犇殿台灣火鍋 (青衣城1)

营业中

休息中

犇殿台式火鍋今日喺青衣呢邊行街，行到攰最好梗係揾個最方便搭車又舒服既地方，於是決定喺青衣城入面揾食，食完方便坐車返屋企。青衣城餐廳都唔少選擇，而我喺三樓就見到呢間台式火鍋放題餐廳‘犇殿’，可能耐冇行所以完全唔知道開左呢間餐廳，睇下個餐牌唔太貴就立即入場坐底，見到都好多人黎排隊攞飛，相信都應該幾受歡迎。坐底之後，發現位置非常濶落，而且日式裝修非常舒服簡潔，餐廳乾淨，空間感大，完全有高級餐廳感覺。我叫左澳洲黑毛牛肩胛肉既放題套餐，配御膳麻辣湯底。叫完就可以走出去自助區拎下D小食同飲品。小食都有好多款式，大部份係台灣最吸引既小食，我極力推薦D滷水野同埋台式烤腸，真係好出色，唔小心未黎主菜已經食多左。飲品櫃都有好多選擇，有各種汽水同其他不同飲品，我特別要介紹下佢兩款特色茶，就係白桃烏龍茶同玫瑰紅茶，係我自己覺得好香好好飲，大家都可以試一試。麻辣鍋一上已經聞到湯底好香，但又唔係辣到要咳既果種感覺，再用手機掃張單上面既QR code點肉同其他配料，款式選擇好多，雞肉、豬肉同牛肉都好高質，特別仲有埋海鮮可以揀，特別係有斑片、蝦可以而且都好新鮮，質素非常高。一定要讚既係佢上菜速度快，而且上既菜係準確同

想打邊爐終於一試呢間台式任食火鍋。我哋當然想食好啲，揀咗最貴嘅澳洲M7純和牛$358/位。湯底揀咗一品酸菜白肉鍋。湯底有好多白玉同酸菜，味道有少少酸，但係唔會太酸。套餐會包一份神仙肉及海鮮拼盤。神仙肉肉質非常好食，牛味重，而且夠肥美，入口即溶！海鮮拼盤有鮑魚、蝦、扇貝、蜆、蠔。海鮮都非常新鮮鍾意鮑魚大大隻，蝦又夠爽口。澳洲M7純和牛大大塊。黑霧牛肩胛肉有牛香及嚼勁。出邊自助區有台灣小食，炸芋頭丸、鹽酥雞、炸餃子、肉鬆抓餅、凍豆腐、滷肉飯、台灣腸、關東煮等等。火鍋配料有不同蔬菜、丸。甜品有雪糕、雪條、芋圓仙草冰等。飲品則有不同茶、汽水、果汁。

秋風起，火鍋店爆滿。呢個情景番來了，熱鬧啊！今晚約了朋友去青衣城內一間台灣火鍋店，人氣旺盛，應該不錯。澳洲M7純和牛放題湯底選擇了桃膠土雞美人鍋，滾後先嚐湯，非常甜美。吸睛嘅M7牛肉上埸，紋理清晰，只煮數秒，一大塊軟熟牛肉就在口腔內，滋味。另一款黑毛牛肩胛肉，肉質比較實。時令海鮮有蝦，鮑魚，蠔，帶子，蜆。最喜歡蜆，夠鮮。自助區擺放整齊衞生。蔬菜，丸類，熟食，飲品，甜品，還有調味區，樣樣齊備，食到好滿足。

喺青衣城行完街，行嚟行去唔知食乜好，涼涼地都係去打邊爐，我承認我係打邊爐狂熱粉絲最醒目，梗係上嚟OpenRice睇吓有乜推介啦！見有一間台灣火鍋叫做犇殿，弊傢伙啦唔識讀添，不過好肯定有牛食，唔理咁多試咗先算見到有幾個套餐可以選擇，我揀咗澳洲黑毛牛肩胛肉，手機落單非常方便，絕無出錯佢嘅特色係有好多台灣地道小食，我試咗幾款都唔錯，但係唔敢食咁多，要留肚打邊爐。而其他蔬菜類丸類都可以出去自己夾桃膠土雞美人鍋未食都覺得自己靚咗牛胸爽爽爽滑滑個人覺得口感幾正澳洲黑毛牛肩胛肉口感細膩，千祈唔好淥咁耐，五成熟剛剛好大蝦超新鮮蝦滑鯪魚滑特別推介呢隻唔知叫咩名嘅菜非常好食，新鮮又爽脆飲品超級多選擇梗係要食返杯Häagen-Dazs啦最後一定要食一碗自家製芋圓紅豆涼粉冰完美結束飽到上心口

環境一開始睇落唔錯 坐得都算鬆動 上菜算快不過同行友人話喺啲碗碟區度見到有黑色戰車 我自己無留意 不過呢個價位鴨血都要額外收費有少少度縮 雖然兩蚊舊唔貴但係試完佢啲牛肉嘅質素之後就放棄咗特別係佢啲牛肉又唔係高質 同街市六七十蚊磅貨色差唔多 雞肉算正常湯底方面淨係試咗牛乳湯 偏淡 無乜味 不過算合格小食無乜選擇都無試 甜品有芋圓 算係成餐飯最好食嘅野嚟 雪糕印象中得嗰隻沖繩海鹽味難食雪糕青衣城嚟講呢個價位算正常 放返出去同其他嚟比較嘅話 出名嘅連鎖店都好過佢

約咗朋友喺青衣食飯都唔知食乜好，今日溫度驟降，入秋以來最凍，得17度，咁不如打邊爐啦，就嚟咗青衣城依間新開嘅台式火鍋，犇殿(廣東話音:奔ban1)，睇吓好唔好食🤣😂坐低後發現濕紙巾寫住Mr. Steak，原來係同集團旗下嘅台式火鍋🤩裝修及環境: 新開張，當然好新淨又乾淨，設計就正常發揮。當日全場滿座，都唔會覺得好大陣邊爐味，通風唔錯。有幾間包廂，有大有細，一大班朋友或一家四口嚟都唔錯😍服務: 正常偏好，樓面人數都夠，要嘢舉手都好快有人應機，叫湯底及加湯要叫侍應。丸、菜、飲品同大部份熟食都係自助形式，生肉就QR code任點(上限人頭碟數)，上菜都快👍🏻食物選擇: 有八款湯底揀，都充滿台式火鍋特色，另外仲有台灣小食及甜品，仲有Häagen-Dazs雪糕。飲品方面選擇都多，冇酒類，但有自家製泡茶，同罐裝飲品。牛嘅級數都有好幾款套餐，當然價錢唔同啦，另外每個餐都有豬羊雞基本海鮮同鴨血米糕等🌟🌟🌟🌟食物質素: 我哋揀咗90分鐘澳洲黑毛牛肩胛肉套餐，最好食就係黑毛牛肩胛肉，連隻碟都靚過人，所以我哋都主攻佢，羊肉豬肉都唔錯，其他就不過不失啦，整體都對得住個價錢，但90分鐘實在太趕，要食快啲先試到晒

趁呢幾日天氣涼爽，溫度驟降，即刻約老公去打邊爐🍲。我哋揀咗青衣嘅犇殿台灣火鍋，一次偶而經過見到人頭湧湧，所以一直都想試吓係咪咁正。一入到去，已經忍唔住Wow！咗一聲，座位非常舒服寬敞，環境開揚明亮，室內設計同間隔都好有心思，餐廳以淺原木色為主，予人一種舒適柔和的時尚感。佢哋亦設有獨立房，私隱度高。我哋揀咗美國極黑牛三叉同御膳麻辣湯底。嘩！好耐無食過咁好食嘅麻辣湯底喇！麻辣味辛香四溢，濃郁有層次，中間散發住陣陣嘅藥材同香料味。辣度🌶恰到好處（大約中辣程度），鴨血嫩滑Q彈，豆腐香滑細緻，真心好正🤤，忍唔住飲咗幾啖湯🥣。火鍋食物種類好多，多到不能盡錄。特別啲嘅有墨魚仔、逢甲米血糕、手工蛋餃、阿嬤燒酒雞、紐西蘭羊肉卷等等，選擇真係多到我同老公要有策略咁食😜。今晚令我最有驚喜係牛胸爽，超罕見矜貴！最初以為係脂肪，上網睇返先知原來係牛胸前肋骨中間的軟骨部位，食落非常爽口、牛味豐富、香而不膩！其他牛肉亦好高質，特別令我印象深刻嘅係上選安格斯牛肉。牛肉嫩滑彈牙，但一啲都唔靭唔嚡，脂肪部分則爽口，口感非常特別，牛肉味亦好濃郁，真叫人大為感動。另外佢亦有多款台式地道特色小食，例如鹽酥雞、椒鹽花枝丸、台式香

呢間新開台式火鍋主打食牛 一定要食神仙牛同黑毛牛 肉質超級嫩 黑毛牛可能有少少羶味 但係一攞起牛味已經蓋過左 出面有自助夾野食 環境企理衛生！仲有自家製烏龍茶 消滯解膩最啱空間感夠大 坐得舒服

今日天氣涼咗約咗朋友去青衣試一間台式火鍋店，叫犇殿台灣火鍋。餐廳環境都好寬敞，感覺都非常舒服，而且餐廳清潔度都好滿意。我第一時間就叫佐最喜歡嘅牛肉有特選極佳牛肉,安格斯牛肉,美國牛板腱。我就最like極佳牛肉，塊牛肉好大塊而且牛味好濃。 而牛板腱肉質比較嫩帶點油花，最後安格斯牛肉肉質比較重脂肪。牛胸爽在外面餐廳好少有，口感真係好爽。杞孑醉雞啲雞肉好嫩而且有濃濃嘅酒香味和杞子味。海鮮方面有大蝦 ,魚同墨魚仔， 啲大蝦最吸引就係大隻同啲肉好彈牙。小食方面有好多台灣小食 有我最like嘅台灣腸同埋鹵水豆腐 , 地瓜圓等等， 搞到我真係好似去咗台灣吃火鍋一樣。飲品都有好多我就選擇自家製嘅玫瑰紅茶和白桃烏龍， 兩種都好有茶味亦都唔會太甜，最啱吃火鍋時飲。自助吧都有好多蔬菜和丸類選擇。食埋個雪糕就滿足曬。

今日生日朋友就請我去到位於青衣食返餐台灣火鍋，見到餐牌上面有個限定日本九州和牛套餐當然要試下啦！除了可以食到高質素牛肉仲有大約20多款台灣小食，非常吸引😋餐廳有個自助區擺放了台灣夜市小食、炸物、熟食、熱食、火鍋配料及飲品等….湯底我們選擇了桃膠士雞美人鍋及御膳麻辣鍋，美人鍋湯底真材實料，原隻雞髀及大量桃膠鮮甜有養顏，麻辣鍋辣得過癮，又香又惹味👍日本九州和牛上枱時已經好吸引，賣相極靚，每一片都好薄，肉質超嫩呈粉紅色，油脂分佈平均，入口即溶！澳洲M7和牛牛味突出，油脂豐富，色澤紅潤，口感細膩，食得出係高質素靚牛肉😋手切牛胸爽牛胸爽唔係好多火鍋放題地方都食到，輕輕滾一滾已經食得，咬落牛脂充滿口腔，好香好爽口😋海鮮新鮮海蝦爽口鮮甜，蜆肉粒粒脹卜卜好清甜，鯛魚片入口好嫩滑。福建燕餃/蛋餃燕餃都是第一次食的，爽口多汁配埋火鍋醬油一齊食味道不錯，蛋餃皮薄，蛋味十足加入豬肉做餡料，口感不錯👍飲品方面餐廳有幾款自家製的烏龍茶，茶味香濃解膩一流！最後當然食埋DIY自家製台式糖水，可以按照個人喜好加入配料，台式風味十足👍

我和朋友特地到青衣城試試台灣火鍋放題，看到這店裝修頗具格調，簡單雅致，座位寬敞，以木質裝飾為主，還有獨立房間，私隱度高。今次我選了桃膠土雞美人鍋湯底，光是聽個名稱已感到很滋潤，當鍋一端上，果然用料十足，味道濃郁甘甜，色澤赤吸引。上選安格斯牛肉，油花均勻，入口嫩滑，沒有渣，十分優質，油脂赤甘香可口。美國牛板腱，賣相佳，有香濃的牛味，赤是林滑甘香，與安格斯比，真是各有千秋。牛胸爽，以前未吃過，看上去白白的，以為很肥膩，但入口卻一點都不膩，反而是十分爽脆，很特別，而且油香可口，值得一試。美國豬梅花，賣相吸引，入口林滑，不起渣，真的豬有豬的美味，牛有牛的可口。我很喜歡吃響鈴，醮一醮湯，吸收了湯汁的濃郁，入口仍有爽脆感，果真不錯。海蝦，夠大隻，而且新鮮，肉質爽彈，不黏殼，是優質的海蝦。而雕魚赤鮮嫩，入口滑嫩，帶有海鮮的甘甜美味。這裏還有生料bar，有許多不同種類的生料、蔬菜，任君選擇。熟食bar，有不少美味的熟食，外觀已很吸引，我尤其喜歡台灣香腸，甘香彈牙，吃了好幾條。炸餃子也鬆脆惹味。我很喜歡他們自家製的冷泡茶，茶味相當濃郁，與超市買的絕不能相題並論，一邊吃火鍋，一邊喝冰凍的冷泡茶，真樂透了

打邊爐永遠都不會厭倦，今晚和家人去了青衣一間台式火鍋店打邊爐。餐廳以木色為主調，坐得舒服。黑毛牛肩胛骨餐晚市套餐90分鐘放題，選擇了黑毛牛肩胛骨餐，除了幾款牛肉主打，亦有雞肉、羊肉和豬肉。作為牛肉喜好者，主要點了幾款牛肉，肥瘦均勻，牛肉味香。湯底湯底有八款，選擇了酸菜白肉鍋，乳白色的湯底，除了有酸菜、白肉，亦有蕃茄等，酸味柔和。台式小食眾多小食之中最喜歡的是滷水，主要有牛肚、牛根和豬腸，很入味，味道濃郁。海鮮海鮮主要有蝦、蜆和海班片等，蝦肉爽口彈牙。飲品和甜品飲品櫃有不同的茶和汽水，而甜品有芋圓和雪糕，有最愛的haagen dazs和movenpick雪糕。

次次經過都好多人，今日可能比較早未夠七點鐘，竟然唔使等位即刻同朋友試吓，環境座位坐得幾舒服唔會好逼服務唔算好差，不過食物好普通😐，麻辣鴨血完全冇麻辣味😧，蝦同蜆算新鮮，水蓮菜其他放題比較小見，但order真係成日錯，冇order過食物又送上嚟，蝦水蓮菜order 2份黎一份，之後問侍應order咗好耐2次都冇黎。佢竟然話廚房收唔到order。但係明明4款食物一齊落order點解收唔到，又會嚟其中一樣食物嘅真係好神奇

朋友是犇殿台式火鍋的粉絲，食過九龍灣，奧海城分店後覺得水準不錯，這晚相約在青衣城新店打邊爐！餐廳裝修光猛整潔，木系設計現代感十足，長卡座中間設有屏風，木坐位很寬敞。來到自助區，一次可取齊醬料，丸類、蔬菜，熟食，台式滷味，台式肉燥飯，人蔘燉湯，炸春卷，台式芋圓，茶包，雪糕，雪條，飲品等！最意外是竟然有烤腸機，熱辣辣的烤香腸任取，正！晚市90分鐘任飲任食放題分別有4 款套餐，我們選了澳洲M7和牛套餐 $338 ， 贈送東港海鮮拼盤和神仙牛肉一客！🎯東港海鮮盤海鮮都新鮮大隻，有帆立貝，鮑魚，生蠔，大蜆和海蝦，份量足夠2 個人食，當中鮑魚入口鮮味彈牙，而大蝦有4 隻，套餐內亦可無限再點，沾點醬油食，很滋味，尤其鹹鮮味重的蝦腦，更是小妹的最愛！🎯湯底 +$30 可升級成鴛鴦湯！女仔都愛靚，選了奶白色富奶香味既美白凝膚牛乳鍋，湯底完全無油脂，食多左都唔怕肥！另一款選了大熱門藥膳紅燒牛骨鍋，牛味香濃，非常滋補，一濃一淡，滿足不同火鍋料的需要，唔錯！🎯澳洲M7和牛任點任食，滾幾秒至變色就食得，雖不及神仙牛軟滑，但牛味香濃，肉質厚身大塊，沾蒜蓉和醬油食，令人食不停口！🎯十三香滷三寶三寶有滷牛肚，牛筋及豬

今日同朋友到青衣食飯，餐廳不需要等位就可以入座。餐廳座位都很寬敞，入去食得都舒適。餐廳是90分鐘任食放題，我們選擇了美國極黑牛三叉餐，湯底叫了一個藥膳紅燒牛肉鍋。這間的藥膳湯湯底的藥味不會太重，而當中有牛肉，白蘿蔔，洋蔥和枸杞子等。我們點了牛胸腹板肉，美國極黑牛三叉，美國牛板腱，三份的牛肉的牛味都重，而牛胸腹板肉，美國極黑牛三叉的牛肉都非常大塊，而肉質我個人就覺得極黑牛三叉比較嫩滑，入口感覺更好。而牛板腱的肉質就係以上三款肉中最嫩滑。另外餐廳有自助區，當中有台灣小食：椒鹽花枝丸，香芋地瓜圓和炸餃等。小食都地道同有一股台灣味道同情懷，食物又炸得可口香脆。網上落單都可以選擇台灣小食其中麻辣鴨血味道香口，帶點辣但不會太辣。還有自助甜品，特別在於有芋圓同涼粉，最後我混合兩者再加上淡淡的花奶，味道清甜中又帶點奶香。整體而言，很台灣的一間火鍋放題，可以一解相思台灣之苦。