牛站(駅)麻辣火鍋放題

营业中

休息中

-🔸SRF美國特級肩胛肉眼片 $258/位-收工見天氣涼浸浸，就同男朋友去打邊爐，見亞太中心開咗牛駅未食過，就嘗嘗鮮啦！我哋揀咗中間價位嘅餐，食足120分鐘價錢合理。餐廳地方闊落，二人枱都唔會太逼冇位擺配菜，除咗QR code落部分食物之外，仲有超大嘅自助區任拎任食！先揀湯底，我哋揀咗清甜椰子雞湯，下次再嚟試吓期間限定嘅滋潤雪梨蘋果豬骨湯先～牛肉大大塊唔會碎濕濕，而且新鮮肥瘦均勻又有牛味，豬五花肉都好正！仲有唔同嘅前菜、熟食、火鍋配料、飲品同甜品！食到捧住個肚仔走～

🔺SRF美國特級肩胛肉眼片 120分鐘放題$288/298 一位之前去過尖沙咀分店吃，當時已經覺得環境光猛，店鋪很大坐位寬敞。這次去觀塘新店面積更大，而且自助區一目瞭然，拿東西都十分方便湯底選擇了新推出的滋潤雪梨蘋果豬骨鍋配喇沙海鮮鍋。豬骨鍋有大大塊豬骨，還有很多養生材料例如蘋果、雪梨、紅棗和杞子，喝下去真的甜甜的，令火鍋吃起來更舒服也更凸顯食材本身的鮮味。喇沙鍋非常濃味，香料味濃又不會太重椰子味，非常開胃中價位的火鍋套餐包羅萬有，當中果然特級肩胛肉眼偏最好吃 - 牛肉味重，牛肉呈雪花紋理又不會過肥。一定要輕輕煮至剛熟，不然一久了就會過老馬上沒有那麼好吃海鮮類非常多，除了套餐包的帆立貝、青口和白鱔，還有海蝦、沙白和墨魚仔等，最適合我這些少吃紅肉的人士。各款海鮮都十分新鮮，海峽超級大隻又肥美有鮮甜；帆立貝還有裙邊；十分超值。自助區有前菜區 - 蘿蔔泡菜、中華沙律、喬頭、麻辣豬耳、味付螺肉和酒醉雞翼尖，有齊中日韓風味炸物區也很吸引 - 炸芋頭、炸午餐肉和油炸鬼是沾湯必備；還有魚皮和響鈴完全不用擔心不夠火鍋當然少不了配料 - 菜類本身已經有一個counter十分棒🤩最特別有冰菜，爽脆的很好吃

這一間是如果 BB要坐BB chair 係需要都計人頭的餐廳, 帶位小姐話 2位咪2人位, 3位咪4人台(全程無望過人)極道無禮貌!無服務可言,未入去已經見到好大煙,環境亂

原來牛站(駅)麻辣火鍋放題喺觀塘開咗新分店！新店更加寬敞舒適，自助區比尖沙咀選擇更多~ 又夠大~ 涼盤，炸物，火鍋配料，蔬菜，粉面，飲品，甜品，應有盡有💕 涼盤必叫中華沙律，酸蘿蔔，醉雞翼尖大隻皮Q彈，又夠入味👍🏻我揀咗藥膳牛骨鍋，湯底好足料，有幾舊大大嘅牛骨同埋好多黨參、當歸、紅棗、杞子，味道鹹鮮回甘~ 揀完湯就可以係QR code無限添加火鍋配料😍美國肩胛肉，美國極黑和牛，牛味濃郁，薄切口感佳👍🏻 海鮮質素幾好，沙白蜆極鮮甜，冇沙。大蝦好新鮮，蝦肉爽口鮮甜👍🏻 青口，帶子，白鱔都好推薦😃 蔬菜方面有冰菜，皇帝菜，唐生菜，油麥菜等等都幾新鮮😍 冬菇金菇蟲草花放落湯底一齊煮，令湯底更加濃郁香甜～ 連日本雞蛋鵪鶉蛋都有～好少可飲品有自家製嘅珍珠奶茶，茶味濃郁奶茶香滑～👍🏻👍🏻 想拎第二杯時已經俾人拎晒了🥹睇嚟幾受歡迎～甜品有自己斟嘅軟雪糕，有雲呢拿味同芒果味，芒果口味酸酸甜甜不過不失，隔離有一大堆軟糖可以夾😍 之後我仲拎咗一碗芋圓，煙煙韌韌最鍾意食😍😍

。今個星期 到底帶屋企人食咩好呢😍，今次我哋嚟到觀塘 見到一間新開嘅由台灣過黎既火鍋店「牛駅」麻辣火鍋店，呢間係新店開張、任飲任食120分鐘😘，而且座位非常之闊落坐得舒服,呢間嘅自助區比尖沙咀嗰間大好多😍😍-我哋今次揀選嘅喺SRF美國特級凢肩胛肉眼片$ 288，首先我哋揀咗個湯底先、今次我哋揀咗椰子雞火鍋湯底，聞到都幾香椰子味-佢啲舖頭有好多唔同嘅嘢食，前菜小食都有一大堆🙈花多眼亂都唔知食咩好，飲品方面亦有好多唔同嘅茶/清酒白酒/汽水/啤酒/果汁等等❤️-配料方面，應有盡有，有丸類，菜類，餃類，好多台灣嘅配料❤️-啲肉嘅種類，亦都有好多，質素令我哋都相當滿意，特別鍾意食佢地既肉眼片，肥瘦適中，而且都幾重牛味 ，另外都海鮮，亦都有好多種類 有帆立貝 沙白，蝦，花膠，白鱔等等，質素亦都非常之新鮮-最後都介紹佢哋嘅甜品種類 雖然最後我哋已經冇位可以食到甜品 佢哋有雪糕雪條 仙草椰果 同埋芋圓等等，真係💯💯-

之前食過尖沙咀分店，今次見原來觀塘開咗間新嘅分店仲要喺亞太中心好近!!好方便，地點好有優勢😚上到去已經有落地大玻璃，對住凱滙!!望住觀塘住宅區，好有本土特色!!而且坐位比較多，感覺上大尖沙咀好多！新店感覺上比尖沙咀個邊更寬敞舒適👍🏼好快就行咗一圈，睇吓有咩食！自助區同時比尖沙咀更多選擇更大👍🏼👍🏼出面有好多丸同菜，啲丸一啲都唔cheap!有芋泥貢，咸蛋黃醬丸好有特色!!!而菜，就竟然有貴價嘅皇帝菜同紫色羽衣甘藍😍普通嘅生菜，油麥菜都有！！另外一邊有一大排飲品櫃，有ashai 🥰同自家製茶，今晚飲咗2枝桂花烏龍，好夠味好香！最正係竟然有珍珠奶茶🤩仲要係好飲㗎😍😍😍仲有甜品櫃雪糕櫃😍雪糕竟然唔係雀巢，而係香港freshly made gelato!!今晚實測咗黑芝麻味(勁似食緊芝麻糊)同朱古力(勁濃，同時有人覺得回甘，苦，但極好食!!朱古力控一定要試)🤭用QR code落完單，好快啲野食就到，又快又齊！美國極黑和牛叫咗4次，次次都係好靚仔，肥瘦均勻，滾完唔會好鞋👍🏼👍🏼巴西牛脷好有咬口唔錯！另外一定要提係小食，係QRcode入面一定要叫小食🤭有紅糖糍粑，醉雞卷，泡椒魚皮都係我嘅fav !!

天氣又突然轉涼，呢種天氣岩晒去食返個火鍋啦🙈。今日黎到位於觀塘亞太中心6樓嘅牛駅。呢間餐廳係主打台式火鍋，適逢台灣開放返旅行，依家就首先起香港過下口癮先😋。。我地食嘅係2號SRF美國特級肩胛肉眼片套餐。除左肩胛肉眼片之外，仲有西班牙豬五花片、帶子、金錢肚等等😝。。另外湯底叫咗椰子雞鍋，椰子味都幾重，味道尚算可以👍🏻。餐廳嘅自助吧枱都好豐富，五花八門，有生果亦都有其他各種熟食，另外魚皮同埋響鈴都可以喺自助吧枱度見到😁。而飲品亦都有好多選擇，其中好特別嘅係有好似外面飲料店嗰種珍珠奶茶包裝。整體而言，CP值幾高，值得一食🙈。。牛站（駅）麻辣火鍋放題 (觀塘)觀塘觀塘道414號1亞太中心6樓。最高為（5/5）味道⭐⭐⭐⭐⭐價錢⭐⭐⭐⭐⭐環境⭐⭐⭐⭐⭐服務⭐⭐⭐⭐⭐推薦星數⭐⭐⭐⭐⭐。#hkfood#hkfoodie#hkfoodbloggger#hkfoodblog#hkrestaurant#foodphotography#openricehk#foodpic#foodporn#picoftheday#instafood#topcitybiteshk#hkig#foodie#foodgasm食

餐廳環境好大，火鍋配料、小食、飲品、甜品等等亦都比尖沙咀分店多選擇，仲有珍珠奶茶飲，不得不說，今次同屋企人、朋友一行四人去食，剩係肉都食咗40碟牛肉及2碟豬肉，戰鬥力真係十足。*此餐廳收取加一服務費。SRF美國特級肩胛肉眼片特約120分鐘放題公眾假期21:00入座（兩人$536），SRF美國特級肩胛肉眼片，牛味濃厚，略嫌太大塊肉，要咬耐少少。美國牛肩胛片（跟餐$0），食落好新鮮，個人最鍾意依款肉。美國豬梅肉片（跟餐$0），肉質嫩滑，肉味厚重。美顏花膠竹絲雞鍋（跟餐$0），好足料，內有半隻竹絲雞、花膠、紅棗、杞子，味道清甜。鉛筆菇（跟餐$0），外型可愛，但食落菇味偏淡。紫羽衣甘藍（跟餐$0），比較少見。麻辣小龍蝦（跟餐$0），辣度7.5分，麻辣兼備，食落好入味，蝦膏飽滿，但唔知係咪觀塘嘅食客同尖沙咀嘅食客喜好好唔同，之前去尖沙咀食，D小龍蝦係會去到餐廳嗰陣已經沽清曬，但觀塘依間嘅小龍蝦唔知係咪因為無乜人攞，所以D小龍蝦被加熱得太耐，而肉質比之前食嘅較霉少少。3.6牛乳布甸（跟餐$0），口感滑溜，入口即化，牛乳味道醇厚，但略嫌佢同我喺尖沙咀分店嘅唔同，依度嘅牛乳布甸有加入煉奶調味，令到布甸

天氣凍凍地，就去左觀塘打邊爐，地方及座位較尖沙咀分店更寬敞舒適，另外自助區選擇亦會更多選擇更豐富，今次叫左SRF美國極黑肩胛肉眼餐$298，有多款牛肉及海鮮任食牛站秘製麻辣鍋湯底味道麻麻辣辣，辣得好過癮，喜歡食辣嘅朋友一定鍾意肉類SRF美國極黑和牛，牛肉味道香濃，食落有嚼口美國肩胛肉，雪花均勻，入口軟淋海鮮有蝦、青口、沙白、墨魚仔等，蝦味道鮮甜，食落彈牙火鍋配料有水魷魚、炸魚皮、響鈴、蟹棒、魚肚、丸類及蔬菜類等，響鈴放麻辣湯底吸哂湯汁，味道濃郁惹味自助區選擇比尖沙咀更多而且更大，當中有冷盤前菜，如有：麻辣豬脷、醉雞翼尖、中華沙律、泡菜蘿蔔等選擇，食下開胃前菜，感覺都唔錯甜品醬爆糍粑食落幾特別，味道甜甜地，口感煙煙韌韌，另外仲有多款雪糕任食

📍牛站-#5🫶🏻係最高 環境：🫶🏻🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-今次試左晚市嘅SRF肩胛肉眼套餐-$248湯底叫左胡椒豬肚湯 好重胡椒味 而且會越煮越辣 都幾惹味店舖會用QR code落單 佢嘅小食除咗出面嘅選擇 仲有手機點嘅泡椒涼皮同埋醉雞捲 呢兩款小菜都意地好食 魚皮好爽口 而且好有泡椒味 醉雞卷酒味適中肉方面有3款選擇 個人認為美國肩胛肉係最好食嘅 都幾滑 出面嘅菜類都有好多選擇 仲有麻辣小龍蝦 紅糖糍粑等等晚市嘅用餐時間係兩小時 甜品有雪糕雪條 仲有蛋糕等 飲品方面有好多選擇 有唔同嘅無糖茶 仲有酒任飲

諗唔到食咩...最好就係打邊爐啦知道觀塘開咗分店坐位寬敞舒適，自助區比尖沙咀更多選擇即場做埋會員，埋單仲有9折，超抵食除咗有其他丸類．蔬菜火鍋配料仲劃分了熱食．大量冷/熱飲品．水果．甜品區雪糕櫃好誇張，便利店無嘅款式，呢度都有兩款新推出嘅鍋底我地揀咗<美顏花膠竹絲雞>竹絲雞最啱用嚟做湯底，唔會好油膩仲有紅棗．杞子．桂圓，湯底愈滾愈甜，唔加醬料都好滋味下次要試埋 <滋潤雪梨蘋果豬骨鍋>特別鍾情食 肩胛肉，肉質嫩腍，追加咗幾轉配料好新鮮呢度嘅鴨血勁好食，幼滑得嚟又有煙靭嘅口感難得遇上 西瓜雪條．今餐滿足又滿足

🔹️牛站（駅）麻辣火鍋放題🔹️觀塘分店設計好時尚，落地大玻璃窗既可以透光，又可以觀看觀塘既街景，看著現時觀塘既改變，空間感大，位與位置之間好寬闊，唔會有種壓迫感。剛好二月最凍個幾日係打邊爐既好日子👍來一場暖粒粒既邊爐真係最好不過當日選擇左中等價位$178/位，+$48可以選擇左鴛鴦鍋，分別點左【雪梨蘋果豬骨湯】岩晒呢種忽冷忽熱既天氣，清甜滋潤健脾開胃。【花膠竹絲雞鍋】滋陰養顏，岩晒女士飲用☺️QRCode落單好方便，送餐效率好高，乾淨快捷，職員見到我迷惘既眼神都會主動協助😂美國肩胛肉及美國特級肩胛肉眼油脂豐富，肉質嫩滑，同朋友都不斷Encore自助區比尖沙咀分店更多選擇，更大自助區有好幾款食物可以自取，有沙律、冷盤、生果、丸類、菜類、冷麵類，特別係食台式火鍋必食既王子麵😊 仲有一個小小炸物區🥢有炸午餐肉、炸響鈴、油炸鬼、炸魚皮(大推👍)甜品區及雪糕區真係唔可以錯過，要食翻幾份做完滿既結尾

今晚帶左屋企人去觀塘新開分店食牛站麻辣火鍋，任食2個半鐘，時間岩岩好，又唔會好趕😂 餐廳環境比我想像中大！而且食物選擇都比想像中多，套餐有幾個，人均$248起。我地揀左貴小小果個，一人$298+，但牛既質素真係一分錢 一分貨，貴小小我認為值得比的！加上同行有男仔，佢食左好多😝 所以更加著數哈哈！首先餐廳分左自助飲品吧，都係基本飲品/茶🍵 你想飲既都有。其次有自助調味料吧同埋自助甜品區，有乳酪又有豆腐花同埋一啲細嘅蛋糕仔。之後重頭戲係自助食品區，推薦大家去拎佢哋嘅王子麵，呢個棉喺台灣好出名的，加埋火鍋嘅湯底非常入味！同埋麵質好煙靭。食物選擇都多，有魚肚，有豬血糕，芝士餃魚皮餃，各式各類嘅丸同埋翡翠苗，白蘿蔔等等，應有盡有，都幾豐富架！之後落單既可以選擇海鮮，有海蝦同青口等等。牛揀左SRF美國特級，食落都好滑唔鞋，易咬開，feel到係新鮮靚牛。至於湯底係我地最愛既花膠竹絲雞，清甜好味😋 性價比真係好高！

觀塘都開咗牛駅呀，環境仲要比尖沙咀分店更大更舒服☺️作為九龍中嘅朋友，梗係兩間都要食啦。佢嘅湯底選擇好多，幾樣都想試，不過朋友唔食得辣，所以叫咗椰子雞同花膠雞，鴛鴦鍋另外加$48，不過經驗話我知椰子雞淥菜會甜啲好味啲☺️我哋揀咗午餐中間嗰款肉嘅放題，有美國特級肉眼，2個鐘任食，每人都係$178咋，好抵。肉眼嘅質素唔錯，偏瘦，有牛味，易入口。想食肥少少嘅可以揀牛肩胛片。除咗牛，當然唔少得豬同雞，仲有金錢肚同埋豬大腸，呢兩樣真係有驚喜，好好味喎😆除咗肉，呢度最正係有好多蔬菜同小食，前菜就已經有泡菜蘿蔔、帶子裙邊、中華沙律等等。仲有滷肉飯、台灣腸、午餐肉。。真係好多選擇。蔬菜更加有我未食過嘅紫色羽衣甘藍，當然仲有翡翠苗、紫蘿蔔、蟲草花、皇帝菜。。。仲有好多丸，真係齋食菜都可以食飽😂午市兩個鐘都好夠食，佢嘅爐滾得好快，頭半個鐘食肉，之後食菜，最後食埋甜品同雪糕，滿足☺️

呢間台式火鍋放題係由同事推介，全層地方好大，環境光猛企理，自助區都井井有條，卡位坐得好舒服，適合一班朋友去滾😜按套餐可以任食唔同級數既肉類，我揀既係$288「SRF美國特級肩胛肉眼片」套餐，試勻豬牛羊雞，最鐘意係美國牛肩胛片，切得夠薄，入口有好香油脂味；套餐仲包括埋白鱔,帆立貝同沙白，款款都鮮味十足！台式火鍋主打麻辣同養生湯底，養生既我揀左美顏花膠竹絲雞，喺食到尾聲時花膠同烏雞都煮得好稔，食落花膠有好重膠質既感覺，夾開一絲絲既雞肉好結實，配料仲有紅棗桂圓啲菜索完湯汁變得甜絲絲，推介爽口又罕見既冰菜同紫色羽衣甘藍自助區有唔少特色丸類，一定要試哈哈笑表情既咸蛋流心丸同台灣風味既芋泥貢丸！餡又鹹又甜咁好惹味！小食，甜品同飲品都有好多選擇自家製冷泡茶係健康之選嚟打邊爐無諗過竟然遇到出色既台式肉燥飯，肉燥調味好香，粒粒香口既肥肉配埋白飯，簡直搶曬focus！最後以甜品作結，軟雪糕機可以整雲呢嗱+芒果扭紋雪糕，雪糕有好重奶香，表面可以DIY加上軟糖；糍粑口感似較硬身既糯米糍，咬開中間暖暖既黑糖流出嚟，飽腹感十足