牛気 (淘大商場1期)

营业中

休息中

母親節媽咪話想打邊爐，就同佢試吓淘大新開嘅牛気💕$338 Lv4 澳洲穀飼黑安格斯牛 + SRF 美國極黑牛放題 + 海鮮放題要咗個韓式雪濃濃湯湯底SRF美國極黑牛 脂肪分布均勻入口即溶，澳洲毅飼黑安格斯牛味重 口感較咀嚼感，美國SRF 極黑牛，霜降紋理明顯，脂肪含量高，口感濃郁海鮮都幾多選擇:有大海蝦、青口、日本帆立貝、爽脆水魷、小刺參、脆鯛魚片、墨魚滑同埋花膠三文魚腩肥美鮮甜、帆立貝厚身嫩滑、海蝦大隻彈牙熟食區有關東煮蘿蔔牛腩、炒飯都唔錯雞蛋仔味有驚喜為咗同DSE同學加油💪🏻如果身份證有五字仲有御守送添💕

牛気嘅火鍋放題性價比超高！$200左右就有美國同澳洲和牛任食，肉質嫩滑牛味濃，湯底選擇多，最愛壽喜燒同麻辣鍋可以無限仼食迷你丼飯，三文魚同吞拿魚蓉都好好味！自助區丸類款式多，仲有好多蔬菜任君選擇仲有唔少日式小食同甜品，仲可以自製棉花糖服務夠快手，收碟勤力，環境乾淨企理餐廳仲會播日文歌，超有日本feel🇯🇵

人氣牛肉火鍋放題店「牛気✨」喺九龍灣有分店啦👏餐廳提供不同級別既牛肉放題，最平只係$198起就可以任食90或120分鐘，仲有不同款式嘅火鍋配料，另外仲有各款特色小食，包括必食嘅黃金焗蠔🦪我哋今次選擇咗Level 4-安格斯牛+海鮮放題，呢個餐有澳洲及美國安格斯牛等等不同級數嘅牛肉可以選擇，牛肉油脂分布夠平均，有牛味，非常好既口感。另外仲有豚肉及雞肉，海鮮方面，有大海蝦、花膠、海參等等多款火鍋配料。湯底方面，我哋選擇咗鴛鴦鍋，一半係壽喜燒湯，另一半沙嗲湯，湯底非常濃郁，食品可以唔需要再沾醬汁已經夠晒好味。熟食方面有多款美味小食，必食黃金焗蠔，焗蠔大大隻又新鮮，馬鈴薯牛肉餅、外脆內軟，仲有關東煮等等。食飽咗火鍋梗係要食甜品，自助軟雪糕、楊枝甘露、十勝紅豆豆腐花等等，真正大滿足。

餐廳位於九龍灣，鄰近地鐵站方便快捷，這間餐廳主打的就是日式火鍋，這裏等是任飲任食。剛好碰到牛気十周年，牛気充天，品嚐牛肉的好去處，絕對是一家性價比極高的餐廳。這天和朋友一同前來，我們挑選了鴛鴦湯底，蝦湯底，驚喜萬分，濃郁的蝦味，牛肉配搭起來，又有另一番味道。火鍋放題任飲任食，絕對是大胃王的天堂。這裏的熟食也很很不錯，當中令我最驚喜的就是咖喱牛腩，放題式的咖喱牛腩，最重要味道也很不錯。放題甜品選擇也有很多，更有自助軟雪糕，但令我最意想不到的更能自助製作棉花糖。

朋友一直都係火鍋愛好者呢晚又去左佢最愛嘅牛氣總共有6個LV可供選擇今次揀咗LV.4 澳洲穀飼黑安格斯牛+SRF美國極黑牛放題＋海鮮放題揀左北海道昆布清湯鐘意佢清清地，配蔬菜同肉類都非常適合啱晒一眾食肉獸，有澳洲穀飼黑安格斯牛，SRF美國極黑牛，特選牛小排，PRIME美國肩胛肉眼，穀飼牛肩肉，牛舌，精選雞腿肉包、特選豚肉SRF 極黑牛同澳洲黑安格斯牛切得薄而均勻，牛味香濃，入口即化！特選牛小排 同 PRIME 美國肉眼 油脂豐富海鮮有帆立貝、花膠、大蝦、墨魚滑日本帆立貝 同 大海蝦 新鮮彈牙，花膠 膠質豐富，三文魚刺身好新鮮多面自助區有唔少火鍋料，熟食，甜品，飲品等等最驚喜是水耕菜，特別新鮮爽甜期間限定 - 黃金蒜香生蠔估唔到又幾好食十週年驚喜堂食後係社交平台 上傳照片並 tag 牛氣，即可獲 牛気御守，精緻又有心思

喱間任食邊爐一直都係我同朋友既飯堂今次再來既時候發現原來牛気已經十週年！仲有d十週年活動。之前去開其他分店，今次來九龍灣，店面好光猛好新凈！我地今次係晚市LV4 黑安格斯牛＋SRF極黑牛海鮮放題，湯底叫左鴛鴦鍋（昆布湯+黑蒜豚骨湯）。除左可以手機落單叫海鮮/牛肉等等既野食之外，出面都仲有好多配料同野食可以夾！無論係食物甜品定野飲都真係超級多種類！推薦大家試下喱個烏冬，好有心係日本直送，同平時食開既烏冬唔同，煙韌韌好好食！我地叫左勁多牛，真係牛気充天！牛既質素好好，肥瘦均勻，選擇又多，有好多唔同部位既牛揀！除左牛之外，海鮮都好值得食！蝦好大隻，海鮮又新鮮，仲要係無限任食，超級抵食！最後結尾緊係唔少得甜品，甜品都有好多選擇，仲有雪糕，豆腐花…….！而且d甜品都唔馬虎，唔會太甜！岩曬我地既口味！

呢排真係不得了！小編去咗牛頭角淘大商場1期嘅「牛気」幫襯，適逢佢哋十周年推出嘅【烚年】期間限定主題美食，真係食到滿足又開心～🥳😋首先講到食牛牛，你絕對唔可以錯過佢哋嘅和牛盲盒！A4級嘅日本和牛肩胛肉眼，熊本、宮崎、鹿兒島、京都輪替出場，每一口都係極致嘅鮮嫩多汁，入口即化，真係令人食咗一口又一口，停唔到口！🤤🐄仲有清燉牛尾湯，湯底鮮甜有層次，飲完暖晒個心。😌至於港式情懷，真係充滿香港人嘅集體回憶！辣酒煮黃金螺香辣惹味，臘味糯米飯粒粒分明又入味，玫瑰雪燕蛋撻香甜鬆化，啖啖都係幸福嘅滋味。🍛🥮最後，雞蛋仔味雪糕真係俾小編一個大驚喜，香濃蛋香配上綿密口感，一試難忘！🍦而湯底方面，「味噌海老塩湯」期間限定免費升級，鹹香帶海鮮味，配埋LV4套餐嘅蒜蓉焗生蠔(微辛)，微辣刺激味蕾，令人胃口大開！🦪🔥整體嚟講，「牛気充天」果然名不虛傳，無論係和牛質素、海鮮鮮度定係創意菜式，每一樣都做得出色！✨十周年主題菜式絕對值得一試💨

今日中午去打邊爐，揀咗間午市套餐加自助吧，$100有找任食60分鐘，性價比真係幾高！自助吧勁多嘢揀，熟食甜品，蔬菜、丸類、響鈴、即食麵都係任夾唔嬲，仲有汽水、雪糕任飲任食～湯底揀咗麻辣同豬骨，雖然唔算超濃郁，但都夠味。最正係丸類冇雪藏味，響鈴浸湯3秒仲脆口！呢個價錢食到咁多款，抵食到爆，大胃王同慳錢族必試！👏

下午五時前吃……若只是吃牛肉套餐好啲！ 😙我哋有玩吓部綿花糖機，雪糕機。講到嘢食 、若吃牛肉就可以嘅，但係海鮮就不合格👎！ 可惜我哋就係揀咗牛肉+海鮮套餐＇，😅😩🤪試咗至知唔掂，若要吃海鮮🦞揀同商場另一間好好多！呢到蝦唔大隻、蠔唔好食 、魷魚、花膠冇乜味，蠔仲好似唔新鮮😅😅🌽蔬菜款式不多 ，但牛肉就ok 比起同商場另一間， 總括若想吃牛肉就「牛氣」若海鮮就我以同一商場評論兩個飲料也多選擇，不過💢牛氣 啤酒就……好似另外加錢

最近途經九龍灣淘大商場都見到有間新餐廳《牛気》，呢間餐廳嘅裝修好日系好靚，座位都好寬闊🥰🥰 原來最近仲係「牛気十周年」添！我同朋友食嘅係Lv5: 澳洲極上和牛 + 海鮮放題，有超多款牛肉同海鮮任食🤩🤩 當然都有各種火鍋材料，例如丸類、滑類、餃類、蔬菜類等🥬 亦都有主食、熟食🍲、甜品🍧，選擇超豐富！肉類🥩肉類最正嘅有澳洲極上和牛、日本熊本縣黑毛和牛、Prime美國肩胛肉眼🐮⋯呢度每一份肉都超大份，毫不吝嗇！牛肉雪花又靚又香🤤🤤 除咗牛肉，當然亦都有雞肉等其他肉類喇🤭🤭海鮮🦞海鮮方面選擇都超多！有魚🐠、大蝦🦐、鮑魚、蠔🦪、帆立貝、魷魚🦑等等，肥美又新鮮～ 仲有蝦滑、墨魚滑都好正🙌🏻其他🍥呢度仲有三文魚刺身🍣、關東煮🍢、天婦羅及炸物🍤、多款甜品🍮、自製雪糕🍦及豆腐花、多款飲品🥤等等，應有盡有㗎😍👏🏻

牛気不嬲都唔錯，今次揀咗Level 4，$338/位 除咗澳洲安格斯牛、牛小排、美國極黑牛之外，最大嘅賣點係海鮮，海蝦、青口、帆立貝、花膠等等，仲包括三文魚刺身！原來牛気已經10周年，而家仲做緊一個叫做牛気沖天既活動，累積消費可以換$5000日本旅遊禮券今次我最欣賞嘅係佢prime美國肩胛肉眼，花紋勁靚，牛味勁香，肉質鮮嫩佢仲可以有三款迷你丼選擇，包括吉列炸蠔、吞拿魚腩同明太子三文魚，雖然佢話係丼，其實係壽司size，食材都非常新鮮，到都忍唔住encore咗出面自助區當然飲品選擇非常之多，雪糕就有軟雪糕機有兩款口味選擇，當天款式係牛奶同雞蛋仔味，最特別竟然佢有棉花糖機，真係重拾童真蔬菜同埋配料款式都唔少，公仔麵竟然有出前一丁麻油味同豬骨濃湯味，日本烏冬及拉麵佢哋仲有自家製甜品包括芝士蛋糕朱古力大福，仲有焦糖燉蛋㖭！水準都真係keep到

📍牛気 – 十週年限定火鍋盛宴🔥🍲最近去咗 牛気 LV4火鍋放題，食材選擇豐富，環境氛圍超正，加上十週年限定紀念品，真係一場味覺同視覺嘅享受！😋🎉🐄 肉類選擇 LV4火鍋有 澳洲M7和牛、美國安格斯牛肩胛、特選牛舌 等等，牛肉油脂分布勻稱，輕涮幾下入口即溶，特別推介 和牛，牛味濃郁，肉質細膩，入口即化！🍣 海鮮拼盤 海鮮選擇同樣出色，包括 三文魚刺身、虎蝦、帶子、青口、魷魚鬚，全部新鮮爽口，刺身切得夠厚，入口鮮甜，鍾意食海鮮嘅朋友一定滿足！🍲 火鍋配料 火鍋湯底選擇多，我揀咗 壽喜燒湯底，簡單清甜，最啱帶出食材原汁原味。另外，仲有 手工墨魚滑、竹笙蝦滑、牛丸、黃金蒸香生蠔，全部口感彈牙，啖啖鮮味。🎁 十週年驚喜 特別驚喜係 牛気十週年限定紀念品，有 御守+可愛牛型鎖匙扣，打卡一流📸，又多個小紀念品可以收藏！

一向都係打邊爐粉絲，今日有事慶祝，都係諗起打邊爐。知道九龍灣有新店就去試下。新店係光猛啲，樣樣都乾淨啲，職員服務態度好。多食物飲品選擇，牛肉都好新鮮，開心有綿花糖自己整。有新味雪糕，雞蛋仔味，淡淡地，都幾得意。

今日去咗牛気係有九龍灣嘅新分店，食豐富嘅 Lv4澳洲穀飼黑安格斯牛🐄 + SRF 美國極黑牛放題🐄 + 海鮮放題🐟🦐🦑，仲包咗任食挪威三文魚刺身！我地揀左海老味噌湯🦐，同埋壽喜燒湯底，兩隻湯底都唔錯。澳洲穀飼黑安格斯牛真係好好食，而且重牛味，SRF 美國極黑牛都好高質和嫰滑，其他各款牛肉都好新鮮，肉質好靚好滑🐄，仲有就係海鮮😍，大海蝦🦐，日本帆立貝，青口，花膠，墨魚滑等等都係任食，真係大滿意。除咗肉類，黃金鮮蝦球💛🦐、牛骨髓都好正，自助區都好豐富，蔬菜新鮮，另外仲有十周年新推出的雞蛋仔味雪糕，有好多配料可以加落去呀🥰。P.s. 牛気最近做緊十周年推廣，有一系列牛氣充天優惠，有機會贏取日本旅遊禮券，尋晚仲做緊推廣真係要幫襯下。

牛気 @ 牛頭角今日又凍又落雨…放題打邊爐是個唔錯的選擇…最緊要價錢封左頂😌😌今次係咁2揀左個有SRF牛肉既餐…湯底選擇店員推介人氣牛肉清湯等緊期間試左關東煮同埋咖哩牛腩…可以填補等待既空虛感牛肉清湯望落都幾清下…所以即刻攞d粟米…蕃茄…南瓜點綴下牛肉好快就到左。呢個餐d牛肉質素都唔錯…而且每一輪都保持到水準…安格斯…SRF…最鍾意係SRF, 有肉味之餘…牛肉有質感d…除左牛牛…豚肉都幾好味肉類外…海鮮就有me最愛既大海蝦。肉質實淨彈牙。encore左幾轉…愛蝦的me當然試埋蝦滑…呢個都唔錯…好似唧得出黎既蝦咁🤣🤣🤣見到好多蝦肉…海參都唔錯…好爽口雖然細條dd其他火鍋配類都咁上下…蔬菜選擇都幾多…同望落幾新鮮最尾DIY綿花糖最後要讚下靚靚店員…佢見我地離開時落大雨…好窩心送上牛氣遮遮。實在太滾動#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblo