牛角Buffet (利東街)

营业中

休息中

係為牛角既長期金card會員，真心想寫篇post讚一讚灣仔呢間分店。同其他分店比（e.g旺角，TST)呢間環境唔止闊落好多，而且冇咁大油煙。地方亦乾淨企理。重點係，近呢3個月夜晚嚟都唔需要等位（雖然對佢地嚟講未必係好事😛）。但唔知係咪咁樣，呢間分店既員工亦相對好有禮貌。所以呢半年我都由TST轉咗嚟呢間。希望佢地會越做越好。但更加希望佢哋會保持到佢哋有禮貌嘅服務。講返肉，唔知係咪心境好，肉都好似好味d咁。起碼我就覺得呢間分店既肉好dd. 可以睇下我之前影其他分店既相以作比較

小人從未食過日式燒肉，週末終於一試。放題一百分鐘，燒肉任叫之餘，還有自取的前菜、關東煮、咖哩、飲品、甜品等等，琳琅滿目，各適其式。小人拿的前菜有凱撒沙律、咖哩牛肉、韓式泡菜、蒜味韮菜、蜆肉青瓜和京蔥絲。牛油果沙律或菜絲沙律罝於玻璃瓶內，隨意加凱撒沙律汁或日式胡麻汁，鮮爽開胃。其他當中蜆肉青瓜最為可口，調味恰好。燒肉之外還有一些小食都是任叫的。章魚小丸子及七味炸雞翼是我們的選擇。章魚小丸子外皮很脆，中間軟糯的粉糰及章魚粒配合燒汁和沙律醬，非常美味！雞翼是單骨的，七味粉不會過多，剛好提味，怕辣的亦無需恐懼！緊接著的燒肉碟碟都精彩！牛頸脊、牛肩頰、牛肋肉和牛柳粒，肉味甚濃，滑得來沒有過份的油脂。內臟有雞肝和雞腎，兩者之間雞肝較佳。多春魚一點不腥，還真的夠多魚春！至於日本與澳洲和牛的比拼，這回合是澳洲勝利，更腍更香！外貌似是軟雪糕的甜筒原來是檸檬雪葩！吃了那麼多燒肉，正好用來消一消滯，清一清味蕾！餐廳很整潔，通風做得好，食後也不會有一大陣油煙味！

雖然都出左新menu一排，不過最近先得閒去食😂。揀左世の焼肉，正價$448/1，不過有金會員星期一8折扣埋coupon，$365/1😝。🔅肉類🥩之前上網見人講轉左新menu難食左，不過我同朋友都覺得差唔多，本身唔同分店質素都差得遠👀。澳洲和牛前胸肉唔錯，油脂比例啱啱好。厚切澳洲和牛腹扒肉味都濃，但有啲難咬😂。和牛赤身就麻麻，輕輕燒完都唔嫩，偏鞋。豬頸肉🐷厚切左又爽口，jeng💮!🔅炸物推薦新既海膽忌廉餅！雞軟骨趁熱食都唔錯，其他唔算特別出色但都ok既😝。🔅雪糕🍦有幾款新味，白葡萄似QOO既青提味，檸檬忌廉就好fresh，帶少少cream味唔會太酸，意大利朱古力最好食，朱古力味夠濃😋，阿薩姆紅茶就普通。💬整體都係ok既，無啲人講到咁差。太嘴刁既就可能未必啱🤫，始終連鎖放題店，質素有保證但又未到好食到wow～咁😆。同埋人老左真係食唔到好多肉🫠，食食下去左燒粟米菠蘿🙈…不過最舊食左一大碗牛角飯，如果有返雞頸同黑糖蕃薯有貨就好啦😳。

餐廳：牛角Buffet地點：灣仔利東街菜式：日式燒肉放題餐牌：放題做6組價錢，100分鐘就有4組價錢，我哋揀左100分鐘最平嘅人氣好評特選放題，6點前入座$258一位，另收加一。呢個餐聲稱包48款野食，牛一款牛五花（跟四款醬汁）：口感味道唔錯，夠嫩口，不過太肥啦，要剪左肥膏先可以食多幾次。試左燒肉汁同炭燒醬，味道都差唔多，不過都好味。辛味醬汁都好惹味。豚肉4款厚切日本熊本豚腩肉：算厚切，唔算太肥，肉嫰多汁日本熊本豚肉眼：好大塊，好多肉食，可以燒到少少燶面，不過無醬汁揀，肉較乾身，食左兩塊就夠皮豚肉燒：無寫日本貨色即係大陸貨色？無試啦豬頸肉：細細段，當然肥，所以爽脆雞肉兩款雞腿肉雞翼：正常王樣Premium有2款日本熊本豚腩肉：同普通非王樣好似無分別蜜糖香腸內臟大腸新潟雞腎：好爽口新潟雞肝：係味噌味道，質感正常海鮮有多春魚同青口青口連殼，正常貨色其他食品有:枝豆：麻麻地，本身無味。蒜片麻油燒蒜粒牛油金菇：好香牛油味迷你甜薯麻香椰菜味噌膳良豬青瓜牛油本菇：菇仔好滑燒菠蘿牛油粟米芝士粟米：粟米好甜，不過芝士太少炸芝士圈七味炸雞翼波菜芝士薯餅日式章魚燒：整得好專業，熱辣辣，外脆內滑又有章魚粒炸

牛角buffet geh lunch有啲複雜😂係門口搞咗一大輪 先揀到食咩🫣有分60分鐘同100分鐘 100分鐘嘅肉係60分鐘嘅1.5倍 然後唔同價錢有唔同嘅選擇 咁就再係相應嘅區域揀2款肉喺門口揀好先有得上去食 有啲壓力😂燒肉定食C (100mins) $185牛胸腹 + 肩脊肉牛胸腹好高質燒到外面少少焦香 入面就有油香而肉質又有咬口 幾好幾好肩脊肉相對之下就一般般~除咗肉之外其他都係自助形式任食最開心係可以自製牛角飯關東煮仲有成桶沙律埋尾仲可以整個銅鑼燒 唔錯唔錯最後埋單每人$200 都幾滿足

食物無問題，環境都可以，但服務態度唔好，講嘢好難聽，出食物慢，我哋最後order時間係在70分鐘，仲有半小時，等左十幾分鐘先到，燒好，吃野我哋都要時間㗎。最後已經無咩吃剩，雖然係過時10分鐘，但燒烤爐中仲有幾片肉已燒好，同幾隻螺熟咗。話吃埋先走都唔得，一定要收枱，服務態度差，話人人特登叫到成枱食物，我哋咩好唔掂！事實上不是這樣，係吃到剛剛好，我哋都不想浪費食物，話吃埋都唔得！好似唔駛錢請你吃咁，最後無奈浪費了一些食物一肚氣走。其實係平日晚上九點幾來仲有好多吉位，落到樓下都無人排隊。處理完全無彈性，感覺十分差。好似計時比賽，完全唔enjoy。

身為牛角忠粉，內心會想試勻不同分店的牛角BUFFET，睇睇各間分店的座位大小、舒適程度、肉類品質、食物選擇等等。整體而言，呢間灣仔店的牛角在我心中可算是高水準。先講餐廳，上完樓梯後餐廳好有空間感，無論係通道，定係座位之間都相當闊落，如果你多人去的話仲可以有私人房添，私隱度高。而外面的自助區亦夠大夠闊，與其他分店一樣，不怕與他人左推右撞。自助區有前菜小食蔬菜甜品雪糕等等，兩部雪糕機分別有阿薩姆紅茶、意式朱古力、8.0牛奶、草莓牛乳4種口味。至於肉類品質都keep到高水準，始終各間分店來貨都係同一供應商，所以品質都係good quality，不用擔心，好，可以專心燒肉啦！

位於利東街的牛角buffet ，開咗咁耐，都是第一次去。門面望落去都幾靚，地下是接待處。進食就上一層。上樓梯後一邊是座位，另一邊是自助區。而且座位挺大的。食物大致上同其他分店都差不多。牛角本身都有質素的，所以我都很有信心。午餐時段幾乎滿座。幸好我早了進去。午餐c 入邊的安格斯和牛牛肋條，真心推介。燒到四邊都熟後，再剪成細細舊，再燒中間。啲油嘅香味，食落又牛香，非常好食。另外加錢，叫了兩隻廣島蠔。大大隻，兩隻廣島已經放滿一個圓兜度。有肉有海鮮有菜，又有甜品。真係滋味。

話咁快Happy Friday😚放工即刻約同事去牛角食番餐燒肉buffet😍去到嘅時候 見到個餐牌 寫住6:00前入座有優惠！但係唔好彩行錯路😂我地去到嘅時候已經6:02😂差少少不過唔緊要啦 唔洗排隊已經好好彩😝平日放工去過幾次 6點到呢啲時間都唔洗排隊☺️今次我哋叫左lv 3精選和牛放題🥰都覺得唔錯😆啲肉都幾好👍🏻 不過我就成日叫錯左呢隻薄切（唔記得咗全名）呢種肉 燒完之後 食落就會有啲乾😂我自己就比較鍾意油脂多少少嘅肉😝當然我地無做大嘥鬼 有食曬嫁😆

有優惠券去吃燒肉，加上早了優惠價，吃level 3 有和牛和安格斯。主力吃牛，但手機落單設定是英文，要自己轉中文。爐火力第3度太大易燶，2度半火力不大。一口牛其實大件，幸好有剪刀，不然咬壞牙。飲品選擇不多，雪糕8度北海道牛乳但冇味。燒菠蘿好好味，朱古力大福也好軟身。

今次已經係第四次到訪 之前食過幾次 覺得牛角放題嘅質素都幾高 無論肉類嘅質素 同埋小食 都有一種多到你選擇唔晒嘅感覺 我哋一如以往 都係叫咗level 3晚市放題 排咗大概15分鐘 就有位俾我哋 樓下店員亦都好客氣咁帶我哋行上去一坐低嘅時候會俾每人一份跟餐嘅肉類 如果唔需要可以提前同店員揚聲 牛肉方便我哋主打食美國安格斯肉 融雪都做得幾好 唔會成塊肉都係好硬 亦都配上佢特製嘅醬汁 我哋叫咗香蒜同埋香蔥 夾埋一齊食 非常好味 餐牌亦都可以叫好多唔同嘅餐前小食 例如黃金魷魚，芥末墨魚 我哋咩都叫一份試吓 特別推介佢嘅椰菜！出邊嘅自助食品bar，都仲有好多唔同嘅嘢食，關東煮都有五六款，亦都可以喺出邊自己拎牛角紫菜飯，加埋肉一齊食，真係絕配 亦都有四五種唔同嘅雪糕口味，同埋有雪糕糯米糍 真係食到捧住個肚走飲品方便我哋每人加咗+30，無限暢飲啤酒，啱晒我同另一個鍾意飲酒嘅朋友，喺出邊飲一杯都差唔多$80，當你飲完嘅時候可以叫店員再幫你refill，大家記得量力而為

一開頭為左升lv做金會員成日約朋友食牛角🤣，有金卡之後又想活用攞飛優勢，最尾變左成日食牛角😌。食左咁多次有小小心得同大家share下🙈，以最近呢次灣仔buffet為例：🔅分店旺角同尖沙咀buffet座位太逼☹️，牛肉質素都時好時壞…利東街分店算係比較新，座位比想像中多，坐得舒服啲。加上根據我觀察呢間係易啲book枱😎，所以想試buffet既可以揀灣仔分店。🔅Buffet vs 放題Buffet好處係有自助區，任拎沙律、關東煮、甜品。仲可以自製牛角飯😎，識食梗係加海量紫菜同汁😋。另外有炸物可以order，新鮮炸起都唔錯😝。放題主要係燒肉，無咁多小食揀，甜品都係得每人一盒Movenpick😂，可以專心食牛🤣。🔅推薦食lv3/4既會推薦和牛牛肋肉同牛板腱😋，肉質鮮嫩，油脂香甜濃郁🤤。雞爽肉(雞頸)好爽口，不過近期好似都唔見有貨☹️。黑糖蕃薯條都好正，外層燒到香脆，外脆內軟，又夠甜😋。扇貝好大粒又香牛油味都唔錯🖖🏻。💬喺灣仔返工真係久唔久都約同事一齊食😎，折完仲抵過飲茶😂。Lunch有小菜、飯、肉、甜品都齊晒，飲飽食醉晏晝先有energy繼續做社畜😌。

今日平日星期五 12:00左右到， 門口等候人數都多， 要少少時間等位。 佢哋沙律分一罐罐分好， 小食同甜點有一碗碗保鮮紙包住，好衛生。 但沙律菜唔太新鮮， 有部分開始變黃。 所以今日菜類轉食燒翠玉瓜。 另外湯品， 昆布牛肉湯 比 泡菜牛肉湯 鮮味， 泡菜湯比較淡味，似飲水。 另外今日服務員好好， 兩位應該都是着恤衫經理，他們一眼關七， 收碗速度快，配合得好好。

要食飽？Buffet幫到你，但係要排隊等兩粒鐘既buffet，我就唔會再有下次😖24/12平安夜，四個人等足個半鐘，雖然大時大節無加價，但係肉既質素都明顯地唔掂☹️肉未解哂凍，牛舌仲係冰🙃全晚最欣賞係自助區，所以食最平既套餐都滿足到我地，牛肉真係唔太靚，仲要未解哂凍⋯我明白大時大節係好多人流，但呢啲係餐廳最基本要做好既事都無做到，就真係失望喇。雪糕有四款口味，除左柑桔果隻味唔好食，其他都yummy🍦好多都無refill 😖

當天的任食放題每人要$788， 未計服務費！放題牛質量差！ 我食開三百幾的牛放題一樣！ 突然只有感覺中伏！原本收碟其實不關我事，但服務員不停要求我把檯面入面的碟交給她！由開始有空碟收到差不多完場仍收！！我計時食但還阻住曬！麵食全部劣食！其他炸物反而是正正常常！另外職員完全冇留意飲品机用完果糖和果味！飲品机變成冇味水！除非你喜歡吃牛角飯！但不回本！最奇怪反而猪肉比較好食！尾段不停吹你走！完全不合價錢！😒