牛角日本燒肉專門店 (V Walk)

营业中

休息中

作為1個牛角fans，知道新商場V Walk開左分店，又咁近公司，就緊係要黎幫襯下位置好方便，一出西鐵A2出口上2層電梯就見到，隔離係同集團既牛涮鍋🤤一向牛角下午茶都係最抵食，lunch menu價錢既7折！我同同事都簡左燒肉定食B，叫左肩脊肉、牛肋肉、豚肉、豬頸肉一齊share食，肉質都係一如以往咁新鮮；當然緊係要+$21食埋香蔥溫泉玉子飯啦！😋最後賣單2人total食左$165，大家都係飽到捧著個肚走，真係好抵食👍🏻

行左一整天呢個新商場v walk，同朋友講起好耐無食過燒肉，即刻上網搵發現呢度就有牛角，講到燒肉牛角絕對係質素保證，於是就入去食了。呢度以卡位為主，座位寬敞又私隱度夠，而且唔知係唔係因為新鋪既關係，值得一讚係呢度既抽風系統做得好好，唔會有一陣燒肉店既油煙味。左下呢個係豬腩肉，我地揀左味噌醬汁，豬腩肉肥瘦均勻，食落夠油香，而且味增醬汁入晒味，加上芝麻係面更加香口。另外我地仲叫左豬頸肉配燒肉汁，豬頸肉肥瘦分明，肉質嫩冧，食完兩盤肉我地已經好飽了，好耐無食過燒肉既我地覺得好滿足！

屋企附近新商場開左，大家都想試下呢間商場既餐廳，女友突然想食燒肉，咁又見到vwalk有分店，當然要捧下場！一入餐廳其實都唔洗點等位，呢個商場啲餐廳格局都係三尖八角，唔同以往其他分店正正方方，同時亦坐得唔多人。正因為餐廳設計既先天問題，成日舉手啲侍應都睇唔到，令到服務差左😑Anyway,來餐廳係食野既，咁我就拿拿聲點左燒肉套餐，紫薯條，蔬菜盤同蘋果汁。好彩用ipad點就唔洗驚無人理，野食都幾快到🙈一來到見到啲牛肉花紋好靚，擺落去燒既時候好似玩緊以前網上隻燒肉game🤣而其實日本燒肉大部份都無乜落醃料，可以真正食到牛肉既味道，亦係比韓式燒肉好既地方！而佢亦提供左不同既醬汁俾你點，味道都不錯嫁！值得一提既係個紫薯條，甘甜好味，響第二間餐廳好少機會食到，大家去到一定要叫！埋單既時候，仍然都係比較辛苦先叫到人幫手埋單，希望下次有改善😴

深水埗前排開了個新商場叫V Walk, 梗係要去潮聖下啦！地方幾大開始好多食肆進註，朋友話想食燒牛肉，牛角一定係不二之選。這裡地方夠寬敞，坐位多又光猛。厚燒牛舌非常足料件件都好厚身，自己燒可以燒得皮脆身啲，內裡肉質仍然多汁夠煙韌，厚燒啖啖肉好滿足。香蔥溫泉玉子飯香蔥油香紫菜炸得脆脆，珍珠米夠甘香配合溫泉蛋撈埋一起吃滿滿蛋黃汁加滿滿紫菜好開胃。網燒一口牛一口牛肉粒油脂分佈均勻，牛肉味濃而醃料夠入味，輕輕煎封四邊外脆內嫰一口一粒剛剛好。

南昌/深水埗呢頭開左新商場，好近我屋企☺️🏡，所以成日有機會食好西！是晚同屋企去左食牛角燒肉🥩食左一口牛、豚肉燒叶味增、厚燒牛舌😍款款都已經預先醃定所以超入味🙂厚燒牛舌厚切咁一入口索索聲，好有口感，燒到六成熟仲有微粉紅剛剛好！豚肉燒叶味增🐖肥膏唔算太多，有少少啦增加口感，油香好正😋完全唔會韌啊！一口牛🐂好香醬油味，預先落左少量芝麻更香口👍🏻燒兩下就食得，好方便😃最緊要係一大班人share都無難度！真係超級滿足既一餐👍🏻

今日同朋友去食燒肉，好耐無食啦！😍勁興奮！1️⃣厚燒牛舌-有返咁上下厚度，所以好有口感，啖啖肉又唔會韌喎！落少少檸檬吊下味就已經perfect☺️2️⃣香蔥溫泉玉子飯-其實飯類牛角真係超出色，每次黎都要嗌🍚本身既牛角飯加左鹹香既紫菜已經好味，今次仲有埋溫泉蛋🥚撈均啲蛋黃一流！🍳3️⃣豚肉燒叶味增-🐷豚肉味濃，記得要燒耐啲，確保全熟呀，完全唔會好韌，肥膏位都唔多，女士們不用怕怕🙈🙈.兩樣肉+一款飯都飽飽lu，完全滿足到兩個女仔👭，因為有燒肉食但又唔會食到過飽❣️❣️

牛角質素不嬲都唔錯 今次黎開南昌附近搵朋友 諗唔到食咩好 search完之後都發現有好多唔同嘅餐廳 但最後都係決定食牛角做lunch la今次叫左個燒肉定食 佢分左category I and II 簡單黎講 category I係牛 II係牛之外嘅肉 今次我就揀左牛肋肉同埋豬頸肉 定食都係82咋 另外加左21升級做香蔥溫泉玉子飯 同埋單叫左最愛嘅厚燒牛舌裡面坐得幾舒服 厚燒牛舌一如以往咁出色 佢係煙韌得黎又好爽口 質感好好 每次黎都會想食呢個 而豬頸肉都唔錯 揀左燒肉汁 成件事都好香 肥瘦適中 唔會正係得脂肪 燒肉汁同佢好match 然後香蔥溫泉玉子飯 撈左個蛋落去啲牛角飯到 真心好香 加埋啲肉 好快清完一碗🤣🤣🤣🤣 good ah

Gyu-Kaku is so popular in Hong Kong that there are so many branches.I was captivated by the rice topped with spring onion and seaweed which was why I went.As this place specializes in grill, it would be strange if I didn't order any meat so I got the miso pork.The impressive thing is that they have beyond burger steaks and plant based fish so next time I am going to try it.Basically I am happy with carbs, and it was simply delicious having plain rice with seaweed and spring onions.When you burst

今次朋友生日，特登食牛角慶祝～最中意呢度係自己燒同自己落單，自給自足😂其實主要係唔想下下等人落單或者要出去拎～懶🤪佢啲牛有好多唔同款，我地有咩就叫咩咁濟，因為唔同款都好好食！特別中意啲一口牛，夠嚼勁又一啖岩岩好，又有肉汁！仲有一樣係必食！牛角飯！不過一碗一個人食就好飽，可以share，中意溫泉蛋的可加蛋，我自己都會加蛋，真係好好食，好滿足！佢間唔少有得啤酒任飲的優惠，今次就冇，就覺得冇咁爽，但整體都依然滿意～

好耐無食過牛角，星期日又想休閒小小食下日本燒肉，而且係牛角食野有時仲會有意外的驚喜，所以午餐就決定同朋友黎呢度開飯！朋友喜歡吃呢度的牛肉，所以揀咗牛肉拼盤，有多種牛肉係入邊。但我比較喜歡食牛角飯，所以就選擇左「特選牛五品燒肉盛合」，因普通燒肉餐好多都主要食。呢個組合就可以食晒牛、豬、雞�每個餐都會包飯（任添）沙侓,海帶湯及飲品。特選牛五品燒肉盛合特選牛五品燒肉盛合係牛魔王必點架，有齊5種部位既牛，包括腹胸肉，肩脊肉，牛舌，厚切牛舌及牛助肉。牛既紋路好靚，油脂分佈平均，每款牛都好有牛味，算腍不韌。最推介呢度嘅牛角飯，雖然只是比白飯多了紫菜，蔥花以及燒肉醬汁，但是簡單的配料和燒肉一起食就已經好有驚喜�呢度價錢合理，肉既份都岩岩好，如果更多更好！。

本身係牛角金會員的我見有新商場開，就決定去呢個商場食牛角，因為金會員優先入座不用花時間等位，十幾分鐘左右就已經入座，感覺真的好方便，本身喜歡牛角飯的阿女近來阿女好鐘意食燒牛肉，星期四在九龍塘分店晚餐，星期六Vcity分店午餐後都唔覺得厭，真係服咗佢~~~呢間店有梳化卡位~~~另外也有中間的木椅座位~~~一開始上名女喜歡的牛角飯~~~肩脊肉($65)，個人覺得肉感OK，味道調得唔算咸~~~燒肉六品盛合($249)，爸爸喜歡薄切的牛舌，而我懷念很久沒在牛角燒的豬頸肉，3款牛，2款豬，1款雞，呢個組合感覺既豐富又易飽肚，二人吃呢個做晚餐或宵夜都值得點~~~鹽味牛油帶子($52)，個人覺得個調味係咸咗DD，反而爸爸大讚這個好食，咁我負責燒又唔燒燶的，都算係OK的~~~由於平時燒雞胸肉燒到乾曬又覺得冇咁好食的我今次就用燒完帶子的錫紙兜燒雞胸肉，除咗覺得燒到D肉夠水份之外，而且仲可以吸返之前果D汁的味道，感覺好食過就咁燒，如果食開放題都可以考慮叫用錫紙兜的食物順便燒雞肉~~~本身係金會員的我除了有優先入座，折扣都不少，加上扣埋原有的現金券，呢餐真係好超值！