牧羊少年咖啡館 (香港文化博物館)

营业中

休息中

職員態度無禮傲慢，我們三人各自點了一個意粉，其中一個份量出奇地少，我們向職員反映，負責職員一副煩厭的嘴臉，認定我們是為了R着數的樣子，只是不停地強調他們餐廳任何分店都沒有客人投訴過，並沒有嘗試一下聆聽或接納意見的意思。我們其實並沒有要求他們更換或提供任何優惠，只不過認為出現問題確實在需要反映一下。至於食物味道還可以，個人認為不值得這個價錢。可以說唯一可取之處是環境，尚算坐得舒服。總體來說不會有下次。

今日係沙田文化博物館參觀，大約1點前我同同學係嗰度買咗兩個外賣飯盒，再打算買一份堂食。然後，坐咗係度等個外賣飯盒，有個短髮女職員同我地講話我地唔可以坐係嗰度，但我地之前問過一個長髮女職員佢話可以，同之前有批男學生都係咁坐咗係度食外賣。而且我地有一個同學都出咗去買一份堂食，佢覆我地話堂食都唔可以係度食，結果我地係大風大雨下出咗淋住雨食，但明明餐廳入面仲有勁多位。即使買咗堂食都唔可以係入面食咁堂食嘅意義係咩，真係冇見過咁冇服務態度，咁冇同情心嘅餐廳，平嘅外賣飯盒再加一客貴嘅堂食都唔容許係入面食，今時今日咁嘅服務真係差

香港文化博物館於四月至七月期間有一重點展覽「羅浮宮的創想——從皇宮到博物館的八百年」，展出舉世知名的法國羅浮宮各部門精選超過一百三十項珍品，包括繪畫、雕塑、陶塑、掛毯等，探討及回顧這座藝術殿堂的發展和歷史進程。我的朋友Tony是新晉畫家，對藝術活動尤感興趣，我們上星期結伴往參觀展覽，並於館內的餐廳牧羊少年吃午餐，餐廳裝潢雅緻，充滿書香文化氣息，服務採半自助式，先付款後等送餐，食物味道非常好，且價格合理。我們要了百爪魚牛油果沙律、菠蘿辣肉腸pizza及牛柳粒。沙律大大碟，蔬菜新鮮爽脆，雖然只有幾塊八爪魚肉，但鮮甜好味！pizza是薄批底，香脆可口。牛肉粒很好味，少少辣。我們一邊吃，一邊重溫展覽內容，輕鬆愉快！

在文化博物館地下，開設了一間牧羊少年咖啡•慢遞館，在各種展覽，藝術設計及音樂的薰陶下，呷杯咖啡，看著書，享受著慢活生活，文青就是這樣形成的。不論是一人來order 杯咖啡打發時間，或者三五好友相約來吃頓美味的下午茶，牧羊咖啡館都是不錯選擇！帶著文化氣息的咖啡館地方寬闊，座位舒服，享受著美妙的音樂，心情也變得平靜淡然。Ice hazelnut latte 咖啡味濃，偏甜，炎炎夏日真是透心涼英式咸牛肉牛角包烘得夠脆，連埋牛肉芝士生菜蕃茄，口感豐富，絕對飽肚薯條亦十分脆口，似新鮮炸起，不感油膩京都春日原味窩夫鬆軟綿密，加上綠茶雪糕及酸酸地的士多啤梨，再淋上朱古力醬，2人share 剛剛好唔會太滯太飽！放假就是要逃離一下繁囂的工作及環境，吃頓美味的食物，享受一人的咖啡，整頓一下心靈，再重新出發。🍀

窩夫到訪香港文化博物館多次，但一直沒有光顧過地下的餐廳，那天參觀完「羅浮宮的創想——從皇宮到博物館的八百年」，便跟媽媽走進去吃午飯。被安排座位後，要先到櫃檯點餐和付款，然後拿著號碼牌回到座位，等候食物和飲品送來。媽媽點了熱拿鐵咖啡($34)，水準不錯。窩夫見排在前面的食客點了多杯不同味道的鮮打茶，便點了蘋果蜜桃鮮打茶($42)來試試，味道果然很好，不會很甜，有幾片蘋果和蜜桃點綴，喝到一些果蓉，很清新的感覺，夏天解渴消暑一流。主菜方面，點了鮮忌廉帆立貝意大利粉($76)，配料有兩大隻帆立貝和大量白菌，忌廉汁厚度適中，媽媽很喜歡。還點了田園炒蔬菜配自家烤胡麻醬($58)，蔬菜的種類有10款之多，分別是蓮藕、秋葵、冬菇、甘筍、番茄、洋蔥、金菇、椰菜花、蜜豆和粟米芯，全部都很新鮮，胡麻醬充滿麻香但個人認為份量可以多一點，味道應該會更好。

是日睇羅浮宮日，開睇之前當然要食個早餐先啦。先買好飛就搵位了。呢到行自助買飛，然後就坐低等啲員工拎野比你。都幾好，既慳人手，又可以節省等候落單的時間了。我叫左all day breakfast (素食版）晨早洗洗，唔想食咁多肉，扮下素食者啦有薯餅有沙律菜有兩條大甘筍有茄汁豆，炒滑蛋，有蕃茄，有蘑菇，有我最鍾意食嘅牛角包。整體未到都可以嘅！唯一嘅美中不足就係薯餅太淋同埋沙律菜唔新鮮。番茄原隻焗好淋身好多汁，好好味，再配茄汁豆，岩晒我個茄怪。蘑菇都可以嘅，係落唔夠味，比較淡口。中意極清淡嘅岩晒。因為朋友已到搞到掛住傾計唔記得影餐廳相。下次可以再去嘅一間餐廳！

平時都係去太子個間總店。 見今日去到沙田文化博物館。咪試下佢啲野食囉。。 可能我星期日去。 所以好多好多人。。。等左大約半小時左右啦。啲野食味道就正正常常啦。 但價錢好似比太子既貴少少。 但因為我都唔係好記得太子既係幾錢。所以真係唔知貴幾多。。。不過佢杯咖啡都係甘好飲。 唔錯。。。 但啲位有點空間不足。。不過冇辦法啦。 係香港。租金貴。。特別我相信佢星期一至五都冇咩人架啦。。 所以星期六日要坐多幾個人都可以理解既。。。有機會可以再去。 但一定唔會為左間餐廳而去沙田囉

呢間咖啡店一過七點就開始少人喇，所以為咗唔洗等就但博物館關門30分鐘後先去會好啲啦。咁呢間啲嘢都唔錯，坐得都算係舒服嘅。咁講下啲食物啦....凱撒沙律- 一般無咩特別Yakult Smoothie- 唔會好甜- 價錢就有啲貴煙豬腿意粉- 份量都ok- 味道唔錯，值得一試比利時之戀- 好抵食- 份量超多- 製作時間時間需要20分鐘- 鍾意食甜品一定要叫總括黎講呢間係值得一試嘅，尤其是係佢果個甜品真係必叫， 鍾意食甜品嘅人一定要去試下。

星期日黎到沙田博物館呢間cafe..門口都好多人..要拎飛等一陣..入到去環境唔錯..坐低睇menu..先出去排隊買野..原本想order waffle..點知佢話要等45分鐘..所以淨係叫左杯蘋果蜜桃鮮打..坐低hea下..扮下文青...😂杯野都幾fresh..一杯果茶..好似台灣d cafe飲果d甘...😆叫一杯野飲就可以好休閒甘坐一個下午..係假日想停低靜一靜既好去處👍👍ps:對面果個人叫左個waffle..但大約30mins就黎左..感覺好似好正甘..🙈

放假只想好好地hea一天慢活一下所以揀左位於沙田文化博物館下面既牧羊少年餐廳，其實已經食過佢其他分店但呢間就無食過一入到去，餐廳好台式cafe feel樓底好高，裝飾得好有心機好relax ge感覺最重要佢唔會限你用餐時間我點左個芝士肉醬薯條好！好！味！😭仲要好大份👍🏿我絕對會為左佢再返黎食😭👍🏿意粉份量都好足同埋硬度剛好因為我唔太中意太淋既意粉凱薩沙律，d菜好新鮮整體來說不錯的餐廳食完仲可行下博物館

前幾天同仔仔中午去Snoopy's World玩，因為太熱所以決定轉玩文化博物館兒童play area,之前聽有媽媽介紹話博物館地下有間好食餐廳，所以決定唔係沙田新城市lunch, 去到大約2pm, 人都幾多，要係門外等位，但五分鐘到就有位整體食物好食，杯mocha正(真心推介)有博物館年票有九折下次想去尖沙嘴的《牧羊少年創意咖啡館 by GABEE》打著台灣著名咖啡大師林東源的Gabee咖啡館的旗號，這裏的咖啡當然讓人期待。

香港的博物館是最佳好去處，今天去文化博物館做博物館通行証，方便未來一年到博物館瀏覽，新証要等45分鐘左右，於是到隔籬的牧羊少年咖啡．慢遞館，扮僞文青慢慢嘆吓下午茶。咖啡．慢遞館是快餐式，是先揀選付錢，再安座等待侍應生送上，我選擇藍莓芝士蛋糕和鮮榨芒果椰子雪梨汁。藍莓芝士蛋糕味道是ok嘅，仲有忌廉和藍莓伴碟，但不及碟子那麼別引。少少甜的鮮榨芒果椰子雪梨汁，飲到芒果味道和質感，椰子雪梨汁就分辨不同了！原來有博物館通行証在這咖啡．慢遞館消費是有九折優惠。

按地點的位置，原估計是不太多客，應該可以像招牌名字慢活享受進食。但原來食物上台快，另外你剛剛放下刀叉，工作人員已經立即清台面，不是工作人員想讓你慢慢坐，可能是假期日因為人客多，想你不要再慢慢坐，有點和招牌名稱不太符合，不知平常時間是否也是這樣。半自助模式，男性工作人員禮貌和文化有必要再培訓改善。

今天是第一次來這間餐廳午膳，之前在牧羊少年用膳，都是去荃灣大會堂裡的分店。後來才知道沙田的文化博物館裡也有分店，所以今日我們專程來到這裡吃午餐，順道看看展覽。餐廳外有很多人等位，我們大約等了十五分鐘才可以入座。可能是星期日的關係，通常都是一家大細來吃午餐，所以氣氛比較熱鬧。我們點了車打芝士汁鮮蝦意大利粉、All Day Breakfast和一杯蘋果蜜桃鮮打綠茶。車打芝士汁意粉份量剛剛好，芝士汁酸酸甜甜的，很開胃All Day Breakfast 不過不失，份量足夠

假期去看博物館展覽，逛完已是下午茶時間，想找cafe稍作休息，一早上網查到這餐廳，就想試試。只想吃甜點，點了Affogato。味道挺不錯，雪糕不易溶又不太冰，脆脆的榛子令口感豐富。咖啡味如果再濃些，或給客人一小杯咖啡自己倒入雪糕可能更吸引。朋友點了熱的蘋果肉桂茶，就是將一個茶包放入茶壺的方式呈上，注意要泡久一點才出到肉桂味。其實到達時已有最少十數人在等候，但覺一等無妨。怎知我們運氣好，一到就有二人bar檯位，前面的人全是要大檯，所以就即時有位囉！所以二人行的朋友，別要見到門口人多就走啊。