犀牛廚房

营业中

休息中

週末簡簡單單嘅Brunch ☕️☕️☕️犀牛英倫早餐 $118炒蛋、蘑菇、香腸、煙肉、車厘番茄、茄汁豆、薯餅、麥麵包，十分豐富牛油香蒜烤春雞配粗薯 $98烤雞、粗薯條、烤粟米、烤茄瓜食物質素中規中矩，餐廳座位都算舒適，為這區又增添一個用膳選擇。

𝔸𝕗𝕥𝕖𝕣𝕟𝕠𝕠𝕟 𝕥𝕖𝕒 🥧Pleasantly surprised to find a little cafe at Hong Kong East, pretty spacious indoors and also with some outdoor seats if you wanna have a streetview 👍 Came here on a weekday for their afternoon tea, and there was quite a big selection of salad, pasta and even waffles! 𝙎𝙤𝙪𝙩𝙝𝙚𝙧𝙣 𝙁𝙧𝙞𝙚𝙙 𝘾𝙝𝙞𝙘𝙠𝙚𝙣 𝙬𝙞𝙩𝙝 𝙃𝙤𝙢𝙚𝙢𝙖𝙙𝙚 𝙒𝙖𝙛𝙛𝙡𝙚 🧇 One of my top picks - chicken drumstick and homemade waffle - who could resist that? Waffle was fresh to made, crispy and yummy 😋 Best combo with paprika spiced chicken

一位好朋友👭🏻，為了她的愛兒，將會離開香港了。在離港前夕，她需要為家人安排一些事情。感謝她的信任，相約在這社企餐廳🍴，商討處理的方法。進入餐廳，環境寬敞、感覺良好。點了美式咖啡☕️，了解她的想法，決定等她妹妹由法國🇫🇷回來，再約在這餐廳相聚。

環境係ok嘅坐得幾舒服，餐廳多位，星期六lunchtime唔洗等位。見佢新出咗個牛肉三文治，叫嚟試試，一上枱就知中伏，羽量級牛肉份量，韌過我條韌帶，洋蔥火箭菜求其擺幾條入去，塊芝士仲尷尬，最後醬汁極鹹。 垃圾

今日老公話帶我去佢公司附近的餐廳食午餐在門外見到有戶外檯仲見到有人帶寵物一起食野我心想:餐廳都好細心入到店內好多人可能因為平日lunch關係好彩餐廳都多位我倆吾洗等位餐廳裝修都幾好還在各處都有擺設及盆裁 好有心思我一看到餐廳好抵食喎我倆一人點了一份午餐份量好夠飽油封鴨脾香蒜橄欖油麵$78慢煮鴨脾肉質都係淋，喺味道吾夠入味，香蒜麪吾錯普羅旺斯香草烤春雞.粗薯粉 $82春雞都吾錯，仲有秋葵，茄子，翠玉瓜等配料，不過略嫌多咗少少油..Dirty coffee cold 跟餐 $24夠滑，奶味偏重 cappuccino hot 跟餐 $20味道都算ok📸環境指數🌕🌕🌕🌕🌑🤵🏻‍♀️服務指數🌕🌕🌕🌗🌑👅味道指數🌕🌕🌕🌗🌑💰抵食指數🌕🌕🌕🌕🌗⭐️推介指數🌕🌕🌕🌗🌑

➖ 油封鴨脾香蒜橄欖油意大利麵無記錯我好似第一次食油封鴨脾，感覺都唔錯個肉質好似食緊德國鹹豬手咁。蒜油意粉好耐以前食過一間好好食既之後就搵唔到第二間好食，呢個佢做得有小小辣但因為咁我覺得佢個蒜油味比個辣提昇左。所以呢碟蒜油意粉都幾好食，不過都係唔夠以前果間好食➖ 薰衣草法式烤春雞好想知佢搽左幾多蜜糖落去烤，成隻雞啲肉食落個味都偏甜，可能因為春雞肉唔多分唔均啲甜味。脾位同翼位肉質嫩滑幾好食，其他位就比較嚡不過半隻春雞肉唔多所以都係一兩啖係嚡口🪧 以前係西灣河做野呢到已經好多野食，咁多年後依家好似仲多過以前，而且好多都係自家店唔洗捱集團野

食物一般，很鹹和油膩；服務一般，員工好cool，入座至食完，都冇畀水，因為食物好咸，才問員工攞水；價錢頗貴，普通一個早餐：有煙肉、四條腸、炒蛋、薯餅一塊，$98，雖然是咖啡店，但只包普通檸茶、奶茶，炒蛋轉太陽蛋也需另外加$2。幸好環境尚算ok，所以可以坐多陣。

大約3年前，來食過晚餐，還留下了食評（2019-11-24 新潮中西餐）今日來試下午茶：環境冇變，與晚餐一樣，下午茶都係Fusion cuisine，menu如下：卡位坐低，本人目標明確：想食炸魚！1）犀牛小食拼盤(魚柳) + 熱紅茶 = HKD68.- + HKD10.- 添了一個雪糕球 紅茶可以添加檸檬和奶，我只想飲齋紅茶 以下整個套餐搭配OK，清曬👌老公order了據說係呢度的Signature：鴨腿窩夫！ 餐飲可享半價，點一份Flat White （咖啡）- 鴨腿窩夫 HKD62.-- Flat White HKD40/2 =HKD20.-老公切了一條鴨腿肉給我嚐，油封後的鴨肉味依然香濃，還不錯👍2人下午茶+ 1服務費，坐的舒適，服務效率高，買單 HKD176.- ，合理，唔錯👍

落西灣河搵下有咩食～初初無咩目標諗住睇下有冇咩小店試下～誰不知俾依間門外裝修吸引到小編😍Outdoor有幾個座位應該係方便客人可以帶埋小動物一齊黎((可以先各餐廳查詢～當日好多人唔好意思影))😂店內座位都幾多～座位之間都幾闊落👍裝修簡單舒服😇一齊去望望小編食左咩👀油封鴨脾香蒜橄欖油意大利麵法式油封鴨脾～油浸時間可能未足夠時間～切開後近骨位偏生～不過又咁講～味道同肉質係唔錯👍經低溫慢煮再煎香表面～令到鴨皮鬆脆～咬落汁多肉嫩🤤意粉配上香蒜辣汁好夾～唔會太辣但可以刺激味蕾😍煙肉芝士牛肉漢堡·粗薯條煙肉煎香不過太乾身～整個漢堡無汁醬😫小編覺得有返小小唔需要多汁醬會更好～漢堡厚身大約煎至5成熟度👍薯條夠香夠熱薯味夠～—————————————————☻非專業食評·純個人口味☻—————————————————📍總結:環境幾舒服感覺好休閑～食物方面可以更加好～漢堡個價錢幾貴小編覺得唔值🫣不過都會想再去試埋其他菜🙂

本來想去太安樓食Burger，點知咁好彩是日休息，search openrice見到呢間好似唔錯，於是試一試。佢嘅Set Lunch都有好多選擇，有意粉、意大利粉、沙律、三文治同Burger等，我最後揀咗龍蝦汁大蝦蘆筍意大利飯配熱檸茶。老老實實以加埋一支後要$97來講，喺西灣河呢個地區，價錢係比較高嘅，而整體嘅食物質素只屬一般。首先佢話龍蝦汁意大利飯，諗住味道會濃烈啲，點知佢個味好淡，基本上冇乜龍蝦味。至於露筍只有兩條好細條嘅好似半碟咁放喺個意大利飯上面，大蝦其實又唔係真係大，我覺得俾到盡都只屬於中蝦，有相為證㗎，雖然佢已經用質素高少少嘅連尾殼嘅蝦，不過蝦肉明顯唔係最新鮮嘅級數，如果有得揀我寧願要啲冇尾殼嘅但係新鮮啲嘅蝦。檸檬茶係用Lipton茶包嘅，成本高d但係味道又無話好d咁啦。

中午約左個街坊係附近傾野，兩個吹水王傾唔停😊哩個地方平日好岩吹水，樓低高，坐得舒服，佢係西灣河港鐵站隔離，就算搭車黎都好方便。哩間係一間社企餐廳，唔係街坊講都唔會發現。😋龍蝦汁大蝦露筍義大利飯 $88一起身第一餐就食飯，平時都比較少食飯，哩碟野仲要都幾大碟，但我係食晒既。雖然個菜名叫大蝦，但蝦唔算大隻，亦都唔太入味，相信係雪蝦，露筍得兩細條，又過份少左，但個龍蝦汁同意大利飯確係幾好味，最怕食到好似好硬既意大利飯，哩個完全好咬口，配上龍蝦汁係十分配搭同入味。所以我都食晒。😋Passionfruit 冰茶（是日特飲，午餐包埋）本來諗住叫凍檸茶，但見特飲係passionfruit就試下，所以passionfruit既野我都好鍾意。杯茶就冇乜passionfruit味，只係覺得係有甜味既冰茶，冇乜驚喜。朋友食果d我就唔介紹啦，因為我冇試食，唔想亂評論。⭐️⭐️⭐️犀牛廚房 (西灣河)西灣河聖十字徑2號地舖#飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #西灣河美食 #yummy #hongkong #hongkongfoodie #hkfoodie #hkfood

Rhino Kitchen 犀牛廚房🦏@rhinokitchen只要愛自己，每一隻犀牛都可以係獨角獸🦄️協青社同餐廳合作，為弱勢及邊緣青少年提供餐飲培訓機會，提升佢地行内所需要嘅事業技術🎓 並協助佢地建立正面嘅價值觀同工作態度，發揮天賦才能✨Cafe以原木色同綠色為主，四周亦都擺放左大大小小嘅植物盆栽🪴 環境悠閑舒適，餐廳有卡位，bar枱，仲有幾個露天座位🌴早餐時段餐廳都接近滿座，以平日早上嚟講都好熱鬧🕺🏻 早餐選擇都幾多，$40有個早餐包飲品，仲要唔洗加一👍🏽Fish Cutlet Breakfast 🐟吉列魚柳｜意式香草腸｜炒蛋｜厚多士｜自家製他他醬配是日特飲 凍熱情果茶 🍊吉列魚柳炸得好脆口，他他醬清爽酸甜，呢個配搭一定唔會失望😎 不過有少少surprise香草腸嘅份量得咁少🙈 早餐包一杯熱飲，凍飲+$3，但特飲竟然唔洗加錢！熱情果醬味道適中，加埋幾片薄荷葉，非常refreshing🍃Macaroni in Tomato Soup🍅意式番茄湯通粉｜炒雜菌｜炒蛋｜厚多士配 Creme Brulee Latte 🍮🥫番茄湯唔係稠身嘅濃湯，反而係比較清，易入口，味道偏甜，直接飲都好開胃🥄

Lunch 時間見未有太多人同可以坐耐啲， 就第一次幫襯。 但之後就要睇牙醫。 叫左個漢堡飽 薯條+ 錢叫左杯咖啡。 食評介紹， 個包半年已經由$88 加價變$128. 都算， 如果好食。 但食左2~3啖之後， 咬到個塊肉有細小硬物， 牙都痺埋， 諗住一次就算， 點知食左2啖， 就再發現硬碎骨。 已經唔敢再食塊肉。 半塊肉挑左幾粒骨出嚟。 叫左侍應過嚟反映， 佢竟然聽完就算， 行走左。再叫經理過嚟， 只係答： "會同供應商反應意見" 咁就行開繼續幫其他客落單。 直至埋單， 都無講過一句sorry or 建議換餐。 Black list 服務差 , 食物質素差， 又貴。 過隔離M 記我都順氣啲， 會即換俾客。

好睇唔好食價錢又貴叫咗個all day Breakfast未食過啲咁難食嘅早餐淨係得個咸字.叫咗個鴨腿意粉嗰啲一陣雪櫃未我唔明點解佢可以收$100-+🤮🤮🤮🤮

朋友話帶我去間唔錯嘅餐廳食晏，本來在西灣河無咩特別期望，但入到去睇到個環境與食物真係出乎意料，原來仲係社企餐廳添，就更加要加分，完全值得推介油封全鴨髀香蒜橄欖油意大利麵：鴨髀真係好香，可能低溫慢煮，肉汁保存得很好，脆皮嫩肉👍🏻卡邦尼煙肉意大利麵：基本水準大蝦忌廉巴馬臣芝士醬拌意大利闊麵：蝦大大隻而且爽口，忌廉芝士香濃，闊麵掛滿了忌廉芝士，好滿足😋龍蝦汁大蝦露筍意大利飯：意大利飯滿是龍蝦汁香味，口感煙韌，大蝦🍤就當然爽口喇😋