牛站(駅)麻辣火鍋放題

营业中

休息中

被朋友推薦了尖沙咀這家和牛火鍋自助，餓了幾天，去飽吃一頓，好滿足🥰鍋底也有辣和不辣的，選擇豐富，性價比好高。和牛品質超贊！有多種部位可選，🐮每一片都紋理清晰，肥瘦相間🐮把和牛放入滾燙的鍋底，變色後撈出，裹上蛋液，入口即化，奶香四溢，口感醇厚。除了和牛，店裡的海鮮、🥬蔬菜、丸子等配菜也很新鮮，種類豐富，能滿足不同人的口味需求。飲品和甜品出彩！😋哈根達斯雪糕也是任吃！！綿密的雪糕，奶香十足，味道一點也不輸甜品~

牛站嘅食材幾新鮮, 特別係肉類同蔬菜, D海鮮都唔錯 仲有鮑魚叫! 同埋佢地FILL 野食都幾快餐廳既麻辣湯底味道幾好 夠哂麻 唔夠仲可以叫佢幫你加料 適合唔同口味嘅人。除咗麻辣湯底 仲有其他種類既湯底可以選擇 最正係有個龍蝦頭湯底，俾唔同喜好既客人都可以搵到合適既選擇。仲有提供多款調味料同醬汁 最正係蠔油蒜再加埋麻油, 個汁好似食緊撈冷麵咁! 餐廳既環境整潔都算闊落 不過叫太多野食就會成台都係擺滿哂。作為放題餐廳 價錢對比其他高級火鍋店嚟講都算合理 對於火鍋愛好者而言性價比相當唔錯, 性價比高!總體黎講，牛站麻辣火鍋放題非常適合鍾意麻辣火鍋嘅朋友，無論係聚餐定係家庭聚會，都係一個唔錯嘅選擇。

天氣咁凍啱哂打邊爐～又又又回訪呢間火鍋店🍲是晚早咗嚟到(揀咗19：30前離座)任食120分鐘牛小排套餐～每位只係$298@成人(另加一)😚😚無限制任飲任食真係最暢快開懷！！.坐低先落湯底✨牛站秘製麻辣鍋(bb辣)🌶️🌶️夠哂香辣暖身！(鍾意食羊補身嘅可以試吓餐廳新推出嘅羊腩煲鍋底添🐑)掃完碼落單等緊火鍋料送到前～梗係要出去自助區巡視一下😆有多款火鍋配料、前菜、炸物、熟食、水果🍉🍈🍊、甜品(雪糕🍦,蛋糕…)(大推薦：✨軟心芝士、✨榴槤大福、✨杏仁酥脆條！！)、飲品(由汽水、清酒、啤酒、咖啡、茶飲一應俱全🤩🤩)等等等等！之後落單嘅食材都嚟到啦～重點推介嘅有：✨特上牛小排🐂肉質勁鮮嫩、✨澳洲M5和牛(牛味突出)、✨鮑魚(鮮甜彈牙)、✨海蝦🦐爽彈新鮮、✨醬爆糍粑(香口又流心)等等～食得幸福～辣得滿足🥰🥰

天氣凍左最好就緊係打邊爐，牛站放題分左三個價錢，最高級既特上牛小排餐$348/位，包哂海鮮飲品酒類熟食等等，包羅萬有。多款湯底供選擇，今次揀左人參雞湯同麻辣湯底，麻辣湯底夠麻香，人參雞湯底味道濃郁，有一整條人參係鍋內特上牛小排肉質好細嫩，油脂分佈均勻。澳洲M5和牛係一整塊，牛味十足得黎又有嚼口。海鮮有沙白、海參、蠔、帆立貝等等，其中以沙白同蠔最驚喜，沙白粒粒都好飽滿，味道鮮甜，而蠔隻隻都蠔味突出，帶微微creamy，唔會腥臭，放題黎講真係唔錯。飲品除左基本既汽水茶之外，仲有好多啤酒、清酒等，全部都係任飲！甜品選擇都有好多，有Häagen-Dazs雪糕，仲有好多唔同款蛋糕甜品，大滿足

牛站(駅)開左幾間分店 真係可以算係去到邊都隨時食到😜 而尖沙咀分店都黎過兩三次 環境闊落 好適合同朋友聚會嘅時候黎食🤓 🍀SRF美國極黑和牛套餐性價比高 野食種類又多 所以我依舊揀左SRF美國極黑和牛套餐🐮 美國極黑和牛牛肉味濃郁 入口即化 每一啖嘅油脂適中 好好食😋 安格斯牛板腱夠瘦 食多幾片都吾怕肥 又吾油膩 食得好滿足🤤 封門柳有嚼勁 牛肉味香濃 一定要叫黎食丫😆 仲有吾少海鮮種類可以選擇 帆立貝 蠔🦪 蜆 海蝦🦐 每一樣都好新鮮 夠晒鮮甜🤩 放題食物都有好幾款選擇 燒乳鴿皇 同埋芝麻雞翼都好正😍 飲品🥤 雪糕🍦 甜品🍮 全部無限任飲任食 想食啲咩食幾多 即管盡情地食到飽飽啦😝

上星期同朋友去咗尖沙咀一間餐廳打邊爐，整體感覺不錯。餐廳裝修簡約現代，燈光夠光猛，環境乾淨俐落，坐位之間唔算太擠迫，用餐過程幾舒服。當晚人流頗多，氣氛算熱鬧，但唔會覺得嘈吵。湯底方面，我哋揀咗枝竹羊腩鍋及清甜椰子雞鍋。前者湯底味道濃郁，羊腩煲得夠腍，冇明顯羶味，枝竹吸滿湯底精華，整體幾出色。羊腩同湯底煮得耐啲都唔會變得太油膩，適合冬天飲。湯底越煮越香，適合配搭肉類同海鮮。後者則椰子味好突出，清甜清甜的，雞肉亦嫩。火鍋食材，選擇種類算豐富，質素穩定。爽脆墨魚同脆鯇魚片新鮮彈牙，味道鮮甜；澳洲羊肉片薄切適中，冇膻味，美國豬梅肉片肥瘦比例剛好，肉質嫩滑。其他如台北鴨血同雞腎、海蝦等等都很不錯，食得出用料挺新鮮的。菜類方面有紫心蘿蔔，還有萵筍等等，無咩渣，不錯。特色丸類有心型魚腐等，幾正。熱葷推介是燒乳鴿皇，外皮香脆，內裏肉質嫩滑，檯檯都必叫，配埋熱清酒係個不錯嘅搭配。甜品方面，脆皮泡芙外皮酥香，內餡清甜順口，仲有好多款雪糕、蛋卷、豆花等的選擇。整體嚟講，呢間餐廳嘅湯底表現突出，食材都新鮮，幾適合同朋友或家人聚會。

“牛站麻辣火鍋放題”位於尖沙咀，適合喜歡打邊爐的大胃王。今晚放工我便相約了舊同學一行四人去大塊朵頤。我們揀選了極上牛小排$338一位的火鍋放題(包括美國極黑和牛片、特上牛小排、澳洲M5和牛、黑毛肚、牡蠣、海蜇花，手打蝦滑，花膠，鵝腸及鮑魚.任食)。我們選擇了鴛鴦湯底～胡椒豬肚配椰子雞湯底，兩款湯底各有特色，前者微辣惹味，後者勝在夠清。肉類的質素不俗，個人尤其喜歡牛小排，牛味濃郁，雪花分布均勻。肉嫩味鮮，十分可口。吃了這麼多肉類，當然要有些蔬菜平衡一下。自助放題區有多種火鍋料供客人選擇：萵笋、金菇、冬瓜片、番茄、各種丸類、菇類及韓國麵等。甜品和飲品亦款式繁多：包括Movenpick 及Häagen-Dazs 雪糕、各式冷泡烏龍茶，洛神花茶及玄米茶等。人均三百幾便可任吃以上不同種類的食物，飲品，假如自問可以極速時間横掃火鍋及自助區的各種配料，這裡會是不錯選擇！

📍牛站(駅)麻辣火鍋放題 🔍尖沙咀加連威老道2-6號愛賓商業大廈1樓102號舖-----天氣凍又係時候洽洽下，選了這間近尖沙咀地鐵站嘅火鍋餐廳。店面裝修走簡約現代風格，燈光光猛，餐桌之間不會太擠迫，整個用餐環境不錯。湯底款式頗多，選了清甜的椰子雞鍋及羊腩煲湯底。羊腩煲濃郁惹味，椰子雞鍋則清甜解膩，兩者交替品嚐，味覺上平衡得幾好。火鍋食材種類頗多，尤其係海鮮同肉類都非常新鮮。爽脆墨魚和脆鯇魚片係個人嘅最愛，口感彈牙帶點鮮甜。肉類方面，澳洲羊肉片同美國豬梅肉片都很不錯，羊肉片無膻味，豬梅肉片肥瘦相間，肉質細膩。冰鎮豬手膠質豐富，冰凍開胃；雞腎則幾脆口。燒乳鴿皇係必食之選，外皮香脆，肉質嫩滑，encore咗好幾次；芝麻雞翼金黃酥脆，芝麻味好香，熱辣辣，食得出係新鮮即炸。醬爆糍粑炸得外脆內糯，中央是香濃黑糖醬，中意軟糯口感的話，會中意呢個甜品。楊枝甘露則非常足料，底部有粒粒西米、芒果及柚子。脆皮泡芙亦不錯，外層帶牛油香，內層嘅cream幾輕盈。雪條雪糕選擇頗多，當中最印象深刻係Häagen-Dazs柚子檸檬馬卡龍雪糕，酸酸甜甜，係少見嘅口味。最後水果款式都幾多，除咗有西瓜哈密瓜等，竟然仲有草莓

如果可以的話，真係想食晒牛站各區的分店，但每次想WALKIN食，都係FULL左。今晚黎到尖咀分店，仲要企滿了人，真係好慶幸有預先BOOK位。點了$338的牛小排任食套餐。鴛鴦揀了麻辣和椰子雞湯底，湯底未到，啲料已經上枱。先來幾隻惹味小龍蝦開一下胃口。食住先既有，麻辣魚皮、螺肉、雞腎、雞軟骨，當然少不了芝麻雞翼，用生啤黎送最好不過。火鍋滾起，當然要先食主角牛小排，筷子一排夾起黎淥，就係爽!!!食落肥美富油香，SRF黑和牛比牛小排大塊，油花就不及小排，但同樣有肉味。牛肩胛、牛板腱、牛脷托都係必食。我地食最多就係SRF黑和牛和牛小排，可以黎個大晒冷！這個餐可以任食各款海鮮，海鮮拼盤款式好齊，好似海鮮放題咁。帶子、魷魚、海參、海蝦、花膠、大蜆、鮑魚、魚片，每款都好新鮮。尤其係鮑魚和海參，彈牙又爽口，和麻辣鍋湯底最夾！這裏的燒乳鴿也是必食，皮薄肉嫩，響鈴和魚皮是火鍋佳品。食了大大盤的海鮮和2轉牛肉，真的飽了，但是仍要encore牛脷托！最後以豆苗和金菇作結，一共食了兩大盤豆苗，食得好滿足。其餘的胃納就留給甜品和飲品。楊枝甘露真係好好飲，食到粒粒西柚和芒果。紅糖糍粑係必食，截單之前一定要要點好。仲

天氣凍凍地好想打邊爐，第一次食梗係要揀最多選擇嘅3號餐。火鍋湯底有8款，香濃蕃茄豬骨足料濃郁，見到有羊腩煲湯底又幾特別！每次落完單好快就到，特別鐘意特上牛小排、極黑和牛勁大片、M5和牛，全部牛味香濃又冇根。海鮮最正係超大隻生蠔，煮完冇點縮水，一咬落去d湯加蠔汁好鮮甜。鮑魚、沙白、海蝦都好新鮮，係有海鮮鮮甜味！花膠估唔到咁淋同重膠質，食多幾塊養下顏。好耐冇食過田雞，田雞腿好大件，鵝腸又夠爽！燒乳鴿有驚喜，肉夠juicy同燒得好香。自助區前菜小食超多款，連麻辣小龍蝦都有。自助區款式花多眼亂，平時好少見放題有嘅冰菜、鵪鶉蛋、紫心蘿蔔、超長蟹棒，企鵝丸好食又得意！飲品種類超多，有清酒、梅酒、汽水、果汁、茶類、奶茶同珍珠奶茶等等，咖啡機有款美祿咖啡第一次飲，又幾特別。甜品除左生果雪糕外，件裝甜品都精緻吸引，富柿大福好cute，軟心芝士布甸都好食，食左幾款都唔會超甜，打完邊爐食埋甜品係完美嘅一餐！下次要再同friend去！

天氣涼涼地，打邊爐烚下烚下就啱哂🤣🤣平日嘅8點鐘嚟到都咁多人真係極誇張，成個場都fulled😱😱最近想清淡養生啲，揀左個人參雞鍋，湯底真係幾足料，有紅棗、人參、雞件🤪🤪🐮SRF美國極黑和牛片&美國肩胛肉都係十分推薦，2款重牛肉味之餘又夠油香，我地都忍唔住係咁encore，加埋牛駅推薦嘅醬汁好好食😋😋🐏羊肉片都係水準之上，冇咩羊羶味!!自助區嘅食物排放得好整齊，好多蔬菜任供選擇，仲有啲唔常見嘅水蓮、冰菜、翡翠苗🥗仲有啲台灣直送嘅丸類，重點推介企鵝墨魚丸、台灣貢丸、海膽丸😝😝每次嚟到都一定要飲嘅珍珠奶茶，珍珠有咬口之餘，奶茶味都幾突出🧋🧋甜品櫃一定有嘅雪糕、奶凍杯、件裝蛋糕，要重點推薦依款流心芝士蛋糕，芝士鹹香味非常之突出，外皮燒到燶燶地，好好食😉😉

去尖沙咀買完聖誕禮物就要醫肚啦，天氣咁凍，梗係第一時間諗起打邊爐，尖沙咀呢度有間放題都好抵食，牛肉款類都多。一坐低就叫咗個冬瓜瑤柱豬骨鍋，落咗冬瓜，就可以清返熱氣啦！打完邊爐一定食返兩舊，最尾嘅冬瓜吸晒啲湯底，真係勁好味！嗱嗱聲order返牛肉先，美國牛肩胛片、美國安格斯牛板腱、SRF美國極黑和牛，呢幾款自然係必食item啦，追求肥美嘅就食和牛，追求口感嫩滑嘅就食牛肩胛片，而我就最鍾意食肉味爆燈嘅牛板腱。海鮮選擇亦10分豐富，例如有爽甜海蝦、沙白、花膠、田雞、脆鯇魚片等等。自助區選擇有好多，午餐肉同埋炸魚皮自然係打邊爐伴侶，打邊爐前又可以先享受一下前菜，例如醉雞翼尖、螺肉、中華沙律、雲耳，連麻辣小龍蝦都有，仲唔係flex！丸類例如牛丸、貢丸、花枝丸、墨魚丸、芝心丸、海膽丸，仲見到有特大皇帝蟹棒，即時心心眼！呢度仲有清酒任飲、夾糖、咖啡機、軟雪糕機，無論大人同小朋友都可以搵到滿足！

🤍《任飲任食之人氣火鍋放題》 - - 牛站(駅)麻辣火鍋放題牛站已經食過好多次，高質火鍋放題唔洗多講，牛肉高質，配料種類繁多，每次都可以捧住個肚走😋😋今次我地試另外一款新湯底－🐥人蔘雞鍋。當職員捧上台既時侯，已經聞到人蔘既香氣，雞肉厚肉肉嫩！🤩🤩因為有朋友升職加人工，一於就食豪D，揀最高級既特上牛小排餐。呢個餐同其他唔同係多左🐮特上牛小排、🐮澳洲m5和牛、帆立貝、生蠔、鮑魚等等唔同既高級海鮮！當中我最鍾意係生蠔，大大隻，咬落去啖啖肉又鮮甜。我朋友係食肉獸就話特上牛小排同m5和牛最好味。而配料區一如以往花多眼亂😳😳，最常食既響鈴魚皮會用暖櫃暖住，keep到脆口同唔會有油溢味。今次估唔到有冰菜食！拎到勁大盤慢慢食！好好味！而飲品見到有港式奶茶，味道唔差，香濃醇滑，大家鍾意飲奶茶記得要試試！套餐限時120分鐘，我地每次都食足120分鐘，職員都好勤力清台面上既吉碟，值得一讚！👍👍☻味道：7/10☻環境：7/10☻服務：7.5/10☻價錢：7/10☻回頭率：70%☻人均消費：$300📍 牛站(駅)麻辣火鍋放題（尖沙咀）尖沙咀加連威老道2-6號愛賓商業大廈1樓102號舖銅鑼灣駱克道463-483號

終於等到轉季🌬️梗係要去「牛站(駅)麻辣火鍋放題」食2號SRF美國極黑和牛片餐(2位)😉.鴛鴦鍋🍲揀咗冬蔭功湯鍋🇹🇭同合掌瓜栗子雞鍋🌰前者酸辣開胃🌶️後者清甜滋潤😌.肉類🥩有SRF美國極黑和牛片🐄美國安格斯牛板腱🇺🇸美國牛肩胛片🐂牛舌👅3款牛肉都比較瘦🥺但肉質嫩滑，而且肉味重🤤.海鮮🌊鮮甜海蝦同鮮甜沙白🦐🐚沙白大隻鮮甜😋.火鍋配料🥢有雲吞同餃子🥟.熟食🍽️有麻辣小龍蝦麻香入味🌶️🦞.小食及炸物🍤醬爆糍粑同榴槤炸彈🔥熱辣辣又流心😍.自助吧🍽️有小菜🥕🧄🌶️水果🍉🍍🍊麵食🍜 丸類🍢蔬菜區🥔🥬🍄‍🟫🍅🎃炸物🐟🐷台式肉燥飯🍚糖水🥣蛇羹🐍特別有台灣水蓮🇹🇼台式肉燥飯多肥膏😔但醬汁調得啱啱好👍🏻.甜品🍮有唔同甜品杯🧁乳酪、蛋糕🍰泡芙、芋圓仙草、豆腐花，大福、蕨餅雪糕、軟雪糕🍦雪條等🍨.飲品🥤有汽水、茶類飲品🍵涼茶、果汁🧃啤酒🍺清酒🍶梅酒🥃荳奶🥛同咖啡等☕️

天氣凍咗特別多人約🐧 打邊爐😝 今次就去咗尖沙咀嘅牛站食餐勁😚 環境新整又企理，枱與枱之間唔會太迫👍 職員回收碟盤嘅速度勁快😆 唔怕無位擺野食😘 牛牛質素理想又出色👍 色澤明亮有光澤，油花均勻細緻✅ 食落軟嫩可口，充滿牛嘅鮮香，真係食唔停口咁正🤗 海鮮好欣賞佢哋嘅鮑魚🤩 大隻又飽滿，食落爽滑有咬口，鮮味出眾，誠意必食推薦👍 餐廳仲有多款熟食炸物提供😘 炸饅頭、台灣腸、魚皮、紅糖糍粑😍 全部整得又香口又惹味🤭 唔食走寶☺️ 甜品有多款一口大小嘅蛋糕、泡芙、糯米滋提供，令客人可以小食多滋味，試多D 唔同款式😆 仲有多款雪糕雪條任添任食😘 記得留肚食多幾杯Haagen Dazs🤣❤️