牛角日本燒肉專門店 (德福廣場2期)

营业中

休息中

今晩想食韓燒就去左牛角等位，去到已經係6:45pm，門口好多人，已要等1x張，咁我們唯有行陣先再返轉頭。原來做緊HSBC promotion, 有兩個套餐優惠，我們就揀左極上和牛大皿燒肉（2人前）$360有沙律、牛筋煮、牛筋肉、牛舌、豬頸肉、丹麥雞胸肉、塩味牛油帶子、飲品。另加牛油金菇。牛筋肉唔錯，雖然比較細塊，但唔係簿切， 而且很有肉汁，很香口。牛舌就比較薄，所以燒極都乾和韌。牛油帶子很易handle, 只放在爐邊慢燒就ok, 當然要得閒反下佢，因為牛油比較易燶。

話明慳得就慳，今次HSBC信用卡優惠半價(6/10-12/10為期7日)!嘩！套餐只係原價一半+10%!果然係抵食之選。不過朋友們miss左呢個優惠都唔緊要，由現在直至12月，套餐都有7折，有部分追加食物都低至半價。既然係優惠當然叫左"極上和牛大皿燒肉"(二人前)塩味牛油帶子帶子為一口size,味道平平!牛油味不大濃。但帶子都算係新鮮。主角烤肉出場啦牛舌配上檸檬汁👍🏻雞胸肉沒有味道，需配上蒜香醬先夠味牛肉類主要為燒汁味👍🏻套餐可配2杯$42以下的飲品。兩口子當然叫左杯Ashi啤酒啦。之後再叫埋巨峰提子燒酎活乳酸核打。兩杯飲品含酒精成份。至於味道還是前者配烤肉合適d。後者的味道好濃燒酒味度，未飲到有巨峰提子味。兩個人埋單$309。價錢還可以接受。趁優惠食下就無妨。

今晚突然想食燒肉，見這裡沒有人排隊，同黃兔拿拿聲入去坐，限時90分鐘。用平板電腦落order, 見每款肉都好吸引，但費事眼闊肚窄，最終忍手只叫了四款燒肉，剛落完order不久，好快就上枱了我地叫左:鹽味牛油帶子帶子比較細隻，燒完已經縮小左一半，牛油味不太香，令到帶子味道一般黑胡椒蜜糖豚肉豚肉肥瘦均勻。燒到將油脂迫出，食時不會太膩，兼肉帶點蜜糖味，有點似食豬肉乾可惜無黑胡椒味。牛角上級牛肋肉（原味）牛肋肉顏色吸引，感覺新鮮。燒完不會有牛嘅騷味，肉質有咬口，再點上燒肉汁，腹胸肉（原味）肉色紅潤，不是末解凍就上枱的肉一般，也是感覺新鮮！燒完肉質嫩滑，也是點上燒肉汁，好味海蜇柚子沙律柚子汁酸酸地好惹味，海蜇爽口，沙律菜新鮮，還加入海帶及海藻，好爽口及清新牛角飯不明為何收二十幾蚊－個飯都不是用日本米煮？飯不是日本飯，所以無飯香，兼鬆散紫菜上枱時已經淋左，差最值得讚是，食完不會成身有油煙味

9月1日去咗中大感受一下開學既氣氛，好青春啊！之後相約咗朋友仔去九龍灣打算睇戲，考慮到今日係禮拜五，夜晚一定好多人食飯，為咗唔想同人爭位，而朋友琴晚通完頂啱啱起身未食野，而且下午茶應該會更便宜，所以我地決定改睇下一場次，填飽咗個肚先！於是乎，我地就行去德福二期睇下有咩好食！見到有牛角，諗起燒肉，突然間好想走去食！點知朋友唔食牛，即刻以為要改去第二間，但係牛角除咗可以燒牛肉之外，仲有雞同埋豚肉既，所以朋友話冇問題既時候，我地就行入呢間餐廳啦！地方好闊落，好明顯唔係晚飯時間，入面冇咩人！係出面見唔到有下午茶MENU，所以入到去問店員有冇下午茶既時候，店員好緊張咁答︰「我地五點截單，宜家仲有五分鐘，所以要即刻落單！」佢即刻帶咗我地入座，然後就俾咗份LUNCH MENU俾我地，我地諗都冇時間諗，即刻點咗燒肉餐。一點完餐，店員又好緊張咁問駛唔駛追加牛角飯，要就宜家落埋，會後上，見佢地為我地緊張埋一份，好好啊，所以我地即刻落埋每人加多一碗。好快就黎咗迷你沙律，撈匀D醬、粟米同埋沙律菜，清新開胃。昆布湯就一般啦！朋友唔食牛，所以點咗雞腿肉＋豚肉，燒雞腿肉既時候，D雞皮燒到出哂雞油，好搶火。朋友話雖然

打風落雨的星期日，唔想去太遠，就去九龍灣食牛角。牛角相信大家都唔會陌生，由日本傳入，係好多地方都有分店，包括美國等，香港都有好幾間，標榜牛肉醬汁由日本運黎，希望保存日本既風味。小妹好鐘意食牛，食過好幾間燒肉店，始終都係覺得牛角性價比較高，價錢比較便宜得黎，牛肉既質素亦很好，過下口癮最岩。九龍灣牛角鋪面也挺大，以紅黑為主色調，燈光柔和，座位相當寬敞，今日唔係太多人客，我地兩個人坐了張四人枱，坐得十分舒適。點餐方面，牛角幾年前已開始用ipad落單，可以慢慢邊看邊選，不怕擔誤店員時間，當然，不會用ipad，都可以選擇讓店員落單。店員也很親切，主動問是否需要介紹醬汁。牛角餐牌，價錢相較其他燒肉店便宜，單點一客燒肉只不過幾十蚊，當然，想吃和牛就會貴d。牛角燒肉用既鐵網有別其他燒肉店，不容易痴網，牛肉除非擺好耐，不容易燒焦，連我呢d無飯煮婦都識燒，而且不會燒到烏煙瘴氣，在網底已把油煙抽走，食完唔會一身臭味！九龍灣分店星期日無下午茶套餐，午餐和下午茶餐係最抵食，有前菜，一碟肉，一碗湯，一杯野飲，白飯或要加錢的牛角飯都係任添。牛角飯加左d燒汁，蔥花和紫菜，很合我胃口，平時唔食飯既我，每次最少可以食兩碗

今次在平日中午12:45到達，雖然人不是很多，但也要等到1:20才有枱。對於未吃早餐的我，真的等到腳都軟。12:00才開鋪，我們來到，第一輪客仍未吃完。而且我們到達後，有一些持金咭的人已預先訂枱，可以優先入座，所以，等枱號碼叫得很慢。我只有普通會員咭，等級不同，服務也不同。如果可以好像元X壽司，可以下載App，遙距訂枱，就會更方便顧客了。牛肋肉、腹胸肉、牛仔骨、牛脊肉，通通都是我至愛喜歡這裡吃烤肉，油煙不大，冷氣充足，坐在風口位，真的有點冷。另外，最愛這裡的牛角飯，可以任叫任食，今次吃了2碗，紫菜鋪在白飯上，再灑上少許蔥花，吃之前加些日式豉油，超正如果有任食放題，就更能滿足我地一班食肉獸。

難得下午才返工，可以食埋個晏先上班。大約中午12點去到九龍灣德福二期，牛角已重新裝修過，翻新後色調依舊，只是內裡間格不同了。因為中午剛開始，入座時只有一兩檯客人快速點了一客午餐，因為有會員$50電子coupon,但要滿$200才可使用，故加了兩款午市海鮮夾數所有食物和飲品都上場了午市套餐內的和牛牛肋肉&牛角嚴選五品燒肉，每款有兩片；另加的海鮮是蝦和廣島蠔。開動啦！燒物轉色後便可反轉另一面再燒一會便可享用。牛角飯是無料任食的，飯面有紫菜芝麻，飯中也有醬油，這飯很不錯，當然要添飯午餐比晚餐抵食今餐未加一前已過$20可以扣埋會員$50coupon,另外仲有會員9折，賣單$16X，價錢合理。

今日同個FD行街,行到有D累,咁累就會同時會餓架啦搵食兵團又黎搵野食啦,好耐無食燒肉擇日不如撞日,心動不如行動...跟住就搵到間牛角入到去就叫左以下既野肩脊肉(燒汁味),牛肉飯,羽衣甘藍沙律,王樣腹胸肉(蒜茸味噌),香蔥牛舌,牛角上級牛肋肉(燒肉汁),白桃活乳酸梳打,牛角特飲肩脊肉(燒汁味)--有D鞋口,一般牛肉飯--不過不失羽衣甘藍沙律--份量算少,個醬汁都算OK既,菜都新鮮王樣腹胸肉(蒜茸味噌)--味道都OK,可能我燒得唔好食,自己覺得好一般香蔥牛舌--比較有咬口,都算幾好食牛角上級牛肋肉(燒肉汁)--都叫做好食既白桃活乳酸梳打--有D似益......多 喇,不過仲要淡身過佢,一般,可能冰多牛角特飲--無咩特別,不過不失

這個抵食套餐星期一至星期日晚上9點後都有，還可以特價點指定食物。我本身唔食牛，所以叫咗只有豚肉及雞的餐，另外還點了特價豚肉及芝士雞肉，除了芝士雞肉啲芝士有點怪，因為煮溶咗啲芝士水汪汪咁，點雞並無拉絲效果。亦點了羽衣金蘭 salad，值得一提這個salad汁好好味。之後還以正價點了一碗柚子冷麵，這碗麵之前在尖沙咀的分店食過非常好食，所以今次再叫，但今次的並不好食，一啲柚子味都無。而餐還包兩杯飲品。另外餐廳內抽風做得好，食完身上無油煙味的。

難得平日放假，一於約埋媽媽食個lunch,之後行吓街。德福廣場一向多食肆，諗嚟諗去，最後去咗牛角食lunch。牛角嘅set lunch, 超多選擇，除咗燒肉set, 仲有飯麵選擇。講真牛角燒肉set lunch都幾抵食，一個set, 包晒前菜，湯，主菜，飯同飲品,最平六十幾已經可以，仲要係肉類質素唔錯。我同媽媽分別叫左個自選燒肉set(揀牛舌同腹胸肉)同牛肋肉四品盛合，追加多份帶子。一次試齊咁多款牛，款款肉都好好味，仲可以食埋牛角飯，超級滿足。

一個風和日麗既一日，見咁好天就諗住同老婆去行下山，當做下運動，呼吸下新鮮空氣，仲可以扮下文青添。我地先去咗九龍灣，再轉小巴入西貢。去到九龍灣都已經中午時分，咁緊係先食個lunch，填飽個肚先去行山啦。搭港鐵去九龍灣，食野最近就係德福喇，見二期多咗啲新野食就去睇下啦，點知睇來睇去都食燒肉最吸引，見佢個二人餐3百蚊都唔使就有好多野食咁，好吸引。睇真啲原來係會員優惠，而家二百蚊入會就有coupon送，有啲係涮涮鍋同其他餐廳，老婆覺得抵就二話不說咁入咗會做會員喇，咁當然我地說叫咗嗰個二人餐喇。頭盆揀咗依個西柚海蜇沙律，有西柚味酸酸地好味又開胃。小食揀咗依個辣味青瓜，唔太辣，青瓜都幾爽，唔錯。黎到最重要既肉喇，我地當然係全部都係揀牛肉啦，依個餐可以揀4種肉，我地揀咗兩個網燒一口牛，一個腹胸肉，同肩脊肉。一口牛食落就多啲肉汁，有啲肥肉所以香口啲；肩脊肉都香口，但無咁肥；腹胸肉無咁濃味之如，仲好似有啲韌，鍾意有咬口既人可以揀。主食有飯有麵可以揀，我揀咗依個香蔥拉麵除左皂水味濃咗啲之外，都算可以，老婆就揀咗牛角飯、係有大片紫菜係面既白飯，用黎送牛肉就好夾喇。同老婆食完滿足住咁落樓下小巴站搭車去西貢行山

因為一直都特別鍾意食牛角的牛角飯，又知道佢的lunch可以無限任添牛角飯，今次一於帶埋爸爸媽媽試佢的午餐。燒肉定食我地揀左牛舌同牛肋肉（燒左3塊牛肋肉先記得影相😅），我地叫左兩個燒肉定食，但呢個餐只跟白飯。另外叫左個牛肋肉四品盛合（$129），呢個餐可以牛角飯任食，我地呢餐總共食左兩碗白飯同三碗牛角飯，真係飽到上心口牛角飯一流三個人總共食左$330，比晚餐抵食好多，又可以飽到捧著肚皮走，下次會再來！

哥哥生日, 同埋一家人食好少少, 就去左食牛角燒肉慶祝la。早前都去過其他分店食過, 覺得唔錯ga, 今次再食。媽咪埋單, 一於有大食大, 叫左唔同嘅肉黎燒!!!lei個係美國SRF和牛板腱肉, 話係稀有部份而且唔貴, 咪叫一份黎試下lor。黎到見到真身, 覺得有d伏......薄薄兩片肉片 (與圖片不太似, 圖片係有厚度的), 油脂分佈都均勻ge, 可惜燒完食落有d鞋, 唔值得一試!!原味牛舌, 望落都ok, 食落就唔多得, 肉太"un", 一d都唔爽口, 唔通要叫大人氣ge香蔥牛舌先會好食d!?!?和牛牛肋肉, 油脂比例勁d, 肉色鮮紅, 食落筋位少少"un", 肉質都ok, 唔會鞋, 記得上次食仲嫩d!!! 以和牛黎講, 同價錢成正比!!!佐賀產黑毛和牛肉眼, 真日本牛, 價錢相對貴d, 大概0.3cm厚度, 油脂都頗多, 係和牛ge特色!!! lei個最好食, 肉嫩多汁, 牛油味香濃同豐富, 值得一試!香蔥溫泉玉子飯係牛角飯ge升級版, tuk穿玉子, 將蛋汁同飯撈勻, 真係幾好味, 本身飯已經加左甜甜地ge醬油, 所以好夠味!! 配埋燒肉, 一流!!!試埋牛角冷沾麵, 沾汁有

早排引發軒然大波的餐廳，我都好耐冇食了，真係唔明點可以食到$2000，因為我今晚二人惠顧，只需$300！溫泉玉子凱撒沙律（$59）-清新一下的蔬菜，不過我略嫌個蛋汁同個沙律好似唔係好夾咁。香蔥牛舌（$55）-有4片，薄薄地一塊牛舌，再加d香蔥同檸檬汁，好正呀！雞腿肉（鹽醬）（$46）-我比較鍾意稍為調味的燒肉，鹽醬就發揮到呢個作用，唔會搶走左個味道。雞腿肉燒過後，簡直係皮脆肉嫩！豚肉燒（薑蓉）（$46）-肥豬肉永遠都係咁吸引，脂肪燒過後更香口呢！洋蔥（$25）-份量都幾多，洋蔥燒過後更香甜！牛油金菇（$22）-金菇索左牛油汁後，再加d檯頭供應的鹽味調味醬，原來效果出奇地好！白飯（$12）香蔥溫泉玉子飯（$35）-下次都係就咁食白飯算了，呢個飯唔係太抵食。牛肋肉四品盛合（免費）-由於我係會員的關係，食滿$300就可以送呢個牛肋肉拼盤，好抵呀，份量又多，做會員真係抵！埋單會員關係免加一，$300食到飽飽！

食左個AA餐，另加牛舌同豬腸，份量唔夠飽肚，建議加碗飯等啲客覺得抵食少少。肉類質素一般，比團購樓上舖嗰啲bbq放題好，唔會油浸肉同專登整得唔好食等你食少啲（陰謀論，哈哈！），牛舌六塊有兩塊有渣趙唔到，差！梅酒一般，choya 好飲好多。有app 攞位，讚讚讚讚讚！