夾豬肉片配上韓式配菜及配汁，好味道！最後黎埋個牛肉火鍋，冇乜味道，牛肉粉量亦太少，好冇癮..

昨天首次光顧這間位於遊客區的高級韓國居洒屋-狎鷗亭。想不到除了品嚐美食外還吃了一肚子"氣"！那些WAITRESS 的服務態度十分惡劣，簡直嚴重影響香港的旅遊業，更煌論甚麽"礼貌之都"。我們点了SABUSABU (火鍋), 魚生刺身和石頭飯焦等食物。剛吃完刺身，那WAITRESS就急不及待想把還剩有生菜的盆子收走，我們己经跟她說還未吃完，不知她為何之後再而三地想把盆子收起，最後連醬油也不留低。當我們問她何解把所有醬油都收走時，她只冷冷回答說 (註:當時我們還未開始吃火鍋呢!)那石頭飯焦更好笑，因剛上枱還未放低她就幫我們把飯盛在碗子裹，然後把那石製的鍋子收走。如果係一個有水準的WAITRESS，又点会唔知這道菜不停留在石鍋裹一陣，又何來"飯焦"呢？結果我們花了$100，吃了三碗"名不符實"的有味飯罷了!最令人憎厭的就是當我們已把桌子上的食物吃光準備結賬時，她走過來執枱，把我們飲完果汁後的杯子舉起放到我們眼前，還問我們仲要不要，當時我們在談天沒為意她這”超沒礼貌”的舉動是何等侮辱，到底空杯子仲要什麽呢! (明比佢串)。本人是King Parrots 的member，但親身感受到如此”差劣”的

我們一行五人到了狎鷗亭食韓國菜比較特別的是這裡並不是一般我們見慣見熟的韓燒而是韓式的居酒屋居酒屋, 故名思義就是要一邊大口大口的吃配以大口大口的飲酒我們先order了清酒和菠蘿酒, 菠蘿酒以新鮮菠蘿榨汁混以烈酒而成, 韓食出名味濃辛辣, 菠蘿酒正好用來解渴我們被安排坐五人"塌塌米", 我最喜歡赤腳的感覺了, 所以胃口也特別好!菜式似乎很正宗(用上似乎兩字, 因為我不太熟悉韓國食物文化)充滿血腥感的生牛肉, 出面就好像很少見了但這裡做得不錯, 跟生洋蔥檸檬汁一起吃, 沒有了血腥味道卻十分開胃可能喚醒了人的原始獸性, 哈哈!魚生剌身很新鮮, 但食法跟日本不同混以秘制海醬又不同風味還有牛肋骨和石頭鵝肝飯, 人參雞湯最後奉上要命的辣辣朱古力蛋糕和私人醒的鮮果乳酸, 正爆!辣辣朱古力蛋糕好特別, 從沒食過辣味蛋糕一入口好濃好濃的朱古力味立即包圍著每個味雷但當蛋糕滑入喉嚨之際, 一股辛辣又傳來了 口感豐富, 剌激每個神經, 一絕~