牛角Buffet (裕民坊YM²)

营业中

休息中

我由5:45等到7:45等咗2個鐘，book位過咗10分鐘都比人補，好有問題請改善下，服務態度差，不停補飛，等唔係問題，問題係2個鐘，2個人等45分鐘叫一次，我要等到幾點先有位

慶祝阿妹生日，於是來食燒肉放題😋。平日沒有訂位的情況下，差不多6點到場，仍然可以walk in👏🏻👏🏻。選擇了level 3和牛燒肉放題，限時100分鐘，是日有送期間限定商品。分別有澳洲熟成牛板腱、澳洲熟成M4牛頸脊及北海道豚腩肉。一開始看到自助區嘅沙律、飲品、甜品已經胃口大開，急不及待要開始100分鐘無間斷地燒同食不同口味嘅和牛、豚肉、雞肉、金菇、粟米、帶子、雞腎、菠蘿、翠肉瓜、腸、年糕。值得一提係羅紋生菜🥬，雖然好大棵，但原來它好爽脆、清甜，夾幾塊燒好嘅和牛一齊咬，口感一流！而牛角飯🍚無得輸，珍珠米飯粒粒分明，配上牛角燒汁同紫菜，真是再飽都可以食多碗。整體覺得100分鐘燒肉放題還是太趕，搞到最後食得好趕急，亦未能好好品嚐各款甜品雪糕，只能草草了事，太可惜了。

晚上8:30 衝入去食牛角自助餐燒放題，一黎勁叫大量牛，吾理乜國家 美國澳洲乜都叫， 食左廿幾片覺得吾對路， 開始有d飽， 即刻轉陣食海鮮，燒生蠔，燒帶子，不過全部都有牛油， 勁滯。 咁就去食返個手拉雪糕，百爵紅茶最好味，其餘有d似藥水，小心吾好揾其他味出來。 不過100 分鐘真心吾夠時間。 同埋呢餐好貴over $500 一頭

午餐定食配定量嘅肉類，有得揀60或90分鐘，而出面就有自助任飲任食嘅前菜，沙律，牛角飯，飲品，甜品，仲有關東煮。Mocha好濃郁，正。肉類，推介豬頸肉，雞肉一般，牛肉望落吾錯，但真係有啲韌。沙律好新鮮，總括梨講，哩個價錢都算性價比甚高。

中午12：00左右去到呢間“牛角”用膳。揀咗個level5 黑毛和牛餐。超貴，要成$700蚊，連加一服務費差唔多$770。“好肉赤”。係我人生第一次食餐咁貴嘅飯。任食和牛130分鐘。一心以為揀個貴餐，有高質素和牛食？可試到入口即融嘅感覺？點知非如我所願。先送上幾塊細細件嘅黑毛和牛，燒咗食完，唔覺得有入口即融嘅感覺，只覺得好“鞋”。之後用手機再order d 和牛，再食都係“鞋”。其他order咗嘅蜜糖腸，鮑魚，雞腿肉。除咗蜜糖腸有d甜味，雞，豬肉都超“鞋”，照唔到。鮑魚又勁咸，重味精。🤮冇癮再食落去。嘢飲選擇又少，冇罐裝or紙包飲品，only汽水，果汁機。雪糕係乳酪or茶味，一係勁酸，酸到食唔到。一係好淡，唔想食。所以其他涷櫃入面嘅甜品，我都冇興趣再試。😫食到成肚氣，埋單走人。今餐真係超貴，又唔知自己食緊咩？唔駛指意再有下次，，咁貴嘅價錢食d咁嘅和牛。認真冇下次，揀直攞命！

襯下午有時間又少人走左去食，3:30左右入坐叫左$328 B餐。啲牛同豬都好硬好乾，我哋以為燒過龍（因為都幾薄，唔留神就燶鬼埋）我哋燒生啲，都無好過。豬燒到岩岩好都係好乾😭失望到無心機。雞都還好，有雞皮都有啲油無咁柴皮。成餐燒肉咬到牙骹都攰，真係依個價位，依個質素真係非常非常之唔好既體驗。

一直淨係食過牛個lunch set buffet, 好想試吓dinner全 buffet所以放工即刻衝去觀塘，中間搭地鐵都不停撳飛，可惜最後都等超過一個鐘......奉勸各位記得book位選了level 2特選牛放題，星期一至四食$338每款肉都有叫黎試試，坦白講上菜冇任何介紹，真係瞓唔清自己食緊咩肉，但整體肉質都可以，order時每款肉都可以選自己喜歡嘅調味仲有任食嘅牛角飯、湯、關東煮、甜品、雪糕、糯米糍食完飽到傻，比起buffet，我可能比較prefer牛角定食/定食buffet，感覺肉質再好食啲同實惠啲！但今次都好好咁滿足左我想試嘅慾望！

上次食燒肉後，心絲絲還想試它的放題形式燒肉。碰巧是媽媽生日月，於是約家人平日來到觀塘分店的牛角燒肉放題。是日星期一沒有訂枱，walk in 入坐不用等位，事關我們五點20分到達。先在前枱選擇想食嘅級別牛放題（Level 1-6)，我們選擇了Level 3 精選和牛放題，由於堂食非繁忙星期一額外多5%會員折扣，即會員9折變85折，還可以即時用減$100優惠卷，所以加$200做了會員😃！要留意係會員要以正價折。一進入店舖內已聞到陣陣燒肉味，原來這麼早晚市，店內已經有這麼多人！店舖走廊闊落，座位與座位之間私人度高。我急不及待到自助區走走，冷盤前菜區：沙律，泡菜，青瓜關東煮區：大大舊蘿蔔自助牛角飯：紫菜、牛角汁自由添飲品區：除有氣飲品外，還有咖啡供應☕️甜品區：有軟雪糕🍦、窩夫🧇、迷你雪米糍、牛乳雪條整體肉類（牛板腱，牛肩脊，一口牛，牛肋條）都屬正常質素以上。唯獨100分鐘食得比較急。

等左2個鐘2位，不停嗌3~5位同S飛，咁洗咩拎飛姐，cls...垃圾服務，呢個派位入場制度真係要好好檢討下，2位以下既人，無3個鐘既等待時間，都真係唔好去，真係離哂譜，平日夜晚都等到咁，問門口個小姐點解唔嗌2位飛，佢就話跟次序嗌，你既次序準則係點嫁其實

牛角 buffet 真係平日都好多人排隊 😮‍💨😮‍💨 等左好耐但最後食到😮‍💨夜晚7點幾攞飛差啲食唔到，食物質素方面都不過不失啦 🥩不過好似都係單點嘅肉靚啲，下次都係食返正常牛角開心啲 🙈🙈

5:30pm 去食，唔駛等位，食level 3,會員9折比早割優惠平服務好，員工nice ,有專人收碟，收碟快手，環境清潔企理自助bar 有好多款drinks , apple juice , pear juice , soft drinks ….. 又有salad ,甜品，雪糕，關東煮，仲有趨之若鶩牛角飯任食牛肉類一般般，level 3 牛牛 牛味唔太重可，能要食 level 5 / level 6先會再回頭小食類夠新鮮同熱，好食但100分鐘的確唔夠時間享受食物，好趕頭趕命

座位舒服 坐得闊落牛肉油質好分明💕有入口即溶既感覺性價比好👍🏻👍🏻👍🏻鵝肝油脂豐富 質感順滑🤣食左好多舊但燒起上黎都比較難控制但好好食👍🏻👍🏻

對於喜愛食牛嘅我，一直都想試吓牛角，不過限於budget，每次係門口望完個menu就輕嘆離去，心中暗道都係下個月先試。最近咁啱有張卷，可以平少少食，就食個午餐定食連buffet zone。都係budget原因，今次就無試個和牛任食放題（價錢由閒日最平嘅LV2牛 338元至最貴嘅LV6 1198元不等），如果係星期五六日同公眾假期仲要貴多一舊水，所以今日就食午餐定食B、C、D試吓水先。上至下由B款嘅肩脊肉、D款嘅牛肋肉、C款嘅腹胸肉，B款相對比較乾，食落唔似肩脊肉，C款就靭少少但比較有牛肉香味，D款就明顯多少少肥油，食落多咗一份柔滑感，但比C嘅差啲肉味。而C款仲有美國安格斯和牛牛肋條，呢個確實唔錯，不過中間始終有啲筋位，咁就視乎個人喜好，我覺得無問題可以接受。至於D款牛仔骨，食落就韌咗左啲，如果可以係D款牛肋肉配C款牛肋條就美滿啲。而2者比較，我較為喜歡C款牛肋條，因為火路控制易啲，D款嘅薄片好易一燒過熟，乜鬼都燒走曬。至於其他buffet zone食品以填滿個肚為主，不過可以推介一下個紫菜飯，確實另一番驚喜，我覺得主要係啲紫菜夠香同啲汁夠濃郁。仲有3.6牛奶雪糕，差少少鹽就頗有沖繩雪糕

店名：牛角Buffet (裕民坊YM²) (觀塘) （評分8/10 ）👍🏻地址：觀塘協和街33號裕民坊YM² 3樓301號舖環境（評分8/10）乾淨、開掦LV3精選和牛放題（$378/位）（評分8/10） 🐮色油光、鮮亮、有油花香肉香、油香、焦香味油香、焦香、有肉汁、軟淋、鮮甜

牛角Buffet我已經同我老公食過N噤多次我老公好鍾意食佢最鍾意食Level 5不過今次我地來觀塘呢間分店就食Level 4,我地鍾意食到用埋$200做埋會員，每次食都可以免加一新入會重有好多Coupon送好想做到金會員，因為做到金會員就可以唔使排隊就有位之所以我老公噤鍾意食，係因為佢食好多野，所以放題先係佢柸茶我鍾意食係因為有肉，又有海鮮，又有拉麵，又有雪糕🍦又有湯所以我地幾乎每月都食一次有一點好值得讚，觀塘啲侍應服務好好，好快手同好有效率，又有禮貌，每次需要咩都即刻幫我地跟進，同埋全部望落去都係後生仔女，比人感覺成間店好有活力💪🏻💪🏻💪🏻加油～keep住芝士帶子每次去必點～好味有彈性呢個係我最鍾意食嘅牛板腱，入口靠淋身岩我口味～蝦同蠔夠大隻，一定無失準呢碟豬頸肉，齊睇色水就知唔會差得去邊食落都滑身呢個牛肉湯又係好野，我每次去都一定飲一碗，好有牛味，超級好飲拉麵🍜又係我必食嘅嘢我不嬲食淨拉麵，清清地～因為本身食左好多肉，食返碗淨麵中和下～最後我必食嘅朱古力雪糕，質地實正本人最鍾意食朱古力🍫而且牛角啲雪糕筒好有保證～包脆