牛角Buffet (雅蘭中心)

营业中

休息中

名過其實，琴晚去食，book左原來at least要揀lv 4果個套餐，成$5xx一個人，唔好食👎🏼👎🏼牛某些係ok，整體唔值呢個價。食食下見到曱甴，話比店員知，淨係幫手調去第二個位，乜9都冇做，處理得十分差👎🏼👎🏼成間鋪通風系統差，勁大煙，好似火燭咁，搞唔L掂，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，唔會有下次，👎🏼👎🏼👎🏼👎🏼

好耐冇去食燒肉，估唔到聖誕節正日都可以唔使排隊食到牛角放題今次叫左level3，以為可以用會員有discount儲分，點知公眾假期淨係可以儲分而冇discount。假期想食嘅朋友，記住留意一下先距離上次食到已經係四五個月前，估唔到牛角放題Menu多咗咁多嘢，除咗燒超大條牛肋條之外仲有燒牛扒，而質素嚟講牛扒都好香好足夠牛味。除咗牛肉之外，仲有好多內臟同埋海鮮都值得一試，特別係雞潤同埋燒帆立貝，雞潤俾咗好多完全唔孤寒，內臟愛好者，表示好滿足🥰食到差唔多埋尾，叫咗好多菠蘿又大又甜，然後試咗佢哋唔同口味嘅雪糕，分別有伯爵茶味同埋超濃嘅朱古力味。好滿足啊

今晚又去佐牛角食燒肉放題啦🤣🤣因為上次食個陣做左會員，所以今日食係會有九折優惠🎉🎉今次係去旺角嗰間，去到夜晚時間真係好多人拎飛，所以我地一早係手機拎定先先唔洗等咁耐!!因為會員有9折所以我哋都直接食level 4，「澳洲特上和牛放題」，每位$488再加一。正常一坐低就會先上頭盤，但今次應該係漏咗俾我哋，要問返職員拎返先有，之後當然係嗌level 4中最正嘅和牛啦，再嗌左好多菠蘿🍍、枝豆同少少海鮮🦞，之後再不斷出去拎嘢飲同埋乳酪雪糕🤣🤣不過今次因為嗌佐幾件牛扒，食食下覺得好油膩，變相食少佐，下次都係食返level 3算🤣

同事生日,本來諗住請佢食好D,點知另一個同事要求AA制,佢哋就揀咗呢間烤肉午餐放題,我冇咩所謂。食咗個$168的午市套餐先知搵笨,比想像中更差,限時100分鐘。本來諗住咁平價餐都冇乜要求㗎,得幾片牛舌同牛背脊,總薄切到紙咁,其它得大葱、菇及南瓜,睇到都冇乜味口....同事揀咗個$138的燒肉餐,都係得幾片豬和豬頸肉,食到津津有味,個燒汁紫菜飯都食咗幾碗,雪糕再食5、6杯,D嘢好唔好食真係見人見智了....如果比我再揀,我情願去食個M記！

最近兩個月連續食左3次 第一次散叫都okay 因為果間沒buffet 聽朋友講有buffet嘅C餐已經好jeng 入口即溶 最抵呢個餐 下次可以唔洗散叫反正差唔多價錢 第二次索性買埋會員卡 唸住以後都會常食 叫埋lv4 但點知啲肉質好一般 本來係生日飯 先唸住食貴啲慶祝下 但啲肉好一般大家都食到沒咩興致 以為係唔好彩 第三次同朋友（佢之前經常食C餐 話啲肉已經好好）之後同佢一齊去食傳說中CP值高嘅C餐 點值食完佢話 啲肉真係差左 以後沒乜事都係唔食 唉好失望

之前食到好似就嚟做金卡會員，依家已經冇咩點食，因為佢嘅質素越嚟越差價錢又越嚟越貴。平時食開SRF嗰個餐lv3，食到一半啲牛已經好似唔同咁，愈食愈韌，正常應該有入口即溶嘅感覺。

早排朋友生日~問佢想食乜~佢話想食燒肉. 就同佢黎食牛角LA~~因為有個同行朋友係會員 咁就唔洗等位. BOOK左位 HAHA我地果個套餐可以任食小食.小食GE種類都好多.有章魚小丸子、一口芝士年糕、雞翼等等.我最中意食佢個芝士年糕 但次次叫都比朋友笑 話我食埋D咁濟GE野但佢呢間既芝士年糕中心好好食 佢仲會加D HONEY 係面~~好夾呀!章魚小丸子都幾好食~主角牛肉都真係好好食~我地狂點XD 食到好飽.講起都想再食燒肉了.... 食飽飽一定要食埋佢D 雪糕 好好味 我果陣去有4款雪糕~隻隻都吱左D試下. 最中意都係牛奶雪糕~

今次叫左lv3，有好多唔同嘅牛肉啦，豬肉啦，配菜。啲牛肉全部都好新鮮，唔會太肥。啲配菜種類繁多，適合唔同嘅人食。有唔同嘅嘢飲啦可以選擇，雪糕嘅種類都好多，我哋可以去浸雪糕。環境衛生方面良好。員工服務態度良好。上菜時間好快。價錢方面有啲貴。

第二次食牛角午市定食放題，今次揀左100分鐘最平$138嘅套餐揀左雞腎同埋雞肉，半自助區有我最鐘意嘅牛角飯啦、前菜有牛油果沙律、青瓜、豆腐、泡茶等等甜品有朱古力大福，泡芙同雪糕等等，其實我覺得午市定食已經好滿足，因為我都係最鐘意食牛角飯，紫菜撈飯正！

識人好過識字，食嘢都要識人🥰唔係又點會有金卡，除咗有八五折之外，仲可以快速排隊👍🏻要整一張金卡都唔平㗎，首先你要累積食超過萬幾蚊先至有一張金卡😂所以識人真係好重要，特別係食好東西方面😬😬😬 今日同一班朋友一齊去食牛角自助餐😋雖然牛角要排隊排好耐，但其實都幾值得去食，因為佢啲牛肉真心係幾好食，不過時間真係有啲短90分鐘食得幾多，所以要瘋狂係咁食食食食食….而且佢每隔一段時間再有新款嘅牛肉比大家選擇，而今次就出左「王樣！腹胸肉 - 鹽味牛油」&「王樣！腹胸肉 - 蒜香炭燒醬」🥩🥩🤪🤪 我想講呢兩款肉真係好好食，所以今次我係專食依兩款肉😌😌除咗啲牛肉好食之外，我特別鍾意粟米，然後再叫一啲拉絲嘅芝士同牛油，將呢三種材料撈埋一齊就變咗香濃嘅芝士粟米🧀🌽😚😚我哋嘅套餐仲可以任叫小食，而且佢小食嘅種類越來越多，有薯角、炸豆腐、炸雞、章魚小丸子、一口芝士年糕、炸雞串、雞翼等等，都係任叫🫣🫣而出面嘅自助吧，可以任斟嘢飲之外🍹🍹，都可以任意支雪糕🍦🍨極力推薦佢哋伯爵茶雪糕同埋3.6牛乳雪糕，而今次有一款特別嘅口味就係蜜桃雪糕，佢嘅蜜桃味都好好濃好香👍🏻👍🏻👍🏻溫馨提示，唔好因為好食而叫咁多，要適可而止唔好

由於小朋友鐘意食紫菜飯,又去開旺角,所以就去食牛角。牛角飯可以任加紫菜,有唔同味汽水任溝,雪糕可以自己整,BEAR BEAR 糖,甜品任拎,小朋友一定鐘意。但由於小朋友食得唔多,我地又𧼮時間,只好簡定食。火爐亦夠猛。牛全部咬得郁,牛舌係我最愛。甜品大福都好味,WAFFLES略嫌硬,雪糕亦夾有冰。忌簾湯味道亦不錯,另外栗米亦好甜,肉類質素唔錯。唯一美中不足是部份服務員態度(面口姐姐同向部份員工查詢時的個人感覺),感覺部份地方較油同較大煙。

高質的燒肉放題，套餐上有不同價錢選擇，由約300元至500多元，符合不同經濟能力的食客。而我選擇了第二平價的套餐，餐廳沒有因為價錢而降低食物的質素，各款肉類都味道甚好，而本人喜愛吃燒牛肉，故下單點了很多牛雖然是燒肉店，但店內抽風系統不錯，沒有太大油煙。總結而言是不錯的美食體驗。

朋友有個朋友係入面做，可以幫手做booking，所以先選擇尼間餐廳，直接去拎飛排隊有排先到，佢放題有幾種價錢，我揀左中間個種，反正都食唔到太多野，每樣試下少少咁🤔依家用電子落單，d食物都尼得幾快，無漏單既情況出現，感覺唔錯，牛肉都鮮紅色，好新鮮，唔會放左好耐，幾好食不過我等帶位個陣無聊禁制拎左張walk in 飛，食完出尼睇番個number，仲有20個先到，walk in真心唔建議，除非你唔係太肚餓咁樣開始排😅

諗住同朋友食得好DD，揀左 LV4和牛放題點知性價比咁低， 包含嘅任選小食入面，原來有幾款都冇， 但沒有事先講明。而海鮮扇貝及蝦等，簡直唔新鮮到爆， 炸物係有油浸住，D炸粉又厚又唔脆，牛肉更加大失所望， 質素超低。食到中途有隻蟑螂爬到枱上， 立即想叫職員，但係等咗好耐先有人幫忙，隻蟑螂已經不知所蹤... 之後已經唔敢再食其他嘢，冇哂食慾😥食完呢餐，又搞肚痛又肚屙咗幾次， 真心冇諗過大集團會咁。(申利:本人今朝先做完body check， 尋晚已一早空腹 ，之後亦都冇食過其他嘢～所以唔係受其他食物所影響)如果大家唔想清腸胃，就自己諗清楚🙈本身都唔想寫篇嘢影響佢哋 ，食物質素其次，但係令到身體有影響，我覺得大家都要小心

前幾日想食熟肉，就嚟左旺角嘅牛角🥩雖然嚟到嗰陣係4-5點，唔係食lunch同dinner嘅時間，但都大排長龍💫差唔多滿曬座咁濟～而喺食物方面，不論係牛猪定熟食方面都有好多選擇，而牛嘅質素都好高。唔會太油膩，反而好嫩同Q彈，食落口仲有好大陣牛香🤤另外都要提一提佢嘅熟食，炸雞炸魷魚鬚，炸粉厚度適中，唔會話炸得太柴👍🏿雖然價錢方面較貴，但可以食到高質肉都算係唔話得！如果有機會都會再試💫但最好係都係平日會好啲🙈等位都唔駛太耐～