牛陣 (銅鑼灣廣場一期)

营业中

休息中

相傳日本人食壽喜燒係因為有喜事、大事慶祝。平常日子係唔會隨便食壽喜燒的。不過，噚日我就遇到一件好事一定要慶祝下，就係我有個朋友終於要結婚啦！今次一於帶佢去食返餐勁嘅好好慶祝下。牛陣銅鑼灣店我一直都想去食下，上次同屋企人經過但因為太多人而冇食到，一直心郁郁想食，今次提早book位終於有得食啦！間嘢十分易搵，銅鑼灣站B出口出嚟銅鑼灣廣場一期3樓就係。店面都係十分有日式格調，特別係佢嗰種燈籠樣嘅照明燈。店員都好有禮貌，知道我哋第一次食壽喜燒，都會主動嚟教我哋，先幫我哋放啲肥膏落鍋當油咁用，再放埋京蔥一齊爆香。佢仲教埋我整壽喜燒嘅步驟，真係唔講唔知道㗎。放入和牛，再倒入兩羹左右的壽喜燒醬汁，食前再沾上事先打好嘅蛋汁。哇真係正！！！和牛嘅肉味、燒汁嘅甜味同蛋汁嘅鮮味撞埋一齊簡直絕配，和牛切得夠薄又易熟，入口幾乎即溶。食完一盤和牛就開始轉食火鍋，倒入提供嘅上湯，再落埋跟餐嘅蔬菜同玉子豆腐。仲有喺出面任攞嘅火鍋料：冰菜，牛丸，芝士腸，三文治魚丸同魚滑。海鮮方面又有墨魚兩隻，生蠔兩隻，帆立貝兩隻。生蠔煮熟咗都仍然難掩佢嘅鮮味。食到呢度，我哋其實都已經飽晒，其實仲有炸薯條炸雞塊，烏冬呢啲我哋冇食到，因為

牛陣銅鑼灣店，一間我恨食好耐嘅餐廳，對上一次嚟係同屋企人經過。因為book咗食滿屋又未夠鐘入座而偶然發現咗呢間。今次，准備充足，book好晒位，約好朋友。准時入座牛陣銅鑼灣店。呢間係自助式嘅壽喜燒店，燒和牛，火鍋全自助。枱上有塊牌教埋我哋如何正宗地食壽喜燒。成間鋪頭店面幾好，好乾淨企利。冇講咁多，開食！！！先打好蛋汁燒好和牛脂肪同京蔥，即刻落和牛，再落埋提供嘅壽喜燒甘露，即刻聞到佢嘅燒肉同甜味。再沾上蛋汁放入口食，簡直係人間美食啊！蛋汁嘅鮮味，和牛嘅入口即化。食得差唔多就會倒埋日式清湯轉換成火鍋。再攞埋自助嘅火鍋料同套餐包嘅豚肉、和牛、海鮮同蔬菜。海鮮盤入面其實種類不多，就兩隻墨魚，兩隻帆立貝同兩隻生蠔。但都夠食嘅。

今日下午去牛陣食tea, $69 一碟肉，配蒼同雪糕任食，野飲只有玄米茶。湯底只可以配清湯，好淡無味！如果要選用其他湯底，要每位加$10，仲要係成張台每一位有齊加！咁我另外兩個湯底一個用蕃茄一個甜醬油，蕃茄都還可以，夠味，甜醬油過咸。。唔ok食完之後超級口渴。。。。講番碟肉，啲牛好唔靚，啲色水已經唔得，加上一睇就知質素差，亦無肉味。豬肉還可以接受，都算淋，但都係無肉味。配菜仲唔得，選擇少，菜無曬都唔加，叫店員加左3次先加左少少菜。。雪糕雖然係H牌，但勁硬，完全筆唔到，4款味，有兩款又係無曬都唔加。。我一定唔會再來！

約咗成班朋友一齊去打邊爐，見到牛陣呢排 新出咗一個以泰式為主題嘅冬陰功火鍋湯底，同埋火鍋套餐，好似幾吸引， 於是成班人一齊去試下。湯底就有一啲香料，畀客人自己炒完之後，由店員加湯底去煮嘅冬陰功湯， 食落非常香濃，而且酸酸辣辣， 冬陰功嘅味道恰到好處，個湯可以就咁飲都得。仲有一啲海鮮嘅配料例如蠔，帆立貝，魷魚等等。配料方面都有唔少好泰式風味嘅食物，例如泰式魚餅，泰國茄子，秋葵等等。飲品方面都幾多選擇，尤其是有唔少嘅韓式飲品， 不過我都係比較鍾意芒果汁。 食物同飲品方面嘅選擇都幾多 ，作為連鎖嘅火鍋店嚟講，質素都算幾好。

星期日想早點5:30食晚餐，經過銅鑼灣廣場，原想去樓上的店，但經過牛陣，見地方都幾寬敞，故入去食，點知情況不如理想：座位：入到去其實只有一張桌有人坐，侍應就要我地坐在他們隔離，兩張四人桌，得一小條空位可行出黎，感覺很迫。後來隔離桌走了，感覺好好多。點知唔足五分鐘，侍應就安排另外四位過黎坐，但全間店直到那刻只係得兩張桌有客。不明為何要客人咁迫。隔離桌的人不斷出出入入，好騷擾好迫。服務：打邊爐要用紙巾應是常識，但這間的紙巾是配給的...侍應態度也麻麻，有位疑似主管既阿叔好不友善，唔想你叫佢咁...配料食物：極少，連粟米、白蘿蔔、紅蘿蔔、芋絲呢d都無，相比牛x鍋或牛x(x一）真係少好多野食。特別個飯，真係好恐怖，佢有白飯和健康飯，都是好爛，落左好多水煮...而撈飯食的咖哩更不堪，咖哩應是結身，但這兒的咖哩汁是水黎，賣相一點都不吸引也不好食。雪糕雖是Haagen Dazs,但問題係硬到根本「不」唔到出黎😱牛肉：牛是全店唯一可取，我叫了最平的$179餐，但牛的味道仍不錯。7:00食完離開但其實仍只有少數桌有客人，不明為何各方面質素都是令人失望。

🐮牛陣全新泰國主題: DIY冬蔭公鍋🐮選擇滿$219以上的套餐就可以選擇季節限定的自製冬蔭鍋湯底 首先店員會放幾粒牛脂粒落鍋底 跟住就可以落冬蔭公配料 有辣椒、香茅、羗片、蒜和泰色香料。最後放埋鮮蝦爆香後再加入冬陰功湯就完成。呢個冬陰功湯係真材實料整成 好好飲☺️海鮮、肉任食☺️☺️☺️☺️澳洲穀飼牛肉雪花分怖均勻 肉質嫩肉味濃😛仲有黑豚肉同牛舌都大大塊👍鮑魚、帶子和墨魚都好新鮮，我食左超好墨魚💛出面有好多配料任食，仲有hagendaaz雪糕任食 🍦

今日去到牛陣 店員介紹我哋食呢個泰式主題我同朋友都覺得幾新穎好少火鍋店有泰式湯底所以就試吓之後店員幫我地將海鮮同香料炒熟之後再加個湯底 成個湯香噴噴 好吸引之後見面就將牛肉豬肉同埋牛舌同海鮮送上呢度竟然有牛舌任食 真係勁驚喜啊仲要係高質個種 好興奮之後我哋就出咗去拎嘢食選擇都有好多 我自己最鍾意就係魚柳健康 脂肪比較少之後呢度仲有Häagen-Dazs雪糕話兩百幾蚊真係超抵然之後仲有一個獨家嘅手工芒果糯米飯雪條真係超級抵食

這個星期秋風起令到我又想去打邊爐了，上網睇到FB牛陣做緊泰式主題，所以就同 Honey一齊食左銅鑼灣一期的牛陣。牛陣一直都是在我心目中有幾高評價的火煱店，所以對這餐飯同樣是有高的期望值。坐低後，我同店員講要美肌冬陰功湯底，隨即店主就攞了一籃配料過黎教我們DIY冬陰功湯底，令我有少少喜出望外，第一次DIY湯底，先以牛脂肪燒熱隻鍋，再加入泰式配料香茅、泰檸葉、南薑、紅蔥頭、天椒、莞茜莖、草菇、秀珍菇一起炒香隻鍋，之後再加入蝦和魷魚這兩款海鮮，炒在一起時，已聞到陣陣香味，最後再加入冬陰功湯。當湯底滾時，率先飲左一碗，冬陰功湯底是好好飲，好濃味，有點甜味帶點少少酸酸地的味道，又唔會覺得辣，如果想湯底味道再酸D，可加少少青擰汁，調配出合適自己的味道。我心想天氣再冷一點，相信飲完一定有種暖泣泣的感覺呢!限時只有 100 分鐘，所以會爭取時間大吃大喝一番。店員會先送上幾款類別的食物，食完一碟後可叫店員再追加，包括有嚴選穀飼上級牛肉、牛舌、豬豚肉和大滿足—海鮮盤 (有帶子、蠔和魷魚)，牛肉和豚肉都切都到好薄身，肉質都幾新鮮。每次來到牛陣，我都會不停地追加都是上級牛肉，因為牛肉的雪花均勻，滾兩滾就食得，

牛陣食過好多次，最鍾意係靚牛可以任食，同事話佢出左個DIY泰式冬蔭公湯底，緊係要黎試下la呢個鍋底係由自己落手煮，首先落牛油(牛的脂肪) 辣㷫個鑊，然後落埋泰式香料和菇，再落埋魷魚和蝦，已經聞到好濃烈的香味'加埋冬蔭公湯，酸酸辣辣，呢個咁惹味嘅湯底就完成la👏👏未打邊爐前首先飲左2碗湯先澳洲穀飼牛，牛舌，豬肉片海鮮都可以無限添加，穀飼牛又大片，牛味又濃，肉質嫩滑，油脂分佈好靚，真係食到停唔到口，我地2人總共叫左6碟，好滿足！牛舌和廣島蠔也很不錯！牛舌牛味濃而爽滑，蠔鮮甜而飽滿！仲有幾十款丸類加新鮮蔬菜，唔食牛都可以黎食菜，D菜蔬索哂冬蔭湯都好好味十幾款飲品任攞，象啤任飲芒果糯米飯手工雪條~第一次食，真係覺得好特别咬第一口覺得芒果味好濃，食食下竟然食到粒粒的糯米飯，估唔到糯米飯可以放落雪條度又幾好食woHaagen-Dazs雪糕都有四款: 曲奇呍呢嗱， 夏威夷果仁，牛奶拖肥，白桃紅桑子樣樣都想食呀！

牛陣之前食過幾次覺得都幾抵食，今次同埋小朋友一齊全家人去，除咗叫咗一個豬骨湯底，仲叫咗個冬陰公湯底，呢個湯底係店員強烈推介，我見隔離枱食緊勁香，所以不嬲鍾意食辣嘅媽媽話要一試，我地當然聽話啦。材料放晒上去先炒再落湯，香氣撲鼻，忍唔住滾起後先飲下個湯底，好濃郁但又唔會太辣，正！聽媽媽的話是正確的，哈哈任點任食唔似自助餐大堆頭，但邊爐要食到的全部都齊曬。我最鐘意有好多菜選擇但任食牛肉才是回本之選啦，澳洲牛肉肥瘦好平均，見到都知係靚肉，正。輕輕滾下一啖食入口，牛肉唔會鞋口，有牛味，好味到食唔停，叫完一碟又一碟，哈哈，抵返曬！冬陰功湯底的海鮮好惹味，蝦大大隻，彈牙又鮮甜，正小朋友食豬骨湯，同埋最愛食丸同魚塊。令小朋友最期待的名牌雪糕係佢地既回本之作，小朋友$99但食夠3杯雪糕都已回本啦，哈個半鐘勁食，食完雪糕個個都已經勁飽，竟然仲有芒果糯米飯雪條送，真係有糯米飯係雪條入面，好得意啊，最開心應該都係小朋友呢。

今日阿仔提議請我倆老食火煱以慶祝他第一次出糧。因他剛剛踏入社會做嘢，人工自然不高；所以我倆皆唔忍心去D太昂貴嘅食肆。故揀選了這間價錢都算實惠質素亦不錯的火煱店～牛陣。佢地主打日式和牛放題，其實以前都幫襯過；適逢今次推介冬陰功湯底，以前都未曾試過於是就試下。首先服務員把鍋燒熱，再放幾粒牛脂粒去爆香鍋底；然後把冬蔭公之配料順序放上。有辣椒、香茅、羗片、蒜和泰色香料，然後放埋鮮蝦爆香後再加入冬陰功湯。 整過程中大家都聞到濃郁香味。 隨卽火煱主角當然要出場啦！澳洲穀飼牛肉雪花分怖均勻，肉質唔錯牛味濃。黑豚肉咬落嫩滑唔鞋口。牛舌大大塊甚有口感。鮑魚、帶子和墨魚仔等等都很新鮮，最重要是以上種種皆可自由添加。另外任食自助吧(無論蔬菜、丸子、茹類等統統齊備)，各式飲品和啤酒(Asahi和正在推介的象啤)，Haagen Daza雪糕外；這個餐原來包每位客人一支美肌手工雪條。細心一看原來我在雜誌上看過是新產品，而這品牌亦很出名的；今次居然可以一飽口福啦！

好耐冇打過邊爐,見到牛陣最近推出左冬陰公湯底,吸引左我先上個鍋同香料,比我地自己逐樣逐樣放落鍋炒炒熟哂香料同配料,就可以落冬陰公湯啦自助部份都幾多選擇,不同既菜都有10幾款,火鍋配料既都有幾十款雪糕係Haagen-dazs,任食既仲有任飲泰國象啤叫左澳洲穀飼牛,海鮮,海鮮有生蠔,元貝牛肉質素都唔錯,超重牛肉味甜品更有每人一條芒果糯米飯味手工雪條味道幾得意,係冰凍的芒果糯米飯味道,食到好似有一粒粒飯係入面咁

搞搞新意思，新推出的是自製冬陰公湯底。將一盤香辛材料放入鍋內，稍微爆香，再放入預先煲好的湯底，待滚後再淋上青檸汁，美味的冬陰公鍋就呈現眼前了。陣陣香味樸鼻，吸引！講明任飲任食，肉類自然少不了。牛肉，豬肉和牛舌。牛肉最鐘意，質感軟腍牛香夠。牛舌軟熟也不錯。原來海鮮都是任食的，有蠔，帶子，魷魚。咪睇細細件，但質量不遜色喔！蠔鮮味盡出，連吃幾隻。自助區的配料，蔬菜...擺放整齊，樣樣新鮮翠綠。有火鍋放題少見的泰國圓茄，芫茜之類。由於是限定冬陰美鍋的套餐，除了grimmick的DIY冬陰公湯底，還有無限的象啤任飲。最後驚喜的是芒果糯米雪條，真的好似食梗泰國甜點。時間由90分鐘延長到100分鐘，足夠時間大滿足唉！

大戰牛陣•最新DIY 冬蔭美鍋好勁，好有噱頭！牛陣食過幾次，高檔放題，中等價錢，今次上網見到有最新DIY冬蔭公，又想試下，和同事講起，即時book台，收工去食返餐勁的！原來選擇滿$219以上的套餐就可以選擇季節限定的自製冬蔭鍋湯底，放題時間延長至100分鐘，任飲泰國象啤，大滿足海鮮任食，和我最期待的「手工芒果糯米飯雪條」這裹坐位舒適，好彩訂了枱，如果唔係就要等位。一入到去選擇了套餐之後，侍應好快就把食物送上枱，有一盤泰蔬菜，香辛料，冬蔭功，仲有大大隻蝦，好開心😃把香料和蝦放入鍋裹面爆香，再把冬蔭功湯底倒入去，煲滾，就成自制的冬蔭功湯底喇。香味四溢。至於肉類方面我選擇了穀飼上級牛肉，牛肉肥花分明，肉質顏色鮮豔，看到讓人垂涎🤤放落湯底內十秒左右已經熟，超重牛肉味，嫩滑多汁。還有其他海鮮任點任食，我們又選擇了原隻魷魚🦑生蠔，元貝。新鮮爽口在冬蔭功浸透後口感十足，湯越滾越鮮明。餐廳內還有自助配料吧枱，五顏六色的蔬菜排列整整齊齊任君選擇，飲品方面除了泰國象啤任飲之外又有Asahi，Asahi 都是任飲的來到我的最愛Haagen-Dazs雪糕🍦，看了Cookies n Cream口味，我已經開心到

食飽唸住食埋個雪糕走人。個friend行去拎，排緊隊。隔一陣，個男服務生行過來話，夠鐘交台了喎。OkOk。佢仲要行過去同我個friend講，夠鐘啦，唔好拎了喎。佢係你過來話夠鐘之前就去左拎雪糕啦喎。又唔係你過來講左交台先去拎。後尾仲要發現個男服務生自己睇錯時間咯。連最後15分鐘都冇人來講過。即係我地起碼仲有15分鐘時間可以食嘢啦。咁做真係好過分咯。自認我同friend正正常常，冇做乜過份事情。雪糕係哈根達斯，唔通係嫌雪糕貴，我地食多兩啖都唔俾？我地最多食左一細杯咋喎。唔係一桶喎。