牛蓋

营业中

休息中

屯門平價慢煮牛✨已經係屯門札根左幾年 之前亦食過覺得普😀但友人推介 今日再去😤lunch去到 餐廳搬大左DD 有8-10張枱無咩人 得一條走廊位 但要自行行到餐廳內部點餐及取餐 好不方便😩✨牛扒蓋飯-150g $76-牛味唔香 肉質軟淋-醬汁甜甜地都幾日式-珍珠米🫢不過不失 唔算特別好食5.7/10✨牛肉蓋飯 $62-普通肥牛-調味一般 唔算好濃🫢應該唔會再試4.2/10😀如果好大班人想食會考慮去 同埋想試下有冇進步 因為本身都中意食牛😀回頭率：5.2/10服務：4.7/10環境：4.2/10食物：6.7/10

好鐘意 AK@Mirror 同 Alton@Mirror #Rebound 呢首歌，鐘意呢首歌既good vibe同份正能量歌詞同rap詞!身為大西北人同半粒蛋白粉，見到店主係蛋白粉，用咗成間店黎做Rebound應援，就同鏡粉朋友黎支持下！點咗：🐮牛肉蓋飯 $48 - 份量大，以呢個價錢黎講，飯大碗、牛肉多、洋葱多、汁多，可以撈晒成碗飯黎食。自從唔食吉x家，都唔知去邊搵牛肉飯食，而家終於搵到之餘，仲同自己咁近！掛住就可以即刻黎食！🐮牛扒蓋飯 $76 (150g) - 牛扒蓋飯用嘅係慢煮牛，加埋醬汁好惹味！除咗店入面嘅佈置有Rebound，店主仲好有心地喺店入面仲擺咗Alton嘅應援俾蛋白粉拎❣️連餐盤紙都係Mirror成員！下次會再黎幫襯！

大概大半年冇嚟呢間食，印象佢個牛扒飯做得唔錯。但今日食完真係好失望質素不不如前。牛扒冇乜牛味亦都唔嫩滑，個飯濕到一pat pat。呢個價錢咁嘅質素性價比真係好低，似係轉咗手，間餐廳好多雜物，衛生欠佳，我應該唔會再返嚟。

日式風格小店，門口大大張貼著Mirror Alton貼紙，餐廳屬於自助形式，午餐時間唔洗等位。* 食客先到收銀處落單，付款後會得到取餐提示器* 取餐提示器響起，到取餐處取餐* 用餐後將餐盤放到返卻口♥️極上牛蓋飯 (牛小排) $130 (150g)賣相一流，慢煮牛小排鋪滿飯面，肉質細嫩，但牛味唔算突出，醬汁普通似係街買現成，飯煮得好濕，撈埋溫泉蛋汁、醬汁更加腍，口感一般。個人覺得價錢貴同食物質素唔成比例，衛生有待改善，餐牌立黐黐。

去過牛蓋好多次，屬於店面細細，行日式風格，自己去收銀比＄，之後再等自己去出餐處慢煮牛試得多。今次試咗佢哋泰國嘢，叫咗個豬脾蓋飯。首先試咗D酸菜，好好食有咸鮮又不會死咸，豬脾皮QQ好爽，如果唔鍾意肥就啱曬，我就想肥D！整體脾肉可以但不是十分滑。朋友試咗胡椒雞扒蓋飯，胡椒味不似預期咁突出，但雞扒很脆，很好食，又juicy .飯就一般，唔係好似日本米。而且沒有像豬脾蓋飯般有配菜。下次可以試吓漢堡牛，不過D飯就應該要改進一下！

店舖採用自助形式，點餐，取餐，斟水/茶，各樣都係自助，不過有啲奇怪，店面唔大，主要只係得一條通道，但都要客人自己點餐取餐就顯得有啲逼，空間唔夠。一坐低嘅感覺不太討好，不論餐牌，枱面，餐具都痴笠笠，衛生情況一般，而且店員沒有服務態度（注意：不是冇禮貌，相信只係因為自助緣故）而且用餐途中都有小飛飛，撥極都有🥲唔肯飛走，去到呢度印象分已大減了。食物方面，極上牛蓋飯分2個份量，150g，220g，慢煮牛小排鋪滿飯面，牛肉唔重牛味，但煮得幾腍唔韌。不過白飯🍚❌，飯煮得極軟，即使撈埋蛋黃、飯素、醬汁都無補於事，飯只係食咗幾啖就放棄了。綜合價錢、環境衛生、食物質素各樣，相信唔會再有下一次嘗試，可以有更好嘅選擇。

係華都地下，好似係黃店（？有日同呀妹是但搵嘢食，因為想食嘅幾間都排晒隊。見到依間無咩人就入去。入到去咩都自助嘅，所以唔洗講咩服務呀禮貌之類喇，當食餐便飯算！而且店面都係一個人，佢都顧唔到太多嘢。無發現係主要食牛嘅，但好彩都有其他嘢食就叫咗個雞扒蛋蓋飯。但碗嘢真係好一般。好乾無咩汁食白飯咁。蛋好少，雞肉算係大舊嘅。不過間嘢可一不可再。而且地方細坐得好逼，坐正門口啲人又出出入入唔關門先最討厭！原來香港人咁無手尾！

鋪頭細細，只有幾張枱，好彩唔駛等好耐記入得～第一次去牛蓋梗係試牛蓋飯先啦～我同朋友都點左慢煮牛扒蓋飯（牛肩胛），鍾意食肉既朋友可以選擇220g（$88），我150g （$68）就夠喇～賣相唔錯，鋪滿中間呈粉紅色既牛扒，好吸引。😋😋 牛扒因為低溫真空慢煮，牛肉仲好嫩好腍，但唔好期望好重牛味～之於飯，真係唔得，太濕喇......🙅🏻‍♀️🙅🏻‍♀️同埋地方淺窄，我地食完就走喇，可以快啲讓啲位出黎～

Lunch time, 同事介紹呢間，12點度，未有客，唔洗等即入！舖頭真心細，但竟然係要自己出去嗌嘢，拎ring ring番檯，等出去拎嘢食！唔係太明，如果多人少少真係行都冇位行，其實咁細，真係冇必要畀啲客咁樣行嚟行去！嘢食選擇唔多！雞扒烏冬: 雞扒ok，唔鞋，醃製得好味，烏冬煙韌，有咬口，份量亦大！半自助茶bar, 自己出去沖茶，有綠茶有檸檬茶茶包揀，水有涷有熱！總括嚟講，嘢食不過不失，有小小日式家庭餐廳feel, 經過可以一試！

嚟得屯門 就緊係食啲小店好過食連鎖店啦今次就同朋友嚟試下呢間華都商場地下鋪嘅小店😋店內座位得好少 大概只有廿個位到雖然7點晚市時間入座時無乜人 但坐兩坐就陸續有好多人入座🤣餐廳Menu選擇唔多今次同朋友選擇左芝士漢堡扒飯 咖喱牛肉蓋飯同 牛肩胛牛扒蓋飯～-芝士漢堡扒飯 $80大家要留意下呢個芝士漢堡扒飯都要等幾耐下🥲不過塊芝士漢堡扒都幾大塊 仲大過我個拳頭👊雖然芝士無流心嘅效果 不過勝在芝士味都算濃郁牛肉味道就普普通通 正正常常不過略嫌個飯冇乜汁 比較dry🥲但係Staff見到 就主動問我哋需唔需要醬汁👍🏻-咖喱牛肉蓋飯 $80咖喱味好濃郁 上菜嘅時候被咖喱嘅份量嚇親咖喱裏面有啲薯仔同紅蘿蔔粒 都幾足料但係牛肉方面比較失望冇乜牛肉味 同埋 肉質比較鞋🥲-牛肩胛牛扒蓋飯 $96肉質唔會太老太乾身但可惜牛肉味唔太有 同埋醬汁比較鹹🥲個飯本身都略嫌有啲dry 但勝在有啲汁可以送飯個人覺得性價比比較低 唔太推薦(可能我會expect牛肉會更好食 始終見到佢間野叫”牛蓋”)🤣

劣評如潮, 難怪晚市唔駛等😅當晚樓面阿姐同廚房開拖, 心情有點浮躁, 嚇走了一枱食客, 個人認為他們走寶了泰國人(憑店內佛像推測)天生有廚師基因, 之前試過他們掌廚的大排檔、韓國菜和台式肉臊, 全部都似模似樣。今次高檔少許, 主打日式慢煮, 價錢偏貴, 但加大份量, 兩個小鳥胃都夠食, 牛肉、白飯、醬汁、溫泉蛋味道都及格👍餐廳先點餐和自助捧餐、斟水的模式對某些食客來說可能有點兒不方便, 但上菜速度和味道均屬理想, 加上附近沒有很多小本經營的慢煮餐廳, 因此仍然值得推介

首先門口無人理，入去講左2位，答：有位就坐全場極細又迫，搵到位但都無人理見到有個點餐處，行去等職員現身，但都係無人😐😐😐😐😐行前一步，稔住搵個人見下就俾個極無禮貌操不純正廣東話女士，係廚房高聲叫唔好行埋嚟😡但呢明明寫住<點餐處>？ 奇嘛？再高聲及極不友善望住空氣講寫左紙未？都唔知她講咩...極不友善，又再大聲再講叫唔好行埋嚟點餐處位置。得得得，唔阻你，你慢慢同空氣講嘢我真心食唔落你鋪頭既食物條氣頂到上心口今時今日枱又笠痴痴成個埋都無其他職員係堂食位置現身大家自己決定

新年期間 華都好多yellow食店都放假上網搵到呢間所謂yellow食店即管入去試一試店舖完全冇service由比錢 到取餐 還餐盤都要自己做店員冇禮貌 枱面唔執 仲叫我地坐第二張咪得😓呢個牛肉蓋飯 一滴汁都冇 乾到爆啲飯係唔熟 非常硬牛肉普通 冇特別整體好差 完全唔想食 都食唔落去果片生菜唔知想點😓本以為胡麻烏冬係冷烏冬原來係熱食 胡麻醬加熱後 味道帶酸感覺似壞左😟食左兩啖都冇食了總結：價錢係唔貴 但用餐體驗非常差 店內衛生程度一般 店員冇禮貌 食物難食 可以不用試

咁嘅價錢、食D咁嘅嘢、飯又淋、牛排又韌、地方又窄、又要自己行入去買、自己行入去攞、食完仲要拎返個盤入去、真係痴晒線。牛肉烏冬、湯底又太濃、牛肉差啲咬唔到、唔信自己去試吓啦🤮

今日入屯門去藍地水塘，去之前要懲罰下黃店先，去左華都商場嘅一間小店，招牌菜係牛扒蓋飯同芝士漢堡飯，好有驚喜，所以要推介一下。餐廳採用自助形式，要自己去收銀點餐、取餐、還餐盤。芝士漢堡飯($80)成個拳頭咁厚嘅漢堡，攞餐嘅時候都嚇左一跳(明明餐牌影到正常size)，加埋流心芝士，最後連我都食唔哂😂份量真係好大牛扒蓋飯($76)牛扒煮得好淋，有啲咬口，肉質不錯，都幾高質。跟餐冇點飲品，附送紙包飲品2包。