牛極 (通菜街)

营业中

休息中

今日無咩做就自己一個去食飯飯，唔想一個人的浪漫都係去元氣食壽司，今次去左旺角食牛扒，就試下呢間熱石牛扒。一入門口就要叫左先，用點餐機買的，叫左個牛肩肉眼分左g數100克，200克，300克同400克，毛就叫左同300克黎食。熱石牛扒一成熟上，之後等佢慢慢煎熟佢至4、5成熟就岩岩好。整體都唔錯，下次可以試下和牛扒先

是日和老公去旺角買波鞋，見到呢間自助日式石燒牛店就話入去見識下！見價錢唔貴就坐低一嚐新式既日式燒牛！自動販賣機都幾易操作，幾新奇！我們選了牛肩肉眼180g 及牛柳 200g 。餐廳有自助bar 沙律、飯、湯及檸水🍴眼見佢地沙律、熱湯同水fill得幾密，服務唔錯👍🏻🔸牛肩肉眼 180g ＄80都幾大塊同厚身，他們盛出來只有一成熟的！要自行切件在石上燒到五至六成熟食用，牛肉上面放有蒜片，抬上放有黑椒及岩鹽調味，牛肩肉好香，估計燒到五成熟倒，我們巳急不及待食了😋肉質嫩無根而且啖啖肉又腍身，肉眼比牛柳肉質結實一點的👍🏻好食！🔸牛柳 200g ＄120牛柳肉質腍身，簡單用黑椒調味巳好出牛味！個人較喜歡牛柳的口感，牛柳肉juicy比較容易燒😋🍴蒜+黑椒簡簡單單就很好食 ！以平民價錢食到呢個質素，真的很不錯喔！一定會再去食呢😋😋😋

這間食熱石牛排最平$80就有交易，餐湯沙律白飯都是任食，好抵🤩我選了牛肩排 180g，很大塊，一個女生勉強食得完。牛扒一上枱滋滋聲，感受到正在煎🤣牛扒本來是一成熟，我最愛吃偏生的牛肉，正合我口味🥰但想食熟點又可以煎耐點一咬下去很香牛味，雖然油脂較少，但仍肉質軟腍，配沙律白飯也很搭。醬料有蒜蓉、辣醬和燒汁，單吃牛肉不點醬也好吃，能較吃到牛味。沙律有牛肉湯像是較淡的羅宋湯，也好喝。這個價錢吃到這種質素的牛扒是超值！

呢間野我bookmark左好一陣子架啦！因為白飯沙律菜湯任添，感覺會幾飽，所以唔去到好肚餓我都唔會揀黎食！佢都幾好，係自己添，唔洗怕尷尬添完又添！添位置有點迫，不過等一等就可以啦！沙律菜有芝麻醬，個醬ok ga唔係溝好多水，好味！湯超有驚喜，牛尾羅宋湯，好香牛尾～足料，一定撈到牛尾肉食！建議唔你唔係一裝即飲唔洗心急一早裝！因為湯永遠熱飲最好飲，但係冷氣有d大，所以唔好急！我地一人一份，一個澳洲肉眼，一個牛柳，叫左最少gram數，我覺得如果你唔係大肥仔或超大食叫個最少已經夠啦！你估下邊隻好食d?我當初以為有內戈眼兩隻字冇死，點知冇味，咬口麻麻...反而牛柳咁普通，諗住得個腍字，竟然幾香牛肉味！不過個蒜片有d硬痴牙！冇問題嘅，我覺得牛柳食得過，肉眼唔推介！！

話說人世間最慘嘅事就係…畀人放飛機~喺旺角街頭行嚟行去，一條友都唔知食乜，有啲down都係想食啲肉畀番啲正能量自己，上網搵下就決定嚟牛極試一試…其實呢個石燒牛近年喺香港就好hit，不過我都未好正式咁食過，以前石燒牛肉都係屬於高級餐廳專有…間shop係女人街入面，一拉開閘門嗰陣牛肉香味已經即刻攻出來，跟日本方式喺售賣機入錢攞飛坐低等食；因為係試下嘅心態，所以都冇叫佢啲貴價牛肉，牛肩肉眼應該係比較穩陣~起碼肉眼唔會係又硬又韌…通常；飯湯沙律都係自助，喺等牛嘅時候先每樣攞咗少少畀自己，中規中矩不過不失；無耐牛就已經上枱喇~件牛扒應該本身上嚟係一成熟嘅，因為想咩都試下所以先將半件切開細件整個well done， 牛肉幾霖不過牛肉味就唔算好重，有少少筋~但係對得住價錢，講真茶記啲肉鬆粉牛扒都要呢個價啦，另外有蒜有個類似韓國辣醬同埋亦都有牛肉汁三樣調味可以用，我試完welldone再切少少出嚟整個medium剩低嗰件晾起佢~留個三成熟，本人覺得medium rare同medium係最夾呢件肉嘅~食完一大嚿肉個人心情都舒暢啲…放飛機算數啦！

.今日黎咗旺角行行下街肚餓見到有間石燒牛——牛極見上網評價唔錯，就入去試試👅一入到去就見到指示牌教我哋叫嘢食嘅流程：👀首先會見到呢部自助購物機，揀好食咩之後就俾張飛個職員，佢就會幫你安排入座，準備開餐😋我地兩個人叫左一個200g既肉眼同埋200g既牛柳🥩野食未黎之前，可以去個minibar度拎啲野食食住先🍽有任食沙律，日本飯，牛肉湯。沙律（4/5）：🥗沙律係椰菜絲，有胡麻同埋柚子汁提供。毫無疑問係胡麻出色啲。可能因為我本身好鍾意食胡麻。至於椰菜都幾新鮮。極體唔錯，又有得比客人自己選擇口味，幾細心。牛肉湯（4/5）：🍲牛肉湯比較似羅宋湯，好足料，牛肉好多，而且入口一d都唔韌，夠曬濃味。日本飯（4/5）：🍚依度有無限量日本珍珠米供應，煮得岩岩好，唔會煮過龍，飯既溫度都keep到熱辣辣。肉眼（4/5）$110 ：200g份量已經好足夠，上枱嘅時候肉眼係燒到一成熟，然後自己可以再切開佢慢慢燒到岩自己嘅熟成度，如果塊石板唔夠熱仲可以免費換，好細心🤪。肉眼牛味濃，唔會太韌，相當唔錯😋牛柳（4.5/5）$110 ：本身以為牛柳應該會比肉眼略欠一籌，點知牛

今日同朋友食飯搵左個中間位就去左旺角嘅牛極食火山石燒🔥近期好似好流行，但我一次都未食過。牛極就有唔同部位嘅牛燒嘅，我就叫左一個有齊所有部位同一舊牛肩。牛肩嘅口感有啲硬，唔知係咪我切得唔好定燒得太耐，但唔太推介。相反，有齊所有部位嘅比較抵食同好食，肉質會嫩口啲

窮遊香港-人氣日式石燒牛扒👍🏻即刻like同follow @hkfunfoodrecord先啦.今日講呢間 一開業到依家都大排長龍搞到次次試唔到難得下午茶行過竟然唔洗排 即刻試試大為好評😍.呢間店幾特別 首先係自助點餐機落單有平有貴 最平$80就有牛肩排180g‼️店員建議 想重肉味可選擇牛肩排如果想軟霖既建議牛柳等入坐 入坐後 可以先去自助吧拎野食先沙律 米飯 湯 水 醬料都可以係出面任拎 加分（有柚子 麻醬 燒汁 辣汁 蒜蓉）.大概5分鐘我都未影完餐廳相 牛扒就到 勁快一上台 有餐紙蓋住 （防止油彈到你）再過5分鐘 到我影完相 再錄片都仲有煙出 jar jar聲🙈.質素方面 呢間出品係一成熟可以自己控制煮幾成熟而肉汁方面 因為係原條牛柳上肉汁比平時既牛扒多同埋牛柳 肉質真係幾軟 我鐘意.整體抵食 難怪咁多人排隊環境整體乾淨 但唯一 可以改善既係 台有小小油 始終鐵板類都大油煙同埋店員冇主動提供 圍巾（佢地食緊飯😭）⭐️推介 有機會 會再去😍.#牛極 (旺角)地址：旺角通菜街78號地舖.⭐️評分：味道：5/5環境：3.5/5 台小油服務：4/5 店員有主動建的食咩抵食：4.5/5.‼️想睇更

今日午餐同朋友係旺角揀左呢間牛極熱石牛試試，坊間呢排越開越多這類半自助熱石牛肉店，請少助伙記減輕成本可以回饋食客，食牛肩肉大大嚿180g（$80）抵食上枱時連熱石板才一成熟(rare) 靠自己切細件自己按自己食法决定幾多成熟，肉質鮮嫰充滿牛肉味，因為係牛肩肉關係，有筋位食落好有咬口。牛柳200g（$110）上枱時好大嚿，好夠份量，一樣切開一件件自己用熱石之熱力弄熟，好有牛肉味又有肉汁，完全大滿足，值得推介及回頭，愛吃牛嘅朋友一定要嚟試試。

同上次一樣都係食鐵板牛不過今次價錢就平一半有多呢間係女人街街附近既牛極我見一次食一次好似有200G 300G揀都係相差10幾廿蚊叫左個200G一上黎個板好熱慢慢煮熟佢但原來太厚，就塊板煮到凍都未熟好彩可以換板$8X真係好抵食湯+飯+沙津都任食推薦!!!!

㩒演唱會飛㩒到差不多兩點都唔成功，好沮喪，就call阿媽去食個late lunch。阿媽話好肚餓，就帶佢去牛極食牛扒（半放題）。一共有六款唔同既牛扒選擇，每款有三種唔同重量揀！點餐係用自助點餐機，好方便好日式！店內唔算太大，簡單日式的裝修，令客人坐得舒適！自助區有米飯，湯，沙律，水，醬料，食幾多自己攞幾多！飯係用珍珠米，好軟綿綿；湯是牛肉湯，但有d似羅宋湯；沙律新鮮，加埋柚子沙律汁，好清新令人開胃。牛柳200g （$110）牛肉味好濃，肉質勁淋，自己又可以控制牛柳幾成熟。牛肩肉眼180g （$80）牛肉味濃郁，肉質比牛柳實一些，當然唔會韌。以呢個價錢食到呢種牛扒，絕對超值！

間鋪寫到明咖啦，人齊先入得啦。入到去係部機入完幣買好哂野先可以入去坐。泥呢度食左個澳洲牛仔肉眼扒同牛肩肉眼 好似相差$40蚊左右。表示想食肉味濃的，但店員就表示係澳洲牛，但食完比較過後 我地一致同意其實 牛肩肉眼 先係仲平仲濃味。雖然佢嘅飯同沙律同埋湯係任添，但佢既飯好硬，個湯就似牛尾湯有一片片既牛肉都甘筍，而佢個沙律係一絲絲既，都幾好，撈少少汁就好開胃。 但佢refill嘅速度都好慢, 佢自由水添既醬汁有辣醬 生蒜泥同埋燒汁 全部都好一般。最唔滿意係店員，送餐泥講肉眼邊個？兩份都係肉眼 又有紙巾遮住 唔多清楚你指緊邊隻肉眼啊？ 就係禁需要交換返，個店員就係度有聲氣，同埋唔清楚自己既產品比錯資料食客

之前係網上見過介紹深水埗‘牛極’大排長龍，一直都好想去試。原來旺角都有分店，而且近公司，今日就同同事一齊去食lunch。點菜方式好似日本d拉麵店咁，係用門口部自動售票機，選擇自己想食既部位同份量。購票完成左之後，店員會安排座位，大約10分鐘後火山石燒牛扒就送到你面前。牛扒價錢由$80-$350不等，我選擇左牛肩肉眼 180g。餐廳仲提供任食沙律，白飯同湯有幾款唔同嘅醬料，蒜蓉，韓式辣醬，自家製燒汁等，配合自己嘅口味點牛肉食。另外牛肉湯味道濃郁，配搭蔬菜同蕃茄酸甜開胃。而配合沙律同牛肉一齊食感覺冇咁油膩。牛扒上枱嘅時候會用紙巾蓋住，好貼心唔怕會比油彈親，餐廳仲提供圍裙。餐廳會先將牛肉輕輕燒過後再提供給客人，將牛扒切成小塊係熱石上燒，按自己喜好烹調至適合熟成度。如熱石熱力不足可以通知店員更換石板，服務十分貼心。牛肩眼肉唔會有太多油脂，肉質鮮嫩富有口感。總括嚟講，唔使$100食到呢個質素嘅牛扒，十分抵。

平時夜晚見到好多人排隊，今日見晏晝人少少唔使排隊入去食。一入去自助購票， 一個餐本身已經包晒其他野，包括：餐湯、前菜、白飯，全部都任食。先講個蕃茄濃湯，好夠蕃茄味，酸味味，好開胃！另外，沙律都有兩個醬汁，有一個係係醋一個係芝麻醬，方便客人自己調配！.今次叫咗兩份唔同嘅牛，200g 西冷同牛柳。上菜時份牛只有1成熟，鐵板嘅熱力好夠熱極速幫你煮熟，建議唔好放太正中間。兩份牛都好大份，比想像中多，好厚肉。牛柳相比起西冷夠淋身，味道不錯👍🏻.另外，兩款上菜時都好貼心攞紙巾遮住防止彈油，另外店員仲派咗圍裙俾我哋遮住件衫添💗

之前已經試過鐵板牛扒，但今次呢一間比到我驚喜。首先呢度嘅裝修好舒服，播住日本音樂感覺令人好輕鬆寫意。餐廳環境好乾淨好光猛，店員亦都好有禮貌。我同朋友兩個唔算好大食，我點左一個180安士牛肩眼扒，朋友就叫咗一個200安士嘅牛柳。呢間係自助形式扒房，我哋拎好湯、飯同調味料就開動喇！首先個日式牛肉湯好好味，我哋兩個飲完都忍唔住要再添飲！個飯都軟硬適中，好有飯香。跟住到主菜喇，我個牛肩眼扒幾有牛味同口感，自己控制生熟程度，令我食到真正medium 嘅牛扒，真係正！朋友嘅牛柳唔使講就更加嫩滑，又係好正！下次會帶屋企人嚟食下呢間性價比咁高嘅扒房！