牛涮鍋 (已結業)

近年飲食放題大受歡迎，熱潮由日本料理放題，擴展到火鍋放題，食客既選擇多左唔少。而今次要講既係牛涮鍋。牛肉係香港人最喜愛既食物之一，可以話無牛不歡。而今次要介紹既食肆，就打中重點，因而廣受歡迎。牛涮鍋既餐牌上有幾個套餐，比如a 餐係牛配雞，就咁可以係90分鐘既時間內任叫，加上自助式既火鍋配料，岩晒香港人唔執輸既精神。而質素方面當然係一分錢一分貨，平至108，貴至幾百不等，但最平既套餐，質素都比一般酒樓火鍋既好，可以用抵食黎形容。而飲料方面都係任飲，最貼心既係佢有張卡介紹fruit peach點冲，點溝先好飲。 

牛涮鍋喺淘大開了一段時間，跟朋友看電影前幫襯過一次，吃得太趕，但見這裡有好多出面沒有既環節，如自助沙律吧﹑甜品如芝士蛋糕等，故決定擇日再戰。終於到左呢日，諗住唔睇戲可以慢慢嘆，但食店門口已聚集了一堆人，心想有排等，極想到對面雞記食件大雞扒先，但老公話食左就食唔落邊邊，所以唯有乾等。如是者等到飽左，足足兩個幾鐘先可以入座，想哭。入座前我地已落好單，埋位第一件事即去軟雪糕counter，先隊杯士多啤梨牛奶紐紋雪糕，軟雪糕好幼滑，但奶味唔夠，所以顯得士多啤梨好味啲。最開心係喺雪糕機隔離有成個甜品凍櫃，可以自己夾大福﹑立方芝士蛋糕去裝飾杯雪糕，成件事靚哂呢！加埋香脆蜜糖圈(早餐嗰啲)及醬(朱古力﹑士多啤梨及焦糖三款)，成杯雪糕口感極豐富，好味！另一重點係自助沙律吧，佢唔止有菜，而且係專做沙律既牛油菜及羅馬生菜，仲有薯仔沙律﹑雞絲，又有芝士碎﹑煙肉碎，誠意超足，雖然食這個沙律會減低戰鬥力，但真係好好味呀！每次幫襯都有吃呢！至於火鍋配料，也不是只有菜﹑菇﹑丸類咁簡單，而是有油揚(腐皮)﹑蕃薯年糕﹑年糕魚蛋﹑墨魚汁魚丸等較特別既配料，真係好豐富。主角肉類則因應唔同價錢而分等級，我地就試過吃最平及第二

淘大花園的商場，真的可以稱為九龍區的食街之首。食市樹立，不同類型的美食都有。最近，又開了一間日式任食火煱店，當然要去一去，試一試其質素和味道啦。可能平日關係，中午時段亦不見有很多人去光顧，門口亦不是有很多人在等候。一行二人去試食，去到門口接侍處，就已經好快安排入座。款式方面，和其他日式自助火煱店型式一樣，不同的肉類，配以不同的價錢。但今次牛涮渦，多了一個選，可以選擇"60分鐘放題"。價錢相比"90分鐘"便宜很多。相比之下，我地選擇比較便宜的方案"60分鐘任食"配基本肥牛餐。等待期間，當然四週看看有什麼美食可以選擇。基本上，蔬菜，芝士腸，丸類食品，菇類食物，粟米.....一般火煱食村都會有提供，而且供應不斷。除了有白飯提供外，店內亦提供"蒜香和牛炒飯"。這個都算是比較少見的，而且味道都不錯。飯有香味，而且吃起上來，亦不覺得太油膩。食火煱，除了食物村料。調味品亦是一個十分重要的環節。今次發明店內提供的調味品，款式選擇亦算充足，一般大眾化的調味品都有提供。特別一提是，服務員補充各類食村和醬油的速度十分有效率。常常保持"常滿"的位置。因為是放題火煱，食品方面，亦都是自助汽水機型式。當中最特別，