牛魔王 (已結業)

已經變左間清湯腩茶餐廳。

六月二十八日, 下午, 走去食灣仔牛魔王。第一次來, 可能過左食下午飯既時間, 人唔叫多。好多食物可以揀, 見其他人食焗飯, 賣相都唔錯。不過被另一樣食物吸引, 撈丁係咩來, 當然有大家都鐘食既出前一丁啦, 我叫左原味牛仔肉撈丁, 男朋友叫勁辣汁雞扒撈丁, 每個套餐$29包一杯飲品, 凍飲當然加兩蚊啦。份量都好足夠, 無偷工減料, 係出前一丁, 唔太軟身, 有口感; 勁辣汁, 正, 如果你鐘意食辣可以一試, 我男朋友食得辣, 都話辣。牛仔肉, 幾好味不過可能係女仔食的關係, 太多肉食唔哂。美中不足....點解無落麻油既, 出前一丁入面最好味既麻油, 去左邊?????

故名思意主要食牛, 粉麵套餐$25 包一熱飲,飯套餐$29 包一熱飲, 試左xo 汁牛肚飯套餐, 不過不失, 串燒牛同豬$6 串, 個人覺得勁辣汁好味過沙爹,肉質ok, 不過比起尖東新南洋中心果間靚靚麵d 串燒就爭好遠, 靚靚d 燒叉燒唔加汁都好鬼好味,不過賣$8 串真係一分錢一分貨. 仲有油菜$12 碟都幾細碟,唔覺唔覺2 個人食成"舊水". 無想像中咁好.唔試都唔係損失!

鋪如其名，係以食牛為主。試過牛雜都係麻麻o者！又試過螺肉但係完全唔點！嘔！！！