牛站(駅)麻辣火鍋放題

营业中

休息中

呢一間放題通常都好多人排隊，今日終於都可以同朋友去食到，我哋就揀咗最貴嗰個餐，牛肉嘅質素同埋海鮮都比較多選擇，所以我哋就決定試吓🙈🙈 餐廳亦都有好多唔同嘅熟食同埋飲品，呢個價錢嚟講同佢真係唔算太貴，因為選擇真係非常多🙈 我哋都覺得今日去食得回本嘅🙈🙈餐廳嘅牛肉質素非常好，而且佢嘅油花分布平均絕對唔會太馬虎，牛肉入口亦都唔會太鞋，食得出本身貨源係唔差，而且味道都ok! 海鮮方面亦都有好多唔同嘅選擇，令我最吸引嘅地方係佢嘅蝦滑，非常爽口彈牙，我同朋友都叫多咗一次！另外亦都有鮑魚，呢一個價錢竟然有鮑魚食真係非常正！忍唔住食咗幾隻！啤酒任飲亦都係我同朋友最覺得抵飲，有我哋最鍾意嘅asahi同Sapporo! 非常正！🙈🙈

通常一諗唔到食咩，火鍋放題都一直係唔錯嘅選！品種選擇多，唔同口味人士都一定會揀選到自己鐘意嘅食物😋自助區包括前菜、蔬菜、麵食、飲品、甜品、醬料等，連小龍蝦都有～前菜放面我最推介麻辣魚皮，魚皮爽脆，麻麻辣辣，十分開胃！蔬菜有多款選擇，生菜、冰菜、水蓮、娃娃菜、萵荀、冬菇等，品種豐富。飲品方面推介白桃烏龍！甜品當然選擇好易回本嘅haagen dazs雪糕，仲有我最鍾意嘅夏威夷果仁味！正丫！牛肉類試了SRF美國極黑和牛片、美國安格斯牛板腱、封門柳和美國牛肩胛片！當中最推介SRF美國極黑和牛片& 美國牛肩胛片，SRF美國極黑和牛片大大片，牛味濃郁，一啖放入口，大滿足；而美國牛肩胛片肉質柔軟，油脂比例最好！海洋類試了脆鯇魚片、鮮甜沙白及鮮甜海蝦，呢三樣品質也不錯，值得一試！

打風就是想打邊爐牛站八號風都照開有任食最便$168食四小時之前介紹過我地唔係好好肉鍾意食菜同麵所以食lunch set就岩曬叫左四個$108 既牛set一人一個爐食75分鐘我地開左三個爐食食下都叫佢收多個兩個細爐都夠其實如果佢肯比我一個大爐會好好多唔洗擺到成枱野食左60分鐘都已經飽lu牛站幫襯左好多次由尖沙咀新開就幫襯不過講真尖沙咀最近去麻麻地觀塘上次食有不快經歷希望銅鑼灣keep到水準佢個set 牛既份量好夠湯底都好濃最喜歡蕃茄湯底自己再加車厘茄落去會甜好多

香港人真係好鍾意食火鍋放題, 這間專門店嘅銅鑼灣分店位於銅鑼灣廣場二期, 午市食客都好多。揀咗胡椒豬肚湯底, 香濃鮮甜, 味道濃郁, 豬肚肉厚有嚼勁。火鍋配料肉類食材好新鮮, SRF美國極黑和牛片、美國特級肩脾肉眼片、美國安格斯牛板 腱、美國牛肩胛片、封門柳等牛味濃郁, 肉質嫩滑。澳洲羊肉片、美國豬梅肉片 、西班牙豬五花片等香滑冇膻味。花雕酒雞翼酒香幼滑, 竹笙釀蝦滑和手打蝦滑口感爽脆彈牙。爽脆墨魚和脆鲩魚片好脆口, 台北鴨血夠滑滑。蔬菜款多又新鮮, 豆苗、油麥菜、唐生菜和西洋菜等, 加上粟米和蘿蔔, 都係火鍋必備。還有爆漿脆香嘅黑糖爆漿糍粑, 多款冰凍飲品、雪糕和雪條, 這道午市放題確是好豐富。

今日行銅鑼灣SOGO，睇到牛站都有銅鑼灣分店，咁一定要試試啦。晚市依然好full，唔想等位就book定曬位啦。青檸檸檬茶，宜家好火爆嘅飲品，檸檬茶做底伴有青檸香味，唔會覺得好酸，只會覺得好清爽。藥膳牛骨鍋，加咗大量牛骨同藥材煲制湯底，湯底飲落好清甜，還有好香藥膳味。前菜，前菜種類豐富，有爽脆魚皮，韓式泡菜等，最特別有酸蘿蔔，蘿蔔口感爽脆，酸甜惹味，開胃菜一流。牛肉，首推SRF美國極黑和牛，牛肉雪花分明，薄切食落口感更加軟嫩。豬五花，睇落好似好肥，其實一D都唔肥，食落反而好爽口。海鮮，有沙白，海蝦，脆皖魚片等，全部海鮮都很新鮮，海蝦彈牙爽口，沙白肉質飽滿嗦曬湯底鮮味。乳鴿皇，也是必點。乳鴿皮脆肉厚，食落爆曬汁水，一定要叫多幾隻才得。甜品，甜品勁豐富，有傳統嘅雪糕同蛋糕，竟然仲有爆穀，甜甜爆谷搭配埋哈根達斯雪糕簡直一流。

睇完食評之後，就同一班姊妹去試吓！果然冇輸，下午自助放題4小時！性價比高，食物質素好好，蔬菜新鮮，甜品款式雖然唔多，但係有Häagen-Dazs雪糕已經頂得晒，建議大家可以試吓平日下晝嚟食一個放題坐得舒服食得開心

等了兩小時，入了十幾張四人枱，都唔入一張2人枱。安排差，二人枱唔合比例的小。全城等二人枱等了1.5-2小時，反而4人枱一來就入，侍應若無其事，安排有問題。安排差到不得了👎🏻👎🏻👎🏻

一直無限encore呢間台式火鍋，真心高質抵食，$200鬆啲可以無限任食高質牛肉，佢海鮮嘅質素都好幾新鮮，小食同甜品喺出面自助區拎，款式都唔少，超吸引！鍋底除咗佢招牌嘅椰子雞同豬骨煲，會定期推出期間限定嘅款式，每次都可以試新湯底！-——————————————🥘◖SRF美國極黑和牛片套餐◗ $298今次試咗佢新推出嘅龍蝦頭鍋，清清地幾鮮甜，打邊爐一流！今期仲有台式酸辣鍋同胡椒豬肚鍋，夠曬特別，值得一試！呢個係宗價位嘅套餐，可以任食SRF美國極黑和牛片、美國安格斯牛、豚肉片、羊肉片，同埋多款海鮮，仲有任飲嘅清酒梅酒🍶！/肉類🥩SRF美國極黑和牛、美國安格斯牛板腱、美國肩胛肉、手切封門柳都可以瘋狂加，呢幾款牛味都香濃而且口感軟腍！/海鮮類🦐海鮮選擇都幾多：帆立貝、海蝦、沙白、脆肉鯇、海參同花膠，全部都好鮮甜！/小食🥟小食款式幾多，仲有少量炸物可以選擇，推薦燒乳鴿皇，入味又香脆！出面自助區仲有糖水、台式滷肉飯呢啲傳統台式美食，記得留返個胃食牛肉同海鮮！/甜品🍧甜品喺出面自助區自取，佢哋自家製嘅甜品，竟然仲有任食Häagen-Dazs雪糕💕，甜品質素都好高！🌟Encore指數：9.5/10

餐廳位於銅鑼灣二期好方便，已經再度二訪🤣一如既往有三款套餐，接近10款湯底選擇，有各種套餐選擇，分別美國精選牛套餐，美國極黑和牛套餐，特上牛小排🐮今次揀叼美國極黑和牛，肉質靚性價比高🤣上次喺其他分店試過蕃茄湯好食，今次試吓椰子雞湯味❣️🪄美國極黑和牛SRF、美國安格斯牛板腱、美國特級肩胛肉眼 個人推介極黑和牛😛肉質有油脂香，而牛板腱肉味多啲高質，其他配料仲有牛舌、封門柳等🪄其他火鍋配料台灣直送好似蛋餃，仲有烏冬、王子麵等等，各種菜類個人推介皇帝菜，仲有滷肉飯、小龍蝦🦞🪄飲品🍸提供3款較特別嘅酒類如燒酌清酒等，個人推薦自家製茶類，桂花烏龍冷泡茶，仲有各種台式飲品，鴻福堂支裝飲品🪄甜品🍧有 Haagen-Dazs杯裝已經值回票價🤣食多杯好快回本😎士多啤梨🍓最推薦，仲有其他甜品好似糯米糍，超級大滿足@beefstationcwb 🚩 牛站(駅)麻辣火鍋放題 (銅鑼灣)銅鑼灣駱克道463-483號銅鑼灣廣場二期11樓#addifoodie #addifoodie銅鑼灣#foodie #hongkongfood #香港美食 #吃喝好去處 #週末好去處 #goodfood #周圍食 #情侶美食 #H

之前朋友話牛站好正，有和牛食，小食/飲品選擇又多，最近終於帶我去食啦😋湯底好多選擇，貪心嘅我地直接揀個鴛鴦鍋，嗌左一個麻辣湯底一個椰子雞湯✨小食選擇都幾多款，朋友話一定要試下個乳鴿，又真系好好食，好夠味又好juicy😍 火煱材料可以自己掃code點，而丸類/菜類就可以出面bar枱自己夾～火煱主角當然有SRF美國極黑和牛片，一片超大塊，肉質好鮮紅，充滿雪花，仲要幾左幾round 都仲系keep住提供咁靚嘅肉, 讚啊👍🏻菜類好多款，仲有豆苗/羽衣甘藍呢D貴價菜，食材十分高質！飲品除左有紙包飲品，仲有樽裝冷泡茶，最驚喜系竟然有珍珠奶茶🤩超正啊！中意飲酒嘅話，亦都有sake, soju, 白酒等等，任均選擇！最後甜品一定吾可以錯過Hagen-Dazen 雪糕🍦口味仲有士多啤梨、朱古力、曲奇、焦糖😍D野食非常豐富，全程個口系咁食食食停吾到😆

香港有不少高質台式火鍋放題店，牛站麻辣火鍋放題就是人氣火鍋之一，120分鐘任食任飲，提供多款海鮮、乳鴿、和牛和火鍋配料小食超滿足，環境乾淨企理，坐位寬敞舒適，最岩和一大班朋友飲飲食食，咁多款美食一定夾到所有朋友既口味，真心誠實推介！龍蝦頭湯底火鍋必點！鍋入面真係有個龍蝦頭起個湯底入面，入口味道好鮮甜，和飲緊濃蝦湯一樣咁香濃咁好味～唔使額外再點調味料都好入味！美國安格斯牛板腱 牛肉油花分布平均，肉質較瘦，但鮮嫩多汁，中間透明的嫩筋口感Q彈有層次。必點美國牛肩胛片相比起和牛，佢嘅肉質比較堅實，有咬感，牛肉味香濃，都係必點！帆立貝帆立貝鮮嫩多汁，口感滑嫩，浸起龍蝦湯底一齊滾，鮮甜美味鮮甜沙白沙白肉汁鮮甜細膩，配上龍蝦湯底，食落口更鮮甜！手包蝦肉雲吞皮薄餡靚，內層包住超多蝦肉，蝦肉新鮮彈牙，必點！蛋餃蛋味香濃，入面包住爽滑既豬肉餡，好好食！青提燒酒充滿香甜嘅提子味燒酒，酒味比較淺，同一大班朋友一邊火鍋一邊飲酒，好正！芒果布甸芒果布甸軟滑，入面超多芒果肉，細細杯剛剛好，好美味芝士蛋糕芝士蛋糕入口面滑，上層加入咗香脆嘅曲奇脆粒，甜而不膩，我自己好鍾意，食咗三個👍榴槤糯米糍好少放題店提供，外皮口感煙

牛駅 - 240分鐘午市火鍋放題 今日嚟到銅鑼灣一間火鍋專門店，形式係all you can eat，足足有240分鐘，環境光猛，湯底款式多，仲有好多唔同嘅飲品、甜品，最勁嘅就係雪糕櫃，咩類型嘅雪糕都有。四個唔同價位嘅午市套餐，好似美國牛肩胛片、美國特級肩胛肉眼片、SRF美國極黑和牛片和特上牛小排套餐。SRF美國極黑和牛片套餐 $218+$48叫咗鴛鴦湯底，經典嘅香辣沙嗲同埋酸酸甜甜嘅蕃茄豬骨湯。最後記得留肚食返杯Häagen-Dazs雪糕！

哈根达斯任吃、有自制噶杨枝甘露，芋圆，奶茶，软雪糕，蔬菜很新鲜，不过冇乜嘢热食，牛肉噶品质都唔错，虾滑新鲜冇异味，服务态度都几好收碟好快，中午过去食足三个钟饱到路都行唔郁！

春夏秋冬四季都可以食火鍋🍲⋯⋯食物款式多、材料靚、任飲任食👍👍👍🍲椰子🥥雞鍋：椰子🥥味道夠香又清甜😊🐮美國極黑和牛：軟熟的牛肉，嫩滑好味😋🐮美國安格斯牛板腱：滑溜🐮美國牛肩胛：肉質嫩滑🐦燒乳鴿：炸得香脆不油膩👍🐟美顏花膠：養顏之寶😘🤎海參：矜貴海產✌️🐠脆肉鯇魚片：又爽又脆又鮮甜🍥帆立貝：新鮮好味😇🦑爽脆墨魚：咬落又爽又有口感😊🪹鮮甜沙白：肉嫩清甜😉🦐鮮甜海蝦：彈牙口感🥳🐷西班牙豬五花：我最愛吃，肉質嫩口😃🐷美國豬梅肉片：😛🥟台北燕餃：😁🥠手包蝦肉雲吞：食到好多蝦☺️🫔醬爆糍粑：香口外脆內醬爆，味道不太甜😋🍨🍮🍧🍦：甜品好正必吃👍———————-任食火鍋材料靚⋯留肚食甜品🍨🍧好正😜其實開心🥳簡單就在我身邊.食….拍…寫.. 已經成為我生活中的一部份鍾意食..鍾意拍.鍾意寫..留下美好回憶————————

每次心思思想打邊爐，就揀牛駅。除咗款式多，仲好鬼抵食。一個價錢前菜、牛肉、甜品、小食全部都出色！今次第一次去銅鑼灣分店，比旺角細啲，但人潮一樣咁多！平日6點幾開始滿座，真係好彩有訂枱。野飲都勁多選擇，酒鬼表示啤酒都好齊款好多味，另一邊仲有清酒白酒梅酒，當然無糖茶都好多，總有啱口味。火鍋就正常放題喇，勝在款多，上菜收菜又快，羊肉豬肉質素都好ok。自助區菜類都多，新鮮，refill快。甜品有勁多款，一件件嘅，定杯裝枝裝都有，好滿足。