牧羊少年咖啡館 (葵青劇院)

营业中

休息中

第一次聽到牧羊少年呢個名已經覺得間野應該係好文青，最岩我呢D懶係文藝嘅港女去。由於沒預先Book位嘅關係，waiter話已經沒曬室內位，只有室外位可以坐。反正都已經6點鐘，室外都唔係話好熱，而且有大風扇吹住，感覺都幾舒服。呢間餐廳夜晚好有情調，每一台都會放一個白色燈，夜晚睇好令我地叫左一個雜錦串燒，同各叫左一杯野飲。我個杯係楱子朱古力，唔錯，又睇得又飲得。另外仲叫左一個朱古力心太軟，朱古力味濃，好正！有機會下次再來！

去過牧羊少年幾次了，主要係因為佢嘅環境同食物都幾啱我心水💝佢地嘅裝飾好中東風feel，每次去都覺得好似去左異地旅行咁今次同家姐去，叫左個芒果乳酪醬燒雞中東包配薯條 $72 同 香草醬忌廉本菇雞肉意大利粉 $70，兩個都跟湯同餐包🍞淨係餐包都有好幾款，有原味、蕃茄、竹炭，其實食完都飽左一半…但因為我好鍾意食佢d餐包，次次都會忍唔住食曬🙈芒果乳酪醬燒雞中東包：芒果乳酪醬酸酸甜甜好開胃，同燒雞好夾，個包好柔軟～😋香草醬忌廉本菇雞肉意大利粉：香草醬落得好多，撈埋d意粉到超級香，不過加埋忌廉略嫌膩左少少，雞嘅肉質都幾嫩滑🐔佢d野食嘅份量全部都偏大，如果2個女仔可能叫一個主菜加個小食share嚟食會好d題外話，室內嘅2人枱之間嘅距離都幾窄，如果想2個人靜靜地傾計就未必啱了🤔

食物無咩選擇.......🤷🏻‍♀️漢堡包比較厚身不軟熟比較乾身！食食下都(met)開剩係食中間芝士漢堡都係普普通通，連塊芝士都可以唔溶🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣😌😌送餐時間一流超快😌😌一早整好🤫食完.....（想像到幾好食）意粉算有點味道..但質素都是好好好普通朱古力沙冰是最好味..飲到好濃朱古力味👍🏻👍🏻👍🏻👍🏻👍🏻👍🏻👍🏻

打工仔最期待就係收工同lunch hour , 星期五lunch 梗係要食好dd啦, 今次同同事簡左牧羊少年, 間鋪係葵青劇場隔離, 一直都冇留意到, 真係發現得太遲啦, 有lunch Suet , 價錢又唔算貴 有餐湯又有餐飲跟大熱天時梗係坐室內, 坐位唔算多, 不過幾舒服餐包絕對唔hea , 睇得又好味我叫左帆立貝意大利粉, 個汁好香奶油味, 份量岩岩好, 帆立貝大大粒大蝦明太子意大利粉, 重口味少少, 不過同事話好好味竹炭牛肉漢堡, 依個就普通少少啦, 不過大大份男仕就岩哂同場餐飲, 星期一至五唔需要額外加錢，抵！依間個價錢同水準值得推介

曾經風靡一時排隊熱潮既牧羊少年到平日既下午終於稱職地做番一間cafe,cafe既原意就係應該比人悠悠閒閒地坐一個下午,可能係趕緊論文寫作,可能係偷得浮生半日閒,可能係比人plan旅遊既行程等等,而我估遊歷,都係呢間cafe既本意,因為餐廳既主題正係而旅遊為主題,希望香港人遠離煩囂既都市生活～所以我今日都帶住閒晃既心情黎到呢間cafe~點左個茄汁pasta再配上一杯cappuccino,pasta偏軟,唔洗好大力就咬到,好適合想偷懶既人👍🏻而cappuccino既苦澀都黎得剛剛好,配上拉花既襯托,令人唔捨得飲下去☺️

約了好朋友在葵涌行街shopping,之前有些時間就坐低食個yes,這間餐廳真是這裡的不二之選！首先環境真的很不錯，好靜好適合聊天！那裡有好多精緻的小擺設，見到都開心！我叫了素食的早午餐，每款食物都新鮮～特別喜歡它的小甘荀，很脆很甜！薯餅也很鬆脆可口！而雞蛋炒得很滑！我朋友叫了三文魚多士，味道也不錯！咖啡有點苦，加多些奶後味道有少許改善整體來說，遠裡無論食物和環境都很不錯，服務態度也很好，下次會再來！

呢到既早餐🥣價錢唔算貴，都幾合理。我上次黎過食格仔餅拼花生🥜醬餐，覺得好好食，今次要encore，再叫左個全素All days breakfast 🥞 野飲可以揀佢經常轉款既特飲，唔洗加錢架，同埋唔係成日有得飲。今次個蘋果特飲幾好飲，入面有啲果肉，而且味道清甜，唔會係甜到漏果種。而格仔位仲係咁好食，我諗係即叫即整，先可以咁脆卜卜再配埋個滑滑花心醬，真心好好食😁全素all day breakfast 就一般般，下次試試其他先

一入門口，感覺好寫意，但係午餐時間比較趕，如果放假一定坐上兩，三個鐘Set lunch唔算太多選擇，多以意粉為主，我同同事都想食得清清地，都揀咗黑松露雜菌意粉，好香黑松露味，完全沒有用的，green Friday 😂跟餐仲有兩款餐包一碗餐湯，用料都好足呢，歺包熱辣辣有誠意每日仲有不同的是日歺飲，通常以生果配搭茶為主，今日呢款係蘋果蜜桃綠茶

午餐和同事一齊來呢間叫牧羊少年嘅餐廳，呢度別樹一格，係葵青劇院隔離，一入到去店員服務態友善，由於落雨你仲喺門口度遞遮袋俾我地，細心一入餐廳嘅裝修都好特別，好舒服嘅感覺，食物以西式為主我，就點三文魚籽車打芝士汁鮮蝦意粉，好creamy 芝士味好重，蝦都爽口，食得出用牛油煎過，同事就叫咗鮮忌廉白菌吞拿魚意大利粉，買相唔錯佢都話好味，這裏每天都會有”是日歺飲”今天喺蘋果蜜桃綠茶，店員係話用新鮮嘅生果blend出嚟,好清新好好飲甜度啱啱好

葵青歌劇院內有一間咖啡店 - 牧羊少年它有兩道門一道是在歌劇院內一道是在出面劇院內的通道是封上的建議客人用正門出入店內有點好笑的是環境的燈光十分昏暗有點難看MENU其後點了兩道菜香蒜黑椒鴨胸意大利粉很重的黑椒味配上三色椒鴨胸切得很長 吃下有點像香腸鴨皮有些煎燶了紐西蘭肉眼扒配薯菜(10oz)牛扒意外的韌... 除了有很大的根位還有些肉的位置無法咬爛而且部份薯條因被牛扒壓著吸了很多血水變了浪費不少另外，店內坐在邊緣位置很難叫待應看到他們針中於店內門口位置可能因要同時照顧戶外客人吧店內都算多人使用夜晚建議不想等位要七點前來到

星期六下午去佐葵芳牧羊少年食下午茶，位置就係葵青劇院地下連住，好易搵因為無訂位，天氣咁熱又唔想坐室外，所以等佐40分鐘左右。室內環境舒適，有花花檯布同埋有個細書架，供應既書多數係旅遊書，可以比食客係餐廳內睇。食物方面，我就叫佐個all day breakfast，味道唔錯同埋好飽肚。野飲就叫佐一杯叫「夏天的尾巴」，係香橙、菠蘿、芒果混合飲品，味道無乜特別，普通甜甜酸酸既野飲，不過勝在夠清新同解渴。價錢合理～會再去

諗住搵間可以坐戶外，又唔太熱嘅餐廳，上網見到好似有d特別...$74一客素食all-day breakfast (未計加一)，抵唔抵就見仁見智喇！整體嚟講，個早餐味道偏淡，蛋係炒得滑嘅，但相比起其他就唔夠香，至於其他食物都係例牌味道，無乜驚喜，最好食已經係個牛角包，外脆內軟；而另外要求嘅黑醋亦係小驚喜，係口感較厚而濃味嘅黑醋，配沙律幾好味。餐飲係意大利淡咖啡，佢無呃你，真係好淡，口感亦好薄，完全過唔到咖啡癮。總結: 食物質素一般, 餐飲唔得, 唔試唔可惜。

看到漂亮精緻的拉花，必定有好心情。咖啡師少少的一個動作，便可令客人的心情愉悅，真是一份神聖的工作那天到訪，咖啡師拉出一朵玫瑰，剛好是在beauty and the beast電影推出的期間，相信很多女孩收到也會很快樂吧！咖啡甘香而又甜美，細滑順口，實在不錯。

之前去親牧羊少年都係食Dinner多，今次約咗朋友傾計，就去咗食Tea。能係閒日同Tea Time關係，所以都唔需要排隊。環境方面：葵芳店有得揀坐室外或室內，都夠清靜。室內環境幾有氣氛，坐得舒服，適合黎傾吓計食物方面：焦糖朱古力芝士蛋糕：焦糖味比朱古力味突出，而且甜度適中，唔會太漏。香蕉朱古力Waffle：以Tea嘅份量黎講好夠。個Waffle唔係外脆內軟嗰種，但都唔會食落一pat粉嘅口感。朱古力漿比一般嘅冇咁甜，所以倒晒落Waffle度都冇問題。

今晚係葵青劇院度睇劇，睇劇之前當然要開返餐好㗎啦，本身諗住去葵廣或者新都會廣場食個晚飯就算，男朋友提議不如去葵青劇院入邊嘅牧羊少年館度試吓啦，於是就行過去試吓啦！本身係食晚市，佢六點鐘就開始，佢有分戶外及室內，我哋揀咗室內，不過要等位，大概等左5分鐘到就有位啦，室內環境好寧靜，擺設好靚，我知道本身呢個餐廳嘅老闆係以旅行做主題，餐廳入邊都擺咗好多唔同地方嘅特色裝置，亦都有一個書架，相信係歡迎客人可以飲住杯咖啡睇住本書，好悠閑咁過一個下午。我哋叫咗個二人餐，分別包小食一款，主食兩款，是日芝士餅，同埋飲品兩杯。小食我哋叫咗墨魚丸配波波腸，賣相唔錯，每人都可以食到三至四粒，波波腸同墨魚丸鋪左蜜糖，食落更加嘢味！主食就叫左一個黑松露雜菌意粉,同埋一個芝士魚子意粉,個人覺得雜菌意粉比較乾身同埋味道較啖,反而非常鍾意芝士魚子意粉,好香芝士味,同埋魚子係粒粒都咁大粒,男朋友都鍾意食呢個魚子意粉d,大家可以考慮吓揀魚子意粉!兩碟意粉份量適中,都係可以食得飽!食到咁上下，就叫侍應上埋是日芝士餅，相信餐入邊包埋嘅芝士餅比單點細件，不過我就覺得啱啱好，芝士餅普通，不過包埋餐嘅就唔好咁多要求啦！另外我再叫左個蘋