牛鼎記 (已結業)

新張期內經過見佢午餐只係$38聽佢哋講，平時原價亦都只係$48 不過新張期內就做優惠，午市套餐有盅飯同埋燉湯，燉湯好味道冇味精非常足料，如果平時價錢只係$48都好抵食我仲聽到店家講，唔夠飯，可以添加🤣呢個價錢性價比真係好高！而且唔同日子會有唔同味道嘅燉湯，今次我呢個係蟲草花燉烏雞。其實呢間餐廳本身係做開潮州嘢，大部份都係做潮州牛，晚市嘅時候仲有牛骨筒，同埋有牛嘅唔同種類煲，可以用來打邊爐，見到隔籬枱食新鮮嘅牛柏葉，下次都想試吓

本來去隔離三不管，排太耐隊，就黎呢間。所以對呢間冇咩要求，但求有位。叫左個鮮蝦雲吞麵，36蚊。上菜都算快，服務還可以。上黎都算大碗，叫左油麵，粗心大意冇睇到可以換其他麵種，早知換米線啦，好彩食落都唔錯。湯底好濃郁，有牛味，唔系清水咁清既湯底，如果太清，連埋雲吞食會好寡，比我想像中好。雲吞入面系咁，都ok。有4粒，都幾大粒，裡面有原隻蝦。食完覺得ok，地方算大都幾多位，價格合理，有需要會再返黎食既。

星期日 有節目，強身健體，gym😀,天黑了，又是晚飯時間，想食粉麵喎荃灣路德圍😋美食多多大發现 登發街「牛鼎記」近期開張吧入去試吓，噢！冷氣太凍了，轉枱😀埋單 $38 😊 唔錯，下次再嚟先睇吓餐牌：飯飯掂、小食多滋味、飲品、汽水重點一定係牛…… 不韌 容易食叫咗一碗牛雜米粉（走蔥），比較其它店牛雜份量頗多，每款有3件😋牛肺、金錢肚、腸、好似冇膀？腸特別好味😋 夠粉 👍米粉正常湯味濃，食完😀咀 仍留有味

登發街有好多食肆群立，其中呢間門面好新淨，而且唔3字頭食到碗麵，睇黎都抵食除左潮式粉麵之外，佢仲有做雞煲牛骨煲呢類火鍋，不過價位都一樣過3字頭配料如圖，唔似放題任食咁多選擇，不過我冇食，質素點就唔知喇！一品牛雜粗 $ 38牛雜份量多，但唔見牛肺出現。。。麵底都好大，一個男人食完都夠飽牛雜質素中等，金錢肚有啲韌，唔太咬得開，其他都正常發揮湯底嘅色睇到唔求其，飲完都唔口乾，有啲功力鮮蝦雲吞整 $ 36唔知點解鮮蝦雲吞會用水餃皮做，呢點不解，餡料用料十足，鮮甜，湯底亦同牛雜麵唔同，見到係豬骨湯咁白白地，亦唔會食到麵底鹼水味熱飲要＋ $5，熱奶茶濃厚，都有返咁上下質素

好朋友呢個月生日🎂🥂雖然唔係正日都要聚一聚因為幾年未見過傾下偈講下心事飲下啤酒人生一樂也...你到呢間火鍋店一定要試肥牛🐮因為呢間火鍋店牛係最出名Yeah...啲雪花肥牛入口軟淋淋真係冇得彈加上我最鍾意食嘅響鈴浸幾秒即刻有得食大家可以放心一啲都冇冇油益味平時唔食生蠔嘅我見到啲生蠔咁新鮮都要食多兩粒唔食真係對唔住自己如果鍾意食麻辣嘅朋友仔一定要試下呢個湯底入口真係都幾麻食落有都幾辣至於另上一碟牛什啲腸仔都好乾淨完全冇臭味食咗幾舊真係唔錯！三五知己飲下啤酒打邊爐確係人生一大快事

行過見到有個哥哥仔派傳單，佢落力介紹，咁我哋一家三口就入去試吓，叫咗個$298嘅牛三寶火鍋食下，仲送咗一碟生菜，出乎意料非常好食，牛筋牛腩炆得非常之淋，非常入味，湯底正，服務態度很好，老闆仲會過嚟同你傾偈問吓好唔好食之類，我哋三個人嗌咗兩個白飯一個河粉，飽晒👍🏼👍🏼

大前日(21-8-2022 Sun)晏晝同老送膠後食個晏,由於唔想食熱氣嘢,老公想食粉麵,我哋就邊行邊睇,見到呢間食牛嘅,但都有其他嘢食,於是入嚟試吓,咁啱入到嚟有客人走,就有一張枱,睇完menu,老公決定要$48.00嘅牛鼎三寶麵要粗麵,加$11.00要凍檸樂.我要$38.00嘅金牌馬鮫丸麵要粗麵加$11.00要凍檸檬菜蜜,同$48.00嘅檸檬鳳爪,不過檸檬鳳爪賣晒.冇耐,牛鼎三寶粗麵到嚟,見到有牛腩,牛筋同金錢肚,我用一粒馬鮫丸同老公換一件金錢肚,件金錢肚口感唔係完全膍晒,重有少少硬實嘅感覺.我嘅金牌馬鮫丸粗麵呢?馬鮫丸味道幾濃,口感爽彈,粗麵口感爽,啖湯好熱,味道都濃.味道:4.5分凍檸檬菜蜜味道正常冇問題.食晒後,老公話佢碗麵好重梘水味,即使佢係咁加醋同辣椒油,佢話o衣o家飲啖湯都重有,佢試我嗰碗又冇乜.講開,我用隻湯匙”撩”起佢嗰碗麵影相時,佢係一餅黐住咁, 好似冇整散咁,唔通因為咁,啲梘水去唔淨?味道:2分環境:冷氣開得好夠,所以一路食咁熱嘅麵都唔會流晒汗.