牛角Buffet (利東街)

营业中

休息中

牛角一向係燒肉放題既抵食之選，所以每個月都會至少食一次。正常食level 3 都好夠食，有細牛油帶子、澳洲牛、安格斯牛，想食豪D，要個level 4 就可以有埋蠔、M2牛、扇貝、雞泡魚乾。佢最正係可以加$30 任飲asahi ，飲得之人一定賺佢，但佢啤酒出得好慢，有時要吹幾次先有100分鐘時間亦好夠時間食，佢服務員最好係會提前30分鐘同你講，叫你LAST  ORDER，有D地方夠鐘就即刻比張單你，驚死你加單咁

星期日午餐去咗牛角Buffet食放題。1點前到達，完全無須等位，直入。星期日都有午市燒肉定食，我地揀左60分鐘最平既餐。每個餐$98另加一。上次試過日本雞脊柳，味道超鹹，今日轉食豚肉，即係五花腩，老實講質感超韌，完全唔爽脆，質素頗差。豬頸肉都比平時韌，今日豬肉質素較失望。肉汁方面，揀左原味同辛味醬汁。其他野食就自己喺自助區攞。詳情可參考我較早時既post，大致一樣：https://www.openrice.com/zh/hongkong/review/%E7%89%9B%E8%A7%92buffet%E9%BB%9E%E9%A3%9F%E6%9C%80%E6%8A%B5%E7%8E%A9-e4442627軟雪糕機有北海道8.0牛乳雪糕，榛子朱古力雪糕，同扭紋雪糕。有一款雪糕口味轉咗榛子朱古力。不過榛子朱古力味道麻麻地，榛子味唔濃。另一面又有阿薩姆紅茶雪糕，白桃乳酪雪糕同扭紋雪糕。阿薩姆紅茶雪糕都係麻麻，奶茶味唔濃。都係北海道8.0牛乳雪糕最好食，真係又香又滑。有兩款窩夫餅脆筒俾你自己攞，塊餅都薄脆。蛋糕今次有新款，係北海道卷蛋，有宇治抹茶同士多啤梨味。總括而言，肉類質素好似越來越差，真

有朋友係牛角金會員，正價85折，原本想食100分鐘普通牛$350，但職員話加多$50到$400有和牛就㨂咗呢個。三個人都有兩個爐，坐低就每人一個拼盤，barcode落單，我地狂叫和牛，朋友叫咗壺牛讚好食😋，之後叫埋燒年糕，第一☝️次食，薄薄一片大約5mm，但燒既時候漲起好過癮，送埋蜜糖點咗好好食。叫咗菠蘿🍍同日本🇯🇵蕃薯🍠好甜。之後朋友煎埋窩夫🧇。雪糕🍦機有兩部，兩部唔同味，有榛子朱古力加北海道鮮奶，仲有阿薩姆紅茶配日向夏乳酪，我試咗紅茶，唧出嚟過癮，不過雪糕水份多唔夠滑。埋單朋友用埋$100 coupon，最後埋單連加一$350

自從開始168斷食後慢慢開始變得一日一餐所以每日都想食得豐盛啲今日就諗到不如去食牛角$98再加一仲有buffet 真係大滿足一人前😆揀咗豬頸肉同豬大腸每樣得4片豬頸肉正常發揮豬大腸因為冇醃過唔入味就算燒完點醬都係有啲淡自製牛角刈包，正👍燒豬頸肉+京蔥+泡菜+青瓜自製牛角甜品北海道牛奶雪糕+榛子朱古力雪糕配銅鑼燒打卡一流味道正常發揮經典牛角飯韓國蛋花牛肉湯（？）辣辣地開胃唔錯食雪米糍的me食完第一日好開心過兩日再同朋友食過朋友加咗$30啤酒放題飲咗兩杯，抵曬自問嘴刁，食物正常發揮啦但以呢個價錢嚟講真係非常抵食環境好坐，服務又細心自己一個人食嘢食到悶悶地會再去食

🥢 對於個位食肉獸嚟㗎，推薦聲牛角嘅燒肉放題，因為即使係中等嘅價位等級，所有肉類嘅質素都係中上水平，尤其今次嚟到灣仔呢間分店，更加超乎左我預期，算係咁多間牛角buffet最出色嘅一間 👍🏻 灣仔呢間分店環境超級乾淨超級整潔，座位亦都非常之闊坐得好舒服，自助區嘅食物亦都好齊全Wi-Fi得好快，小食同埋甜品嘅選擇都有好多，而且店員嘅服務都好迅速，比起其他分店算係最好嘅一間 ✨ Level 3 各款肉類第三級價位嘅肉類主要分為澳洲同埋美國和牛，兩款牛厚薄都切得均勻，而且有花非常之靚，所以燒完之後放落口每一塊牛肉都可以品嚐到非常香嘅牛脂香味，估唔到第三級價位已經可以食到咁高質素嘅肉，另外仲有牛舌，切得好薄所以輕輕燒兩下就可以食得，而且入口即溶 ✨ 雪糕另外想特別表揚下牛角嘅北海道牛乳雪糕同埋麥白桃乳酪雪糕，北海道牛乳雪糕嘅牛奶味非常之香濃非常之細滑，而白桃乳酪雪糕非常之香甜帶少少乳酪酸，就好似食緊一個新鮮嘅白桃咁樣，唔會過甜，食多兩杯好fresh好解膩

好耐冇去食燒肉，難得放假又搵到friend一起去食牛角buffet。灣仔呢間牛角都幾新淨，環境幾好，光線柔和唔會刺眼；而且自助區同環境都好乾淨，感覺真係幾舒服。我地揀左level4 澳洲特上和牛放題，係100分鐘內最高級既放題set。首先我地就要左溫泉蛋紫菜飯，撈完好再食好好味。澳洲和牛份量都好多，如果鍾意食肉一定超滿足；大部分既牛肉都好好味，一咬即開容易入口，但有部分牛肉就好韌，咬都咬唔爛唯有吐返出黎，體驗好差。但大部分都算OK。

今朝無食早餐，午餐黎咗牛角buffet食返餐抵食半自助餐。星期六兩點後到，唔洗等位。星期六都有午市燒肉定食，有4款餐做唔同價錢，再分兩個時段，100分鐘貴d不過肉類份量多d。我地揀左60分鐘最平既餐，可以從9款肉選2，有豬同雞同內臟揀，不可重覆。每個餐$98另加一。肉汁有4款口味。日本雞脊柳已經無咗日本雞爽肉，惟有揀呢個新既日本雞脊柳。日本雞脊柳好瘦，燒到少少生都算嫩，不過調味好有問題，大部份都極鹹，連原味都係，唔掂。豬頸肉就幾爽脆，味道正常。肉汁方面，揀左原味，燒肉汁同辛味醬汁。無論係邊種肉汁，雞脊柳都係極鹹。其他野食就自己攞。自助區喺一樓入口附近。前菜同沙律細細兜用保鮮膠包好。前菜有鹽味昆布蓮藕，鹽味白芝麻粒青瓜，泡菜，同醬油脆脆豆腐，質素普遍都可以。鹽味青瓜其實麻油味重，有好多白芝麻粒。醬油脆脆豆腐好好食。鹽味昆布蓮藕就有怪味。款式上比上次黎少左一款。沙律有兩款，分別係牛油果沙律同椰菜絲沙律。牛油果沙律主要係沙律菜加牛油果，洋蔥絲同車厘茄。沙律醬喺隔離自己加。有自製牛角飯。有關東煮。大根唔錯，可以唔洗燒菜食。另外有芝士海鮮豆腐，鷄蛋，福袋，年糕，同魚餅。芝士海鮮豆腐雖然無海鮮無豆

灣仔呢間牛角坐位舒適，而且自助區亦有2邊，不會太逼，我地揀左Lv2，CP值最高，因為我對海鮮一般，主要想食牛，所以Lv2已經足夠，亦想食自製牛角飯，所以唔洗Lv3，當中最中意食牛舌，都有王樣既牛肉好軟，菠蘿亦係超甜，每人平均食左6塊真係好好食！但雞軟骨係炸物，但偏硬，即食既炸物可以唔洗叫，亦有4款雪糕，今次有紅茶味同牛乳味，我會將佢組合埋一齊，變成奶茶雪糕！整體好滿足，由頭食到落尾，完全無停手！最中意有自助區，又可以行下，唔洗成餐坐定定~

今日想食無限雪糕同燒肉，於是就想起呢間牛角Buffet，可以叫個午市套餐就有燒肉同無限雪糕，經濟抵食。預先大概半個鐘用App等位，有位先到就唔洗等位。大概12：10p.m.到。公眾假期都有午市燒肉定食，有4款餐做唔同價錢，再分兩個時段，100分鐘貴d不過肉類份量多d。我地揀左60分鐘最平既餐，可以從9款肉選2，有豬同雞同內臟揀，不可重覆。每個餐$98另加一。可惜今日無日本雞爽肉揀，簡直搵笨。肉汁有4款口味。最後揀左豬頸肉同豚肉。豬頸肉超厚切，切割差，好難咬開。豚肉係五花腩，好肥，不過可以燒到脆口。肉汁方面，揀左原味同辛味醬汁，原味都好食不過辛味醬汁更惹味。其他野食就自己攞。自助區喺一樓入口附近。前菜同沙律細細兜用保鮮膠包好。前菜有鹽味白芝麻粒青瓜，蒜頭泡菜，北極貝蟹柳青瓜沙律，醬油脆脆豆腐，質素普遍都可以，係蟹柳硬d。沙律有兩款，分別係雜菜沙律同椰菜絲沙律。雜菜沙律主要係沙律菜加牛油果同車厘茄。椰菜絲沙律好硬。沙律醬喺隔離自己加。有自製牛角飯。有關東煮。不過今日既大根好硬同生，都唔甜。另外有鷄蛋，福袋，墨魚丸，同獅子狗。墨魚丸都算幾好食，真係食到墨魚粒。燒野菜選擇唔多，見到有鮮冬菇，京

今次要咗開心又多選擇既 Level 4 D款任食套餐，每位價錢為$428（平日晚市） 限時100分鐘，再追加任飲 package 每位$78，有澳洲和牛牛腹肉，一口和牛，和牛板腱，和牛腹胸肉，厚切西冷，車海老，牛油廣島蠔勁多選擇！（太忙著食連張正經既食物相都無時間影🤣）極度花多眼亂，唯有全部都叫一輪試吓佢！食物上菜好快，而且肉類質素唔錯（雖然好似無平時散嗌咁靚但懷疑係太多野食要燒，自己既火候控制失敗）任飲package都好開心，有生啤，蘋果sake（呢個有驚喜喎），菠蘿燒灼，柚子酒等等唔同選擇，啱晒一班口渴既朋友仔一齊渡過愉快又瘋狂既一晚。餐廳入面仲有自助區，可以自己拎無限量供應既前菜、沙律、飲品、甜品等。最開心既係可以瘋狂自製牛角飯！記得加埋隻溫泉蛋撈埋簡直係最高。

同家人夜晚能夠一起吃晚飯的開始，想了又想這一天夜晚一定是很多人很難訂到位。電話訂位還是很難的，到處都說話滿座不能訂到位。還是要小女兒有牛角會員放學後直接去牛角鋪內訂位，但是都要等了足足一小時約夜晚八點才可等到位。一輪等待後，我哋進去已經急不及待地直接在點餐。今晚還有啤酒不另收費送每人一杯，食物也有好多種類我們都很快點了很多或者今晚是第一天回復有夜市四人進餐的關係，所以啲食物送嚟稍微有啲點兒慢，但能夠四人可以盡情享受晚餐也是很高興的我值得的。

牛角在灣仔開了新店，趁今日初四開工和同事食返個60分鐘定食午餐，已經12時到，但都要等20分鐘先有位。好多人上到樓上，空間和座位夠大，而自助區取食物夠闊落，有不同小食、飲品和甜品任取我點了浦燒饅魚飯，饅魚燒得唔錯，夠香口同事點了韓式辣牛肉拌冷麵，聽她說牛肉好乾和硬，所以只吃了一半就沒吃了不過其他小食係有D驚喜，如關東煮、沙律菜和爆谷雪糕等；如果再去的話，早些打去book枱會穩陣D

行開利東街 見呢間牛角新開環境新淨 夜晚就揀呢餐食因為七點到 等左兩三張台就好快有位我地揀左level 3 食既野多啲 但限時一百分鐘 真係食到趕頭趕命本身每位餐廳會包一set肉 有牛有雞有豬 但上菜既時候 啲雞肉貼住盤底 叫店員換過舊又無人理 要再搵過第二個店員先補返 之後掃code點餐 當然要點牛啦 點左小量雞、豬同帶子 牛同帶子都幾好食 不過上菜其實唔知邊款打邊款 要reorder 想點想食個款比較難 豬同雞都ok既 食晒野當然拎甜品 雪米糍幾好食 但雪糕要睇揀咩味 第一杯拎左杯混合味真係勁難食 唔知點解好酸 3.6牛乳個款就好食好多不過因為肉要時間燒 同上菜須時 燒得肉黎 其實無咩時間傾計 所以個人覺得燒肉唔好食buffet之前食過第二間無限時散叫牛角感覺舒服啲既 同埋職員成日拍架擺下爛盤既車係個位隔離都幾影響食野既心情 同出入拎野食唔方便感覺唔太良好埋單四百幾 食得舒服仲有好多選擇

最近灣仔利東街新開咗一間牛角Buffet係港島區第一間牛角buffet店因為訂枱嘅關係我哋每人要點level 4或以上嘅任食套餐每位價錢為HKD428(早鳥價)另加一限時90分鐘老人家們聽到「限時」呢兩個字後就開始緊張不停叫我哋點嘢食😂😂用掃QR code形式落單食物上得幾快以90分鐘限時嚟講我覺得係夠時間食不過收碟速度就慢咗啲有時要叫店員過嚟收碟我哋叫嘅肉類以(澳洲及美國)和牛為主(佢哋特別鍾意食澳洲和牛牛腹肉、和牛牛板腱)大部份和牛都有燒肉汁/鹽味選擇老人家嫌味道太重 所以由第二round開始點嘅肉類全部係原味 (我自己覺得就咁燒完唔需要點醬汁食都OK喎)總共食咗幾多碟我冇真正數過因為肉類一上枱老人家就起勢咁放入個爐度燒🔥老人家們唔鍾意食一口牛 佢哋話要燒好耐先熟反而我就幾鍾意一口牛嘅口感套餐D只有嘅海鮮 - 扇貝、車海老、雞泡魚乾、牛油廣島蠔全部都有點，質素比我想像中好👍🏻 老人家們喜歡食大蝦，剩係大蝦我哋encore了好幾次小食、沙律、飲品、甜品係自助及無限次任攞目測自助區比較受歡迎嘅係關東煮種類有成5-6款，而且仲係熱辣辣嘅甜品有北海道牛乳雪糕、迷你雪米糍、長崎蜂蜜蛋糕、泡芙

牛角放題終於開到黎灣仔，趁今日開心星期五黎食返個100分鐘放題先，等左超過半個鐘先有位。好多人，因為呢度有做午市套餐。放題做6個價錢，100分鐘就有4個價錢，我哋揀左100分鐘最貴嘅澳洲特上和牛放題，6點前入座$428一位，另收原價加一。呢個餐包132款野食，主角當然係呢個價錢先食得嘅澳洲和牛牛腹肉，一口牛，牛板腱，M2西冷扒，可揀燒肉汁或塩醬，扒仲可以揀黑椒鹽。王樣Premium就有3款，有澳洲和牛腹胸肉同牛板腱，可揀塩味牛油或蒜香炭燒醬。另外仲有魷魚。澳洲和牛牛腹肉普通。澳洲和牛西冷扒就唔錯，燒完自己用較剪剪成細條狀都易食，唔韌。燒肉汁好食啲，塩醬太鹹，黑椒鹽都唔好味。澳洲和牛腹胸肉較牛板腱嫩，蒜香炭燒味好食。魷魚一份得勁少，不過質素好新鮮，超爽脆。其他仲有少量海產，包括車海老，味醂雞泡魚乾，半殼扇貝，牛油廣島蠔。仲有炸虎蝦同黑糖牛油番薯。車海老肉質霉嘅。味醂雞泡魚乾好韌，燒完先食就好啲。半殼扇貝唔差。牛油廣島蠔都可以，係鹹左啲。其他就係平啲嘅餐都可以叫，我哋當然主力唔會食。自己用手機落單。枝豆唔新鮮。 牛油粟米都ok。其他野食就自己攞。自助區喺一樓入口附近。前菜同沙律細細兜用保鮮