犇殿台灣火鍋 (青衣城1)

营业中

休息中

今日去左青衣城犇殿台灣火煱食放題(吾識讀「犇」字，上網查吓原來與「奔」同音)，限時90分鐘。2人一鍋，有9款湯底供選擇，如要鴛鴦鍋，另加$30。我們4人選了台式濃香沙茶鍋及一品酸菜白肉鍋，沙茶鍋好夠味，酸菜鍋真係有啲酸。放題餐有4款:上選安格斯牛肉(成人$258)、澳洲特選牛肉(成人$285)、美國極佳牛肩胛肉(成人$298)及澳洲M9和牛(成人$388，並加送神仙牛肉及東港海鮮盤一客，四人以上並可安排VIP房間)，星期六、日及公眾假期另每位$10。各款餐有不同的肉類、海鮮及台灣美食，用QR code任點食物，好快送到。自助bar有台式熟食、 豬手、小籠包、烤腸、飯、麵……當然還有火鍋必備的多款蔬菜、丸類、粉絲、即食麵……。飲品有凍有熱，記住試下犇殿的自家烏龍茶及綠茶。甜品方面有雪糕、涼粉、芋圓……環境舒適、坐位空間寬闊，90分鐘食不停，好飽足

天氣呢幾日時凍時熱，襯住凍左兩三日日又忍唔住去左打邊爐🤣近近地揀左青衣城開左幾個月嘅犇殿！叫得呢個名，對啲牛好期待😳呢個美食沙漠終於有番啲好野！▪️澳洲M9和牛套餐🐮$388M9和牛套餐仲加送神仙牛肉同埋東港海鮮盤一客。牛肉一字排開掛晒係架上面，勁吸睛🤩連隔離枱都爭住影相📸️同問係咩餐海鮮盤包左鮑魚、扇貝、大蝦🦐、蜆肉同蠔🦪，仲用冰鎮做底，keep住新鮮😳神仙牛肉口感嫩滑，比M9牛脂更豐富；而M9和牛肉味較為濃郁，兩款各有特色，食完即刻落單都好快送黎，絕對冇拖單M9呢到主打所係台式火鍋吃到飽，湯底特別。我地就揀左藥膳紅燒牛骨鍋，一黎到就聞到濃郁藥材味，勁足料！入面仲有多塊牛肉，口感有啲似牛腩講完牛就講下其他野食，有我最愛嘅響鈴😚仲有台式嘅鴨血、米血糕、燕餃同蛋餃等。我就試左蛋餃同燕餃，入面包住豬肉，幾特別自助區仲有任食嘅台灣地道特色小食，有台灣腸、台南鹽酥雞、宜蘭蔥餡餅、香芋地瓜球、台式滷肉、炸餃子等等，每款都試晒🤪極邪惡！最like就係鹽酥雞😋香脆滋味飲品方面我就偏好佢地嘅自製茶。食完咁多野飲再佢地個桂花烏龍清香解渴😌另外仲有十幾款汽水果汁同涼茶揀甜品除左有自製芋圓冰沙之外，仲有杯裝雪糕

火鍋我地叫左酸菜白肉鍋，鍋中的白肉係五花腩，肥肉爽口，唔錯。牛肉有口感，肉味濃，豬都唔錯唔會韌。他們的餃類都唔錯。小食類自助吧有一些炸物小食，當中地瓜芋頭球就最出色，脆卜卜的外層包著煙煙韌韌的糯米，糯米又包著甜甜的芋頭蓉，有台灣的味道!自助吧可以係自助吧攞蔬菜、丸類、醬料、雪糕、飲品和自由配合的芋圓甜品，我緊係要試下啦! 蘆薈加芋圓加紅豆和涼粉，如果想甜可以加多紅豆，都幾特別比較少火鍋店會有芋圓食，大家黎到可以試下。飲品我十分欣賞他們的白桃烏龍茶和玫瑰花茶，桃和玫瑰味都很濃郁，鍾意飲茶的飯腳們要試試。

呢間「犇殿台灣火鍋」以任食火鍋為主題，設有多間分店！特設有多間獨立房，有大有細，好適合同一班好友一邊打邊爐一邊聊天。自助區有多款自助配料可以任食，提供了不同的丸類、蔬菜、菇菌、響玲、腸等等…另有多款台式地道小食，鹽酥雞、地瓜丸、肉燥飯、台灣香腸、手抓餅、蔥油餅….🎀湯底揀咗美白凝膚牛乳鍋🍲乳白色嘅湯底，牛乳味香濃，非常滋補養顏😍🎀澳洲M9和牛 $388🔸加送 神仙牛肉及東港海鮮盤一客🔸♡ 神仙牛肉神仙牛其實是牛肩胛的部位，油花比例適中、口感嫩滑帶有彈性，因為入口有神仙般的享受，所以叫神仙牛肉。神仙肉輕轉涮幾下即可，有種入口即溶的感覺。♡ 東港海鮮盤🦐海鮮盤非常豐富又新鮮，包括有鮑魚、扇貝、蝦、蜆、蠔。♡ 澳洲M9和牛🐮澳洲M9和牛🐂肉質鮮嫩，牛味濃郁，脂肪均勻，入口有融化般的口感。♡牛胸爽牛胸爽係🐂 牛胸前肋骨中間的軟骨部位，食落十分爽口、牛味豐富！♡甜品：雪糕，雪條，🍧DIY仙草芋圓

本人都好鍾意打邊爐見到呢一間新開冇幾耐就即管試吓入到去朝早一個中價嘅餐牛同埋豬都好出色，入口鬆化加上出面自助吧好多款式服務生又非常殷勤換碟座位又闊落坐得好舒適下次會再嚟試最貴嘅餐

🏮對於最愛打邊爐嘅人黎講🔥一年四季都係火鍋嘅好季節❤火鍋最重要除了個「爐」之外😂湯底都絕對係火鍋嘅靈魂✅今晚又開始轉冷嚕🧣快啲約埋啲friend出去圍爐取暖啦🥳🥳😋今次揀咗呢間火鍋店嘅原因係佢地嘅湯底🈶️成8⃣️款咁多❤我哋就揀個鴛鴦鍋🔥同埋上選安格斯牛肉晚餐$255/位試吓先🔥90分鐘任飲任食真係好抵呀🥳🥳🔥湯底🌈我哋+$30 揀咗鴛鴦鍋🔥一邊揀「桃膠士雞美人鍋」❤另一邊我哋就揀「美白凝膚牛乳鍋」嘻嘻😜個湯滾起即刻忍唔住「峽」一啖湯👍好滋味呢🥳🔥放題火鍋一定要🈶️一個好大嘅任食自助區啦❤佢哋呢度個自助區好特別㗎💯仲有好多台灣夜市小吃✅🈶️皮蛋醬油豆腐、蒜泥白肉、麻辣雲耳、三杯豆芽😋充滿住台灣夜市feel呀🥳🥳💯自助區仲有好多款色嘅丸仔丸類🍢🍡🈶️台灣嘅王子麵、勁多新鮮蔬菜🥬仲有🈶️羽衣甘藍❤放題火鍋店真係比較少見呢🥳🧃🥤🧋🍵☕️🫖飲品區飲品選擇越多不勝數❤選擇亦唔少架✅又冷又熱💯仲有自家製嘅手調茶添😋可解油膩喔🥳🔥炸物款式都有好多❤🈶️香煎餃子物、台南鹽酥雞、地瓜丸、手抓餅、宜蘭葸餡餅🥙喜歡食台灣地道小食嘅一定大滿足呢💯🐂上選安格斯牛肉🌈特別喜歡呢個上選安格斯牛肉🐃佢嘅雪花程度唔錯👍以放題黎講已經算滿

冬天想食暖笠笠嘅嘢，今次去咗青衣城打邊爐～晚市90分鐘火鍋放題 上選安格斯牛肉SET $258以QR CODE落單，落單後好快送上枱～呢個SET包4款肉類: 上選安格斯牛肉、美國豬梅花、紐西蘭羊肉卷、阿嬤燒酒雞；3款海鮮: 海蝦、魚青滑、墨魚仔；台灣美食如台灣鴨血、米血糕等等。外面仲有自助區，空間感幾大，好多台灣丸類同菜類可以自己夾～有響鈴、羽衣甘藍、菠菜、台灣腸仔、台式滷肉、貢丸、香芋地瓜圓、花枝丸等等台灣地道特色小吃～仲有多款汽水及自家製作冷泡茶添～甜品有芋圓、刨冰，可以按自己喜好加入仙草、芋圓、紅豆糖漿等等，雪糕有齊Häagen-Dazs同埋Movenpick

今日冬至加上天氣涼涼地，屋企人話想去打邊爐過節，於是揀左青衣城新開嘅犇殿台灣火鍋，試下佢嘅任食台式火鍋。我地大概7點左右入坐，大概都坐左8成人。落單時揀左台式90分鐘任飲任食火鍋嘅美國極佳牛肩胛肉，餐入面仲包埋其他類別嘅牛肉、蜆、豬肉羊肉等。而出面嘅自助吧仲有好多蔬菜、丸類、台式小食、飲品、甜品等，可以選擇嘅種類都幾多。值得一讚嘅係佢嘅上菜速度都好快，同埋好少出現漏單嘅情況。坐位亦都係卡位，既寬敞又舒適。

澳洲朋友返香港過聖誕，梗係帶佢食餐火鍋啦，佢住青衣城附近，就一就佢，屋企樓下有得食《犇殿台式火鍋》。選了美顏牛奶傳統台式湯底~滾起之後記得飲頭啖湯，嚐一嚐牛乳湯底嘅滋味。上選安格斯牛肉~雪花程度已經好滿意，唔使太肥牛肉味香濃食到最後點都要encore美國豬梅花~一淥就熟，拖多幾多，入口嫩滑；紐西蘭羊肉捲~朋友食慣羊，佢話呢個都唔錯；燒酒雞~呢個朋友都好識食，佢話啲雞夠滑夠大件，正！其他台灣火鍋配料都包羅萬有，台灣鴨血、五餐肉、蜂巢豆腐、手工蛋餃、台式魚餃、福建燕餃等等等等，仲有大家喜歡嘅響鈴卷，一淥就熟，索滿湯汁，滋味無比；大大隻海蝦， 魚青滑(鯪魚肉)，墨魚仔；其他台式食品自助區任取，《台式小食》皮蛋醬油豆腐、蒜泥白肉、麻辣雲耳紅燒牛肉、古早控肉、麻油雞 、櫻花蝦炒飯、鹵水豆腐、夜市小香腸、鹵水炆豬腳……《炸物》香煎餃子、台南鹽酥雞、地瓜丸及宜蘭蔥餡餅 ……除咗手機落單點肉類及台灣特色小食，出面自助區有大雪櫃有各款飲品汽水，火鍋配料應有盡有，丸類、蔬菜及澱粉質，比較特別嘅有水蓮及花生芽，可以食到我鍾意嘅皇帝菜。甜品方面主要係雪條雪糕，臨近聖誕，雪糕蓋特別圖案好吸引，有個小型台式芋圓涼

又到快樂嘅週末，同另一半撐枱腳，放鬆食，忘卻工作一周嘅煩惱！朋友介紹呢度確係唔錯，地方舒適寬敞，全部都係卡位，好適合三五知己烚下烚下傾吓計，係幾舒服！台式火鍋出名湯底款式夠多。我哋order咗北海道牛乳湯鍋，湯底白雪雪，食材放落去煮，食落份外滑溜。我哋join咗晚餐放題，套餐有澳洲M7和牛、美國黑毛和牛、安格斯牛小排等牛肉，我諗就主打澳洲M7和牛，雪花均勻，多油花，大大片，入口嫩滑，好容易令人一塊塊接住食😆自助區食材配料勁多款，遠慮蔬菜類有成三十幾款，台式夜市小食最吸引我，必食嘅有外皮香脆嘅鹽酥雞和充滿層次感嘅肉鬆蛋餅，另外有部烤香腸機，一路烤住熱辣辣嘅香腸，食落香甜，口感紮實，超正！美國牛小排件件都佈滿雪花，而且夠新鮮❤️牛板鍵、牛胸爽，有牛味又有口感，我哋真係由頭食到尾😆

經過呢間火鍋店，見到佢哋做緊特價，自助式同放題食嘅火鍋，兩小時之內任食。每個唔同嘅套餐都有八五折。由於我唔食牛，於是就揀咗一個豚肉海鮮套餐基本上除咗牛之外所有佢哋有嘅其他食材呢個套餐都食到。湯底選擇偏多，但係我哋兩個人食淨係可以叫一種。最後選擇咗一款桃膠湯底，因為店員話滋補美顏😂湯底嘅味道還好還算清甜，但係其實唔多適合打邊爐建議大家試其他湯底。食材方面豚肉都算唔錯，但係海鮮都頗為失望，所有海鮮都唔太新鮮，啲魚片仲好腥。其他熟食都算唔錯，個人覺得佢嘅滷肉飯都幾好味。甜品方面都可以接受，剩係得炸香芋丸比較出色。佢哋提供任飲嘅飲品種類都算好齊全，但係唔包酒精飲品。總括嚟講感覺麻麻🤣🤣😂

近年香港飲食冒起台式火鍋熱潮，呢間位於青衣城，地鐵一出就到。我哋join咗晚餐放題，套餐有澳洲M7和牛、美國黑毛和牛、安格斯牛小排等牛肉，我諗就主打澳洲M7和牛，雪花均勻，多油花，大大片，入口嫩滑，好容易令人一塊塊接住食😆外面自助區都好多配料，經典台灣小食，鹽酥雞、皮蛋豆腐、滷肉飯、涼拌雲耳、炸地瓜、肉鬆蛋餅都有，以前真係去夜市先至食到。仲有我最愛嘅即烤台式香腸，特殊嘅香辛料口味，外皮趣卜卜，入口甜甜地，夠哂風味。甜品區可以任食雪糕和DIY芋圓仙草甜品，勁滿足！😊

呢間台式火鍋有好多foodie介紹到，好吸引😍所以即刻book咗青衣分店試下，唔講唔知，原來佢哋係同mr steak同一個集團，所以牛肉質素絕對有保證🥰台式90分鐘任飲任食火鍋，牛肉分四種等級：👉🏽上選安格斯牛肉 成人$228 小童$128👉🏽美國特選極佳牛肉 成人$255 小童$178👉🏽澳洲黑毛牛肩胛肉 成人$295 小童$198👉🏽澳洲M7純和牛肉 成人$345 小童$248揀咗澳洲黑毛牛肩胛肉，個餐包澳洲黑毛牛肩胛肉、鯛魚片、美國特選極佳牛肉、上選安格斯牛肉、美國牛板腱、海蜆、牛胸爽、美國豬梅花、紐西蘭羊肉卷等。🥘湯底揀咗美人鍋，台式火鍋永遠都有好多唔同種類嘅湯底，令人眼花撩亂🙈澳洲黑毛牛肩胛肉好大片，涮幾下就食得，牛味濃郁😍 另外比較少見嘅係牛胸爽，口感爽脆，油脂香👍🏻出面自助吧好有驚喜☺️勁多蔬菜、丸類、台式小食、佐料、飲品、甜品。食過咁多台式火鍋，最多小食係呢間，仲要樣樣都拍得住正宗台式餐廳！同埋竟然有烤腸機，滷水！甜品有自助芋圓和各款雪糕，連Haagen Daz都係任食，超扺wo

青衣城 諗唔到食咩 就行行下同朋友去左食台式火鍋 揀左m7和牛餐有自助吧 可惜時間太短 食得比較趕時間 所以少左影相但食物大概都唔差 可以試🫢😌😌價錢合理 朋友請 所以忘記幾錢

青衣出名美食沙漠但最近新開咗間台式火鍋，餐廳主打90分鐘任食火鍋放題，我揀咗黑毛牛肩胛肉個款，湯底揀咗藥膳紅燒牛肉鍋，藥膳湯湯底的藥味唔重，而當中有牛肉，白蘿蔔，洋蔥和枸杞子等，好補身～😋我們點了黑毛牛肩胛肉、牛胸腹板肉、美國極黑牛三叉，美國牛板腱、幾款牛肉味都重，但唔多脂肪所以唔算肥膩～個人覺得肩胛肉肉質同脂肪較平均同嫩滑，蘸沙茶醬好好味～個人極黑牛三叉比較嫩滑，入口感覺唔錯～🤩另外餐廳有自助區，當中有唔少台灣小食：鹽酥雞、香芋地瓜圓、炸餃等，又炸得可口香脆，鍾意冷盤亦可選擇雲耳、皮蛋豆腐等等～網上落單都可以選擇台灣小食其中麻辣鴨血味道香口，飲品方面仲好多選擇有自家茶飲，玫瑰花茶、冬瓜茶、荔枝紅茶～我最鍾意餐廳地方寬敞、座位寬台上可以擺滿所以食物滿足感大增～同行朋友都大讚😉