牛蓋

营业中

休息中

咁啱去屯門，ig打yellow屯門睇下有咩好食啦，就見到呢間牛蓋。睇相好吸引架，慢煮牛牛牛牛🐮咁多牛220g都係$96。就咁睇落都幾抵🤔 揸緊車去既時候，check多次openrice，一睇就不得了！咁多負評既😢😢抱住自己未試過，唔好咁易信人既心態去，食完幾後悔☹️☹️招牌牛扒蓋飯 $96兩層牛腹膜肉，有少少醬汁。食落似係普通現貨醬汁就咁倒落去。牛肉冇咩牛味，質地就煮得幾冧又唔韌。面頭灑上少許白芝麻，不過唔會令蓋飯造型靚左🤔白飯煲得太冧。生菜唔知做咩事😒成個感覺勁港式，求其加d菜落去咁，冇乜誠意。放返兩塊沙律菜都好呀🤦‍♀️芝士漢堡扒飯 $80哇！俾佢咁大個漢堡波波嚇親😂份量冇得頂，望落覺得$80食到咁大舊漢堡好抵呀。不過食一啖包你即刻唔係咁諗🤦‍♀️漢堡都係冇乜牛味既，有好大量黑椒係漢堡波入面😒最憎d食物有咁多黑椒。比我感覺係，食材味道麻麻，所以先加大量重味調味料🤔芝士質地好差，又鞋又唔流心。咁都要$80…比返塊正常薄切流心芝士漢堡扒我算啦🤦‍♀️凍肉舖都係賣$35咋😔唔好食，唔開心。價錢同質素唔成正比。好食是良知💛😔

呢間餐廳係自助形式：1）食客先到點餐處落單，付款後店員會比一個取餐提示器2）取餐提示器響起後，到取餐處取餐3）食完後將餐盤交到返卻口疫症下，每張枱都放左紙巾同酒精搓手液；而餐廳亦為食客提供免費茶包及熱水，呢兩點唔錯我叫左：主食牛肉烏冬($58)牛肉肉質有啲老同韌，味道正常烏冬軟硬度適中湯底略嫌過濃，醬油味重左啲飲品可樂($8)夠凍，價格可接受總結：呢間餐廳嘅環境、價錢及食物質素不過不失用餐期間，店員不停喺餐廳踱步無形中為食客增添左一份壓力，稍為改善會更好

🐮🍚 牛肩胛蓋飯(220g) $98呢個飯有大份量同細份量選擇，今次揀左大份量既，真係好多牛呀☺️入口好香牛味😝 呢個位比較瘦，但都好軟身😚加埋個日式醬汁連埋飯真係超滿足😋第n次食呢間小店，百食不厭🥰

屯門少黎，所以都係女友帶我去食黃店，係舊式商場下，有好多食店，較出名的黃店都排哂隊，好彩地見到這間有人走，不用等位。牛扒（慢煮牛肩胛）蓋飯想不多150g的牛肉的份量都咁多，我差唔多食哂隻都未食哂啲牛肉，而且燒得好嫩滑，牛肩胛本身口感會爽實，但可以慢煮的關係變得細嫩，再加埋隻溫泉蛋，味道真係無敵，而且竟然只係78蚊，如果係旺區食咁既牛肉飯，一定過一百蚊。照燒雞扒烏冬比較之下，雞扒唔太多驚喜，但都好像這間小店風格一樣，size都係十分飽滿大大塊，雞扒處理得好嫩滑，都係水準之上。

佢啲嘢食係幾好食嘅， 我都幫襯左一年，都明白呢類小間衛生程度唔會係頂級，但係琴晚啱啱食咗幾啖就見到好大隻老鼠喺天花行過，隔離啲客人都呆晒😩，都無食到就走左，無哂胃口....

入內先門口探熱，要等位一陣，枱同枱之間既隔板都好高，防疫措施做足。每枱有消毒酒精、紙巾。坐低先自己去買野食，拎張單同號碼，部機一響就自己去取餐。餐單有曬圖唔錯~睇圖都好吸引大概等左15分鐘，熱辣辣有得食呢個湯烏冬味道剛好，唔會太咸，個漢堡扒入邊滿滿半流芝士，淨係食肉會偏咸少少。不過整體好好食！$88係抵。半流芝士熱食，正雞扒炸得皮薄脆肉嫩，有恰好油脂同肉汁，不過食兩舊就覺得夠，調味係 住家味道。撈烏冬伴有青瓜絲、溫泉蛋，幾清新。撈勻蛋汁食，好滑，不過個胡麻醬係偏淡，烏冬份量唔算多。整體，坐得舒服、野食衛生，自助模式都好方便，唔錯！撐黃店~加油

1️⃣ [ 慢煮牛肩胛蓋飯🍛 ] ʜᴋᴅ96嚟到呢一間舖頭一定要叫最出名嘅慢煮牛🍖牛扒鋪滿成個飯碗，肉色紅潤無論係賣相抑或香味都好吸引 🥳入口鮮嫩，唔會鞋口亦唔韌而且因為慢煮，每一塊都充滿肉汁撈埋燒汁一齊食，好正😋 🌟 推薦指數 8/102️⃣ [ 雞扒蛋蓋飯🍛 ] ʜᴋᴅ62以為呢間專食牛，雞類就會普普通通但呢個飯有驚喜！✨雞扒好嫩滑，完全唔鞋雞蛋唔係滑蛋而係近蒸蛋甜甜地，好好送飯🌝再加埋索晒汁嘅洋蔥KO一碗無難度🥳🌟 推薦指數 8/10-🥑整體嚟講🥚平時係市區食得多估唔到係屯門都有咁高質嘅餐廳🥰如果大家已經食匀油尖旺不妨試試入去下唔同地區支持本地小店🌟好味指數：8/10🏃‍♀️回頭指數：7.5/10

繼續瘋狂食肉好多肉肉肉肉﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷牛肩胛蓋飯 $96▶雞扒蛋蓋飯 $62呢間個牛蓋飯係勁量級，有150g同220g可以揀，我本身話嗌$76(150g)就可以，結果黃先生唔知係咪太耐冇出街食飯一黎就隊個220g牛蓋飯😳 啲牛肉多到嘩嘩聲，成塊慢煮牛扒幫你切埋件😂成碗就係啖啖肉同啖啖飯，慢煮出黎嘅肉質唔會韌，仲保留好多肉汁，呢款牛肉味唔太重，但都夠你過下口癮，仲有款係牛小扒貴少少，我估個肉味就會再濃啲🧐雞扒蛋飯係正常嘅親子丼甜味，都係勝在超大份，食完真係飽到呢～屯門華都有好幾間黃店／小店，日式西式cafe都有，行多兩步就有好多選擇，唔使食黎食去都係商場野～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣牛蓋屯門屯利街1號華都商場地下55號舖

臨到月尾荷包都有點窄但又出街食飯當然揀便宜小小既店黎食啦我地7點令左右去食所以等既時間係0分鐘...好好一入就有得坐低小店地方都不會太擴闊衛生都一般但服務係ok既...店員只係會落單 收盤清潔等其餘 茶水 拎餐 都要自己黎 半自助形式我地叫左個大既慢煮牛扒蓋飯同細既慢煮牛扒蓋飯女仔好適合食細既完全夠食 又唔會浪費因爲慢煮既關係 等既時間都比較長牛肩胛係瘦既但熟既情度比較熟幾乎接近7分熟 所以有d韌飯都幾有咬口 又唔會好軟 不過個燒汁比較小 唔能夠撈曬成碗飯 要加埋d飯素一齊撈大碗牛肉比較韌 係會有d失分所以不能夠太好味

一連四日假期，入屯門行山順便幫襯良心小店！經過華都見到這間小店，人龍比較少，就決定食呢間。點了個慢煮燒汁牛肩肉丼，結果真係喜出望外！牛肉飯媲美日本Redrock, 真係有八九成似！真係尋回日本的味道！而且價錢真的非常合理！98蚊就有舖滿成個飯的牛肩肉，肉質鮮嫩一啲都唔un，講真平時食個拉麵都唔止喇！CP值超高！支持良心好味小店！

第三次來了，<慢煮咖喱牛肉飯>咖喱 - 日本咖喱加上大粒的薯仔和紅蘿蔔一起煮，薯仔和紅蘿蔔都煮得剛好，不會太硬，又不會太淋。慢煮牛肉 - 牛肉味重，牛肉程粉紅色，肉質軟淋。好食！上兩次吃極上牛小排蓋飯，醬汁味略為蓋過牛肉味，但今次牛肉和咖喱分明，可明顯吃到牛肉的肉味。會再來。

一向打電話叫外賣自取，今日再打去，佢地話冇電話外賣，話一向都冇得打電話外賣喎，下，我無端端呃你咩，明明係想黎消費。算數，落去舖頭叫，發現原來係叫個👦🏻小朋友接電話，目測大概三四年級，好野，落到去都係個小朋友幫我落order👍🏻個staff仲要繼續同我拗，話冇可能有過電話外賣自取，仲話叫小朋友接電話冇問題，你估屋企玩泥沙咩🤷🏻‍♀️最後番到屋企打開個飯，發現佢地漏左比溏心蛋，打番去，佢地話佢知道喎，叫我地自己過黎拎番。大佬，我叫得外賣就有原因架啦，明明特登元朗過去買，唔通我要為左5蚊，用幾十蚊🚗油錢番去拎？好多時外賣有錯漏好正常，亦都唔會特別計較，但佢地態度咁差，好難叫人順番條氣，自己做錯仲大聲過你👍🏻心地唔好，食物再好都冇用！

聽朋友講這間不錯便來試一試，第一次來這間吃，試了牛扒蓋飯，牛肩肉味道OK肉質軟，唯廚房門開了，內裡不太整潔，入面兩位職員亦沒有戴上口罩，有一個長將口罩拉到下巴，又不斷說話，收銀小朋友亦有部分時間沒有戴口罩或把口罩拉到下巴，在這個疫情嚴峻既時期，應該注意下，因為食肆會有很多人進出，保護自己保護他人都好重要

由舊舖開始一直想試好耐, 第一次食左佢平價果個牛扒飯。燒汁味道係唔錯, 但牛扒就有d韌, 可能煮耐左啦。今次再試佢個漢堡扒, 十分失望, 漢堡扒份量係好大, 差唔多係出面burger既兩倍。但份量雖大, 燒汁同漢堡扒味道唔夾, 漢堡扒煎得唔夠之餘又乾身, 感覺似獅子頭。好喇, 到入面d芝士, 係唔溶既!!! 食落去又唔香, 只有滯。平時食飯點都會清曬d餸, 對住呢舊野, 又滯又難消化, 我都放棄左。

本身想食西麵，但係要等十幾張，於是同朋友去隔離幾間睇下，見到都有啲人食就入去試吓。間鋪係自助形式，坐低之後要自己去收銀處落單，然後再等去取餐處自己拎餐。等左差唔多五個字，隔離兩台遲過我地落單嘅都有嘢食，我同朋友都未有！唔明點解要等咁耐。餐廳不斷有網上外賣平台外賣，唔明點解堂食都做唔切仲要做埋外賣仲要食物質素係差嘅。。。叫咗個牛扒烏冬活動正正常常係個普通嘅烏冬，味精湯底，然後牛扒望落勁乾身，食落都係好乾，唔值$86仲有個滑蛋雞扒蓋飯係朋友叫嘅，佢都表示好難食，無味總括而言就係劣評，間舖好細但係坐差唔多30個人，已經好迫，得一條好細嘅通道行到，不斷有人拎外賣拎嘢食斟水落單，行都行唔到，根本唔應該做self Service總之好失望冇下次