牛気 (如心廣場二期)

营业中

休息中

今日揀左安格斯套餐，整體都滿意。揀咗微辣牛骨湯底，安格斯牛肉，牛小排，SRF牛肉，豬肉都係QR code落單，全部都嫩滑好味。叫多3次牛肉，保持到水準，唔會得第一碟見到人。其他蔬菜麵類就出面攞，都ok新鮮同埋keep住refill。佢嘅手制拉麵都唔錯。呢期仲有幾款壽司，試咗芥末八爪魚同埋明太子，都可以。仲有即磨咖啡，多款台灣罐裝茶及汽水。甜品就試咗椰汁黑糯米，少甜，都好味。最後食埋買軟雪糕，90分鐘剛剛好

我哋連埋兩歲小朋友係五個人，店铺係要改我哋訂位做四位，當小朋友唔係人，唔係親子友善餐廳，有小朋友嘅人千祈唔好幫襯，免得俾錢買難受我哋五個人迫埋一個爐，出面大把位又唔俾坐，編咗去一個冇冷氣熱辣辣嘅地方打邊爐，咁樣嘅餐廳，你哋仲想唔想幫襯？唔想參加OpenRice嘅優惠就唔好做，唔好搞到我以為自己係乞兒其實香港打邊爐有好多地方，以為自己一間可以獨大嗎？未試過吃個午餐咁受氣，怪不得香港人都愛去其他地方消費，這舖頭應該很快倒閉！

由於不喜歡食太多肉以及海鮮，所以選擇了88元x3位，加一合共290..環境舒適食物乾淨方豐儉由人， 交通方便近荃灣西鐵出口第二個街口商場，品種繁多，因為因為是平日我們超過時間仍然可以繼續坐，此舉太窝心。

餐廳位置位於荃灣，餐廳食物主打shabu shabu放題形式任食，丸類蔬菜同飲品就係係出面以自助形式去自己拎，肉類就係用QR code形式下單😀 整體上都非常之user friendly.牛肉既質素唔差，油花分布平均，亦都有好香既牛肉味道，亦都沒有漏單情況，呢個簡直非常好。豬肉我就覺得冇乜特別，少少乾身。🫠 丸類我推介墨魚丸，食落口非常爽口彈牙，加埋沙嗲湯非常配合😂最後我哋食咗烏冬，非常飽！有機會會再返嚟再幫襯😀

同老公行完donxx用晒d氣力, 咁岩見到牛氣火鍋放題, 決定入去補充氣力先~~等待座位篇: 正正撞岩晚飯時間, 門口已有十多人等位中, 拎完飛大約等四張枱 (香港食飯等位是常識吧), 店員主動向我地表示, 要等大約30分鐘左右, 可先選定套餐及湯底, 仲好貼心提供飲品飲住等待~~~(店員好貼心啊~)入座篇: 不用30分鐘可以入座啦~~店員可能見到我地大包細包又背囊又多野, 好細心咁安排四人卡位比我地放東西, 舒舒服服咁開餐, 其實我地都無要求要咩位置, 始終唔係訂枱, 一般都好難比到卡位坐, 不得不讚呢間餐廳店員真係好細心~ 讚~!! 開餐啦喂篇: 我地叫左安格斯海鮮餐, 牛肉好軟有肉汁, 雞肉嫩滑, 海鮮好鮮味, D蝦好彈牙啊, 仲有墨魚滑真心正, 只係豬肉有點乾, 佢地自家出品既手打烏冬勁好味, 好爽口啊~ 店員仲教我地點樣煮呢個烏冬係最岩最好味啊~ 另外自助餐區有丸類, 蔬菜, 餃子, 麵, 沙律, 熟食, 醬汁, 飲品, 甜品等食物, 種類都算多選擇, 仲有花茶同咖啡機, 最緊要係乾淨! 乾淨!! 乾淨!!! 呢樣好重要啊~ 出邊有D自助吧.....服務篇: 由等位開始到入座

book咗五點半傍晚，全間店只得兩三枱客 接待員姐姐安排一張二人對座枱。 我同我朋友兩位每人帶咗一個背囊，冇位擺嘢好唔方便，個場咁少人，咁我問嗰位姐姐可唔可以畀我坐四人卡位，跟住佢話唔好意思，啲四人卡位留咗畀嚟緊嘅客人。 我答佢我七點前都走 可唔可以通融一下 佢話真係唔好意思冇辦法 咁我都算數 諗住佢哋生意好，唔做西客。兩個人張枱細食嘢已經好唔方便 ，點知唔到十分鐘，接待姐姐就安排另外兩個人坐張四人卡位度，完全係大細超，而且直到我食完埋單嗰一刻，成個場有一半都仲未有人坐。要我坐咁細嘅枱 ，又唔多啲嚟幫手執碟，由得我成張枱都係，成班女侍應就喺度圍住個帶lv皮帶經理吹水唔做嘢。真係不知所謂， 唔肯轉枱都冇理由喺我面前即刻入2人客去4人卡位，仲要呃我話好多人book咗， 食到咁委屈唯有將事實寫出黎。嘢食質素就一般，咁嘅服務我就冇意欲再去。

星期五晚周圍野食都多人，7點幾行到攰同埋平時見都多人幫襯就試下呢間，明明門口見到仲有枱，但都等左20分鐘先入得🥶今次食🌟 【澳洲極上和牛+海鮮放題 】（$𝟰𝟰𝟴）同埋120分鐘可以慢慢食。湯底選擇比較少，叫左鴛鴦鍋（+ $𝟭𝟬）【秘傳牛肉清湯】同【黑蒜豚骨湯】，坦白講兩個餐底都勁普通😂牛肉湯似肉骨茶濃味少少，豬骨湯雖然真係有舊豬骨，但飲落勁似出前一丁個豬骨湯底。入到去就放左𝘘𝘙 𝘤𝘰𝘥𝘦 自己點餐，個餐包果𝘥全部會𝘱𝘳𝘦𝘴𝘦𝘵黎左一𝘳𝘰𝘶𝘯𝘥先，之後就自己再追加。肉肉入面最好味既係🥩【澳洲極上和牛】，入口即溶同同埋個油脂味真係好好食🤤仲追加左𝟮次😂另外個【𝗦𝗥𝗙美國極黑牛】入口幾嫩，肉味較重。其他黑安格斯、𝗣𝗥𝗜𝗠𝗘肩胛肉眼、牛肩肉、牛小排果𝘥 都可以叫～海鮮方面就有【原隻鮑魚】、【日本帆立貝】、【花膠】比較好味。飽魚真係幾鮮甜，同埋好彈牙，帆立貝都叫大粒，乾淨新鮮，花膠就叫左好多加落個湯😂補下唔知點解個墨魚滑同平時食開果𝘥好唔同，有少少黑椒，成個味道好複雜，我覺得麻麻地。海鮮仲有青口、大蝦、水魷魚等等就正正常常原來個餐仲可以叫壽司🍣但睇落都係熟食野多，同款得6款，想食下甜蝦、蟹籽果𝘥

香港甘多間牛牛火鍋店，後悔太遲先認識到牛気🥲當日我地係去荃灣分店佢地餐廳安排座位方面勁好👍🏻二人都會安排坐四人枱完全係坐得好舒服又可以一次過拎好多野食😻我地點左極上和牛+海鮮放題套餐🦐平時d火鍋店只會俾一碟海鮮拼盤吾會係放題型式入邊仲包埋我最中意既墨魚滑🦑和牛質素好高💕💕肥既程求岩岩好每碟黎既質素都一樣水平之前食過d鋪都，第一碟好靚既牛，但下一碟就變好差質素💩我地仲叫左雙拼湯底，分別係壽喜燒同蕃茄湯底佢自取區到有得無限拎既日本雞蛋同壽喜燒係完美既組合🫶🏻🫶🏻🫶🏻出面自取區面積好大，有勁多火鍋配料，熟食，飲品，甜品，雪糕入邊仲有好多係佢地自家出既食物成餐飯係好豐富，😇根本試吾曬甘多美食超滿足(^O^)／

因為之前食過牛氣既東涌分店，非常之好食，念念不忘，所以咁岩去開荃灣，朋友們又想打邊爐，於是就去左牛氣既荃灣分店！發覺大部分既食材都差不多，但我最愛既燒賣係唔同既！呢間係魚肉燒賣🙊另外飲品類別相對少d。而我最關心既，就係日本蛋，同埋大蔥。好彩呢到兩款都有！🥳我地係揀左$279果個餐，牛肉雖然都係標準以上，可以食用既；但對比東涌店，呢間既品質比較參差，有d解凍曬出曬水，有d就正常d；但整體肉質冇咁滑。😕所以，不同店，牛既質素都有所差別，我係比較喜歡東涌店，去開outlet建議一試！🤪

本身book咗商場附近嘅台灣火鍋，但望一望食評好似負評有啲多，於是臨時轉軚，望到呢間牛氣日本火煱。上嚟望一望見到唔係太多人評論呢間，但係餐牌上啲牛肉望落幾新鮮，而且價錢唔算好貴，又可以任食1小時30分鐘，咁就一於去試吓啦。好彩咁啱選擇，啲牛確實同餐牌一樣咁新鮮，食落嘅質感好嫩滑，好爽口，真喺有牛味。入嚟之前會先喺前門選擇餐牌，而我哋就嗌左牛小排海鮮放題，（晚市$318成人一位，小朋友同埋長者就258一位）叫咗鴛鴦鍋嘅蕃茄濃湯同埋麻辣湯。啲麻辣湯夠濃，蕃茄湯就一開始冇咁濃，但因為個餐廳出邊可以俾你夾餸，而去咁啱就有蕃茄，所以就夾咗幾舊擺落去煲，之後可能因為又有唔同餸擺入去所以最後個湯變得濃郁咗。啲海鮮都幾新鮮，食嗰幾隻蝦都好大隻而且個蝦頭冇黑色，幾唔錯，但係啲帶子就麻麻哋啦。總體嚟講都幾好。出面有得夾娃娃菜，生菜，餃子，芝麻丸，花生丸，有日本直送嘅手打烏冬同埋拉麵，滑豆腐，白蘿蔔，芽菜，菇，芝士腸，貢丸等等。而且都有熟食，有咖喱魚蛋，蒸燒賣，炭色流沙包，碗仔翅。另外可以叫職員攞幾款壽司，有蟹柳，玉子，熟蝦，鮑片，鰻魚，八爪魚同加州卷。甜品方面有芝麻同埋花生糯米糍，水晶紅豆餡，泡芙，豆腐花

由於疫情原固，有很多打邊爐食店都關門，好在牛氣夠義氣，開門營業。大約12:30分到，人不算多，被安排入坐大枱，空間闊落，入座後到自助區找食，除咗打邊爐食品，有提供不少熟食，包括咖喱牛腩，碗仔翅，糖水等，實在比預期好，選擇豐富，食物質素都到位，碗仔翅足料，雪耳糖水亦一樣，每一匙舀起都足料。火煱區的食物也很足，最愛獨立包裝湯丸，加入糖水中一齊食，好滿足，另外餃子亦有不同款式。而主角-黑牛也沒有另食客失望，不肥，有肉味又有咬口！推介！

相信疫情咁嚴重大家都好少出街食飯了 而打邊爐放題呢啲就更加冇得同frd enjoy😮‍💨不過都想推薦比大家 呢間牛氣係我個人覺得性價比最好嘅牛肉日式放題店！🥩嚴選美國牛肩肉放題💰198由於我地唔食和牛同其他海鮮 就食左呢個淨係得牛 豚肉同埋雞腿肉嘅套餐 呢度嘅湯底選擇來講就同其他放題店有好大分別 除左典型嘅番茄 昆布 麻辣 仲有獨特嘅黑蒜豬骨湯 博多辛口地獄湯同埋韓式泡菜！感覺好似食緊日式拉麵咁🤣+$10仲可以可以雙拼添～肉來講呢度每一碟牛 豚肉一塊都超大塊 而且唔會全部都係「雪花」！肉質非常緊實 淥一淥就見到一塊冇乜肥肉嘅大片肉😍特別推薦呢度嘅豚肉 大塊得來又薄 完全唔會覺得筋同肥肉太多！鍾意壽喜燒食法嘅出面仲可以攞日本雞蛋 自己打散之後點來食👍🏻出面嘅自取食品來講 蔬菜有好多 我最鍾意嘅金菇 冬瓜 娃娃菜等等都有！仲有好多烏冬 拉麵 同埋丸類 好特別係佢仲有麻吉燒同其他台灣丸 麻吉燒好似湯圓咁嘅內餡 但係落入鹹嘅火鍋湯入面都係咁好味～其他甜品同熟食係我覺得呢度嘅加分之處！熟食呢度定期都會有黑金流沙包 燒賣 碗仔翅 西米露 雲耳湯 粟米肉羹等等～仲有機會有葡撻添 另外就仲有壽司同沙律

牛氣 如心廣場星期六日晏晝想打邊爐，就揀咗荃灣如心廣場嘅牛氣。入門級都只係168一位，任食！🤣🤣肉類可以揀豬肉、牛肉同雞，我就淨係試咗豬同牛！牛都幾靚，油脂分佈得幾好！豬肉味道都好重！😜😜任選方面有唔同種類嘅丸同埋菜，仲有自家製豆腐花🤣呢個價錢嚟講都算唔錯😋

上個月食過一次，今日放大假，又再試吓，仲有優惠,午市90分鐘放題每位可減$40，長者/小童優惠少少。我們選擇了昆布湯底，今次二人好似食咗五六碟牛，估唔到有竹桶豆腐花食，好滑好好味，茶葉蛋好入味、咖哩牛腩紅蘿白薯仔加飯，咖哩汁好正，又有碗仔翅，木耳麻辣燒買，炸蝦春卷，各樣都有質素有水準，應熱的熱，應脆的脆，沙律雖然普通，蕃茄口，粟米粒，菠蘿粒，蕃薯仔，生菜，但乾淨衛生，各樣都是我的至愛，加千島醬伴食，Yummy! 蔬菜方面，有我們喜歡的秋葵、福崗雞蛋、黑芝麻湯圓今次無，只有花生湯圓，仲有好滑豆腐火鍋。最後，食翻杯朱古力抹茶扭紋雪糕。大飽口福，好滿足呢！

第一次食尖沙咀覺得好味之後第二第三次去東涌食都覺得好正 第四次在荃灣食真係搞不掂 d野食好唔新鮮 好頹 尖沙咀同東涌嘅刺身都好食 荃灣係唔好食的 以後都唔會再去荃灣分店😖