牛棚 (已結業)

去到旺角太子一帶，真的不愁沒嘢食，只是選擇太多，不知道去哪裏吃才是重點。在太子花園街兩旁都有不少食肆，競爭都很大，行了一圈，剛好經過牛棚門口，正看著餐牌有什麼吃，門口阿姐即熱情地說，下午茶送豆漿，反正未吃過這間餐廳，便試試這間牛棚。五香牛三寶河（$38）老闆極力推薦吃這個牛三寶河，三寶包括牛腩，牛筋和牛肚，先說湯底，極濃的牛肉味滲著點點的五香味，牛腩很稔滑，牛筋炆得恰到好處，食落有點煙靱又帶點彈性，金錢肚稔得來帶點爽，真是極好的介紹。肥牛河（$32)我本想叫肥腩河，但口快快叫錯咗肥牛河，上了枱，才知自己説錯了，唯有照食，但肥牛就一般，有的靭，河粉則很滑。豆漿（免費）下午茶免費，除此之外跟粉麫則加$7。

牛肚好食，份量夠多，放生菜好過菜心，河粉夠滑，價錢合理，廚師靚仔。對面個碗唔無知，但我朋友食哂。不過我去廁所個時，打開門原來是後巷。。。有隻瘦小動物經過。。。就這樣

開張左幾年食過七八次其實都幾好食而且價錢合理唔知點解好似次次都唔駛等位仲有呀姐係街度叫人入去食野今日黎快食晚餐入到去先知原來而家2pm-6pm做埋下午茶即係叫麵就送杯豆漿但係我入店入面係完全見唔到有牌寫住詳情大家就問返侍應啦今次叫牛腩米食牛腩份量比以往少左但脂肪比例均衡唔會好多肥膏食唔到早食晚飯關係叫左少米份量剛剛好仲有兩條生菜食下豆漿係樽裝豆漿倒出黎豆味一般PS：呢度冷氣好勁

第一次來吃牛腩麵，是想支持李尚正。可是整個體驗有點失望。牛腩像厚切的牛肉，麵普通。可是店裡看見幾個紅色的膠桶就感覺不好。地面有些水，差一些滑到。有一位侍應生說她是做樓面，清潔跟她沒有關係。如果員工工作不開心，不應該留她在店裏。

每個星期我都會抽時間去做運動 做下GYM咁都巿人屈埋係個角落到玩手機 又或者坐係OFFICE唔見天日咁樣我都好快會謝晒皮.......咁當然做完辛苦野緊係唔可以比自己咁差既待遇行過花園街咪諗住午餐食好少少啦見到有間牛棚 聲稱牛至尊咁樣咪入去試下囉午餐 牛蹍飯餐 有湯有菜有飯又有野飲 48蚊既價錢我又覺得可以接受大熱天時做完運動 凍檸茶大啖飲真係幾爽雖然檸檬三片只係正常程度 但唔苦唔過濃都算過得去講真 就堅大碟菜既 佢有芥蘭 菜心 生菜揀我揀左生菜 佢成個生菜咁既比晒我 真係多謝晒!!......主角係佢 牛蹍 不過都幾失望好乾既外貎我都知唔會好JUICY 但估唔到係乾到"鞋"佢唔算係好UN 不過味道偏淡味 而且又無乜彈性佢用左清湯腩既做法 但得唔到預期既效果飯係多呀....但綠葉再強都難以協同個主角有進步空間......佢成間都係食牛 唔理邊樣係招牌菜 但同牛有關既都應該要處理得好既

衣加食個午餐一啲都唔平，喐啲都成$50-$60。但係肚餓就要食𠺢喇！叫左牛展飯餐（$48）凍飲加$2主角牛展有啲「鞋」，我比較喜歡淋啲，不過有好多舊。啲腩汗比較清，如果諗住用黎撈飯可能差少少味！油菜選擇左菜心，幾好食，不過淋左啲！例湯有啲鹹。杯凍奶茶好滿意，大大杯，茶味足，正常茶餐廳奶茶！又有油菜，又有例湯，超多野食，大大碟，堂堂大男人食完飽到上心口！大滿足！

牛雜河粉，都陪伴著我十多年了，由新蒲崗嘅成記，同觀塘嘅合興，都好少幫襯其他。今日經過太子花園街，本應幫襯榮記，路經有間叫牛棚嘅粉面檔，俾個名吸引左入去試下，牛棚，明顯主打牛啦！我心諗。所以一家5口子，叫左3個牛雜，賣相都可以，食落亦入味，牛雜亦夠林，整體都可以。不過，食到牛腸，嘩！苦嘅，阿仔話應該唔食得，係！我都係第一次食到苦嘅牛腸，於是搵服務員處理。失望.......態度，處理嘅過程，都要積極的改善空間。

行過見到下面個招牌，睇落好好味咁，見有啲餓就試下佢啦！環境格局企理光猛。既然係被招牌吸引，梗係要叫牛三寶啦，筆者食麵，友人食河。牛腩一舊腍一舊鞋，估計加6蚊轉坑腩會正啲。牛筋又係一舊腍一舊爽喎，咁搞笑既。牛肚就腍腍軟咁。三寶整體算ok啦！ 呀，招牌明明話中藥配方，筆者就真係食唔出用左邊啲中藥喇，都好既，勁重中藥味既話(好似台灣牛肉麵一類) 並非筆者杯茶。湯底食落唔太咸。仲有辣油都係潮州麵食重要一環，呢到既辣油整得幾香，不過無乜"渣", 成罐幾乎都係油，撈得幾鬼辛苦先得碎碎咁多。。。另外口痕要左碟魚皮。依家似乎好多麵舖都係入一包包預先包裝既貨，呢到似乎都係一樣既貨源，味道正常。份量好多，但好碎味道不過不失，唔食無走寶，食下又無妨。

說起牛沙瓜這一個難得一食的牛肚部位，我一定會想起中環大排檔的《水記》。話說當年的於早上11點大叫要傳說每日只賣四碗的牛沙瓜麵時，震驚四方，連老板也要看看我是何方神聖才肯賣。咁難食到，所以我一直都很懷念這一個牛肚部位的。是日，太太及其閨蜜好友一起在花墟為佛堂買花，在附近等待而又未食 lunch 的我，就決定利用這一個小小的偷閒空間，食野。而我泊車的花園街太子段，我發現一間叫《牛棚》的麵店，而我入內再發現的，就是我夢想再食的牛沙瓜。這是一間令人感覺新派的中式麵店，整個製麵製食品的團隊都令人感覺年輕。雖如此，這店給人的感覺仍然是很正宗正統的麵店。看看餐牌，發現到這兒的食品不單只是麵，有飯食的，而且，說明了這是《牛棚》，餐牌中的大部份食品，都與牛有關，而我就看見了一個我既喜歡又熟識，也很懷念的名字。於是，我就立即問有沒有牛沙瓜，店員說有，就立即點下。牛沙瓜麵，就是很簡單平凡的一個廣東式牛麵，配有牛腩味的湯底，加上麵條十分之爽口，亦帶有輕量的梘水味，第一口的感覺就可以講俾我聽，這麵底同湯底都有水準。牛沙瓜來了，爽口，感覺有層次就是牛沙瓜給我的感覺。雖然，質感有點像豬肚，但味道比起豬肚直頭是更濃更

晚上下班回香港去看醫生，也是在醫生附近的地方找吃，今天很想吃牛腩和魚皮，看見這新開的牛棚，便決定入內一試。牛棚，真的沒有讓你失望，味道確實做的好吃，地方需不大，也能坐10多人，都算坐的舒服。價錢但有點偏貴，這餐粉麵沒飲品要HKD50，但味道確實不錯，貴一點都值得。*****************看完醫生想去找吃，看見開了間新的粉麵店，走去看看，食牛腩麵都好，決定入坐。最愛吃牛腩牛根麵，一間粉麵店，牛腩做得不好吃，其他都不用想了。除了牛腩，還要了一份油菜和魚皮。加HKD6便可以要一份細魚皮，如要大份便要加HKD12。魚皮也是我所愛吃的，但好吃的魚皮地方不多，有些魚皮做得好厚身，很硬咬。有些做得很咸，有些做得有魚腥味，所以好吃的只吃過幾間。牛腩牛根麵，HKD32。牛腩麵為HKD26，加HKD6可以多一款菜。麵底夠爽口，份量和正常一個麵底樣，不多也不少。牛腩炆得很入味，吃下時又夠腍。牛根入口很滑，最重要是牛腩汁夠香，無論吃下牛腩或牛根，或麵，都吃到牛腩汁的香濃，確實好吃。腐乳通菜，HKD12。很多粉麵店的油菜是很細份，但這裏的油菜也不少，份量也算多。通菜很新鮮，入口爽甜，配上腐乳是一絶。這

14/6期待已久的一天車車出院回家日醫生建議他晚上才走所以日間便跟車爸爸去行街街輕鬆下因為嚟緊日子我起碼要閉關一個月做貼身宮女服侍車少爺呢^0^,行街前當然要食午餐先啦好想食粉麵見到間叫牛棚顧名思義主打食牛雜好似唔錯就食呢間吧聽聞新蒲崗還有一店呢~佢哋D小食看似不錯尤其隻花椒滷豬手下次再去試下先得~ 睇見煲牛雜湯底好濃郁咁勁想食須然我唔食牛肉但牛肚,牛筋我會食架~牛三寶河$35有齊牛腩,牛筋同牛肚車爸爸對牛腩評價好不錯說肉質鬆軟富牛味,牛筋同牛肚我分別嚐了一件牛筋淋滑有咬口(最怕吃到淋pat pat)而牛肚炆得夠淋身亦入味價錢不貴質素甚高頗有驚喜~雲吞河$28湯頭味道不俗,雲吞小小一口好啱咀型呢內裡鮮蝦頗彈牙鮮味,唯一不合我意係河此家河粉比較3D入口略嫌不暢快而我就偏愛扁扁的那款河粉~

和太座路經太子找點吃,一看招牌簇新,又見服務員招手,就入內一試,看看菜牌發現坊間很少店舖會有的牛脷,嗜脷的我立即點碗牛脷牛肚河,太座就要了牛三寶米,牛脷份量適中,算厚身,味道不錯;牛三寶即牛肚、牛筋、牛腩,其實味道和其他牛什粉麵舖差不多,合格但未算有驚喜,下次可以去試吃牛沙瓜

問店員沙瓜是什麼？答我牛好細果嚿，之後走左去，即是乜嘢？咁都得？上google check原來係牛胃，好難答咩？只好叫D我知道嘅嘢，魚三寳河、牛腩河（加$6轉上等坑腩）熱奶茶和凍檸茶。魚三寳河一般貨式只得魚旦較有口感但湯底似滾水淡而無味，牛坑腩就入味唔硬都算好味，帶少少五香味較特別，但杯熱奶茶完全不能接受，係即冲立頓奶茶，「行」到離晒譜！之後加碗本地手切肥牛撈面，唸住二人一齊食叫店員攞一個碗仔，首先俾個女店員好寸咁勵咗一眼然後「坪」一聲放隻碗係枱面，使唔使咁惡呀？我嚟消費唔係嚟受氣㗎？有俾錢㗎！！雖然$123 一餐lunch唔算高，雖然D牛坑腩同肥牛有幾好味都好，但太子、旺角大把食牛腩的店鋪大把選擇，以後都唔會再消費！

店名有點特別, 可能讓一些不吃牛的食客郤步, 但其實店內不只供應牛食品, 還是魚蛋, 各類肉丸粉麵.到了牛棚, 當然不可不點最牛的 牛三寶 (牛肚. 牛筋. 牛腩).   以為三併的餸各樣份量也只是一點點, 那知所有餸舖滿了碗面,  河粉也有大半碗, 吃完真是捧著肚子走.  牛三寶全很入味, 牛腩鬆軟, 半肥瘦, 肥膏不算太多.  牛筋略為太軟, 沒有嚼勁.  湯頭很順喉, 不會死咸.  加上店員服務熊度好, 食物也來得很快, 一切順心. 印象良好, 下次再來試別的

 牛什面係香港愈黎愈少, 之前去過幾間都有其形但食落去怪怪地.今日第一次去太子附近食野, 見到牛什河入去試一下. 店主店員都好有禮貌, 而且感覺到係真心為客服務, 環境好好, 好乾淨, 坐得好舒服.我同屋企人叫左3個牛什河, 望落去平平無奇, 食落去...正!!!!!!牛什好香, 好入味, 而且湯底好夠味, 一流之作, 河粉咬落去彈牙而且條條都好長, 唔會一條條散開.Encore左, 結果3個人食左5大碗 26蚊一碗,好抵食!!!值得尊程去太子試試!試過難忘, 服務, 食物都超享受!門面照, 食既時候唔記得影相...