犀牛犀牛 (葵涌廣場) (已結業)

*爆谷奶茶* $25冇得少甜/少冰極度唔人性化 因為該店奶茶味道非常淡啲冰未融嘅時候已經好淡 融曬之後直頭好似飲水咁 見到製作過程其實好簡單 將製成品加冰shake一shake 但唔知點解要等咁耐個名叫爆谷奶茶但係冇爆谷味 連一般正常奶茶應該有嘅味道都冇 但索價25蚊份量偏少 攞到手有半杯都係冰 但又唔係泰式奶茶嗰隻味道濃厚（雖然佢俾多啲我都唔想飲）見到好多人排隊 但都係黎買手抓餅可能該店嘅小食會比較好 但奶茶真係冇下次

-{葵廣台式吐司🥪}🤤芋泥肉鬆蛋吐司🤤 ($40)芋泥比較液體狀態😗食冇乜芋頭味 反而肉鬆蛋同沙律醬出好多 吐司亦唔脆🥹👖褲評: 5/10🤤芋泥鮮奶🤤 ($40)芋泥實淨好多😚食到芋頭粒亦好重味🤩🤩份量超多😜飲左熱同凍熱嘅甜度高啲👖褲評: 8/10茶飲值得一試！反而吐司有啲反差🥲周圍都係分店可能質素都唔同~性價比: 8/10服務: 7/10環境: nil🚩 犀牛犀牛 🚩地址: 葵芳葵富路7號葵涌廣場3樓87B號舖#fuudjai #fuudjai台灣菜 #fuudjai葵芳 #fuudjai茶飲 #fuudjai小食

葵廣新開分店 犀牛犀牛行過見到大排長龍所以試下啦價錢略為進取 大部分都$40+ 而且同樣餡料嘅捲餅竟然貴過吐司 有啲驚訝韓式醬燒牛五花 $49 set +$20拎上手熱辣辣 而且捲得好靚 有牛有洋蔥有蛋有菜牛有大概5-6片左右 係肥牛咁嘅size嘅個人覺得咁樣好難咬 因為咬一啖咁係咬唔爛片牛 變咗一啖就要抆曬成片牛出嚟 所以食落唔會係啖啖都又有牛又有菜又有蛋咁同埋純粹係「韓式醬燒牛」 醬係指煮牛肉嘅時候有用韓式醬 件捲餅冇再落醬 食落比較乾而且食唔到牛就冇乜味跟set 揀$30以下飲品揀咗有推介嘅爆谷奶茶係超級甜有少少爆谷味嘅奶水 茶味欠奉冇乜特別飲到一半放棄咗有一點要提嘅係服務態度好麻麻嗌完number埋去比佢睇咩number 佢收咗飛之後係直接處理其他嘢 完全冇示意過成枱食物乜嘢食物先係我嘅而且問佢捲餅有冇得切嘅時候連望都冇望我一眼就答一個字「冇」 好冇禮貌由排隊落單到拎到手大概30分鐘價錢 食物質素同份量 加上咁嘅服務態度真係唔使食呢間同場有其他更加抵食而且服務ok嘅食店

之前行過葵涌廣場3樓，發現有間新店開張，原來係台式蛋餅，我本人好少食蛋餅/捲餅，所以決定去試吓，今次試咗一個好豐盛嘅$40晚餐，蛋餅選了R3（鮪魚吃玉米），至於無負擔沙律選了（芋泥生菜沙律配胡麻醬），而炸物就選了（香脆薯波），飲品選了我至愛的凍伯爵奶茶。關於食物嘅味道，鮪魚玉米蛋餅，餡料好多，蛋餅很大塊，相信只是食蛋餅都已很飽，而沙律我很喜歡，芋泥很好食，份量很多，至於香脆薯波一般，飲品方面，和其他珍珠奶茶店沒太大分別。

每次經過葵廣都會搵啲小食食下，今日行過3樓，見到一間新嘅小食店，係犀牛犀牛，居然開到黎葵廣，不可不試見到佢係主打捲餅，係我嘅最愛，於是就揀左佢既招牌韓式燒將牛五花捲餅買返屋企食。拎到返屋企，捲餅仲係熱辣辣；拆開個紙袋，氣味撲鼻，真係食慾大增。咬落去個餅好脆，入面啲料好多，又有菜，啲牛肉又多，又好juicy，牛五花燒得好，唔會好韌，配埋個韓式醬好夾，又香又辣，令個餅超級好味。下次再經過呢間小食店一定要再試吓其他。

好食呀！芋泥好香又滑，加埋肉鬆咸咸地，食得出唔係普通嘅肉鬆，係好鬆化，個包又好彈牙，成個口感好豐富！珍珠奶茶都好好飲！奶味好香，不過少少甜，如果多返茶味就好啦，下次會再食😋