牛気 (雅蘭中心)

营业中

休息中

鍾意食涮涮鍋嘅朋友可以嚟試下牛氣，佢哋採用日本同澳洲和牛🐮，非常優質，唔夠喉食完可以再叫，即使豚肉🐷雞肉🐣都是精心挑選，我最鍾意食就是鴛鴦鍋，因為可以配搭唔同人嘅口味，有兩邊選擇兩種風味✌🏼另外特別推介麻吉燒芝麻，起初以為佢係一嚿糯米糍，但見到人揼落個鍋度我又跟住揼落去，其實呢個係火鍋食材嚟㗎，外表個皮軟淋淋，裏面充滿好多汁嘅芝麻肉餡，好似食緊湯丸咁，個人嚟講我非常喜歡，店內環境一流，地方夠大，員工服務唔錯，真心正值得推薦畀大家，快啲去食啦

牛気係一間幾想去嘅地方。適逢生日咪去幫襯囉。星期三訂枱，星期日食。一行三人幫襯就叫咗 “極上(澳洲)和牛+海鮮放題“ 90 分鐘。入座前當然要做足政府要求啲嘢。入座後就先嚟兩碟牛一碟海鮮：海鮮包括：大海蝦，蠔，青口，帶子，花膠，鮑魚海蝦大大隻非常鮮甜蠔亦都好鮮味帶子咬口非常鬆軟同鮮甜鮑魚夠大隻同一早清晒內臟青口花膠就一般極上(澳洲)和牛和牛切得夠晒厚同都幾大塊和牛蛋糕，冰凍卷埋一舊，放落個鍋度睇住慢慢熔同熟都幾開心㗎我哋之後再叫咗6輪，亦即一共7碟海鮮，14碟牛。出面啲配料都有食，不過食得牛同海鮮就會覺得外面啲飲品同甜品都夠。但習慣放啲牛肉落蛋醬就一定要出外面攞日本蛋先好。食埋豆腐花同兩轉軟雪糕就乜都滿足晒。後記：1) 如果想食個 “和牛蛋糕“，記得一定一定要預早一個星期訂定，否則接待員會拒絕呢個要求。不過我係特別例子，因為我星期三訂枱時有提過佢哋係為咗慶祝生日所以想問有無和牛蛋糕食，對方職員話有但無提過個蛋糕要預訂，所以經過一番理論佢哋經理就應承送比我。(記住：和牛蛋糕一定一定要預訂)2) 呢度講明 90 分鐘，間嘢係會非常準時叫你走。所以一定要扒快啲免得好似係你霸住張枱唔走咁。食物

同朋友行街，突然間想打個邊爐。兩個人食放題形式真係不二之選👍🏻👍🏻我最鐘意胡亂叫，食身款式多之餘仲夠乾淨衛生，仲有好多款飲品選擇。再加上牛氣平得黎質素真係好好👍🏻

突然響旺角抽起條筋想食放題日式火鍋，臨出旺角站之前響openrice搵下，最近嗰間係牛氣，一上雅蘭就有得食。成晏晝四點都驚佢會落場，去到好彩都仲開緊。因為唔係好鐘意和牛咬落去一陣油，寧願食啲肉味重啲嘅，所以揀咗特選牛小排(佢日文寫係牛肋肉)同海鮮放題($328)。湯底我見牛骨湯好似好正咁。湯底好重味，不過廚師朋友食完話: 「好明顯唔係真係牛骨熬嘅。」。食完係會口渴......另外叫咗放題啤酒，食火鍋如果無啤酒飲，始終都係差啲。SRF美國極黑牛同牛肩肉兩款牛應該都夠食，一來到佢全部都出咗一份先，放題我都唔預佢比啲好正嘅肉比我，就咁睇啲材料都係不過不失，不過老實說，選擇真係少。出邊啲自助吧嘅食材都係啲普通嘢。牛肉的話，反而我鍾意佢唔太肥，肉味都唔錯。   我地追單，啲員工都好快手。即係食放題，其實都係諗住食飽，哩方面係無問題嘅, 不過選擇係少, 材料又唔係好突出。算不過不失。

宜家牛気做緊午市每人可以減$40，幾抵食，而我最鍾意呢度既就係呢度既湯底選擇超級多。今次就揀左龍蝦魚介湯同埋秘傳牛肉清湯。龍蝦湯係真係好香濃～就咁飲都好正🥰而牛肉清湯，雖然係清湯，但係都夠味。  套餐揀左特選牛小排放題（$298），野食選擇唔係好多，黎到主要都係食牛😂一坐低，店員會每款肉類比一碟你試左先，之後要加再同店員講。肉類質素唔錯，而且落完單之後都唔會要等好耐先到啲野食。所以其實90分鐘都幾夠食。值得一提既係呢度有提供日本直送既生蛋🤩記得一定要攞！打隻蛋落個碗到，之後淥好啲牛肉蘸蛋汁食，超正～  除左放題套餐本身包既牛肉、豚肉、雞肉、墨魚滑之外，其他野就要出去囉。有熟食、甜品、飲品、同埋其他火鍋料。唔算好多選擇🙈首先攞左啲熟食食住先，其實就只係得魚蛋、燒賣、咖喱牛肉、流沙包、湯、糖水、薯條。咖喱牛肉幾好食既，啲肉唔會太肥，而且煮得幾夠味。另外湯係蟹肉金菇素翅湯，幾好飲😋仲有啲沙律可以夾下，不過我就冇食到la。  之後到火鍋料，基本上要有既蔬菜、丸類都有齊，最鍾意佢地既爆漿芝士球，真係好芝士🧀️一咬落去勁多芝士流出黎🤤我起碼encore左四五粒🙈佢地仲有款幾特別既麻吉燒，有芝麻同花生

第一次試日式盆菜，牛氣盆菜選用日式甜醬油湯底，搭配鮑魚，花膠，大虎蝦，鰻魚、日本花菇、福袋等多款中日食材。6人份量，價錢888港幣。盆菜包裝密實，包咗3層錫紙，外加一個保溫袋。拎落很墜手。餐廳話係當日朝早製作，食物新鮮。盆菜擺盆望落吸引，加熱20分鐘後，香氣撲鼻，忍唔住即刻試食。第一次食有鰻魚嘅盆菜，覺得特別，味道亦都唔錯。湯底鹹中帶甜，但同啲食材都好夾。特別係蘿蔔，花膠，牛筋，冬菇等食材煲得夠腍，呢幾樣都相當入味，就算平時唔多食偏甜湯底嘅我都覺得好味！虎蝦大大隻，入味得嚟都爽口，大滿足。帆立貝都唔錯。不過，可能盆菜相對煮得耐，鮑魚食落有啲韌。另外，盆菜可愛兼好意頭嘅福袋，仲有枝竹，蓮藕等等。啱哂農曆新年，盆滿缽滿好意頭。總體嚟講，十幾種食材於一盆，食材豐富，味道唔錯，888蚊6人份，性價比都算高。綜合評分：8分 食材：1. 鮑魚2. 花膠3. 鰻魚4. 虎蝦5. 日本花菇6. 福袋7. 牛筋8. 魚蛋9. 蘿蔔10. 豬軟骨11. 蓮藕12. 豆卡13. 竹輪14. 炸豆腐15. 黑薯糕16. 帆立貝17. 枝竹餐單：元氣盆滿缽滿盆菜價錢：888港幣 （六人份量）

琴日試完另一間餐廳既外賣，味道觀感滿分💯，完全高汁便當👍🏻，想知更多詳情，可以睇翻我上一篇既食評🙈由於Openrice外賣自取有各種推廣優惠都幾抵食，比如用優惠碼：FOOD，就可以滿$5️⃣0️⃣減$1️⃣0️⃣因此，今日一樣係Openrice上叫左外賣自取，同上一間餐廳地點相同都係雅蘭中心，菜式又係日式便當🍱，但味道就有D⋯⋯差天共地⋯⋯😥我地叫左3款便當：- 燒牛肉定食（$56）- 照燒雞扒定食（$41）- 泡菜豚肉定食（$58）- 飲品另加$5在主食方面，無論係飯定餸，份量略嫌有D少😿，特別係泡菜豚肉定食，D餸肉眼可見地少🤨燒牛肉醬汁濃咸佳宜；雞扒煎略嫌煎得有D乾身，吃落有D嚡啦😢在配菜方面，相比之下係幾豐富既🍽，有齊前菜：中華沙律、甜品：紅豆和菓子，整體就不過不失最後，在價錢方面，本身餐廳都有做外賣自取推廣優惠，滿$150有8️⃣折，$38就有交易，可以叫埋同事們一齊夾單🤣不過，由於依家Openrice有優惠，原價8折後，仲可以減$10後，所以會再更加抵😌

啲牛呀啲野食係好食既，但某部份員工真係需要改善服務態度，食完啲碟唔太執，要自己攞去比佢，一夠鐘即刻走埋嚟話夠鐘喇跟手收埋一個煲走，然後有個fd啱啱攞完甜品坐低佢又即刻走返黎話夠鐘喇唔好係度食，唔係度食我攞走食呀？冇幾耐就有個執枱既行埋黎執枱，好快手收哂枱上啲野，連啱啱攞左都未食既甜品都收埋，差啲想收埋食緊既果啲，令人覺得好趕客食過咁多次邊爐，放題，未試過咁趕客，一夠鐘就唔比你食，考試咁樣，一夠鐘就要停筆，完全唔覺得係想做生意

不嬲都好鍾意食火鍋放題，今次就去食下牛氣火鍋，揀左「嚴選澳洲和牛+海鮮」♥️✨✨，$348位呢款和牛嘅油花不是太多，但係都幾好，都算唔錯嘅⭐️✨(⁎⁍̴̛ᴗ⁍̴̛⁎)，薄薄地滾2滾就食得！而豚肉味都濃郁！✨✨呢個放題套餐包括可以任食三文魚刺身嘅，非常好👍🏻🉑✨♥️海鮮有好多款選擇，大海蝦、帶子、青口、花膠、墨魚滑等等，好多種類，而我鐘意食帶子，好鮮甜，煮熟左都算大粒！😍😍✨✨出面自助吧有好多蔬菜種類，麵類，飲品，又有熟食，咖喱魚蛋，紅棗雪耳糖水，仲有日本生雞蛋提供！👏🏻👏🏻✨✨任飲清酒都只係加$28！♥️✨✨非常推薦大家嚟呢度打邊爐！✨✨🤗🤗

今日 一班 舊同事約食飯... 通常都係揀放題任食嗰啲嘢... 大家都唔使就住叫... 隨便食...朋友們幾細心一早已經 預訂好七點幾 不過有啲可惜就係臨場都要等到八點鐘 都理解嘅 不過如果係十五分鐘內就會比較合適 等候時間.... 我哋揀咗個388蚊套餐 加埋其他埋單就四百二十蚊一位左右 呢個價錢其實都幾貴㗎 即係任食火鍋呢講... 不過呢 牛肉嗰啲質素真係幾好... 牛小排牛肩嗰啲都好出色... 蔬菜 選擇就少咗啲得兩款... 大家都要食多啲菜呀

日式火鍋放題店 日式90分鐘任食火鍋 最平$178蚊起 最貴一款極上澳洲和牛$388一般食返 $248就中間位已經好夠食 限時食唔得太多仲有好多唔同野食任食豚肉 雞肉 丸類及新鮮蔬菜 飲品自助形式,只有湯底同肉類先由服務員送上其他一律自己爭取自己搞掂時間有限分工合作 一個拎丸菜類,一個去調醬返埋位牛肉起貨好快,唔算太薄,食落都幾有肉味,油脂唔算太多太肥,入口肉嫩味濃甜品有雪糕食,90分鐘係剛剛食飽就要埋單牛気Nabe Urawa 平均消費$270評分7/10

我同幾個朋友食晚市D餐，於20:20入坐，一入坐已經叫左個鰻魚飯。之後一直都未到，途中催左幾次，服務員話製作需時。最後去到21: Last order，佢話整緊，最後都冇到。😡😡😡😡我唔係想話D服務員態度差或服務唔好，而係佢嘅出餐速度真係好慢，呢間餐廳係用手機點餐，而每次只可以點10樣(例如10片牛肉)，而每隔一次點餐都要等1分鐘。嚟嘅食物唔齊全，多次出現走單嘅情況。其實餐廳嘅食物質素都唔錯，但係用餐體驗真係非常之不愉快😪😪😪

今晚去旺角搵食，周圍都係人，諗住一見邊間有位就食邊間。最後我哋就決定食牛氣，因為有同事成日同我講，話牛氣好好味。有幾個套餐可供選擇，我哋就揀咗美國牛小排放題 $248- 極上美國牛小排- 嚴選美國牛肩肉- 特選豚肉- 精選雞腿肉- 蟹子墨魚滑牛小排非常突出，叫咗好多碟，碟碟都好有牛味，再配合豬骨鍋，呢間牛氣真係可以encore。雖然有好多款肉類可供選擇，但係我哋真係好鍾意食牛小排。自助吧範圍都有好多好多配料，連黑金奶皇包，棉花糖機，烤番薯，番薯糖水，仲有好多甜品同飲品，真係要來食幾次先至可以試晒咁多款式。

今餐要先多謝恆隆 ，因打齊兩針，恆隆送現金券兩百大元，係指定商場的指定店舖可消費，冇話食某數目才可扣數，恆隆低調冇乜宣傳，想知就自己上網查下，或者去雅蘭商場行下，應該有驚喜。香港地食牛乜牛物的火鍋放題，坊間真係開到成行成市，要食勻咁多間又真係有排輪，我和老婆就喜歡逐間試下，通常只揀最平的套餐，如果最基本價錢都好食抵食嘅！抵讚啦！選擇牛氣只是撞手神，並非冒名而來的，話說原本想試牛角燒肉放題，但午市竟然要3舊水一位，諗落吾多抵，咁就過左隔離牛氣，平一半有多，又未試過，咁就轉了軚，都算冇失望嘅！牛肩肉係主題，兩口子總共吃了8盤，對於臨近長者的我倆，算係賣力架啦！牛肩肉品質好，色澤和口感都讚。上枱速度快，唯一是要舉手叫侍應口頭落單，有點落後了，依家興用手機自己按鍵嘛！講真！除了牛肩肉，其他冇乜特別，丸類餃子蔬菜熟食雪糕甜品等等都係行貨配搭，冇驚喜。相比同價錢的馬辣，對方起碼多左海鮮類，牛肉都多幾款，牛氣就輸了馬鼻了。埋單才發現午市做緊減價，原本178，每位減40，咁就都叫抵食嘅！

肉質味道不錯，非常有口感。服務員態度有善， 對出嚟攞餐的小朋友十分有耐心。 價格有都可以， 四個人食差唔多五百蚊有多，學生黨可以間唔中食下。 總之一句講曬好味。滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟