犀牛廚房

营业中

休息中

叫咗14oz牛扒，五成熟。嚟咗先知原來咁大塊因為佢係窄身厚切，所以個厚度都幾震撼，近乎係柱體。生熟剛剛好，肉味好正，但有少少筋，所以要以佢嘅形狀要順利切到係有啲難度。以前有個套餐有個雞串燒好正，可惜裝修完就無，希望會有得復刻啦。

在西灣河港鐵站附近的小巷，屹立多年的一間休閒 Café，早前因為內部裝修而停業，最近終於重開，急不及待去試試最新的早餐菜式。全新的早餐 menu 注入更多健康元素，種類更上一層樓。煙三文魚碎蛋沙律牛角包 (Smoked Salmon Croissant)鬆脆的牛角包🥐裡夾滿厚厚的煙三文魚碎蛋沙律🥗，單看賣相已經非常吸引，吃下來更是滋味無窮。煙熏的三文魚與碎蛋沙律的柔滑口感不但完美結合，鹹甜酸味調校得剛剛好，配合新鮮酥脆的牛角包，外脆內嫩，口感層次非常豐富，再搭配火箭菜等元素，這道早餐實在是健康之選。傳統意大利蛋餅 (Authentic Spinach Frittata)蛋餅🥚混合了菠菜和香草腸作餡料，提升了整道蛋餅的味道，而且外皮煎得金黃香口，外面鋪上絲滑口感的 Mascarpone 芝士🧀，多重口感實在令人十分回味。以上早餐都會配上餐飲 (包括檸檬茶/檸檬水/奶茶)，不過要飲餐廳的特選咖啡就要另加 $25。Crème Brûlée Latte我點了一個焦糖燉蛋咖啡☕️，咖啡味道香濃，但比較偏甜，下次有機會 order 時選少甜可能會更加完美。整體來說，雖然早餐 menu 跟以前有轉變，

純粹路過西灣河站，發現這家好野，所以記住佢：🍴🍵☕️🍴：犀牛的下午茶餐牌都好多選擇，不過因為我個人覺得窩夫應該是甜的吧…所以第一時間把餐牌上的鴨胸配窩夫🧇🧇給刪除了！直至隔離枱上了鴨胸窩夫🧇🧇🧇，噢！噢！噢！煎焗的顏色好吸引，上面還有杏仁片，突然好羨慕‘’隔離飯‘’啊，我下次也要試試！講番我的第一次犀牛下午茶，卡邦尼意粉非常滑溜🍝，也有很香甜的洋蔥味和薰香的煙肉味，我已經非常滿足了！所以，‘’不要去羨慕，不要去妒忌‘’啦…偷得浮生半日閒，這個下午茶是爆燈的高質啊！💡💡💡💡💡（最高 5 盞燈！）加上一杯誠意十足的開心果 Latte, 開心果香味滿滿（雖然入口的咖啡味蓋過了開心果味） ，大家下次路過行過記得不要錯過.....

今日夜咗收工，又再經過呢間餐廳，諗住食埋飯先返屋企，今次入去食晚餐，叫咗脆漿炸魷魚圈配蒜蓉蛋黃醬，魷魚圈好脆同個蛋黃醬好夾超好味😋，大蝦巴馬臣芝士鮮忌廉百里香意大利闊條麵，大蝦爽口意粉彈牙，飲品叫咗蝶豆花西柚荔枝梳打👍

難得放假，梗係揾地方Me time,見到間餐廳好吸引，就入去食個Tea,環境夠大，坐得舒服，唔會有侷促嘅感覺，絕對適合放空嘅狀。首先叫咗個Parma Ham bagel, Bagel外脆內軟，Parma Ham夠甘香，沙律菜夠新鮮，下午茶夠哂飽肚，性價比高。之後見到有意大利芝士蛋糕，係我嘅至愛，點可以錯過，芝士夠滑，洒同咖啡都好平均，唔會偏向一邊，而且唔會死甜，簡直係正呀！再飲埋杯America簡直完美嘅一日呀

今日去西灣河做嘢，經過見到呢間餐廳，望落餐廳闊落，入去食個早餐，啲早餐好多都好吸引，最後叫咗bagel，bagel查咗忌廉芝士，裏面夾住意大利巴馬火腿，水牛芝士，火箭菜，新鮮蕃茄，伴碟仲有啲沙律菜，好好味，之後再叫多杯flat white 咖啡，食完個早餐好滿足😋

今日難得有me time去完探朋友街角見到間靚餐廳就入去chill吓👆🏻餐廳環境氣氛都好休閒點咗個下午茶餐未食之前梗係要打一打卡😉叫咗個小食魚柳拼盤同埋開心果latte 係我最愛嘅粗薯條，調味啱啱好魚柳外脆內軟炸完裏面都唔乾，好Juicy喜歡依兩樣嘢都做到外脆內軟至於杯開心果latte呢～平時會飲美式既但見到開心果都要試吓仲有邪惡嘅海鹽奶蓋真係忍唔住一口一口餐廳環境舒服沒有壓迫感下午茶時段見到有熟客響度嘆緊座位空間又夠下次可以帶埋小朋友一齊嚟同朋友嚟聚會吓都係一個好選擇🤤

吉列魚柳香草腸早餐今日約咗客十一點, 見有貢多時間, 見客前食返個豐富早餐為自己打打氣.  如果想舒服食一餐犀牛餐廳係我西灣河既首選. 地方闊落慢坐最啱. 早餐緊係一定要食腸仔蛋啦 ><  意式香草腸口感滿滿,個炒蛋滑捋捋好汁汁吉列魚柳大大塊, 成個碟貢長 , 外面脆卜卜 裡面鮮嫩 配埋自家製他他醬好夾夾呀 黎得犀牛緊係要加配 香濃拉花靚靚咖啡啦 , 記得問餐廳擰返張咖啡儲分卡, 儲夠五杯就可以下次免費送一杯飽食之後, 精神滿滿去見客

不時聽身邊朋友分享呢間CAFE餐廳，終於第一次嘗試去食午餐，個Friend話一定要試下佢地嘅招牌~鴨脾，出面好少地方有得食。黎到又見餐牌有個符號推介，咁點都要試一試。鴨脾香蒜欖油意大利麵$98 。價錢適中不是太貴。食開出面Pasta 普遍都$130起。味道上有少少辣椒好惹味，啱晒鍾意食辣嘅我隻鴨脾，出奇地好嫩滑多汁。黎得Cafe 點都要加一杯咖啡飲下。跟餐有得減$20自己飲開Flat White。咖啡師好精緻嘅拉花。入口回甘，重有少少dark chocolate 味停留係口中。唔似得有啲cafe 得個苦字。整體環境好大，好舒服。食物咖啡都唔錯。朋友無介紹錯👍👍下次放假試吓佢地嘅早餐先得。

等去電影資料館睇戲，有好多時間剩，所以想搵間舒服餐廳邊坐邊等。犀牛下午茶冇早餐咁多人，又有窗邊自閉單人位，簡直係孤獨者福音。我啲老友記好推介油封鴨髀，今日終於食到喇。食落口感好得意，啲肉都幾易切～其實個意粉都係和味嘅，不過兩樣野加埋一齊就少少油，如果隻碟再大啲會好啲啦，等啲油唔晒堆埋一齊。呢犀牛，一定唔好慳，要比多廿蚊upgrade手調咖啡，我差唔多次次叫cappuccino，拉花好正，咖啡味偏濃，好正～仲有，埋單時可以吸印仔儲免費咖啡，張卡過了期都可以照用，夠人性化。唯一希望犀牛可以改善嘅係背景音樂，次次都係果啲英文歌，音質麻麻，仲太多聲啦。不如試下改播bossa nova！

西灣河呢個區我比較少黎，早排約咗朋友去行山，出發前一於搵間餐廳嘆番個靚早餐先😋行行下見到有間cafe既店外牆有幅超靚既rhino graffiti😍就係咁吸引到我入去啦😆餐廳幾大又好闊落，環境舒適，重有戶外坐位，好chill，可以帶埋自己嘅寶貝🐶🐱一齊黎架！！🌀犀牛英倫早餐（依家個Menu好似有少少變動咗）嘆一個重份量既All day breakfast❤️開心不過呢度整得比較多油咗少少🤏有齊，煙肉、意式香草腸、炒雜菌、煙燻腸、炒蛋、茄汁豆、帶枝蕃茄、薯餅、酸種多士，超豐富呀😋個人特別喜歡用牛油炒既雜菌，好香吖🥰炒蛋又夠嫩滑，酸種麵包都好好食👍🏻🌀 Cappuccino呢度個咖啡拉花拉得好靚😍我覺得呢度嘅咖啡係做得幾好嘅👍🏻之後知道原來呢度係一間社企餐廳👍🏻其實環境同食物都唔錯嘅！當日係星期日，10:00已經差唔多全場爆滿只不過如果再培訓一下員工嘅服務態度應該會更加好😆

同朋友下午荼吹水。價錢唔貴，大約60～70蚊包嘢飲。Well， 我朋友揀waffles 配鴨脾。心諗鴨脾好食咩，點知good. 個waffle 果然係佢地嘅signature. 正。Carbonara..z 平時我一定避之則吉。嘩，佢係好好味。唔會太creamy.反而嗰個小食拼盤就麻麻哋。服務方面，除咗有一個server 比較黑面。可能我心理作用，但係佢寫單時嘅果股氣場令你有d 驚。Anyway, it’s a good place for dinning and chit chatting.

曾幾何時呢一間餐廳質素唔錯價錢又ok性價比都幾高，可惜佢水準明顯下降但係價錢卻高企，真心麻麻地。因為記得佢嘅waffle好掂但係早餐就冇waffle咁就諗住pancake都應該唔錯啦，點知個質素真係麻麻哋，最主要係個pancake粉漿調得唔好，唔香又唔鬆，不過佢唔係最衰，最衰就係啲煙肉，擺盤取巧我都算數，佢依家想入面睇落去好似成條由左至右大大塊，但係其實入面係斷開嘅，即係pancake入面基本上係冇煙肉。佢最大鑊係韌到切都切唔開，明顯over cook，好彩原來唔係淨係我呢碟係咁，我聽到隔離枱嘅食客都話佢要嗰份早餐都係over cook嘅。另一重點係呢份早餐要$85，包嘅飲品只有檸茶檸水仲有一樣唔記得係乜嘢不過我一定冇咖啡，呢度如果要飲咖啡要另外加錢，雖然佢冇收加一，但係呢份嘢都冇理由喺$85啦。佢杯檸茶係用茶包嘅。影埋張單證明我係真金白銀幫襯嘅。

今次踏入西灣河這家餐廳，真系一個驚喜連連嘅發現！🍝 大蝦忌廉意粉，每啖都吞雲吐霧嘅份量；意粉彈牙，蝦仁又爽口，簡直就系一場口腹盛宴。龍蝦汁risotto雖然米粒有啲太軟，但龍蝦汁既味道仲系幾出色，大蝦保持咗爽彈質感。🦞另外，慢煮雞胸南瓜意大利飯，我都幾欣賞。南瓜同忌廉嘅融合真係窩心得黎，雞胸肉與米飯恰到好處嘅結合，簡直系一個寧靜嘅享受。🍛飲品方面，芒果梳打香甜爽口，提起個人精神。熱奶茶就溫暖人心，香滑得黎嘅味道系正宗港式。🍵總括來講，呢家餐廳嘅食物夠晒震撼，環境舒服，服務又好，發掘到這樣一間餐廳，真系飲食界嘅一個小確幸！推介俾每一個喜歡食好嘢嘅你哋，來一趟呢，準冇錯！

作為犀牛餐廳fans😤見佢轉餐廳 繼續試佢啲新嘢今次呢個係慢煮雞胸忌廉芝士貝果🥯配粗薯片🍟覺得麻麻地😮‍💨😮‍💨可能因為不似預期 我以為會比好多忌廉芝士 但其實得小小🤏🏻得雞胸加火箭菜 個包就偏向乾身咬落去有啲Dry粗薯條炸得唔均勻🥺顏色同熟度不平均 同埋薯條上無撒鹽 食落較寡淡野飲都試咗新野Matcha latte 幾好👍🏻 綠茶味夠濃郁之餘奶泡口感亦十分綿滑🍵濃濃嘅熱鮮奶 係冬天飲落超級暖身 推介♨️