牛站(駅)麻辣火鍋放題

营业中

休息中

深秋陰凉天氣最啱打邊爐，食埋牛肉無限追加，暖胃飽肚!作為牛站金會員，一定係揀牛站👍🏻點了$298位既SRF美國極黑和牛。用會員優惠點了鴛鴦鍋🩷重藥材香氣藥膳牛骨湯，另一邊係奶白清甜椰子雞湯，配菜放入個別湯底，美味程度更佳。食肉獸今晚主攻幾款牛部位，分別係🥓美國肩胛肉，質感帶爽有油香。焦點🥓黑毛和牛SRF，薄切湯灼尤其香軟嫩滑。仲有一款安格斯牛板腱肉紋細緻，口感爽脆，肉味較濃厚。西班牙豬五花、澳洲羊肉片都不俗，配藥膳牛骨鍋倍增滋味。牛舌，爽嫩田雞腿跟椰子雞湯最match💕花雕酒雞翼，浸透入味留酒香，手包蝦肉雲吞，蝦肉餡鮮味！台式火鍋有得飲珍珠奶茶🧋又有🍻Sapporo日本啤、清酒梅酒冷熱飲，韓國果汁汽水，特色樽仔冷泡茶飲，好豐富！海產類有花膠、海參、沙白、蝦🦐、脆鯇片點，全部放入椰子雞湯，沙白超嫩甜滑多汁，花膠海參煮透掛湯唔韌。配菜有廿多款，精挑我鍾意蔬菜丸餃拼盤，珍寶大魚蛋、岩燒鱆魚丸餡料流心，蛋餃皮滑蛋香濃、台灣米血糕、油豆腐串係必食添食首選。香口炸物有金黃饅頭、脆口炸魚皮、響鈴卷、午餐肉湯煮邪惡又好食！熱食選擇有麻辣小龍蝦、爽脆藤椒魚皮，落單點乳鴿BB，烤得咸香油潤！甜品櫃選擇太多

11月1日揾食肥華和靚媽及細仔仔，到此店，食佢嘅午餐任食，火煱放題，入座睇過菜單。覺得此店最貴嗰個，任食餐，雖然多咗幾款牛肉及海鮮選擇，但靚媽及細仔仔，為咗幫肥華慳錢，所以今餐肥華三人，一致决定選擇食此店，嗰個收費最平嘅壹號餐，咁肥華又慳返幾佰蚊，真開心。雖然此餐肉類，祇得一款牛肉及一款豬肉選擇，但兩者質素極佳，都有B級評分質素，加上其他，自點及自攞嘅，其他食物和有4小時，用饍時間，此店呢個壹號火煱，任食放題餐，可說超值，難怪此店日日爆掤，必須提早多日前致電此店，方可訂到位，此餐值！👍👍👍👍👍👍😋😋😋

天氣漸降🥶又係時候打邊爐🍲牛駅係一間火鍋放題 環境光鮮乾淨企理主要有三款套餐 我地今次揀左SRF美國極黑和牛片套餐$298一位呢個套餐有海鮮選擇 推薦海蝦同脆肉鯇片新鮮之餘脆肉鯇片嫩滑爽口 好滋味.火鍋湯底又好多選擇 有辣有唔辣 仲可以鴛鴦鍋而我地揀清甜椰子雞鍋同香濃蕃茄豬骨2個湯底都相當唔錯👍🏻見到好足料椰子🥥好香好清甜.自取區選擇豐富 有不同蔬菜🥬·丸類·生果等等熟食區有麻辣小龍蝦🦞炸物區推薦響鈴卷同炸午餐肉😋😋調味料區一應俱全 該有的都有 飲品區推薦自家製茶飲 見到枱枱都必拎選擇多到食唔哂🫨.最後當然唔小得甜品西式中式都有估唔到有哈根大師雪糕🤩🤩真係好滿足捧住個肚走😜

我平時都唔寫食評，你話我今次幾嬲幾失望，要特登嚟打千字文！🙂‍↔️原本係因為牛大人成日book咗枱都要等兩粒鐘，所以之後轉食質素同服務都唔錯嘅牛站，但係估唔到今次經歷令我對呢間火鍋店有少少卻步。事緣早兩日已book咗星期六(26/10）晚上七點，四位，為我喺台灣嚟嘅朋友洗塵。始料未及係亞太中心𨋢太多人等太慢，令到我哋過咗五分鐘hold枱時間，張枱俾咗第二班客人。唔緊要嘅，最後我哋十五分鐘後(即七點四）先入到座，牛站已表明九點就交枱，即不足兩小時。算，都唔拗，本來食嘢都開開心心，但係喺我哋仲諗住伸手夾埋啲菜埋尾之際，突然有一位面無表情嘅女侍應(冬姑頭戴眼镜)，口唸著「9:00夠鐘交枱」，同時伸手就拎起個滾燙嘅煲就走，嚇到我哋呆咗。之後佢再返埋嚟繼續收拾我哋枱上嘅食物，包括熟食，我哋已經忍唔到話佢，其實你收枱可以態度好少少，你係可以十分鐘前提醒客人要交枱，而唔係一嚟就拎起個煲，如果我哋夾緊嘢，你突然衝過嚟拎起個煲，我哋縮唔切，啲滾湯潑落去我哋度，邊個負責？但係個女侍應繼續面無表情好唔情願，語氣好晦氣咁話：「我哋後面仲有客等緊，已經鬧緊我哋」，我哋心諗你後面有客要急住翻枱，都唔係咁樣對上一枱客

轉季了，當然我最喜歡就是吃麻辣火鍋你沒有聽錯，才200多元一位就可以午市任飲任吃4小時，中午12點已好多人而300多的分別就是特上牛小排、黑和牛澳洲M5和牛，另有海鮮有海蝦、鮑魚、帆立貝、美顏花膠、海參等 今次，我和媽還想便宜些，吃中等級數200多元一位可享用美國極黑和牛片、美國安格斯牛板健、西班牙豬五花片連我媽咪都覺得好便宜又好吃四小時多，我絕對可以邊吃邊慢慢傾偈我都明白打工仔，喺午市好趕時間有機會當然要放慢吃，這裡外出食物種類多當然我是主力吃貴牛肉🐮🐮🐮🐮🐮 火煱湯底方面我點了鴛鴦湯底🌶️🌶️我點了胡椒豬肚湯及bb辣牛站秘製麻辣鍋我覺得這個辣度是中辣🌶️🌶️🌶️如去走花椒，再加多少少湯還可以減辣身為麻辣控的我，不太喜歡沾醬油我還是喜歡有麻辣湯拌的食材🐮🐷🐑令人真正品嚐到麻辣鲜香，唇齒留辣香吃到要流鼻水，又飲凍飲才會覺得暢快大家不妨外出取啤酒、清酒 由於外出散買優質凍肉，實在太貴了我就特別喜歡美國極黑和牛片好肉嫩又重牛肉味，但不要灼過籠另外我推介食脆鯇魚片，級數達到脆肉鯇不腥，完全沒有骨，又爽又彈牙!其實我才不喜歡吃魚，除貴價海魚外🙊但突然之間愛上了去吃鯇魚 而花雕酒雞翼我就放在豬肚湯去灼可以

食物，湯底個啲基本上冇問題，仲幾好，但係夠鐘個陣不停催客走，前後講左起碼3次，仲要每次相隔大概只有1分鐘，理解可能大家想早收工，但重點係後面仲有場，同埋唔多客等緊…..正常後面唔多客係唔會點催客走，但係哩間真係….我係食觀塘店，唔個其他3間會唔會都有同樣情況🥹

今日上training 2點先要番就約咗朋友喺附近打邊爐11點50分去到 已經排晒長龍 12點準時入席開爐我哋今日揀咗2號餐美國特級肩胛肉眼湯底要咗鴛鴦湯底 （另加48蚊）椰子雞湯 × 蕃茄豬骨湯椰子雞湯好香椰子味 幾清甜蕃茄豬骨湯落足料每碟肉份量適中紅潤新鮮嘅肉色 脂肪含量均勻適中 牛味濃郁油花豐富 口感軟腍而出面自助區嘅選擇簡直花多眼亂連嘢飲櫃都佔咗成幅牆咁闊熟食炸物都幾吸引最吸引係個甜品櫃 雪糕雪條蛋糕樣樣齊咁嘅價錢可以食4個鐘 超值大家都去試吓啦

去觀塘牛站SRF肩胛肉眼 餐，每人$298性價比高！鴛鴦鍋簡左清甜椰子雞鍋，好清甜～及台式香辣鍋，好惹味微微辣！牛肉有好多款，我最like SRF 美國極黑和牛，，美國牛肩胛片,安格斯牛板腱，肉質好腍，顏色睇落好新鮮，豬肉，雞肉🍗！連海鮮🦞都可以任叫任叫～～～脆鯇魚片好爽甜！鮮大蝦，白沙，扇貝等等☝️又大件又新鮮！熟食小龍蝦🦞仲有必食燒乳鴿，芝麻雞翼，外面香膽，入面肉質嫩滑！雲吞內有大大件蝦。甜品都好多款 ，有麻糬 有雪糕有Häagen-Dazs，台式仙草芋圓，椰汁鮮奶雪燕等等～任飲可樂，紙包，罐裝啤酒🍻，連珍珠奶茶都有！好誇張！餐廳：🤩牛站(駅)麻辣火鍋放題 (觀塘)📌地址：觀塘觀塘道414號1亞太中心6樓

打邊爐，最好…- 任食，唔使就住就住- 有靚牛、靚海鮮- 二百幾蚊搞得掂😂觀塘呢間牛站(駅)，就滿足到以上願望。之前食過已經覺得非常好，今次再嚟睇吓有冇驚喜。佢嘅火鍋放題分三價錢，今次是一個中間嘅“SRF極黑美國和牛片” set，平日$298一位。如果7:30pm前離座仲可以$258一位！湯底我哋揀咗龍蝦頭鍋併胡椒豬肚鍋(雙併+$48)。龍蝦頭鍋除咗龍蝦味，洋蔥味亦相當鮮甜。胡椒豬肚更加係出色，胡椒味非常重。SRF極黑美國和牛片 - 牛味好濃，同時有嚼口，但唔會好韌，用嚟打邊爐一流。其他種類嘅牛、豬、羊都有水準。特別要講吓醉雞，難得浸完湯都仲有非常重嘅醉雞味。海鮮 - 有沙白/海蝦/海參/花膠/帆立貝/墨魚，選擇豐富。當中海參同墨魚最出色，我哋叫咗好幾轉😅。其他配料方面，最特別嘅有，田雞腳😂😂，魔芋肚片、素毛肚，仲有鵪鶉蛋，呢啲都係其他地方比較少見，而且係相當好食。其實外面仲有好多嘢夾，例如麻辣小龍蝦，但根本食唔到咁多😅。嘢飲仲誇張，樽裝茶已經係基本，居然有鴨屎香檸檬茶。另外仲有珍珠奶茶，大量罐裝紙包飲品，冷熱都有。仲未夠？仲可以斟清酒梅酒，椰青汁等等，太誇張了。甜品當然都唔輸蝕，雪糕

👧🏻😋👅🍽✨大快朵頤好去處☺️-🐮 牛站出名多元化, 除左牛肉邊爐仲有多款熟食小食, Re-U之選個個都啱食, 連清酒梅酒啤酒都任飲🐮 每個weekend都見到係咁係社交平台story見到牛站個鍋底, 但我地次次都平日去冇咁多人仲平$10😁-😋😋😋晚市放題大滿足 SRF美國極黑和牛片 $298/位✔️肉類 ✔️海鮮 ✔️炸物 ✔️自助吧✔️甜品 ✔️飲品-🦐 海鮮💯海蝦爽口好鮮甜, 脆鯇片爽脆彈牙, 海蔘有滿滿膠原-🥩 肉類✨和牛SRF係$298餐精粹, 每碟得2-3塊, 所以次次都叫一棟😂 油香軟滑勁正✨其他肉類例如封門柳, 牛脷, 羊肉, 豚肉等等都好高質, 不過都係狂encore和牛一碟碟車落去更爽😆-🕊 熟食/蔬菜💯乳鴿既地位拍得住和牛, 即叫即燒出餐時間預耐少少, 但兩個鐘都食到3-4轉, 多肉又多汁出色! 💯蔬菜方面推薦冰菜, 素毛肚, 蛋餃, 魚皮-🍰 甜品✨紅糖糍粑熱辣辣爆晒漿又唔會太甜, 粉團煙韌唔太滯; 仲有haagendaz杯裝雪糕任食✨細細件巴斯克蛋糕好出色, 軟滑好香芝士味; 大福有幾款口味朱古力最正

［📍 觀塘｜牛站（駅）麻辣火鍋放題 ］位於觀塘亞太中心既牛駅非常出名，120分鐘任飲任食，今次叫左美國極黑和牛套餐性價比最高，而且員工服務態度非常好，真係食得滿足又舒服。一黎到見到自助區已經好多野食，菜類品種好多，值得推介既係豆苗，勁新鮮，綠油油咁。仲有勁大條既蟹柳、超級多唔同款式既丸類、甜品、冷熱飲品、仲有新鮮熱辣既響鈴同埋炸饅頭、熟食仲有肉燥飯同埋小龍蝦等等。打邊爐最緊要係個湯底，叫咗牛駅秘製麻辣鍋同埋香濃蕃茄豬骨湯，麻辣鍋好足料叫咗小辣都有啲頂唔住，另外一個唔辣嘅蕃茄豬骨湯，香濃嘅蕃茄味帶出食材嘅鮮味，絕配。美國極黑和牛套餐嘅牛肉，分別係有美國極黑和牛、美國安格斯牛板腱同埋美國肩胛肉，呢三款牛已經絕對夠食，鍾意有油香、牛味嘅或者入口即溶既，啲三款已經滿足晒所有要求。另外仲想推介佢嘅熟食，佢嘅乳鴿非常之出色，十分Juicy，佢嘅芝麻雞翼炸得好香脆，咬落仲有好多汁。人均298，任飲任食兩小時，性價比真係好高。

今晚同幾位朋友去左觀塘道亞太中心既牛站（駅）。呢度環境寬敞舒適，非常適合大班人打邊爐聚餐。牛站既火鍋材料選擇多樣，安格斯牛板腱、封門柳、牛肩胛片等多款肥牛片源源不絕供應，仲有特別Ｄ既SRF美國極黑和牛片，口感特別嫩滑，完全滿足我們幾個「牛魔王」既需求。除咗牛肉，仲有美國豬梅肉片和西班牙五花片，海鮮方面則有海蝦、花膠和帆立貝，每款都好鮮味。鍋底方面，我們揀咗冬瓜瑤柱豬骨鍋配龍蝦頭既鴛鴦鍋，咁樣可以滿足不同口味既需求。自助區提供了很多火鍋配料，任取任食。在開鍋前，我們就已經開始起筷，冷盤，炸物食左一轉。甜品特別受小朋友歡迎既自製軟雪糕，是一個亮點，其中一位朋友狂吃左四杯芋圓，超搞笑。如果你想同朋友共度愉快的時光，牛站都係一個唔錯既選擇！

香港無人不曉邊爐放題，明明個名叫麻辣火鍋，但見好少人叫麻辣湯底，已變咗出名多元化，有火鍋之餘仲有多款海鮮、熟食、新鮮蔬菜、甜品，重點有得任飲清酒、梅酒、啤酒、叫中間$298一位個餐有和牛已經超滿足，不過坐跟住房見到一碟碟生蠔拎出嚟，有啲心郁郁下次想試吓最貴個餐！四至六人都會比卡位，坐得闊落舒適，樓底又夠高抽風好好，打咗兩個鐘邊爐都唔會成身火鍋味。今次發現咗兩個隱藏食法推介俾大家，第一係用牛肉包住XO醬，個醬唔會好鹹好辣，但好香蝦味，用牛肉包住口感一流必試🤩 第二個隱藏食法係將甜品櫃入面最好食嘅巴斯克蛋糕放落原雪糕，不起一半雪糕一半蛋糕咁食，口感綿滑又加上芝士味勁香。大家試咗可以俾返Credit我，我真係最偉大嘅發明家😎🫡

幾個朋友聚餐，任食火鍋係我地首選，相約在觀塘道亞太中心6樓嘅牛站，晚上六點半已幾乎滿座，今日選中間嘅2號餐，再揀冬瓜瑤柱豬骨鍋及龍蝦頭鍋。豬骨鍋有冬瓜同大大件豬骨比較清甜，龍蝦頭鍋有成隻龍蝦頭，越滾越香濃。🤩可選4款牛，美國極黑和牛片，安格斯牛板腱，封門柳同牛肩胛片，有牛味濃有軟滑，各有優點，除咗牛肉外豬梅肉片我覺得係幾好食，肉味濃又腍，一啲都唔梅。🤣帆立貝、海蝦、田雞腿、花膠、海蔘脆鯇魚片，仲有爽脆墨魚都好食，燒乳鴿皇好嫩滑即叫即炸。自助區有多款飲品，甜品，名牌雪糕同樣任飲任食，有很多火鍋配料，丸類，蔬菜，涼拌小食。選擇之多一次係食唔晒，我地幾個都食得好滿足。

平時放題食唔少😆但係打邊爐嘅放題都未算係成日食🙂‍↕️前日慶祝朋友生日預約咗呢間牛站貪佢可以坐足兩個鐘 肉類又多選擇🥩搭𨋢上到去一打開門已經有起碼20個人排緊隊好彩有預約😎同接待處講完之後直接帶位入去完全展示咗預約嘅重要性😆😆打邊爐每一間都大同小異呢間比較特別嘅係有好多多款台式小食可以揀啱晒一班人有人怕熱氣就可以去到喪食芋圓🤣不過其實呢間嘅重點都係佢嘅台式湯底🍲我自己最鍾意係椰子雞湯💕加埋打邊爐嘅配料、去自助區攞多啲蔬菜越煲越濃🫶