牛響度拌麵

营业中

休息中

小妹同豬今晚去咗佐敦逸東美食廣場搵野食🤗呢度係靚版既food court🥰 入到去已經見到「牛響度」😍麵館，專為牛肉愛好者而設，主打湯麵🍜拌麵及飯😋 招牌有沙茶鮮牛麵、慢煮牛舌麵、沙茶牛三寶麵、蟹黃熱拌手工麵、慢煮嫩滋手撕雞麵、炸邪惡滷水豬大腸等等，非常多選擇😎沙茶金錢肚湯麵🐂🍜$54呢款沙茶金錢肚牛味好香，金錢肚肉質柔軟綿密且有咬口，份量亦不少，湯麵吸收哂濃郁牛肉香味，每條刀削麵都掛滿醬汁🥸牛腩熱拌麵🐂🍜+拾香椒麻🌶️$57呢款拌麵醬有三款，包括：拾香椒麻、招牌蔥油和焙煎胡麻～今次就擇咗拾香椒麻，每條麵都掛滿麻中帶香既味道，刀削麵口感同樣煙韌👍🏻配料同樣豐富，半隻溏心蛋、青瓜絲、蘿蔔絲、蔥花和莞茜…牛腩淋身，好入味，整體更加惹味🤤嫩滑炸豬扒飯🐖🍚$54豬扒厚度適中，炸得酥脆嫩，食落好爽嫩多汁，一咬開除咗香脆口感外，配埋甜甜既醬汁，非常好送飯😆白桃果冷泡茶🥤跟餐$12呢款手工冷泡茶茶味夠濃與白桃味相得益彰，唔會太甜，清新解膩🫶🏻百香果冷袍茶🥤跟餐$12另一款手工冷袍茶加咗百香果汁， 味道香甜，好有秋天感覺❄️洛神花樣🥤跟餐$12最後一款手工冷袍茶：洛神花樣以酒紅色呈現，味偏淡而不甜，生津止

自費過嚟食價錢都尚算可以兩個人食咗大約$200我哋嗌咗豬肉拌麵佢個拌麵真係幾好食好有口感好彈口，我覺得份量都十足食完之後其實都幾飽㗎，唔好睇佢細細碗大約$60到去仲有好多唔同類型嘅小吃因為佢嘅雲吞細細粒都有10粒脆卜卜即叫即整入邊又有肉我覺得都幾抵食仲有啊佢哋有湯飲㗎同埋有各種類型嘅唔同泡茶同埋汽水我都覺得幾滿意佢仲有唔同嘅小吃好似係走私雞同埋亦都有唔同類型嘅豬扒飯，佢嘅豬扒都好好食好大塊比得好足料㗎

之前嚟過Eaton Hotel 呢度食 buffet，見到buffet上一層有food court，都幾多餐廳選擇，我哋決定得閒就嚟呢度逐間慢慢試。.今次我哋一出𨋢就見到呢間〈牛響度拌麵〉，個名幾特別，原來指「食牛嘅響導」，我老公鍾意食牛、我鍾意食拌麵，啱晒我哋。.我哋諗住每人一碗拌麵，再加一款小食share，但我哋低估咗個份量，原來係好大碗！真係食到好飽😆.我叫了豬頸肉熱拌麵，配蔥油醬汁；老公叫了沙茶牛三寶熱拌麵，配胡麻醬汁。呢度拌麵係用刀削麵，成條都好滑，唔會中間有部分特別硬。每碗麵都有青瓜絲、紅蘿蔔絲及半隻溏心蛋。.豬頸肉熱拌麵 —有8塊豬頸肉，每塊都爽口彈牙，燒到有脆邊，有炭燒香味；配搭的蔥油醬汁好濃好惹味，配豬頸肉好夾。.沙茶牛三寶熱拌麵 —牛三寶分別是金錢肚、牛筋、鹵牛面頰，全部份量都超多！.牛面頰有8塊！每一塊都有齊牛肉及筋膜位，有骨膠原的腍滑口感；牛筋有5塊，每塊都大大舊，好滑溜，有滿滿的骨膠原；金錢肚有6塊，唔韌，幾爽口。牛三寶全部都炆到好入味👍🏻.小食我哋叫了餐廳招牌〈炸邪惡鹵豬大腸〉份量都幾多，炸到邊好脆，內裡腍；用孜然粉調味，真係好惹味；有好多青瓜絲墊底唔怕「漏

#🐒😋如果唔係朋友帶我嚟我都唔知逸東酒店呢到有個Food Hall不過講真 Food Hall嚟講呢間牛響算係好出色── ✦── ✦ ── ✦ ── ✦ ──ʚ #滷肉牛面頰湯麵 ɞ 牛面頰好腍好入味而且都好抵食 起碼有7-8片牛ʚ #沙茶鮮牛熱拌麵 (蔥油) ɞ有好多配料一齊撈呀撈牛肉一啲都唔韌 好正ʚ #邪惡牛雜 (細) ɞ全部都好入味 蘿蔔都好林ʚ #孜然雞翼 (3隻) ɞ應該即叫即整 熱辣辣卜卜脆好好味ʚ #手工冷泡茶 #洛神花樣 & #可樂ɞ洛神花茶都唔會好淡 味道正正常常── ✦── ✦ ── ✦ ── ✦ ──

11月又喺食蟹季節❤️今次小編嚟佐敦試下蟹黃熱拌手工麵 (配胡麻醬青瓜、麻油雲耳、車厘茄、蟹醋一包)今次小編叫咗蟹黃手工麵蟹黃熱拌手工麵的賣相相當吸引人金黃色的蟹黃鋪喺翠綠的青瓜絲，色澤鮮豔手工麵條口感Q彈💕👍🏻搭配胡麻醬的濃郁香氣和蟹醋的微酸整體味道層次豐富，鹹香中帶點清爽麻油雲耳的香氣和車厘茄的酸甜更增添了口感的變化，份量適中**百香果冷泡茶 **😻百香果冷泡茶酸甜適中百香果的香氣濃郁，冰涼解渴牛響度拌麵彌敦道380號香港逸東酒店Eaton Food Hall LG樓1號舖

牛響度拌麵主打每日新鮮製造嘅刀削麵，麵質爽彈 🤩每碗手工麵都配有溏心蛋、青瓜絲、油葱酥、葱花及芫茜，而拌麵醬有辣有不辣沙茶牛雜牛骨湯麵跟綠研茉莉茶 $66沙茶味好重好濃郁，牛雜好入味好軟嫩 ☺️ 刀削麵麵質爽彈，連埋湯一齊食好吸引。綠研茉莉茶茶味好夠，食完湯麵飲好消膩 😌手工去皮炸雞脾扒豬骨湯麵跟可樂 $60去皮炸雞脾扒好香口又卜卜脆，大大碟份量好多，豬骨湯好清甜，食完刀削麵仲要飲哂啲湯 🤪炸邪惡滷豬大腸 $38卜卜脆好香口，調味好唔錯 👍🏻慢煮嫩滋手撕雞拌刀配口水醬 $38手撕雞同青瓜絲撈埋口水醬汁，味道濃郁惹味又麻辣，手撕雞夠哂嫩滑，必食小食之一 😍📍 佐敦彌敦道380號香港逸東酒店Eaton Food Hall LG樓1號舖💵 兩大人一小朋友食👩🏻‍🤝‍👨🏼人均約 HKD$68

逸東酒店下邊有個food hal, 內邊有多間食肆，環境不錯。最後揀了這間牛響度拌麵。他們的麵食多達二十多款，有湯麵/拌麵，麵底可選刀削麵，米線及手工麵，選了好有咬口的刀削麵。沙茶鮮牛拌麵，份量大大碗都只是$57, 拌麵醬可選擇香椒麻椒，招牌蔥油及焙煎胡麻。鮮牛夠軟嫩淋身，沙茶醬惹味。配上大量青瓜及紅蘿白絲，溏心蛋，油蔥稣，蔥花及芫茜，好豐富。一口韭菜豚肉雲吞$49, 湯底是豬骨湯，雲吞一口一粒，韭菜味頗濃，配上溏心蛋，芫茜，蔥花及時菜。另外點了孜然雞翼及慢煮蒜泥手撕雞。前者香脆惹味，後者鮮嫩爽口。手工水果冷泡茶都很推介，清甜茶香。

話說前排喺附近工作搵吓附近有啲咩好食點知俾我發現原來彌敦酒店入邊有food court 😮😮兜咗一個圈發覺都幾多嘢食同出邊其他連鎖店food court食嘅嘢唔同之後發覺依間嘢都幾多人排隊同埋我都好鍾意食辣，所以就試吓！咁我就點咗個手撕雞熱拌麵🍜然後再飲咗佢嗰啲凍茶喺同場嚟講，價錢唔算10分貴然後因為我揀咗問佢可唔可以揀辣到可惜係冇嘅🥲不過職員都好好，另外再比多兜辣醬我不過我都係覺得唔夠🤣但係整體嚟講好好食壽司雞嘅份量都幾多，同埋個麵暖暖地熱熱地啱啱好可以即刻入口！我諗遲啲再做嘢嘅時候都會再食其他唔同

这家餐厅在佐敦一个酒店里的地下层，主打卖牛肉牛杂手撕鸡的刀削面，真的很好吃，我点了一份净牛杂牛杂，份量很大，有8块牛肉8块牛肚以及8块牛筋，我另外点了一份牛杂的刀削面，刀削面上面有我最爱的牛肺，汤底很清甜，面也很有嚼劲，它家的饮品冷泡茶，我也很推荐点，跟餐，只用12块钱，点了橙子味的泡茶真的很好喝，下次试试百香果和荔枝口味的，今天卖完了。在香港这个消费能吃到这样子的面，实属太感动了… 走过路过可以试试

聽朋友講係佐敦香港逸東酒店內food court開咗間牛響度拌麵，之前有去過紅磡黃埔天地食過幾次，是日就同朋友去試下。我哋叫咗牛腩熱拌刀削麵，牛腩炆得好淋又入味，撈埋青瓜絲和紅蘿蔔絲，清爽好食。另一個慢煮手撕雞熱拌刀削麵，雞絲份量都好多，肉質嫩滑。刀削麵厚薄適中，柔軟得嚟又有咬口，揀咗焙煎胡麻，碗內配有半隻溏心蛋。飲品係洛神花樣&百香果冷泡茶，兩款冷泡茶都係微微帶酸，好清新，仲可以幫助消化。小食：烤地瓜球，熱辣辣嘅烤地瓜球1碟有6件，炸到外脆內軟，中間夾住芋泥，非常惹味，好食。韮菜豚肉雲吞（淨食10隻)，餡料新鮮，小雲吞包著鮮嫩韮菜和豚肉，味道唔錯。湯底係用豬骨熬製而成的，香濃清甜。溏心蛋，帶有醬油味道，中間蛋黃有流心的。

今次帶大家去酒店食好西不過唔係食自助餐係食牛酒店food court美食雲集最後揀左樓梯右手第一間餐廳主要食牛主打刀削麵可以揀乾撈麵或者係湯麵牛面珠登應該係第一次食估唔到竟然係充滿膠質嘅似牛𦟌但比較腍同唔多筋刀削麵配上佢地嘅椒麻醬好香越食越順喉真心推薦至於另一個沙茶牛雜湯麵湯底濃郁得嚟唔會太油膩仲有陣陣芫茜味唔食請走牛雜有腸 牛肚 牛肺 牛膀 煮得入味同時都好腍易咬麻醬手撕雞抵食勁有份量雖然係雞胸但有肉汁夠滑感覺好似慢煮雞胸咁嫩呀溫提佢啲果茶都好清香架—————————————————————🔸 滷牛面頰拌麵 $57🔸 沙茶牛雜湯麵 $54🔸 慢煮手撕雞 $38🔸 一口粟米豚肉餃 $26🔸 百香果冷泡茶 +$12🔸 白桃冷泡茶 +$12

蟹黃拌手工麵另外仲會配上胡麻醬青瓜、麻油雲耳、車厘茄同一份蟹醋，蟹黃撈手工麵啖啖都係大滿足，食起嚟零腥味，落小小蟹醋仲可以令蟹味更突出，食到咁上下，食返D配菜清新下口腔，正！一口粟米豚肉雲吞拌麵，有佢哋主打嘅刀削麵非常好食，煙煙韌韌咁我最鐘意。另外點咗柳橙果冷泡茶同百香果冷泡茶，柳橙果冷泡茶搖一搖先飲，帶有淡淡嘅橙甜茶香，餐飲做配搭最適合，百香果冷泡茶就清新怡人，酸甜爽口。餐廳位於佐敦彌敦道380號香港逸東酒店Eaton Food Hall LG樓1號舖

逸東酒店普慶餐廳嘅buffet就出咗名多新鮮海鮮，而逸東軒就係著名嘅米芝蓮粵菜廳，咁又有幾多人知逸東其實仲有個foodcourt，雲集左唔少嘅世界美食？今日就揀左《牛響度拌麵》🍜雖然餐廳名大大隻牛字，但其實佢嘅餐點並是局限於牛🐮，豬🐷同雞🐔都有架🐒麵種主打刀削麵，睇樣似係來貨嘅，但都夠晒煙靭。波浪邊掛汁一流👍🏾無乜牙力嘅可轉米線/手工麵🤣熱屎辣辣我就唔食湯麵喇🥵拌麵汁可選1️⃣拾香椒麻2️⃣招牌蔥油3️⃣焙煎胡麻；我地就揀左1️⃣同2️⃣：1️⃣嘅麻多過辣，香味十足，唔會過咸😈食完咀唇騰騰震🤡；2️⃣雖然蔥味唔重，但咸咸香香食落都幾滋味😋最欣賞佢係拌麵汁充足，撈完條條麵都有上色✌🏾感動🥹🥹🥹特濃牛丸名不虛傳‼️一咬醬爆，牛味濃😋可惜彈性差咁d🙃手撕雞涼浸浸，配暖笠笠嘅麵冰火交融🤡無骨滑捋捋，岩哂我呢d懶人😎麻辣牛面頰大大份只需$38😳😳😳辣多過麻、肉質瘦削乾身，食完唔怕肥🤭炸一口粟米豚肉雲吞，雲吞皮酥脆，食得出鹼水味，唔似來貨🙂粟米甜😋配泰式辣醬，男女老少通殺🤣

餐廳位於佐敦逸東酒店地下嘅Food Court，主打多款配料嘅湯同拌麵，另有飯、小食、飲品供應。店員服務態度友善，上菜速度快，大大碗份量十足，價格親民，又有多個快餐選擇。刀削麵每日新鮮香港製造，麵條Q彈帶點口感。私心推介慢煮嫩滋手撕雞熱拌麵，雞肉嫩滑，拌上青瓜絲、蔥花、芫荽、油蔥酥同特調蔥油醬，味道鹹鹹地之餘食完又唔覺得口乾，好味道。湯麵要咗溏心蛋粟米，簡簡單單大人小朋友都啱食。麵條可以轉米線或者手工麵，後者嘅麵條類似上海麵，幼身滑溜，冇刀削麵咁飽肚，牛骨湯底清甜，感覺清淡又健康。飯類都有幾多選擇，蘿蔔牛筋腩有驚喜，煮至入味，牛香氣突出，醬汁味道濃郁，如果有多啲撈飯就更好。小食方面有韭菜豚肉雲吞，外層夠薄，餡料唔少、魚蛋有十粒，一口一粒啱啱好。

蟹黃拌飯❤另外仲會配上胡麻醬青瓜 麻油雲耳 車厘茄 同一份蟹醋。蟹黃撈飯啖啖大滿足，食起黎零腥味，落小小蟹醋仲可以令蟹味更突出。如果可以有D蟹肉就更好喇!! 食到咁上下食返D配菜refresh下口腔，正!手工去皮炸雞髀扒飯❤雞髀扒大大塊，雖然係炸但入口嫩滑juicy，啖啖肉，而且配菜仲有粟米同紫菜碎，夾埋甜甜地既醬汁，撈埋一齊食，惹味可口。雲吞我地叫左淨食，每款十隻，湯底係豬骨湯，飲落唔油膩，湯夠滾味濃唔死咸。雲吞細細粒一口一粒岩岩好，皮唔會太厚得黎帶點咬口煙UN，我地分別叫左一口 鮮蝦豚肉雲吞❤ 同 韮菜豚肉雲吞❤，兩款內餡都實在多汁， 一粒接一粒好快就食哂