牧羊少年咖啡館 (德福廣場1期)

营业中

休息中

星期日同老公到九龍灣牧羊少年咖啡館食晚餐。我地直接叫左2人套餐，幾抵食，好飽肚。金沙咸蛋黃鳳尾蝦咸蛋黃好足料，隻隻蝦都蘸滿咸蛋黃，好正。俄式牛仔柳意大利粉牛仔柳幾嫩滑，可以撈埋酸忌廉一齊食，意粉軟硬適中，好味。咖啡羊架伴露絲瑪利燒汁·烤澳洲西蘭花·日本南瓜羊架肥美，啖啖肉，又唔羶，食過返尋味。Haagen-Dazs雪糕杯係cookies & cream味，雪糕好食。焙茶心太軟蛋糕配焦糖脆餅雪糕心太軟勁流心，焙茶味濃郁，加上軟滑既雪糕，好滿足。飲品叫左冰梨無花果白桃烏龍芝士奶蓋同芒果奶酪。

牧羊少年咖啡館，餐廳裝潢有格調，裡面有大書櫃，放置了世界各地的旅遊書供場內閱讀，我邊等食物邊看遊記，期待著我的下一次旅程會否也同樣驚奇有趣。與你分享2人套餐 $428香草青醬雞肉蘆筍意大利粉除了兩大條蘆筍外，意粉裡還有切片的蘆筍、 菇菌、雞肉。意粉是我很喜歡的軟身，份量亦大碟。慢煮BBQ醬美國豬肋骨伴薯條·普羅旺斯燉菜豬肋骨經慢煮後肉質極軟腍，很容易就能在肋骨之間一刀切開。豬肋骨的BBQ醬很滋味，配菜的醬汁亦很特別。照燒汁煎乾蒜美國牛柳粒一口牛柳粒食得方便，每一口都充滿牛的油脂，撒上了煎乾蒜變得更香口，牛奶可可朱古力上有漂亮的忌廉冰梨無花果白桃烏龍芝士奶蓋是清新的水果味Haagen-Dazs雪糕杯曲奇味

之前已經去過尖沙咀嗰間分店，當時覺得食物質素好高，今日約咗朋友嚟九龍灣德福呢一間分店，覺得位置大好多，坐得更加舒服，每張枱中間都隔好多位，坐得好舒服！不過今晚平日，其實7:30已經基本上滿座，真係勁誇張。食物方面我地冇要到dinner set，雖然見到佢一個main course再加$58就有小食甜品同飲品都幾抵食，但係因為我已經睇中咗另外一個甜品，所以最尾我哋就要咗一個慢煮BBQ醬美國豬肋骨伴薯條同ratatouill，一個生薑味噌三黃雞伴牛油烤椰菜花同日本南瓜，最後要埋個法式蘋果撻配haagen daz rum raisin 雪糕。首先想講個雞真係整得超好，無敵juicy，一都冇鞋，雖然製作時間需時，但係真係好值得食！ribs都醃製得好入味，加埋ratatouill冇整到腍啤啤、水汪汪，反而係真係每片都切得相同厚度，望落又美觀，食落又好味！甜品都係極高質，會新鮮製造，所以差不多食完主菜就要好叫定，呢度竟然有我最鍾意嘅rum raisin味道雪糕，配埋新鮮出爐嘅蘋果撻，真係一啖就食到冰火口感！

好鍾意去「牧羊少年咖啡館」食飯，餐廳環境裝潢充滿文藝氣息，非常適合放鬆心情或者與朋友聚會👍🏻晚餐仲可以升級至「自由自在1人套餐」，包括小食、飲品、甜品👍🏻牛肝菌汁雜菌大啡菇意大利粉 🍝牛肝菌汁香濃，搭配雜菌同啡菇，口感豐富，食落去好滿足 避風塘炒蟹肉意大利粉🦀蟹肉鮮味，味道濃郁，香辣配料，令人回味是拉差醬雞翼 🍗雞翼外脆內嫩，配上醬料辣味適中抹茶牛奶🍵抹茶味道濃，唔會太甜，正杞子木瓜牛奶木瓜清甜加上杞子嘅香氣，健康又好味最後仲有Haagen-Dazs 雪糕杯作為甜品，正👍🏻一定會再黎！👍✨

第一次食牧羊少年大約十年前係喺長沙灣第一間本店，當時已經覺得佢構思好好，因為當年仲係興睇旅遊書嘅年代，以旅遊為主題既Cafe，有唔同既書籍提供，一邊睇書一邊飲咖啡，仲可以同朋友一齊plan行程添！轉眼間當初一間小店已經成為連鎖Cafe，有10間分店，而且每間裝修都別具特色，但仍然保留一個書籍角落❤️而Menu亦都好似一個雜誌咁，除咗菜單以外仲有好多其他既資訊，最後都係食物仍然保持準以上，唯一唔同既係價錢貴咗，但都理解既通脹都要喇特別推介既係All Day Breakfast，佢既yogurt 好好食😋

第一次食牧羊少年大約十年前係喺長沙灣第一間本店，當時已經覺得佢構思好好，因為當年仲係興睇旅遊書嘅年代，以旅遊為主題既Cafe，有唔同既書籍提供，一邊睇書一邊飲咖啡，仲可以同朋友一齊plan行程添！轉眼間當初一間小店已經成為連鎖Cafe，有10間分店，而且每間裝修都別具特色，但仍然保留一個書籍角落❤️而Menu亦都好似一個雜誌咁，除咗菜單以外仲有好多其他既資訊，最難得係食物仍然保持準以上，唯一唔同既係價錢貴咗，但都理解既通脹都要喇～特別推介既係All Day Breakfast，佢既yogurt 好好食😋

🍽️牧羊少年咖啡館(九龍灣店)牧羊少年咖啡館幾乎係我飯堂而且相信大家對佢應該都唔陌生，平民價格可以享用到質素唔錯嘅食物，岩晒獎勵辛勤工作咗一日嘅自己食返個慰勞晚餐～適合唔鍾意頹食但係又唔多budget嘅人😆好鍾意佢呢個二人餐！有晒小食、main course、嘢飲同埋甜品，抵過散嗌好多，食完又滿足感滿滿🥳可以揀返平時餐牌上面嘅嘢食而且唔係特別多嘢要補錢，成餐飯$500有找真係窮人恩物🥹🐷炙燒荷蘭汁豬扒呢個豬扒夠晒腍，好易入口，上菜嘅時候仲熱辣辣噴緊煙，而且煎得好香口，唔會太過油膩，配埋酸酸甜甜嘅荷蘭汁仲正🥰🦐金沙鹹蛋黃鳳尾蝦意大利粉意粉嘅軟硬度適中啱啱好合晒我胃口，鹹蛋黃醬唔會覺得太油，但係又有適量嘅鹹香，配落意粉到份量剛好足夠，鳳尾蝦口感彈牙新鮮，整個配搭都唔錯🐮紅酒燴牛面肉伴薯蓉份量比我想像中多而且飽肚，牛面肉亦都係煮到好腍身，唔怕難咬難入口，特別欣賞佢伴碟嘅薯蓉，好Creamy得來又會咬到細細粒薯仔，口感豐富當然唔少得仲有甜品同飲品，都為到呢餐飯做咗個好出色嘅點綴✨📍九龍灣偉業街33號德福廣場一期平台P26號舖

呢晚去咗九龍灣德福嘅牧羊少年揀咗佢哋嘅二人Dinner Set餐廳專攻文青嘅胃環境簡約舒服，燈光同音樂柔和非常啱喺繁忙嘅一日後放鬆享受晚餐嗰日仲見到加 $118/位就可以 all you can drink（wine同beer都有）真係性價比超高！参巴鮮茄煮沙白大蜆
呢個頭盤好開胃！沙白蜆非常鮮甜，煮得啱啱好，保留咗啲蜆汁精華参巴醬汁好微辣帶酸特別啱鍾意鮮味頭盤嘅朋友日式紫蘇烤雞肉意大利粉
呢個融合咗日式同西式嘅元素雞肉烤得嫩滑 紫蘇香氣淡淡地滲出 帶少少清新感令呢道菜唔會太膩意粉煮得適中 整體味道幾balance慢煮 BBQ 醬美國豬肋骨伴薯條、普羅旺斯燉菜
初頭都擔心會食得有d呢hea但豬肋骨經過慢煮後非常軟腍肉質容易切開 完全唔需要點力配搭濃郁嘅BBQ醬汁 甜中帶鹹 味道夠晒惹味食完好滿足 大大推薦👍🏻冰水果茶 & 【浪人】手工生啤
飲品方面，冰水果茶清新解膩，唔會過甜，非常適合配埋啲重口味主菜而 【浪人】手工生啤入口順滑，有啲微苦，但都清新啱晒鍾意手工啤嘅朋友！最後仲一人有一杯Häagen-Dazs🍦
牧羊少年 係一間我成日食嘅餐廳而九龍灣個vibe更加文青食物質素一如既往表現

約喜歡飲咖啡的朋友食飯，牧羊少年咖啡館是不錯的選擇﹗有創意咖啡，食物種類又多樣化，還可享用餐酒放題呢﹗我們則單點了幾款心水菜式，一致讚好的，有這款參巴鮮茄煮沙白大蜆$88，大蜆應該是剛開口即撈起再放湯快煮的，入口juicy不乾柴，加上微辣的參巴湯底，好惹味﹗接著來個健康有營的牛油果香芒烤雞沙律配日式胡麻醬$118，混合多款新鮮爽脆的沙律菜、脆口碧根果仁、香甜芒果，顏色搭配上已令人胃口大增。主菜有我喜愛的法式油封鴨腿伴牛油紅酒汁伴薯蓉烤澳洲西蘭花$158，鴨腿肉輕易推開，沒有過多調味，幼嫩有肉汁，若外皮再金黃酥香一點，可豐富整體層次。卡魯哇咖啡酒提拉米蘇$58，這個並非傳統的Tiramisu，主要是以Tiramisu蛋糕碎加上幼滑的Mascarpone Cheese混合物，也加入了朱古力碎，有咖啡香氣但沒有濃烈的酒味，若一人食就會比較膩。最後，來杯創意咖啡清新一下，百香果蜜桃咖啡$58，微酸甜帶點蜜桃芳香，香醇的台灣咖啡風味。另有抵食套餐，都幾適合同朋友聚會。

返咗成個星期工，終於捱到星期五，同同事一致決定要食好少少，於是就去咗德福食牧羊少年，可能九龍灣都好多商廈，lunch hour 好多人排隊，好彩一早拎定左飛，好快就可以入到去。本身好鍾意呢間餐廳個裝修，深色木系既文青簡約風格，座位都寬敞舒適。今次試左佢個英式brunch，同事就試左佢個素食brunch，黎到兩份既份量都好足，我就睇中佢個炒蛋係黑松露炒蛋，黎到見到黑松露都幾多下，好濃好香，個希臘乳酪好濃稠，好鐘意個creamy texture～同事既素食brunch少左香草腸同煙三文魚，變成係南瓜同牛油果，感覺更加健康😂但咁靚既cafe 用lunch hour 1小時黎食都係趕左d～

牧少年咖啡館（德福廣場一期）餐廳位於九龍灣偉業街33號德福廣場一期平台,餐廳裝修簡約時尚,燈光柔和,環境優雅,設有南美小說風格圖書文青區,以咖啡店,酒吧,餐廳,文青集於一身的創新飲食文化,餐廳主打西式咖啡店,服務員招呼態度殷勤有禮。二人套餐小食金沙鹹蛋黃鳳尾蝦去殼的鳳尾蝦份量都不少,食落彈牙爽口帶有香濃的鹹蛋黃味,月食越惹味。日式紫蘇烤雞肉意大利粉意大利粉配有多款鮮菇,廚師選用紫蘇來烤雞肉,令雞肉芳香撲鼻,意大利粉吸收咗紫蘇雞肉味,食落軟硬適中甚香口。慢煮BBQ醬美國豬肋骨伴薯條、普羅旺斯燉菜廚師烹調豬肋骨選用BBQ醬,令豬肋骨夠入味,豬肋骨厚身多肉,食落腍滑,配有薯條和燉菜不單調。.häagen-dazs雪糕杯雪糕杯係曲奇味雪糕,入口香滑好味。飲品有冰水果茶,水果茶內有百香果,香橙和西柚,味道酸酸甜甜越飲越開胃。午夜凍飲,內有藍莓,香蕉和紅菜頭,味道清新清爽透心涼。..

今日去九龍灣，突然想起牧羊少年咖啡館在德福開了新分店，一於試一試 😆🔸金沙鹹蛋黃鳳尾蝦 蝦肉鮮嫩口感彈牙，裹著金黃的鹹蛋黃 😍 每一口都散發出鹹蛋黃的香氣 🥰 🔸鮮忌廉野菌煙三文魚長通粉 奶油醬汁creamy 而不膩 👍🏻 很足料，野菌的香氣與煙燻三文魚的風味完美交融 🍝 好吃！🔸慢煮BBQ醬美國豬肋骨 伴蕃薯條 慢煮讓肉質極為嫩滑，BBQ醬的香甜與微辣十分惹味 🤤 伴碟的蕃薯條十分酥脆，加分 🫶🏻🔸蘋果蜜桃鮮打紅茶 果香四溢清新解膩 🍑🍎 蜜桃和蘋果的搭配很好味！🔸紅莓奶酪 口感滑順酸甜可口，選用新鮮紅莓製作，與奶酪的綿密相得益彰，為這頓美食畫上完美的句號 ❣️這間餐廳絕對值得再來！出品有保證，讓人一次次想再回味！❤️

約左靚靚準媽媽食飯🤰🏻，慶祝佢就黎卸貨，帶佢黎到我九龍灣的愛店【牧羊少年咖啡館】德福分店~餐廳位於德福平台，交通方便易達。餐廳環境是我所喜愛的木系色調😍! 簡約設計加上寬闊空間感，令人感到舒適放鬆🥰~當中有書櫃位📕，好特別的設計，增添文青風~【與你分享2️⃣人套餐】🍗東京醋汁雞翼雞翼炸到金黃香脆😋，肉嫩多汁，炸皮沾滿了酸酸甜甜醬汁，好開胃呢~🍝俄式牛仔柳意大利粉意粉煮得剛好，彈牙可口，🥩牛仔柳柔軟嫩滑，入口有微微黑胡椒味，加上酸忌廉的濃郁幼滑，好惹味!!🍖慢煮BBQ醬美國豬肋骨伴蕃薯條。普羅旺斯燉菜豬肋骨大大份!!🤩 豬肋骨肉質軟熟入味，醬汁帶有煙燻香氣😍，微辣酸甜，味道豐富有層次~🍟蕃薯條炸得乾身不油膩，外皮酥脆內裡綿密，食到天然蕃薯甜味，令人一口接一口呢🤤🥒普羅旺斯燉菜的蔬菜燉得入味柔軟，帶有蔬菜天然甜味!!🍫牛奶可可朱古力(熱)濃郁朱古力香氣，微苦唔太甜，絲滑細膩口感，好邪惡呢😈🍑冰梨無花果白桃烏龍芝士奶蓋抗拒不了奶蓋呢! 🙈層次分明，有🍑白桃香及冰梨同無花果的清甜，🧀芝士奶蓋濃郁鹹甜有奶香，而🍵烏龍茶的清爽完美平衡生果及奶蓋的甜美~🍦Häagen-Dazs最後甜品係有兩杯cooki

呢間牧羊少年cafe真係性價比高到爆！400幾蚊兩人餐食到好飽又坐得舒服，啲野食真係好味到爆燈👍，完全感受到餐廳嘅誠意，唔怪得佢分店遍佈咁多地方。今次我哋order咗個「與你分享2人套餐 $428」，真係抵到爛！有小食、意粉、主菜、飲品同雪糕，簡直係一個完美配搭。*（小食）金沙鹹蛋黃鳳尾蝦*呢個小食真係冇得輸，金沙鹹蛋黃嗰種香濃同鳳尾蝦嘅鮮甜完美融合，食到你停唔到口。*（意粉）鮮忌廉野菌煙三文魚長通粉*呢碟意粉真係絕對唔可以錯過，鮮忌廉同野菌夾埋再加上煙三文魚，味道濃郁又唔會太膩，長通粉煮得啱啱好，真係一流。*（主菜）咖啡羊架伴露絲瑪利燒汁 • 烤澳洲西蘭花 • 日本南瓜*羊架煮得好嫩滑，加上咖啡味同露絲瑪利燒汁嘅香氣，味道層次豐富。配菜嘅烤西蘭花同日本南瓜都好新鮮，完美平衡咗主菜嘅濃郁味道。*（飲品）旭日（手打果汁） & 牧羊少年【浪人】手工生啤 +$29*手打果汁旭日真係好清新，特別係夏天飲一啖真係爽到暈。手工生啤浪人加多$29都超值，口感豐富，好適合餐後小酌。*（甜品） Haagen-Dazs 雪糕杯*食到最後仲有Haagen-Dazs雪糕杯，完美收尾，雪糕質素有保證，真係冇得輸

I like this brand as most of it restaurants are rooted in a sense of cultural richness, creating a space where stories, people, and flavors intertwine. Importantly the prices are reasonable given the high-quality offerings, making it worth visiting again and again.  Salt Koji Grilled Halibut with Roasted Australian Broccoli and RatatouilleThe halibut is delicately seasoned with salt koji, resulting in a juicy, umami-rich bite. Perfect balance with roasted Australian broccoli and the vibrant flav