牛陣 (愉景新城)

預訂5位90分鐘放題 - 日本黑毛和牛及北海道四元豚，另外每位可享用2隻特大3L日本蠔，成人每位 $369。準時六時入座，店員已知道預訂的放題，只須選擇湯底和每款肉類數量就可以開動。進店後見到一格格凍櫃存放各款配料，如蔬菜、肉類、麵食都有，又有炸物和水果。另一邊放有醬汁及調味料，全部有標籤註明，一目了然!一人一鍋湯底分別選鰹魚湯和蕃茄湯，下單後店員續一送上和牛、四元豚、羊肉、牛舌和蟹籽蝦滑等。特大3L日本蠔未汆盪都已經知道肥美，比想像中更大隻!飲品區有很多選擇，較喜歡的有幾款，如竹蔗茅根，味道適中。冬瓜茶有冬瓜味偏甜，野菜汁味道是純菜汁，青菜味濃，預計會食幾多肉，飲下菜汁有助消化。在揀飲品與及整理食材的同時湯底開始滾起，鰹魚湯色澤不錯非常清澈，湯味較清淡。在凍櫃區取來配料，如蕃茄、豆卜香菇、粟米、豆腐、蘿蔔等，滾好後再汆盪放題的主角。放題的主角黑毛和牛先供應每人一碟，每片和牛厚薄一樣，淡紅色，油花美麗，放在湯內汆盪一會後非常軟腍。食完上層後下層的和牛是赤紅色，牛味比上層淡紅色的和牛更濃更好味!!加添日本鮮雞蛋 $8 做和牛的另一款調料也同樣好食!牛舌大片薄切，紋路清晰，蘸醬汁令味道更好。魷魚仔、蟹棒、蟹籽蝦滑一盤，尤其蝦滑味道鮮，好食。在凍櫃格多款肉丸中選蟹籽蟹粉丸，口感爽味道好，是肉丸中的最愛!食完五碟和牛後追加多一碟，與之前的和牛相比，油花分佈細膩，同樣軟腍，順滑好味，真係食過番尋味 !!!餘下大約10分鐘的用餐時間才去探索甜品，雪糕是有名品牌，口味有紅絲絨芝士蛋糕、藍莓、芒果紅桑子、薄荷味朱古力，每款都好味。雪糕只能食少少，因為食咗幾多和牛，連湯底都要飲番碗才滿足!味道較特別的糖果有牛奶糖和生梅飴。牛奶糖甜味適中，生梅飴酸酸甜甜，富梅味，生津好味!食物、湯底、醬料以致洗手設備等都安排得非常妥當，面對着長滾的火煱時，店內溫度依然舒適。黑毛和牛品質優越令食慾大增，揀1.5小時用餐剛剛好，比預期食得更多，暢快又豐富，值得再來!…查看更多

為著蕃茄壽喜燒火鍋而來的，湯底很鮮甜，好美味，為咗可以令到湯底味道再出啲，我另外都仲有加啲配料落去同埋加芫荽落去，嗰日都食得舒服，因為啲位都幾好坐，同埋啲員工服務態度都好好！…查看更多

一直都好鍾意食壽喜燒，但係覺得每一次食都要好貴，突然發現原來牛陣出咗個壽喜燒嘅放題，咁就梗係嚟試吓啦。今日我哋食嘅就係呢個澳洲產特上長期穀飼牛及北海道四元豚蕃茄壽喜燒放題套餐，本身好怕任食嘅壽喜燒唔係太正宗，但係一上枱就知道佢哋真係好正宗啦。首先職員會教我哋點樣去煮得最好食，因為我哋選擇嘅蕃茄湯，俾咗一個濃啲嘅湯底同埋一個淡啲嘅湯底，所以可以自己選擇口味，我就認為食牛肉嘅話就一定要濃湯，而且牛肉非常高質同新鮮，非常適合作為壽喜燒去食用。因為朋友唔食牛，但係呢度好彩有好高質嘅北海道豚肉，我試過，豚肉比牛肉更加好食，真係非常值得推薦。除咗壽喜燒同肉類之外，呢度出面都有好多熟食任拎，炸雞或者甜品，應有盡有。而且仲有自製嘅棉花糖，我認為非常適合一家大細嚟試吓，小朋友一定會好開心。呢間放題又抵食而且種類又多，非常推薦大家朋友聚會，或者一家大細嚟食飯。…查看更多

劣食之最🤢🤢，黑毛和牛餐所有肉都又靱又多肥膏，羊肉又騷又臭，又多烏蠅，食物選擇少，人均472 蚊真係好過去搶😡😡😡。唔同分店嘅質素點解可以差咁遠，真心講句，全場mvp係罐裝荔枝紅茶。😞😞…查看更多

300蚊lunch食呢個就話叫係日本和牛，限時90分鐘品質差又唔肯換問左話近期啲貨系咁差全部貨啲品質都係咁咁就唔好收咁嘅價錢啦我從來冇寫差評今次真係忍受唔到想冲杯茶都冇熱水飲凍品開汽水嗰蓋又爛點解可以咁唔怪得之個個都上大陸食潮汕牛好過仲有啲醬油碗上面係有好大粒灰塵😒打邊爐啲用具又唔俾仲叫人點翻轉頭幫襯…查看更多

行愉景新城經過見到入邊好少人叫左90分鐘嚴選牛肉放題$169湯底選鰹魚清湯或壽喜燒唔需要另外加錢之前食過壽喜燒比較甜所以今次揀咗鰹魚清湯坐低即刻上咗1盤牛肉同埋一盤豬肉我最鍾意嘅係佢嘅醬料區非常多選擇食過其他火鍋放題有好多都好食，但係醬料就冇佢咁多選擇自選區有好多丸蔬菜亦有幾款選擇飲品選擇，亦都好多熟食區，有炸物同埋關東煮水果有蜜瓜、西瓜，火龍果同橙仲兒童區有沙冰雪米糍仲有一啲細路仔食嘅嘢冇乜興趣，所以冇深究😝😝Häagen-Dazs雪糕有四款選擇…查看更多

唔該 搞得兒童節優惠就預多啲人手我本身係食正常嘅日本黑毛和牛放題第一份上嘅黑毛和牛 全部都係肥膏 有好多仲係特登遮住 博啲客唔退算 我自己人手去肥 再叫多份又係肥嘅 我就問可以換份瘦啲？佢叫我 下次自己打單啦 態度惡劣我想講 個手機落單無得打「瘦啲」等咗一陣 十分鐘總於上到一份正常嘅食完再叫多份 見到隔離上咗 我哋仲係一直無嚟 出去問同追再上一份嘩 瘦到可以煲湯嘅肉出嘅貨下下都玩嘢 喺咪想啲客一黎嗌10份慢慢揀？你份份遲出 下下等十分鐘 我都無催然後九十分鐘又識催我埋單失望、搵笨、態度差…查看更多

60分鐘對某啲人嚟講可能有啲趕但其實non-stop咁樣食嘅話已經可以飽到黐揀咗最平嗰個餐14x幾蚊牛嘅質素唔算太差以呢個價錢嚟講除咗基本嘅紙包同罐裝嘢飲任飲之外另一個亮點就係佢有四款味道嘅Häagen-Dazs雪糕任食菜類🥗丸類，麵，炸物等等嘅選擇正正常常另外我發現關東煮🍢🍢有樣讓我非常之鍾意食嘅嘢嗰樣就係牛筋啦❤️❤️❤️佢啲牛筋非常之軟腍💯💯💯忍唔住，食完一碗又一碗比牛肉更好食😂😂😂…查看更多

打邊爐係無四季之分所以我又去打邊爐喇（笑）今次去嘅係牛陣😂貪佢啲牛靚抵食 乾淨衛生 且坐得又舒服叫咗套餐係日本黑毛和牛及四元豚放題一人一鍋 湯底揀咗一個豚骨湯一個雞白湯兩個湯底都好鮮甜美味火鍋嘅重點一定係食牛啦黑毛和牛油花分布平均 淥一陣就食得 唔會好韌 入口即溶嘅感覺真係難忘除咗牛 當然就係北海道四元豚呢隻豚肉非常好質 平時打邊爐少食豚肉嘅我都好鐘意入口又唔會羶套餐可以再追加唔同嘅食材可以再添以上兩種肉類及其他食材有牛舌，羊肉，各式各樣嘅海鮮及丸類等等另外出面仲有自助吧 唔同種類嘅蔬菜同炸物熟食都有 任君選擇 最吸引一定係店內提供Häagen-Dazs雪糕同埋估佢唔到打邊爐仲有涼茶提供😂😂😂呢個價錢有咁多好嘢 性價比十分之高！…查看更多

朋友個女話想打邊爐🍲於是就會搵下呢頭有邊間啱我哋係中午12:00左右嚟到現在都係得兩枱客我哋唔使等直接入坐現場環境好闊落仲有小朋友最鍾意嘅棉花糖機小朋友可以慢慢玩又可以自己簡小食放入小餐盤對於小朋友👧🏻嚟講簡直係天堂💃🏻💃🏻💃🏻而我哋大人都好享受餐廳係一人一鍋嘅模式咩都掉入自己個煲唔使煩出面自助食物種類都好多醬料亦好多元化啲牛嘅質素都超正🥰肥瘦均勻，就算煮耐咗都唔覺硬😍😍😍…查看更多

Lunch嗰陣去咗食火鍋放題，限時90分鐘，從落單到上菜都嚟得好快。啲牛肉同牛舌都幾新鮮又靚，我哋個個都識得好飽肚。除咗牛肉之外，火鍋店都仲有供應Häagen-Dazs雪糕同埋其他炸物類嘅放題。雪糕仲有成四五種味道可以揀添，真係忍唔住都要食返幾杯啊！雪糕仲可以喺上面落啲Topping，令到賣相更加靚。眨眼就有炸章魚丸、炸薯條同炸墨魚丸等等呢啲炸物我就冇試啦，梗係要留返個肚嚟食牛肉同雪糕啦！依間個性價比都幾高，值得再試！…查看更多

今日嚟到荃灣愉景新城，放咗一陣，於是就見到有一間日式火鍋放題，於是就入嚟睇吓價錢啱唔啱。👌🏿見到午市都唔係好貴，定量牛肉火鍋都係$99，出邊嗰啲嘢就係任食任飲🥂咁入到去就會見到佢啲嘢同其他日式放題火鍋差唔多，都係有關東煮🍲，而佢哋嘅雜物種類算多，尤其是薯格，煮得幾脆。但係就有少少衛生問題，關東煮入邊有幾條毛髮，呢層要注意一下。咁講返啲牛肉，放題最平嘅牛肉，食落去其實都唔算話太過入味，算係普通貨色。魚湯底就揀咗鰹魚清湯，湯底都唔算太過好味，所以食物都入唔到湯底啲味🫠…查看更多

A本身已經超級鍾意食麻醬，今次見牛陣出咗呢個「旨辛胡麻擔擔鍋」就即刻同個friend仆去試！佢個鍋係超濃嘅麻醬有少少辣，食到一半，如果覺得唔夠麻醬可以叫佢再加～完全唔使喺出邊拎調味料！ 大推個四元豚同澳洲牛，同埋熟食區都有超多嘢食揀，好啱小朋友，下次可以帶埋個仔一齊嚟…查看更多

啱啱去咗一家日式涮涮鍋店，先同大家講吓，呢度嘅氣氛輕鬆，員工勁有禮貌，等等介紹吓佢哋嘅食物。首先，佢哋嘅特上長期穀飼牛係真材實料，煮兩邊微微嘅金黃色，即刻吸滿咗湯底嘅精華🍲。牛肉唔單止滑溜溜嘅口感，仲留住咗肉味，無需太多調味已經好惹味！豚肉方面，質感都唔錯，但同牛肉比起嚟就差咗少少層次感。不過我啲小朋友就愛咗佢哋嘅豚肉，輕輕噏水一煮，肉汁四溢，每啖都感受到肉香。客家話講「涮羊肉要見水，涮豚肉要見火」，喺呢度實行得宜好淋到！湯底我揀咗清甜嘅蕃茄湯，同埋香辣嘅藥膳湯。蕃茄湯新鮮自然，酸酸甜甜; 藥膳湯嘅香氣反差強烈，微微辛辣舒服得嚟又熱氣騰騰。喺海鮮方面，魷魚特別令人驚喜，彈牙又唔膩口，頂級新鮮🐙。側邊嘅自助吧仲有拉絲嘅起士玉米，食落去綿綿軟軟，相當撈底。最後，甜品方面一樣唔令人失望，有款流心芝士波答完美締結今次嘅涮涮鍋旅程🧀。整體黎講，呢度嘅食物質素過硬，適合朋友聚餐或者一家大小尋開心。正！…查看更多

OMG蕃茄湯底原來可以咁襯壽喜燒真材實料超濃郁牛肉咩醬汁都唔使沾已經好入味.有幾款放題套餐自己睇budget揀豐儉由人要對得住佢個靚湯底我地就直接揀最正既「日本黑毛和牛 x 北海道四元豚」套餐亦包埋任食牛舌、蟹籽蝦滑、原隻魷魚仔、墨魚🦑.上枱時蕃茄湯煲原來就係野菜底🫶🏻岩哂我等個煲滾嘅時候就出去自助區拎嘢食食物種類琳瑯滿目講都講唔哂超有特色夏日限定野🤍 炸魷魚、炸日式糰子🤍 炸花枝丸、日式章魚燒
🤍 關東煮‼️ 勁吸引的年糕福袋、蘿蔔都有
🤍勁入味的牛筋、牛舌
🤍自家製日式咖哩（試少少好啦要留肚）.經典基本嘢🤍 野菜區（冬瓜、秋葵、蟹味菇、蓮藕）🤍 丸類、烏冬、拉麵等🤍 炸物 （炸雞、炸薯角、麥樂雞）🤍 飲品放題
.
醫第二個胃區🤍 Häagen-Dazs 雪糕任食🥹🥹除咗傳統口味竟然仲有特色口味🤍 朱古力窩夫
.拎晒啲嘢食返去個煲岩岩好滾左開始食主角先！和牛、豬肉肉質都幾嫩身前者屬牛隻既上乘部位肉質鮮嫩多汁牛脂分布平均（唔會似食肥牛）豚肉來自北海道講明飼養過程無激素無添加蕃茄壽喜燒鍋比起平時醬油底既壽喜燒少左一分油膩多咗一分清甜酸酸甜甜我覺得襯牛肉比較多整餐飯食完好飽好飽好飽但係感覺不俗又幾健康食完嘢之後仲可以玩小遊戲添…查看更多