牛角次男坊 (荃灣廣場)

营业中

休息中

牛角次男坊被牛角兩個字吸引，對入面既肉類有D信心，果然冇令我失望。入面有個聲稱有16寸高既牛肉飯，所以立即點來試下，佢仲可以有得選多少汁，少飯，做到燒肉唔同人有唔同口味既感覺。實物真係比佢16寸吸引咗，但你唔會去考究佢到底實際有冇16寸，只好奇到底16寸底下到底收埋D乜野。哇！原來肉都有兩層，之後有一個芽菜球，芽菜球之後就係飯。食個感覺好足料，反而飯因為個碗係平底，如果你比較大食，會覺得有D唔夠。而味道方面，我選左多汁，岩岩好，唔好太乾，我會推薦大家都選多汁，因為唔會太咸，反而少汁我會驚太乾。最後講下環境，雖然都為商場舖，有露天有室內部份，但就算坐門口位都唔會覺得好開陽，感覺成間舖頭都坐得幾舒服。整體都有唔錯既感覺，推薦大家一試

真係唔誇張！🤓呢間牛角次男坊同男朋友兩個人我哋成日都食！😛成日係荃灣廣場附近諗唔到食咩就去食！每次食都只會嗌同一個餐 😝就係B餐 牛角次男坊丼（草飼牛腹腩）$89我哋會揀飲品 可樂&細支裝解茶🥤☕️最中意用附送嘅4塊紫菜包住啲飯同肉大啖大啖咁食男朋友唔食紫菜會比埋我 咁就總共有8塊啦😚食咗咁多次都係會覺得可惜嘅係每次要特登搭車出嚟食好煩😵‍💫如果可以好似有啲餐廳有做全香港跨區送外賣就更好就算有時唔想出街又唔想食吉野家係屋企都嗌到外賣就好啦🥹希望牛角盡快改善啦！🙏🏻🙏🏻

聖誕節🎄姐姐🧍‍♀️放假🏖，帶陳皮妹去荃灣廣場買外賣🥡牛角次男坊，外賣🥡自取8折，原本諗住平$40但唔support唯有用$20 coupon，平過9折優惠買咗F.鹽燒骨附牛肋肉丼加草飼牛腹腩同G.燒安格斯牛板腱肉丼，可惜喺預定時間仲未有得攞，最後遲咗成15分鐘，大細都等得唔耐煩F.鹽燒骨附牛肋肉丼同G.燒安格斯牛板腱肉丼不過不失，反而外加既草飼牛腹腩有驚喜，多汁好食易送飯，自己喺屋企加咗隻日本🇯🇵蛋🥚平過加溏心蛋同溫泉♨️蛋，正😄去咗app投訴等餐耐，仲未有回覆🤬

難得到荃灣行街，午飯時間搵左間「牛角」食！貪佢哩間分店唔洗自己燒，快手食完又繼續掃貨！燒草飼牛腹腩盒子飯定食午餐有不同的套餐選擇，表面上好似較平時的飯餐細份，但其實食完都幾飽！今次我叫左燒草飼牛腹腩盒子飯定食，牛肉味道好香，唔算厚身但勝在唔係普通多筋肥牛，而且有好多塊，鋪滿成個飯盒面！而飯亦淋滿燒肉汁，唔夠重可以自己再加，再上少許蔥點綴，送飯一流，合哂重口味的我！餐重有送中華沙律同麵豉湯，都係普通味道～但69蚊就食到咁的質素，怪唔得經常好多人排隊啦！餐廳：牛角次男坊 (荃灣廣場) HK Gyu-Kaku Jinan-Bou (Tsuen Wan Plaza)地址：荃灣大壩街4-30號荃灣廣場1樓112B-113號舖 Address：Shop 112B-113, 1/F, Tsuen Wan Plaza, 4-30 Tai Pa Street, Tsuen Wan #聊食鬥非 #肥誠 #肥誠搵食 #fatshinghk #instagram #instagramhk #food #餐廳 #香港美食 #香港 #香港餐廳 #灣仔 #旺角 #荃灣 #早餐 #午餐 #晚餐 #hongkong #

牛角次男之前都食過好多次，但耐無食又想去食，貪佢重口味 d and 最重要有我喜歡嘅牛舌 因為時間關係，一坐底基本上已經可以落單（唔知幾時改咗自己係電話落單，對上果次仲係入坐之前叫 ）同太太一人一份，太太叫果碗咩都有 d，貪佢可以一次過試返 d 口味，我就當然係為咗牛舌啦～ 不過係我太耐無食？ 我就覺得同之前差咗少少，好似我碗牛舌丼咁，牛舌唔夠熱，飯又有 d 硬，但我太太果碗嘅肉係夠熱嘅，可能只係我果碗嘅問題？加配方面，我地加咗一份炸花枝，一份炸「蟹肉餅」（唔記得咗個本名 ）都係一般般。 所以整體都係覺得差咗

兩條友都好肚餓 經過見到餐牌幾吸引就揀左呢間但門口排隊個位有點混亂....有兩條隊可以排 但又無寫明排緊咩....原來一條隊係等位 一條隊係落單😅但問題又黎喇....應該排左個位先定落左單先😅😂我地選擇左分開排😂又岩岩好排到有位個陣 又岩岩好可以落單喎🤪B牛角次男坊Don滿滿既牛肉 啖啖既肉香🤤🤤🤤再係自助吧拎埋7味粉 帶有丁點兒辣香一啖接一啖 極速KO哂成碗飯G 安格斯牛頸脊Don外觀個種澎湃感輸左比碗牛角次男坊Don同埋安格斯有點overcooked 要花啲時間去咀嚼唔食生洋蔥既朋友記得要走洋蔥額外加左隻糖心蛋 好可惜都係少許overcooked 有點兒失望

行商場諗吾到食咩，行行下見到呢間餐廳，就咁睇menu又好似幾吸引，所以就入左去試😋😋餐廳坐位比想像中多，因為裏面有轉角位，scan code 點餐，最後叫左個二人餐🧚🏻‍♂️豚肉丼（西班牙豚梅肉）豚肉片份量都好多，食極都仲有，肉質吾錯，咬落口感算嫩滑，厚度都適中，肉嘅味道有少少甜甜地，更易入口，中間有半熟蛋，不過個燒汁略多，所以令到飯會有啲啲咸，下次可能會選少汁🤭加上有啲蔥花作配，令賣相更勝🧚🏻‍♂️牛角次男坊丼（草飼牛腹腩）呢個餐賣相一流，好大份好多塊，估計大約八至十塊左右，吾算厚身，加埋燒肉汁，會有陣燒香香味 ，但肉質口感方面個人就覺得有少少比下去（對於豚肉丼）如果軟身啲會更合意💗配料有紫菜，白芝麻，芽菜 ，整體加埋都吾錯📌 半熟蛋，糖心蛋，流心蛋，全部都好好食😋📌 味噌湯/飲品📌 炸釀海老📌 啫喱兩粒一個2人餐，有咁多野食，真係食到勁飽👍👍

今天午飯時，時間頗為充足，找到了這間牛角次男坊，定意要試試他的草飼牛， 跟平日常吃的穀飼牛肉有什麼分別。我除了點上了燒草飼牛腹腩盒子飯定食外， 還加多了一隻溫泉蛋。當定食送時，賣相還真不錯， 匆匆拍過照後，便夾了塊草飼牛來細嚼品嚐。吃起來肉質較精瘦，沒甚麼脂肪，口感較實、特別有嚼勁。但因為調味醬汁早已混到牛肉及飯，味道也偏鹹偏濃味，早已蓋過草飼牛肉的原味。建議牛角次男坊可考慮讓顧客自行選擇調味醬汁預先混到牛肉飯，還是另外分開奉上。但不知這又是否可行，又會否增加成本？

我哋今日叫一個暴雪蔥鹽豚肉丼，好味，份量剛好，少少咸，加左溏心蛋，超好味，另外叫左一個蘋果溶牛角次男坊丼(草飼牛），好味不過太甜，再加左一份亂力燒牛舌，味道可以但份量太少，有蚊螆，有待改善

適逢weekend行開荃灣廣場，又太耐冇去旅行，掛住香港人鄉下日本嘅味道，加上都聽人講過質素都唔差而且份量都充足，所以沒有多想就入咗去牛角次男坊。星期六繁忙時間都冇乜特別點樣等位就入咗去，一般商場餐廳嘅環境啦，不過加咗防疫板之後就略嫌有啲迫，坐得唔係話好舒服。咁我就跟住餐牌叫咗個佢最推薦嘅牛角次男丼（差唔多嘅名）同行嘅仲叫咗個豚肉。等咗大概5～6分鐘，就黎到，全程係QR code遙距落單，枱面有水咁。先講結論：豚肉不過不失，我嗰份牛角次男丼，簡單一個字：咸，已經自問食得幾重口味同無叫咩多汁。賣相okay，不過食咗幾啖已經咸到苦，想保住個腎，所以食唔曬，應該唔會再試

呢間係次次經過都想食～感覺係有人燒左好多肉再擺係飯面俾你食咁(˶‾᷄ ⁻̫ ‾᷅˵)所以唔想自己燒肉食 可以考慮去呢間（｡ò ∀ ó｡）====================👅 牛角次男坊丼定食 $88一黎到就嘩左聲 因為好多牛又好香(˶‾᷄ ⁻̫ ‾᷅˵)牛肉底下有好多芽菜 仲有紫菜可以夾埋啲飯食～出面仲可以攞啲汁返黎dip肉/撈飯(｀▽´)👅 豚丼定食 $78豚肉反而冇牛肉咁好食(´･_･`)飲到有隻温泉蛋可以拮穿撈飯～不過越食覺得好好好甜 成個底都係燒肉汁…如果鍾意汁撈飯既可能會鍾意(･_･;====================⭕️啲肉 尤其牛肉幾好食 唔會太韌⭕️份量大大碗 食完好滿足٩(ˊᗜˋ*)و❌覺得豚肉丼落得太多汁好甜…如果下次落少啲改善下會好啲～總結 每個定食都包一個前菜沙律同野飲 價錢唔算太貴 味道都ok無肉不歡既可以一戰～不過都係鍾意去牛角自己燒多啲(˶‾᷄ ⁻̫ ‾᷅˵)▫️味道：3.5/5服務：3/5環境：3/5回頭率：3/5人均：$50-100

如題，因為今日揸車諗吓食咩嘅時候，決定去荃灣廣場開心吓，本身心郁郁想食拉麵，最終行過，因為未試過呢間嘅牛肉丼，於是乎就錄咗入去啦。.我地兩個人就order 左：1. 燒安格斯牛板腱肉丼 💲109 * +糖心蛋 💲18 * +紫菜 💲102. 鴨肝。牛角次男坊丼 💲142 * +套餐 麵豉湯 x 道地纖解茶 💲15.首先講咗個安格斯牛板腱肉丼先，黎到賣相都唔錯，大蔥碎mix 牛板腱一齊食幾fresh, 但係牛板腱因為醬汁關係偏甜，加上佢本身個飯側邊應該有青蔥伴住，略嫌少蔥，飯方面就正正常常，都係啲燒肉汁令到個飯都甜咗，對於個人口味比較偏鍾意食鹹嘢，我自己就麻麻哋。糖心蛋就正常發揮，紫菜完全唔好食，唔係日本嘅紫菜，咬落唔脆口亦都冇味。.另外過鴨肝牛角次男坊丼，另一半話comment d 鴨肝無咩燒過既痕跡，軟perper 口感好一般( ･᷄ὢ･᷅ )。另外，牛肉嘅質感同埋都係比較甜，佢同我一樣，個人口味都唔係太鍾意食甜嘅牛，整體一般。.我哋兩個好快就食完跑走，因為未夠滿足嘅關係，都係周圍搵吓其他糖水舖開心吓。而另一半亦都放咗狠話，唔會再回頭，大家可以參考一下ʕ •ᴥ•ʔ

今日又搶到旅遊發展局啲優惠，其中一個係「牛角次男坊」。燒肉丼組合（$144.6，原價$241）燒安格斯牛板腱肉丼（餐牌價$109）牛肉份量足（有厚度，約十片），有燒烤味，有牛味，唔算軟滑但唔韌，燒肉汁幾夾牛肉。京蔥有幾條太粗冇乜點切，所以好韌。飯份量稍少。鴨肝・豚肉丼（餐牌價$132）鴨肝（2件）煮得剛熟，夠淋（夠肥），有丁丁筋。豚肉份量足（有厚度，約十片），有燒烤味，有幾片好嚡，燒肉汁帶甜。京蔥同樣有幾條太粗。追加小食炸忌廉蟹肉薯餅（+$18）炸得香脆，唔油膩，薯蓉軟滑，但食唔到蟹味（都預咗）。炸池魚（+$18）同樣炸得香脆，但呢款就比較油（牛油紙個底成攤油），池魚厚身，味道正常。

牛角就食得多啦今次黎試吓牛角次男坊🍚標榜16cm高嘅 牛角次男坊丼啲牛真係非常足料 大大碗 大滿足必試之選👍🏻👍🏻另外牛角次男坊啲炸物都唔錯 一人叫咗一款黎試牛角成日都咁多人排隊想食牛又唔想等咁耐可以試吓呢間～

用了Openrice好耐，從未寫過食評，今天忍不住！豚肉丼送到時是用一個膠蓋蓋住，打開時感覺已覺得飯係凍，食時感覺已放了很久，碗上任何一樣食物都是凍的！豚肉難咬，是燒的嗎？不能想像是燒的，唔熱就更難咬！飯黏埋一團，未食過這麼難吃的丼！