牧羊少年咖啡館 (K11購物藝術館)

营业中

休息中

#我的吃貨日常🐽 呢間黃店真係不錯🥰🥰推薦大家要試下！！！😋😋😋之前係屯門食過一次 今次係尖沙咀分店同朋友們再食☺️☺️去完藝術館打卡 心血來朝想食甜品🍮諗起呢間☺️卡魯哇咖啡酒提拉米蘇 $78呢個做到大眾化口味 吾會太甜又吾會太苦👍 早前同屋企人去食左個cafe 媽媽話個個太苦了 haha 但鐘意食苦朱古力嘅我就鐘意啦😛 下次可以帶她來試試😌😌美中不足是那兩塊餅冇咩味 吾好食🤣🤣🤣旦日蛋糕🍰芝士蛋糕 $68我係超鍾意食芝士蛋糕梗係要試吓！不過呢個不太推薦喔 我覺有點太甜了沒有了濃濃cream cheese 🧀 的感覺喜歡偏甜的還是可以試吓😝英式窩夫配雪糕 $78呢個係我每次都去食的 因為覺大大份又扺食 四塊窩夫🧇 一人一塊😚😚正 配埋士多啤梨醬同雪糕一齊食我好鍾意熱辣辣配凍B冰冰的配搭😋黑椒香蒜煙鴨胸意大利粉 $98仲叫多個意粉食下先 味道不錯份量吾係話好多 岩岩好 但大食怪就會覺吾夠喉 所以建議叫小食一齊食😊填飽肚子朋友們都說飲品不錯😌大家可以試下😜溫馨提示：每台只有90分鐘用餐時間架炸😉😉牧羊少年咖啡館 尖沙咀河內道18號K11購物藝術館B2樓27號舖#生活小記錄#隨心一拍#相機先食#

食物幾好，但coffee 唔多掂，點左個macchiato 唔太正宗，奶泡太厚，coffee味唔太平行，有待改善，環境唔錯，除左咖啡其他都ok ，野食方面味道適中，希望你地可以係咖啡方面改進

一個禮拜無見 又係時候介紹下好嘢食俾大家啦🤫而今個禮拜！終於等到白熊同啡熊小編合體😆 話說故事係兩隻熊覺得再咁齋食落去 個page就會變吃貨肥熊🤰🏻 所以決定要一齊去做運動👯‍♀️ 但當然食飽先有力減啦（🐻表示咪食翻曬啲quota囉😑）Anyway飯係要食嘅 今次揀嘅係位於高級文青熱點K11地底嘅黃店牧羊少年🤩 次次嚟都大排長龍 今次我哋都等咗半個鐘左右先有位 其實已經算快👍🏻 店內裝修以木調為主🪑 位算幾多 分高凳同卡位區 雖然唔算寬敞 但其實坐得都算舒服👌🏻-🌟-鮮忌廉黑松露雜菌意大利粉 $98白熊小編一眼就睇中咗呢個main🤣 不過啡熊小編都一致認為係個good choice🤤 意粉係偏硬 煙煙韌韌嘅texture 係啡熊小編鍾意嘅質感😆同埋係超級掛汁！本身以為偏硬嘅意粉會無咁入味 不過呢個就唔係啦🤫 啖啖都好香松露同菇味💁🏻‍♀️ 而且忌廉都夠濃稠 係creamy rather than太水個type🥛 量都俾得足 抵讚😆炙熱荷蘭汁豬肉排 $78因為我們都是健康girl (我說是就是）不能吃太多carbs 這個是白熊小編私心執意要點的 一上桌的時候我們簡直傻眼 份量也太大了吧🤣 豬

仲記得第一次食牧羊少年係喺太子有日行K11 經過發現，即刻入去試下坐既位置係bar 枱，靜d又可以望到餐廳入面飲品方面，叫左一杯桃味乳酪飲品，酸酸甜甜，開胃得黎又消暑另外都叫左一杯Ice Latte咖啡夠香夠濃，絕對唔算差👍🏻哩個係凍蜆，分量算多。值得一讚係食左成碟都無一隻臭蜆👍🏻味道似泰式鋪頭既冷盤，但個味唔夠出。我會略嫌淡左d, 個酸辣味再出d會更好另外叫左個盧荀青醬雞肉意粉材料豐富又入味，必食🤤仲有叫左個是拉差醬雞翼雞翼juicy 唔乾唔鞋配埋個醬食係一流呀👍🏻我一個人啪左3隻🤪

K11推薦會員計劃， 入會後送K dollar, 在K11商場內指定商戶當電子貨幣使用。 今次選擇牧羊少年， 當然使用K dollar, 仲有會員優惠消費滿$300減$50。 牧羊少年幾間不同分店都試過， 呢間K11食店係近期熱門。 門口排滿人龍， 建議前來先在商場App 內取票， 取票後要留意下幾時叫號。入座後限時90分鐘， 食飯時間足夠， 如果想與朋友談天， 時間比較趕。 我們試左冬陰功意粉， 有汁， 輕辣味。我試過其他餐廳點這個意粉， 這款冬陰功味不夠出， 但保留西式意粉好味。其他小食比較， 豬肋骨較貴， 但性價比高。我們點特飲及手工啤酒。 啤酒沒有特別， 建議試特飲比較好。

難得想黎呢間野食，便試試！我一直都好有禮貌同個男服務員對答，佢完全冇禮貌兼唔比我說話，1）我話一位，佢話：等等先啦！2）坐低左，一杯水都冇！總之，我一踏入呢間野開始，呢個男服務員態度勁差，好似得罪左佢咁😔😔後期佢應該get到我唔happy!我全情black face!天呀！一個人食飯冇罪，點解要咁對我😭😭😭呢間野講到幾好食都冇用，我發誓唔會再去😤😤😤

經過K11成日見到好多人食呢間餐廳今次專登早啲出門等位，等咗陣已經有位啦～ 雖然係平日，但十二點已經滿座因為唔太餓所以叫咗個沙律🥗同薄餅🍕呢個沙律份量都好大，配埋芝麻醬好清新雞肉唔會太乾，芒果又甜，車厘茄又酸甜醒胃薄餅嚟嘅時候我發現我哋低估咗佢嘅份量，原來佢好大份🤣因為即叫即整所以上枱都熱辣辣和風嘅薄餅比我想像中好食，各種配料嘅配搭都唔錯唯一美中不足嘅係芥末太辣🤭，但整體而言都好食嘅唯一美中不足係啲位比較窄今次我哋得兩個人只係試到兩樣食物，有機會會再試其他食物

本身同朋友係尖沙咀想搵間適合傾計既餐廳，一諗就諗起牧羊少年，可惜入到去先發現K11依間牧羊少年唔算大，同埋被安排坐係要搭枱既位置，所以感覺有D迫，同埋講野回音好大好嘈呀! 不過好彩，食物質素都加返D分灸燒荷蘭汁豬肉排($78)每次去牧羊都會叫既豬排，吸引在個豬排燒得好香，同埋好多肉汁食落唔會柴口，仲要足足兩大塊份量十足上面既荷蘭汁配Eggs Benedict就試得多，但加埋落豬排一齊食好少見第一印象感覺會好漏，但食落一D都唔會，因為個汁質地無其他蛋黃醬咁杰身同酸，所以唔會搶走豬排既味之餘又可以中和番油膩感香炒泰國香椒膏鳳尾蝦意大利粉 ($108)泰式醬好惹味，配料足，大大隻鳳尾蝦份量都多，唔算好辣酸酸地幾開胃美中不足係意粉偏硬左D，不過煮得幾夠味，唔會汁粉分離是拉差醬法國雞翼($68)對依碟雞翼老實說就有D失望啦，明明我印象中既是拉差醬係甜甜辣辣架，但依個醬變左做千島醬而雞翼就係普通加個皮偏厚同硬既炸雞翼，不過真係幾大隻，入面亦算嫩滑所以我地最後都係走皮食入面D肉，作為雞翼控都真係有少少唔滿足，下次唯有叫第二樣啦

本身想同男朋友去動漫展，但太多人，決定轉埸到K11嘅咒術迴戰展行下唔講唔知原來K11有牧羊少年Cafe好多年之前同屋企人、朋友食過葵青劇院嘅分店，食過甜品、飲過啲飲品，無話特別出色不過最記得係食咗碟香辣嘅意粉，到衣家都覺得好好味2019年同朋友食白楊街間分店，已經無咗今次到K11呢間，感覺比葵青劇院少咗份悠閒感，可能因為佢係地鐵站出口旁邊，人流都相對多衣家好方便，用手機app就可以拎飛，睇佢叫到幾多號籌未到個陣就行下K11嘅舖頭，等差唔多時間再返去我地2個人叫咗一碟「黑椒香蒜煙鴨胸意大利粉」、一個「千島海鮮pizza」同埋一碟雞翼。意粉偏硬身少少，有香蒜再加黑椒，食落香口又帶點辣Pizza個底同邊都唔會好硬好厚，食落帶有面粉嘅香味，又有烤焗嘅香熱焫焫食嘅話仲會拉絲，可見芝士足料啲醬同海鮮都夠晒份量，蝦亦都大隻同爽口雞翼勝在大隻，肉質飽滿，炸得鬆脆，大家記得食個陣要小心，入面好熱！個份量兩個人食多咗少少，食到好飽總括嚟講，質素都唔錯，維持到一貫水準偶爾可以同朋友仔坐低食個飯或者甜品，飲返杯嘢，牧羊少年都係個好地方

💛💛💛喺商場入邊好少何會搵到黃店呢間牧羊少年咖啡店就係短期內開咗好多分店而其中一間竟然開喺K11入邊🥰💛先講講環境裝修好文青好舒服 好啱三五知己食飯敘舊😌而且出邊仲放咗一個大書架有緣人仲可以帶書返屋企慢慢睇添🥰今次試咗佢哋嘅帶子蜆肉卡邦尼意粉同埋炸墨魚丸意粉好重芝士味 而且帶子好大粒炸墨魚丸就非常之彈牙 同個醬汁仲好夾添👍🏻味道唔錯

香炒泰國香椒膏鳳尾蝦意大利粉 ($108)• 酸辣的程度剛好，醬汁均勻分布在蝦肉和意粉之間，令爽口扎實的蝦肉更加鮮味、有層次。千島香芒牛油果雞肉薄餅 ($138)• 薄餅邊位香脆、內圍香軟且帶點煙韌，上層配料豐富、份量適中，配合得恰到好處。• 牛油果味略為突出，肉質香滑、細嚼便融化於口腔中；雞肉以粒狀分佈在薄餅上面，帶有點焦香味；車厘茄和芒果的酸甜令薄餅味道更豐富。自家調配菠蘿Lemonade配伯爵茶鳳梨酥 ($62)• 菠蘿味道相當突出，酸甜的比例是7:3，十分開胃、消暑的夏季飲品。

約左朋友聚一聚，去左牧羊少年食個甜品，點左個Banana Waffle 食。Banana waffle配雲呢拿雪糕🧇 Waffle皮脆、內鬆軟😚一啖waffle一啖雪糕🍦味道好夾再配一啖香蕉感覺好fresh😎

近期食咗好幾次牧羊少年😋每次諗唔到食咩都係去呢度😂主要喺因爲佢樣樣食物都唔錯🤤雖然唔會話有邊款菜式特別驚喜，但勝在質素夠平均~冇次令我好失望😌 ▪️素食早午餐($108)Brunch入面有黑松露醬炒滑蛋、奇𥺼籽布甸、白菌、車厘茄、沙津菜、薯角同意大利包，非常豐富，食晒真係好飽🤣當中最鍾意佢嘅炒蛋，好滑之餘，仲好香黑松露味😍不過炒蛋放咗喺意大利包上面，所以個包有少少濕😉個人覺得問題唔大，反正蛋同包都喺一齊食落口😂另外如果大家想食得再豐富啲，可以揀唔係素嘅version，佢會用煙三文魚、腸仔同煙肉代替咗薯角同沙津😋

幾年前去過葵芳分店，今次同朋友再去尖沙咀分店，店舖不大座位不多，餐廳環境稍為嘈吵，但食物質素不俗保持到～🥡小食拼盤 款式都幾多好豐富一次過食到幾樣，有春卷、坎伯蘭腸、煙辣腸、薯角、八爪魚丸同雞翼，仲配有兩款醬料蛋黃醬同千島醬，全部都各有四件，除左雞翼得三隻但就幾大隻，酥脆肉嫩調味不俗。八爪魚丸炸過幾香口仲食到有八爪魚粒粒有咬口😋，腸微辣幾開胃惹味，春卷同薯角就正常發揮🍖香煎加拿大保濕豬鞍配蘋果泥 豬鞍size唔算大而且偏瘦，唔算好嫩滑油脂感不多😬，薯泥綿滑creamy唔會食完好漏個隻，仲有蔬菜伴碟幾fresh🍝明太子鳳尾蝦意大利粉 有蝦、鳴門卷，上面仲有三文魚籽同櫻花蝦，配料份量比想像中多👍🏻，反而意粉份量相對比較少，味道不錯🍕日式大阪燒風味煙三文魚薄餅 餅底係薄個種好似食緊餅乾咁脆脆的，有木魚碎、煙三文魚、芥末沙律醬，配搭起來幾特別又醒胃🤗

牧羊少年咖啡館由中學個陣就聽過但一直去試過，今次行行吓街有少少肚餓，就嚟試一試。叫咗兩款甜品試吓香蕉朱古力窩夫（2人份）🌟🌟🌟香蕉朱古力窩夫份量足夠兩個人食，窩夫外脆內軟，厚度十足，香蕉方面比較生，唔甜，應該係擔心朱古力窩夫太甜整體黎講都OK，唔算太出色提拉米蘇 🌟🌟🌟🌟好鐘意提拉米蘇既口感，層次分明，Cream入邊有朱古力粒，口感好出，份量方面都幾大杯，可以兩個人食，另外杯裝嘅設計，方便食用，推介