牛響度拌麵 (香港逸東酒店)

今日嚟到佐敦牛響度拌麵，位於逸東酒店 Food Hall，環境乾淨企理，落單快手。我哋點咗黃金雞球同埋兩個牛響度最強拼湯麵拌麵餐：⭐️黃金雞球（配蜜糖芥末醬）外脆內嫩，雞肉juicy，芥末醬甜辣平衡，開胃一流！⭐️ 牛筋、牛腩、汁煮肥牛湯麵用牛骨湯底，湯頭濃郁牛味十足，牛筋腍身彈牙，牛腩軟腍入味，肥牛片嫩滑唔柴，麵條彈牙吸晒湯汁；跟餐送嘅A5和牛慕絲甜品兩件，慕絲滑溜，甜度啱啱好，做甜點收尾超正；仲有可口可樂解膩。⭐️沙茶鮮牛、沙茶金錢肚 熱拌麵沙茶醬香辣惹味，金錢肚脆口彈牙，鮮牛片嫩滑，拌麵熱辣辣好過癮，辣度唔太猛；跟餐送灼生菜淋上腩汁，菜脆汁香，黃金大麥茶清涼解渴。整體份量足，牛肉質素高，性價比唔錯，牛魔王必試！下次想試埋蟹黃飯添。📍 牛響度拌麵 (佐敦)佐敦彌敦道380號香港逸東酒店Eaton Food Hall LG樓1號舖…查看更多

喺附近想搵啲平靚正又啱口味嘅好嘢，佢哋絕對係我心目中嘅首選。首先要推介嘅係汁煮肥牛飯❤️肥牛煮得軟腍入味，配搭嘅汁液香濃唔油膩，好有層次，飯粒索哂醬汁，食落非常滋味。一口粟米豚肉雲吞❤️同一口韭菜豚肉雲吞❤️都係必試嘅小食，個雲吞皮薄滑，餡料夠足，唔會膩，淨食2個人share都好正。主食入面有兩款刀削麵，分別係牛腩刀削麵❤️同慢煮手撕雞刀削麵❤️牛腩肉質軟腍，而且湯頭香濃，刀削麵彈牙帶勁，好有咬口。手撕雞刀削麵，雞肉嫩滑，味道清新，麵條同樣彈牙，配搭得宜，清新口味嘅好選擇。最後講甜品，新出個A5和牛mousse cake，原來係士多啤梨蛋糕🤣…查看更多

❣️最強拼最強湯麵套餐(牛筋，牛腩，汁煮肥牛牛骨湯)今次推出新餐牌份量十足，啱晒仲意吃牛肉的朋友仔～最仲意的牛筋好軟滑，膠質豐富，牛骨湯濃郁，配上煙煙韌韌的刀削麵，非常掛汁好吃😋跟餐送上A5和牛慕斯，造型新穎，入口嫩滑唔太甜❣️一口鮮蝦豚肉雲吞每一次光顧都會點的一口雲吞，店家使用高質蝦仁和肉碎，蝦肉爽脆整個味道鹹鮮味十足～雲吞皮薄嫩滑，一啖一個，加埋濃厚的豬骨湯底，真系好滿足❣️邪惡牛雜飯牛雜包括牛肺，金錢肚和牛肚等，經長時間熬煮滷得好入味，令湯頭香濃，牛雜完全吸收湯汁的鮮美，仲意牛雜的絕對可以試試❣️烤地瓜球地瓜球炸至金黃色，外皮酥脆內裡充滿了芋泥，外脆內軟～吃起來十分有嚼勁，軟軟糯糯的，小小顆讓人一口接一口，實在特別好吃…查看更多

每次嚟到Eaton Food Hall，總會被呢間「牛響度」嘅香味吸引住～ 今次試咗兩款熱拌刀削麵，真心值得推薦！🍜🔸 牛筋腩熱拌刀削麵湯底用上秘製蕙油，香而不膩～ 牛筋腩炆得夠晒軟糯，入口即化，同煙韌有咬口嘅刀削麵係絕配！每一條麵都掛滿湯汁，濃郁得嚟唔會過鹹，食完成個口都係牛香～👍🔸 嫩滑炸豬扒熱拌刀削麵（拾香板麻風味）豬扒炸得金黃酥脆，內裡保持到肉汁，咬落超嫩滑！配上微微麻辣嘅板麻醬汁，惹味又開胃，鍾意食辣嘅朋友一定要試🌶️小食方面都唔可以錯過：✨ 炸芝士熔岩蝦球外層脆卜卜，一咬開係流心芝士爆出嚟，仲有彈牙蝦肉，邪惡但滿足！🧀✨ 蒜泥白肉蒜香十足，肉片薄切入味，清爽得嚟又夠香口，係一道醒神前菜～整體嚟講，呢度嘅麵食質素穩定，份量足料，絕對係佐敦區內一個高質拌麵選擇！下次想食濃味熱拌麵，一定會再嚟～…查看更多

尖東逸東酒店，令小編掛住既，除左人氣海鮮自助餐普慶、米芝蓮粤菜逸東軒以外，地庫入面亦有間人氣牛肉拌麵店，令到小編間中都會走黎幫襯 一 牛響度拌麵 @beefamousnoodles而今次小編就同友人各自嗌左：🌟沙茶牛三寶飯 $77沙茶醬食得出有花生香，一碗入面有齊三款招牌：燘得腍而不爛，充滿膠原既牛筋、滷得軟腍入味既牛面頰、爽中帶咬口既金錢肚，而份量上亦非常有誠意🤤👍🏻👍🏻🌟手工去皮炸雞脾扒熱拌麵 $57而友人就嗌左佢地既另一款招牌：招牌熱拌麵，炸雞脾扒炸得微微酥脆，刀削麵帶有口感，配埋店員推薦既招牌蒽油，一邊拌一邊聞到蒽油既香味🤤👍🏻🌟慢煮嫩滋味手撕雞 $38夏日炎炎，小食既手撕雞啖啖肉仲可以根據個人喜好自選蒜泥/口水/胡麻醬，而小編就選配胡麻醬，味道清爽非常適合作為夏天既小食🤤👍🏻🌟青蘋果/白桃冷泡茶 $12除左牛三寶、刀削麵以外仲可以加購埋佢地既手工冷泡茶📍牛響度拌麵地址：彌敦道380號香港逸東酒店Eaton Food Hall LG樓1號舖#尖沙咀 #牛響度拌麵 #拌麵 #牛響度 #留港消費 #支持小店 #逸東酒店 #覓食尖沙咀 #食在尖沙咀 #為食關注組 #香港美食地圖 #尖沙咀食乜好 #沙茶牛三寶飯 #青蘋果冷泡茶 #慢煮嫩滋味手撕雞 #九十後行到邊食到邊 #LGBTQ友善 #手工去皮炸雞脾扒熱拌麵#HKIG #HKIGER #HONGKONGFOODIE…查看更多

經過佐敦附近必試的麵館，位於逸東美食廣場內專為食牛的朋友有口福了…主打湯粉麵和拌面🍜一口鮮蝦豚肉雲吞上次試完粟米雲吞，覺得好好味～今次再點鮮蝦雲吞，內裡有原隻彈牙大蝦，一啖一個，黃金比例豬肉，皮薄餡靚，迎來鮮味大爆發一口粟米豚肉雲吞小朋友一定仲意的粟米雲吞，每次都吃完滿滿的一大碗😆飽滿的粟米與鮮嫩的豬肉餡完美融合，每一啖都感受到幸福感脆炸單骨雞翼即叫即做炸雞翼，外皮炸至金黃色，單骨食起來比較方便，雞翼鮮嫩多汁，香口惹味吃不停烤地瓜球每次必點的地瓜球，粒粒金黃色圓潤飽滿，睇到都流口水～外皮焦香酥脆，內裡Q彈軟糯，真系好推薦麻油雲耳（貓耳仔）陣陣的麻油和蒜蓉香味，作為小食一流邪惡牛雜本人鍾情牛雜，見到可以單點小食～分別有牛肚、金錢肚、牛肺、牛大腸等，唔會有內臟腥味，值得一試…查看更多

今次我地叫左慢煮嫩滋手撕雞豬骨湯刀削麵❤️ 手撕雞一D都唔嚡口，配埋彈牙既刀削麵，好滿足。一口韭菜豚肉雲吞❤️ 韭菜味濃，同豬肉真係好夾，湯底豬骨湯，味道更突出一口鮮蝦豚肉雲吞❤️ 一口一粒，蝦同豬肉比例都岩岩好，一碗十粒。滷牛面頰❤️ 呢個原味，咸咸香香，牛面頰好有咬口，底下仲有青瓜絲，正呀邪惡牛雜❤️ 港式風味，屋企人最中意食，如果牛雜份量再多D就更好喇。同埋個湯汁真係好好送飯，勁好味另外，下午茶時間，可以＋配黃金雞球配蜜糖芥末醬❤️ 勁惹味可口，黃金大麥茶❤️ 解膩一流…查看更多

最近發現佐敦逸東酒店最底層嘅food court有一間好正嘅麵食館，就係牛響度拌麵！呢到都算好多位，而且地方都好乾淨，食嘢上嚟都覺得好舒服。呢度所有餐點都好大碗，份量超足夠。今日要咗幾樣嘢都覺得好好味，首先就係個沙茶牛三寶湯麵，沙茶湯底夠濃郁，好啱香港人口味。牛筋湯麵嘅面嘅口感都整得好好。牛筋嘅口感亦都好好食。最後加多咗一份20隻嘅淨一口韭菜豚肉雲吞，粒粒都爆得好紮實，好好味。後來發覺好似冇乜點食菜，於是就叫埋腩汁生菜，好滿足嘅一餐！…查看更多

爸爸中意食牛牛，呢間係food hall入口位置，連佢都話OK，佢最中意沙茶牛肉，我就中意豬扒～呢間牛響度，雞牛豬都有。我地揀左牛筋腩麻辣熱拌面、沙茶鮮牛飯、同嫩滑炸豬扒蔥油熱拌面。嫩滑炸豬扒蔥油醬熱拌面揀咗招牌豬扒大大塊，啖啖鮮嫩嘅豬肉超滿足。刀削麵掛滿濃郁蔥油醬汁，蔥香四溢，咸香適中，還帶有嚼勁。沙茶鮮牛飯鮮嫩牛肉鋪滿成碗面，浸係濃郁沙茶醬汁裏面，牛肉入口即化，沙茶醬獨特嘅咸香、微辣同鮮甜完美融合，白飯充分吸收牛肉同沙茶醬汁，每一啖都感受到濃郁嘅風味～而且分量足，食到飽飽超滿足。牛筋腩麻辣醬熱拌面牛筋腩煮到軟糯入味，牛筋Q彈有嚼勁，牛腩鮮嫩多汁，滿滿肉香。麻辣醬同牛筋腩完美融合，口感層次豐富。不得不提，水果冷泡茶出色，店員推介得真係無錯，我試咗個白桃果冷泡茶，真係好香，甜甜地好好飲啊！…查看更多

逸東酒店個foodcourt愈開愈多好嘢食，今晚就嚟牛響度試試蒜泥白肉調味幾特別，甜甜地又夠辣，鋪滿大量蒜泥，好香好濃味沙茶牛三寶熱拌麵，牛三寶有金錢肚、牛筋同鹵牛面頰，口感軟腍入晒味，熱拌麵口味揀咗招褲蔥油，食落好香口沙茶牛肺熱拌麵，牛肺一樣入味，口感彈牙，刀削麵煙韌有咬口，拾香椒麻口味食落好過癮，兩碗都配有大量蔬菜，賣相吸引，感覺健康洛神花樣同黃金大麥茶，味道香濃突出又解渴牛響度提供嘅選擇好多，味道唔錯，份量十足，價錢親民，性價比好高，值得一讚…查看更多

今日約咗好友去位於佐敦彌敦道380號香港逸東酒店Eaton Food Hall LG樓1號舖的<牛響度麵館>食牛，Food Court 形式經營，先購票後取食物，自己找位就座。我哋點咗：🥢沙茶牛三寶飯 $77牛三寶係牛筋、牛 面頰及金錢肚，鹵水味濃，肉質軟糯入味，墊底有入口即溶嘅白蘿蔔，送飯一流。🥢邪惡牛雜飯 $54邪惡牛雜有金錢肚、牛蒡、豬大腸... 等，炆得軟淋入味，牛味香濃。🥢五花豚腩片湯刀削麵（豬骨湯）$54五花豬腩片大大塊，好好味，刀削麵軟硬適中又有咬口，湯底鮮甜好飲。🥢邪惡魚蛋（10粒）$16細細粒咖哩魚蛋好入味。…查看更多

今餐食得超滿足！牛響度拌麵除咗湯麵出名，原來蟹黃飯都好有驚喜，平日返工lunch想轉下口味真係可以一試 👇🧡 蟹黃拌飯套餐
 主角係蟹黃醬，味道濃郁得嚟唔膩，撈飯一流～配菜有胡麻青瓜、麻油雲耳、車厘茄，仲有蟹醋比你自由加味，細節做得足。🍜 牛筋腩湯刀削麵
 刀削麵煙韌唔爛，湯底係清爽牛骨湯，唔會太油。牛筋腩炆得好入味，唔會嚡口，啖啖膠質感好治癒！🥤 飲品試咗：黃金大麥茶：清香解膩
御翠烏龍茶：回甘舒服
青蘋果冷泡茶：微甜有果香，幾fresh 🍏
📍裝修係現代感food court style，坐得舒服，性價比算唔錯～…查看更多

逸東food court 絕對係美食天堂😋今次簡左黎食牛沙茶牛三寶（淨食）一次過滿足晒你三個願望！有齊晒牛面頰、金錢肚同牛筋！喺下底仲有吸滿晒牛腩汁嘅白蘿蔔！啱晒生酮飲食🍽️ 牛筋同金錢肚炆得好腍好入味，牛面頰嘅肉質好嫩口！汁煮肥牛 熱拌麵配拾香椒麻汁拌麵除咗香椒麻汁，仲可以揀招牌蔥油同焙煎胡麻醬！而麵係用咗刀削麵，所以好掛汁！而且口感彈牙！拌麵面頭有好多配料！有炸乾蔥、青瓜絲和紅蘿蔔絲！撈埋香辣汁一齊食好爽口！白桃果冷泡茶冷泡茶有好香白土味，而且甜度適中！如果唔鍾意甜味嘅朋友，亦都可以選擇綠妍或者烏龍茶！…查看更多

沙茶牛三寶 熱拌麵 焙煎胡麻牛面頰肉，牛肚，牛筋拌麵的味道取決於醬汁的組合，揀選了焙煎胡麻醬。胡麻醬比一般更濃郁、更帶有焦香。 完完全全感受到芝麻的香氣與甘甜，經過焙煎，多了一層獨特的焦香味，同時醬汁也更為濃稠，有明顯的醬油香氣，風味濃醇，齒頰留香。 搭配麵條的嚼勁和Q彈感，再加上青瓜絲，整體口感豐富，具有滿足感。炸邪惡鹵豬大腸炸得外皮脆口，內裡軟腍，沒有臊味，真正邪惡。一口韮菜豚肉雲吞韭菜香氣十足，細細粒，一口接一口地吃不停。柳橙果冷泡茶不只茶咁簡單，還有果汁，味道清爽淡雅，茶味帶著柑橘香蠻療癒的感覺。…查看更多

今日誤打誤撞走到逸東酒店LG層，竟然發現有個超寬敞又舒服的food hall，選擇頗多，馬上挑間餐廳試試。被「牛響度」這個名字吸引，一試之下還真有驚喜！🏅- 沙茶鮮牛熱拌手工麵配胡麻醬（$59）：牛肉超嫩，青瓜絲、炸蒜滿滿，胡麻醬香濃，還有蔥油和椒麻醬選擇。🏅-沙茶牛三寶湯刀削麵（$77）：牛筋、金錢肚、牛面頰都有，牛面頰最好吃。🏅- 炸邪惡鹵豬大腸（$38）：邪惡得很可以。🏅- 下午茶加配菜：生菜+黃金大麥茶（+$10）、魚蛋+黃金大麥茶（+$20）。生菜份量多，魚蛋有10粒但味道偏淡，未夠邪惡。整體來說，驚喜又抵食，下次會想再試其他口味！…查看更多